رواية سعوديه/ احباب في مقبره الحب الفصل الأربعون 40 - بقلم مارسلين

.

في الرياض الساعه 11:30
مجهزه أغراضها وكل شيء
خرجت عشان تتأكد إذا أبوها راح ولاباقي..وقفت في بداية الدرج وتطالع تحت يمين يسار وتشوف إذا أبوها فيه ولالا؟؟
خالد:خييييييير وش فيك كذا تطالعين مثل الحراميه؟؟
سحر:خلووّد..ابوي تحت ولا راح؟؟
خالد:لا تحت
سحر ببلاهه:خلوووّود بتوحشني
خالد:سحوّّووو بتوحشنيني
سحر:لااااااااااااااا اهى اهى
خالد:ههههههه اسمعي انتبهي لنفسك هناك ولاتروحين الشقه تراك كبيرتي مررره
سحر:انشاللـــه اوامر ثانيه..
خالد:وانا بتصل عليك لاتسفهني مفهوم وبتطمن عليك وإذا صار معاك شيء في الموضوع حق معاذ كلميني وقولي لي
سحر:انشالله..يلامع السلامه
خالد:مع السلامه
.........................................
في جـــــده
عند باب بيتهم واقفه....شكل البيت مخيف حاسه بوحشه فيه...وين نور بيتهم وين الحياة اللي كانت فيه...وين الحفلات وين الجمعات وين السهرات وين المخاصمات وين ووين ووين...
فتحت باب الفيلا بهدوء ودخلت كان الصمت يعم البيت..
رمت عبايتها عالكنبه وبصوت مرتجف:ربيبه
تحاول تتصنع الجمود والقوه لكن موقادره
ربيبه:مس سهر اهلا كيف هال انت؟؟؟
سحر:غرفتي جاهزه؟؟
ربيبه:على تووووول احنا في جهز كل غرف
سحر:طيب انا بطلع انام ومابي احد يزعجني
ربيبه:حازر مس سحر
كانت تعاند نفسها وتطلع الدرج...دمعت عيونها مو مصدقه او مكذبه أن امها ماتت...راحت رجولها على غرفة أمها وفتحت الباب... كانت تفتح الباب بجنون وشوي وتكسره وكأنها تبغى تساعد أحد في الغرفه أو فيه شيء بالغرفه وتبغاه
صرخت بكل صوتها:ربيببببببببببببببه
طلعت ربيبه جري:نعم مس؟؟
سحر بجنون:مين قفل الباب؟؟؟؟
ربيبه:مستر مهمد....من زمان قفل باب الغرفه
سحر:لييييييه يقفله؟؟عطيني المفتاح الاسبير
ربيبه:مافي مفتاه اسبير
سحر:ربيبه لاتجننيني وعطيني المفتاح
ربيبه:مس انا مافي اكزب عليك انا من جد مافي عندي مفتاه
سحر:انقلعي من وجهي بسرعه
حاولت تفتح الباب بكل الطرق لكن......طاحت عند باب الغرفه واسندت راسها عالباب وبدأت تبكي وتفتكر آخــر أيامها معاها وكيف كانت زمان معاها رجعت لها الذاكره وكل الحلو والمر تمنته يرجع بس تشوف امها قدامهااا لو لثواني ترمي نفسها في حضنها....
.................................................. ...........
في الشرقيـه
محمد ماسك على راسه:.......
خالد قلبه يدق بسرعــه من الخوف:.....
عيســى همه همين المصيبه اللي على راسهم وسفرة سحر:....
محمد:عيسى جهز الطياره بسرعه
عيسى:ان شاء الله طال عمرك
خالد: (هذي نهاية الطمع والشجع....ياربي استر)
..............
بعد 3 ساعات
في عاصمـــ الرياض ــتنا
في بيت محمد الفهــد
عيسى:ماعندنا أي حل ثاني؟؟؟
محمد:لازم كل واحد فيكم يرجع لأهله...الحين كل واحد لازم يحمي نفسه
عيسى:انا قلت لك ياعم من زمان لاندخل في هذي القضيه ...صعبه ومابيدفع ثمنها غير حياتنا..
محمد:خلاص ياعيسى لافات الفوت ماينفع الصوت....إلا وين سحر؟؟
عيسى طالع في خالد:س س سافرت
محمد:نعم؟؟؟؟
خالد ماسك الضحكة:سافرت على جده اليوم في الصبح بعدنا
محمد عصب:مين سمح لها تسافر...؟؟؟اكيد انت ياخالد اكيد لعبت براسك وحجزت لها
خالد:لالالالالا وقسم بالله مالي دخل في اللي سوته...هذا عيسى
عيسى ساكت ومنزل راسه في الارض:...
محمد:عــيسى؟؟؟؟
عيسى:طال عمرك هي كذبت علي وقالت أن هي قالت لك ويوم أنا قلت لها ماقالي قالت يعني انا أكذب وكانت بتتصل عليك فخفت ان أكون نسيت...
محمد:انا أوريها ذي البنت ماينفع معاها غير الضرب
خالد:لا ياعم عاد كله ولا الضرب...
محمد:خالد انت مالك صلاح مفهوم؟؟؟لازم أروح لجده قبل مايوصلون لها الملاعين
خالد:أيـــــه صح
عيسى:انا بروح أجهز الطياره...
خالد:ياعم محمد تكفى لاتقسى على سحر كفايه اللي هي فيه
محمد:خالد لاتتدخل في تربيتي
خالد طنشه واتصل على سحر وفتح الاسبيكر
سحر بصوت مبحوح وباين أنها كانت تبكي:هلا
خالد:هلا فيك...وش فيك؟؟
سحر:مافيني شيء
خالد:إلا فيك
سحر:خلوووّد تكفى قفل عالموضوع ترى واصله حدي
خالد:لامابقفل حتى وتقولين لي وش فيك؟
سحر رجعت بكت:يعني وش فيني ياخالد؟؟؟جالسه بالبيت لوحدي وافتكر امي بكل مكان وش بيكون فيني غير كذا...أرجع البيت ومالقاها(((بكاء)))
خالد طالع في محمد:طيبـ خلاص هدي مايحتاج البكى عندي موضوع اهم
سحر وهي تمسح دموعها:وشو؟؟
خالد:أبوك درى بسفرتك...
سحر نطت من فوق السرير وبدأت تصارخ:كذاااااااب قول والله...وش سوى؟؟وش قال عني؟؟بيجي على جده؟؟خلووّد قول أنك تمزح بلييييييييز خلووّد واللي يفوقك قول أنك تمزح
خالد يطالع في محمد اللي انصدم من ردت فعل سحر يعني لذي الدرجه خايفه منه
خالد:لا ماكذب اتكلم من جد...
سحر بصوت خايف:ياويلي....طيب وش سوى؟؟اكيد قال خليها تروح قلعتها صح؟؟
خالد:لا طبعا عصبـ
سحر:يمممممممممه خلوّوّد ترى ببكي لاتمزح معي مو فايقه الحين...
خالد:والله إني مامزح معك وترى توعد فييييييييييك
سحر:آآآآآآآآآآآآآآ خلوّد بطل حركاتك ذي...طيب تفاهم معه وكلمه وقوله أي شيء بس لايكلمني ولا أبي أشوفه والله لايدفني حيه لاني ماسمعت كلامه
خالد:طيبـ عادي تكلمي معاه وقولي له انك مارتحتي بالرياض
سحر:خااااااااالد وكأنك ماتعرفه.....ياربي ياليت أني سمر على الاقل تقدر تتفاهم معه اما انا بس يقعد يتحكم فيني وانا أنفذ ولومانفذت يوديني ورى الشمس..
خالد:ههههههههههههه
سحر:أيـــه أضحك وأنت وش وراك غير الضحك..والله قلبي في رجلي..هو بيجي جده؟؟
محمد أشر لخالد بلاتقول:لامابيجي...
سحر:يعني بيكلمني....ولو كلمني بيقووول بسرعه انا حجزت لك طياره تعالي الحين
خالد:لالاماتوقع يسويها
سحر ضحكت ضحكة استهزاء:هههههه هذا الشيخ محمد الفهد ومافي احد يقله لا يعني الكل ينفذ وبس..
خالد:سحرطيب أنا بحاول واكلمه
سحر:تسوي فيني خيييييييييييير مابنساه لك طول العمر وياليت تقله لا يتصل علي ولا يكلمني ولا ابي منه شيء حتى فلوووس مابي منه بس يتركني في حالي
خالد:خلاص خلاص بلا هبل زايد...يلا أنا مشغول أكلمك بعدين
سحر:روح الله يعينك...باي
خالد:بااي
....
محمد مصدوم صدمه قويه من اللي سمعه من سحر...لذي الدرجه تخاف منه لا وفوق هذا كله تبيه يتركها يعني تكرهه..
خالد:ياعم انا ماتصلت وسمعتك كل هذا إلا أبيك تصحى من اللي أنت فيه..سحر تخاف منك بشكل مو طبيعي لدرجة انها تبعد عنك بس تهرب منك ومن تسلطك عليها...
محمد:خالد اطلع واقفل الباب..
خالد:انشالله..
محمد راح تفكيره ورجع لكيف كانت طريقته مع سحر...لحظه لحظه أصلا ماكان بينهم أي تواصل أو طريقه غير أنه يأمرها وبس وهي ماعليها إلا تنفذ وتقول حاضر ....فيه فرق كيف يعامل زياد كل الدلع له وسمر ماتسكت بالعكس تتكلم وتحاول تثبت وجهة نظرها أما سحر فكان يعتبرها أي احد من اللي عنده يشتغلون ودائما يشوفها عاقده حواجبها ونظرتها فيها غموض وحقد......ليه ماقد انتبه ان غموضها وحقدها كان يعبر عن مشاعرها اتجاهه ليه ماقد فكر أن سكوتها يدل على كرهها له...ليه ماقد انتبه ان لا هو ولا سلوى(الله يرحمها)اهتموا فيهاااا وشيء طبيعي يتحول عدم اهتمامهم لكره....
قاطع تفكيره صوت جواله(العائلي)
محمد:هلا يبه
زياد:يبه الحقني
محمد:خييييييير وش حصل؟؟
زياد:خذاها اخوها مني
محمد:ليش؟
زياد قال لأبوه السالفه من وإلى
محمد:لاحول ولاقوة إلا بالله انا ألقاها من فين ولا من فين...؟طيب أرجع للسعوديه وأنشالله تلاقيها قبلك في البيت
زياد:توعدني يايبه؟؟؟
محمد:طول عمري اعطيك اللي تبيه بيهون علي أرجعها لك..
زياد:تسلم يالغالي..يلا مع السلامه
محمد:في حفظ البارئ
...............................................
فــــي ج ـــدهـ
معاذ:سمر ممكن نتكلم؟؟
سمر تلعب بجوالها:تكلم
معاذ:سمر انا مليت من حياتنا....حنا متزوجين ومو متزوجين يعني مو معقوله إلا حنا فيه
سمر رمت جوالها عالجنب من زمان تنتظر هذي اللحظه:كويس أنك فتحت الموضوع لني انا بعد مليت...وبصراحه حنا ماننفع لبعض أبدا يعني مختلفين في كل شيء...وغير كذا أنت باقي متعلق بغيري
معاذ:أنا مو متعلق في غيرك...؟
سمر:لاتكذب على نفسك وعلي...كل شيء فيك يقول كذا
معاذ:مو موضوعنا
سمر:إلا موضوعنا يامعاذ وأنا بصراحه ماقدر أعيش مع واحد جالس معي وقلبه مع اختي
معاذ:انا سحر نسيتها من زمااااااااااااااااان
سمر وقفت:لاتكذب علي واللي صار بالرياض الساعه 4 ليل وش تسميه؟؟لما تقعد تخاصمها لانها تقعد مع خالد ولانها ولانها ولانها....وغير كذا صوركم اللي مع بعض اللي في بيت أهلك وتصوير الفيديو والاغاني..وش تسميه يامعاذ كره؟
معاذ مصدوم أنها عرفت:انا نسيتها لكن أنتي اللي خليتيها ترجع بحياتي...ماهتميتي فيني وغير كذا ماتعطيني وجه وعلى طول خارجه مع صديقاتك وأنا مو مهم بالنسبه لك انا مجرد زوجك اسم وبس
سمر:معاذ مايفيد كل هذا....خلاص خلينا ننهي كل شيء بيننا ومثل مادخلنا بالمعروف نخرج بالمعروف
معاذ بكذب يحاول:يعني ماتبينا نحل مشكلتنا
سمر:تبيها من نهايتها...نفسي عايفتك
معاذ انصدم:......انتي
قاطعهم صوت جوال سمر
سمر وهي معصبه:هلا
سحر:اعوذ بالله..وش فيك تصارخين؟؟
سمر:اخلصي وش تبين؟؟
سحر:أبي اقلك اني في جدهـ
سمر:كذااااااااااااااابه
سحر:وقسم بالله بس ابي منك النجده أنا جيت من دون مايدري ابوي ويوم دري قلب الدنيا هناك وأبيك تدقين عليه وتهدينه
سمر:يالمصلحه
سحر:ههههههههههه امون
سمر:هههههه طيب
سحر:تسلميلي يابشع اخت بالدنيا
سمر:ماااااااااالت يلا باااااااي خليني ادق عليه
سحر:باي
.....

بدون أي كلام بينهم دقت على ابوها على طووول
محمد:هلا
سمر:هلا بابا كيفك؟؟
محمد ببرود:الحمدلله كيفك انتي وكيف معاذ؟؟
سمر:حنا بخير...خير فيك شيء..؟
محمد:لا سلامتك....بغيتي شيء وأنا أبوك لاني مستعجل
سمر:أي والله بطلب طلب وماترديني..
محمد:اطلبيــ
سمر:دريت أن سحر جات جده
محمد:ايه
سمر:طيب تكفى لاتسوي لها شيء...خلاص إذا تبي راحتها أتركها تسوي إللي تبيه وصدقني هي فاهمه وعاقله وبتنتبه لنفسها
محمد:خلاص طيب
سمر:يلا مع السلامه
محمد:مع السلامه
..................
معاذ عرف أن سحر في جده ومن داخله طار من الفرح....
معاذ:ليه ماكلمتيه عالموضوع؟؟
سمر:صوته موبخير
معاذ:اهاااااا..طيبـ احسن شيء لان أنا ابيه يجي جده ونتفاهم معاه لآني مابي اخسره..
سمر: (ادري ماتبي تخسره عشان سحر) أهااا
.................................................. .
وصل ج ــده

محمد:اول شيء خليني اروح لمشوار وبعدها بروح للشركه..
طبعا راح للبيت أهل شذى..
حسين مو داري وش السالفه:المحامي محمد الفهد عندنا!!!!!!
محمد:السلام عليكم
حسين سلم عليه في يده وراسهـ:وعليكم السلام تومانور البيت والله..اتفضل اتفضل
دخل المجلس وجلسوا وجاء ناصر وكمل الباقي وقعد يسلم ويرحب لما ماطفشواااا
محمد:اكيد مستغربين ليش جيت...اكيد تعرفون واحد اسمه زياد(الصدمه على وجههم)
حسين بغضب:شوف يااستاذ محمد إذا جاي عشان تصلح فأنا اقولك من الحين حنا موساكتين على حقنا ومابنسكت لهـ..
محمد قاطعه:انا جيت مو أصلح لزياد أنا جيت عشان زياد الفهد
ناصر:ز ز زياد وووولدك!!!
حسين:!!!!!!!!!!!
محمد:انا أبي أعرف ليش أخذتوها منهـ....يعني هو لما جاء وبيصلح غلطته تغلطون غلطه اكبر من غلطته..
حسين يتأتي في الكلام:شوووف ياأستاذ محمد أ أ أ أنت ماترضاها على أحد من من من من(بلع ريقه) بناتك..
محمد:طبعااااااا لاااااا......شوفوا أنا جيت وبقولكم هي بدون لف ودوران...زوجوا بنتكم لولدي أولا عشان ماتنفضحون قدام الناس وثانيا ماحد بيستر عليها بالعكس الموضوع بينقلب ضدهااا والرجال مايعيبه شيء...وحنا بنعطيكم مهر نص مليوون
ناصر وحسين:!!!!!!!!!!!!!!!!!!!!!!!!
حسين يتصنع الثقل:لالالا ذي كبيره في حقنا....أختي يضيع حقها وحنا نتفرج آسفييييين
محمد قلب للجد قام ووقف:عاد شوف أنا عطيتكم هي من الآخر لكن أنتم ماتبون..ويكون في علمكم ترى هذا بيضركم مابيضرني لأني بأقدر أطلع ولدي مثل الشعره من العجين وأنتم بتروحون فيهااااا....أبـــي منكم الرد باكر في الصباح ياموافقين عالنص مليون أو تبدأون الحرب معي وتأكدوا أنكم مانتم قــدي أبد..
خرج وخرجوا البودي قارد كلهم وراه..
..........
حسين:والله مو سهل الرجال وهو صادق حنا مو قده
ناصر:لاتقول كذاا حنا قدها وقدود
حسين:تضحك على مين انت ووجهك....وبعدين وش نبي أكثر من كذا نص مليون جات عندنا بارده مبرده بدون مانتعب عليها..(ناصر بدأ يقتنع بكلامه)لااااااا وفوق هذا شوف النسيب بس ولد الفهد المحامي الكبير وشوف الناس كيف بتطالع فينا وكيف بيسهلولنا أي شيء نبيه يعني هذا كله في مصلحتنا حنا....وهم مو مستفدين أي شيء غير أنهم أخذوا البلا ذي من عندنا وريحونا منها ومن غثاها
ناصر:خلاص انا موافق لكن بشرط...نخليها تتنازل لنا بحصتها من الورث
حسين:ايه صح كلامك...
.....................................

.