رواية سعوديه/ احباب في مقبره الحب الفصل السابع 7 - بقلم مارسلين

بعد سنه ......... الناس تغيرت والأحداث تغيرت
سحر: ركزت في الفترة الأخيرة على دراستها ومانسيت معاذ لكن كانت تعتبر اللي سواه خاينه ومشاعرها اتجاهه كبرة مررره وماهي عارفه أش سبب ذي المشاعر اللي أول مررره تحس فيها و سارت علاقتها بخالد أقوى من أول صح أن خالد نذل لكن هي ماشافت شيء منه وحست أن معاذ كان مقهور منه لأنهم دايم مختلفين . سارت تجلس مع أمها صح أنهم باقي يتخاصمون لكن مو زي أول وسحر غيرت من لبسها سارت تلبس ملابس بنوتات(بس قدام الناس أما في البيت تلبس الملابس حقت الأولاد ) يمكن هي باقي عفشه شوي لكن تغيرت و باقي تحب الوحده وماحد له صلاح في حياتها الخاصة أبدا..وقررت أنها ماتدخل لا جامعة ولا كلية بترتاح سنه وبعدين تكمل

سمر ومعاذ: سارت علاقتهم مررررررره قوية وكان معاذ يشوف عكس اللي يسمعه من سحر وهذا زاد من كرهه لسحر وسار يطالعها زي ما الكل يطالع فيها وماسار يسأل عليها أبدا وسار ميت في سمر والأهتمام اللي كان لسحر سار لسمر وهي طبعا مبينه له أنها ماتكلم أولاد وطبعا هو صدقها لأنها تعرف تقنع الواحد واللي خلاها توصل لقلبه تقدر تقنعه بأنها بنت محترمه.. أما سمر حققت كل اللي تبغاه هي باقي تحب خالد لكن معجبه مره بشخصية معاذ وكانت تشوف فيه الأنسان اللي يخاف على اللي يحب وبالنسبة لأختها سحر توقعت أنها نسيت معاذ وأيامه...
زياد:وآآآآآآآآه من زياد.......أجل دراسته وبلغ أهله أنه رسب وطبعا هم زعلوا لكن ماقدروا يسون شيء استسلموا لللأمر الواقع........كان طووول السنة يدور على بيت أم شذى وكل يوم يروح نفس الأماكن اللي تروح فيها ولكن مافي فايدة.............كان كل يوم يبكي وفي كل مكان وحالته النفسية مرره تغيرت وأصاحبه بعدوا عنه ماسار يضحك حتى مايبتسم وبعد عن البنات وكل شيء قديم...وغير بيته سار بجنب المسجد ودايم يصلي ومواظب عالصلاة ودايم يدعي ربه أنه يغفرله ويتوب عليه ويلاقي شذى...........ومظهره الخارجي تغير مرره سار شكله مخيف نحيف مررره وعظامه باينه وباين عليه رجال مهموم مرررره وكل هموم الدنيا على رأسه وشعره اللي كل البنات كانت تموت فيه حلقه وصارشعره خفيف (زي عيال المدارس خخخخخ).

سلوى :أتغيرت معاملتها لسحر مرره وسمعت نصيحة الدكتورة هي باقي تتخاصم مع سحر لكن على أشياء تافه مو زي اول وقربت من سحر وسارت كل يوم تكتشف في سحر شيء ماتعرفه وكيف كانت نظرتها غلط لها وكيف لما تكون مع سحر تكون على طبيعتها وماتهتم لكلام الناس وماسارت تفرق بينها وبين سمر وحست أنها دلعت سمر مره بعكس سحر وسارت تعوضها وتلاحظ لما تدلعها سمر تنقهر منها

محمد:لا تسألون عن محمد لأنه مشغول وما يجي البيت أبدا وسار أغلب وقته في الرياض لأن الشركة الأساسية في الرياض ونادرا مايجي على جدة وإذا جاء مايطول يجلس يومين بالكثير ومايشوف أحد من أهله لأنه يجي البيت ينام بس........وأصلا هو مو مهتم للبنات أبدا يحب ولده زياد مرره وكل مايجي البيت يفتكر ولده زياد فيبقى متضايق ومايرتاح فيبقى بعيد ويستنى حتى ويرجع
.................................................. ...........

في السعودية
سحر وسلوى وسمر جالسين في الصالة يتفرجون تي في وسلوى تكلم تلفون
سلوى بعد ماقفلت:بنات اليوم خالتو سعاد جايه عندنا .........
ولا أحد عبرها
سمر وسحرعيونهم على التي في :........
سلوى صرخت عشان ينتبهون:بناااااااات (سمر وسحر انفجعوا وطالعوا فيها) أقول خالتكم سعاد بتجي عندنا عالمغرب..........
سحر بغباء:الله عندنا خالة!!!!!!مو أنتي وحيدة ؟؟؟؟؟؟؟؟
سمر :ههههههههههه
سلوى تطالع في بنتها بحزن على غبائها :مو أختي ياغبية .................يعني صاحبتي
سحر :هههههههههههههههه من جد غبية
سمر :أنا مدري كيف جبتي 97% ههههههههه
سحر :هي هي هي دمك ثقيل (طالعت في أمها )عندها بنت من سني ............ولا أجلس بغرفتي أصرف
سلوى :إلا عندها ...............بس أبيك تترتبين وتلبسين عدل و بطلي ملابس الأولاد ذي
سحر بهبل عشان تسكت أمها :طيب طيب ..............المهم بنتها وش اسمها ؟؟؟؟
سمر :فوفو
سحر تطالع في أختها بقرف:عن الهبل الزايد وش اسم البنت .........(كانت ماسكه الرموت) لا أطقك باللي في أيدي
سمر تسوي نفسها خايفه : يامامي الحقيني ........مرره خايفه...............(بغرورمصطنع) مو قايله .............وبعدين أش أطقك اسمها أضربك
سحر تقلد سمر وبالجداوي :ياااااااااي أضربك ... طيب أش اسمها ياأختي ؟؟؟؟؟؟؟
سلوى :شوفي كيف وأنتي تتكلمي جداوي شكلك بنوتي
سحر:أعوذبالله .............(بالنجدي مررره)أنا نجديه بنت نجدي أبا عن جد واللي مايعجبه يطق راسه باقرب جدار ...............وبعدين يمه لا تتكلمين معي غير نجدي لو سمحتي..........شوفي كيف أتكلم وش زين كلامي .............تحسينه يطلع من القلب(تأشر على قلبها)
سلوى وسمر :هههههههههههه
سلوى :وش ذي الفلسفة.........خلاص تبيني أتكلم نجدي من عيوني
سمر بقهر ماتبغاه يبان :ماما مافي أحلى من الجداوي بليييز ماما
سحر تطلع لسانها لسمر وتسوي بيدها قهر
سلوى :معك ومع صحباتي أتكلم جداوي أما مع سحر وزياد أتكلم نجدي لأنهم يحبون كذا
سمر :ماما خليك كووووول
سحر :ههههههه تكفين ياكوووول يعني مايسيرتكون كووول إلا لما تتكلم جداوي.........(تبغى تقهرسمر أكثر) تكفين سمووور تكلمي نجدي
سمر طالعت فيها من فوق لتحت : حلم أبليس .......
سحر :المشكلة أنتي لما تعصبين تتكلمين نجدي هههههههه يعني حلم أبليس تحقق ههههههه
سمرقامت وضربت برجلها في الأرض :ماما شوفي سحر ترى بضربها
سلوى بتريقه:خلاص سحر لا تقوم تضربك.......... اهجدي
سحر:هههههههههه
سمر تطالع في أمها وسحر بحقد وطلعت عالدرج
سحر بصوت عالي عشان تسمع سمر :أقوووول سمووور يازينك وأنتي معصبة
سلوى بصوت واطي :خلاص والله لتنزل تضربك
ماكملت كلامها إلاوسمر نازلة من الدرج بكل قوتها ومسكت المخدة وسارت تضرب سحر وسحر تضحك وفي الأخير وقفت سحر وسمر رمت المخدة وهربت
سحر وهي واقفه مكانها وتأشر بيدها زي الأولاد : بوووووووو.............. أنا أوريك ياسمرإذا ماعفست وجهك ماكون سحر
سلوى :ماما سحر.. يرضى عليك ربي ........غيري معاملتك............خليك بنت تكفين .........أخاف أموت وأنا ماشفتك بنت
سحر :أعوذ بالله وش جاب سيرة الموت .........تبين تشوفيني بنت ...........ابشري (تأشر على عيونها)من العين ذي قبل العين ذي ..............ثواني وأنا بنت
طلعت على غرفتها وسلوى تضحك على بنتها وعلى هبلها الزايد اللي محليها ومخلي للبيت حركة مو زي أول ماكانوا يشوفنها
.....................

طلعت سمر على غرفتها وكلمت معاذ وخالد
سمر :هلا معاذ كيفك ؟؟
معاذ:تمام........ كيفك أنتي ؟؟
سمر:تمام 2.........
لحظة صمت
سمر:معاذ أنت مشغول ؟؟؟
معاذ :ايوا........أنا مع أهلي
سمر :خلاص أجلس مع أهلك لكن بعدين كلمني إذا خرجت من عندهم
معاذ :اوك ياقلبي تبين شيء ؟؟
سمر:سلامتك
معاذ :يلا باي
سمر :باي
دقت على خالد
سمر :هاي بيبي
خالد :هلا والله بالطش والرش وسوستي اللي ماتطفش
سمر :هههههههه كيفو قلبي ؟؟
خالد :عال العال.......... وقلبي أنا ؟؟؟
سمر :قلبك مرتاح طول مانت مرتاح
خالد بعتاب:مين قال أنا مرتاح ............أنا مابرتاح حتى وأكحل عيني بشوفتك انشالله
سمر: خلاص كلها كم أسبوع وأقابلك
خالد فرح :من جد!!!
سمر :ههههههه ايوا من جد ليه مو مصدق هههههه
خالد وأخيرا باوريك مين خالد الحقيقي) طبعا مو مصدق .........تصدقين أن لنا ثلاث سنيين مع بعض
سمرطالعت الساعة وماسار عندها وقت عشان تجهز :بيبي انا مو فاضيه دحين بعدين أكلمك أوك
خالد:اوك ........في الليل
سمر :ههههه طيب باي
خالد: باي
شايفين الفرق كيف مع معاذ محترمه ولا تقول كلام وصخ ومع خالد فاصخه الحيا
قفلت منه ودخلت استحمت وخرجت استشورت شعرها ولبست بنطلون جنز ماسك عليها وبلوزه طويله واصله لبداية فخذها ماسكه من عند الصدر و واسعه من تحت ألوانها مموجه بين الأخضر الغامق والأصفر الفاتح والفوشي وفيها رسمات غجرية عالصدر وفاتحه شعرها وسايبه خصل طايحه على وجهها ولابسه كعب عالي يعني لبسها لايق لسنها وباين عليها بنت كبيرة وحطت ميك أب خفيف.
أما سحر كانت تبغى تبين لأمها أنها بنت فلبست تنوره قصيرة مرررره لونها أسود و بلوزة حرير لونها فوشي وفيه شريطة لونها أسود تحت الصدر تنربط عالرقبة والظهر وظهرها كان باين كله بس فيه الشريطة مربوطه وفاتحه شعرها الغجري وعامله نفخه بسيطة(بف) ولبست بوت طويل فوق ركبتها لونه أسود ولبست أكسسوارت من كل الألوان وحطت قلووس بس وخرجوا هي وسمرفي نفس الوقت
سمر انصدمت لما شافت أختها كان شكلها مرره يجنن وما قد اتبطت زي هذي المرة
سمر حطت يدها على فمها : وااااااااو........... سحر شكلك خرااافه...............تعرفي طالعه كأنك وحده(عيب)....أنتي لازم يوم عيد ميلادي تلبس دا.....
سحر :ههههههه يعني عشان طالعه (عيب) ........أقوم ألبسه بدل ماتقولين عيب تلبسين كذا
خرجت سلوى من غرفتها وانصدمت لما شافت سحر
سحرحطت يدها على خصرها :هاااا طلعه بنت ولا لا؟؟؟ههههههه
سلوى :بنت بزيادة ههههههههه
سمر : وأنا ماما ؟؟؟؟؟
سلوى :أنتي من يومك بنوته
سمر :أحم أحم
نزلوا عالصالة يستنون حتى وتجي سعاد
.................................................. ..............................

في بيت سعاد في الصالة كل العائلة جالسه
سعاد: معاذ ...............مالك نفس تتزوج؟؟
معاذ يلعب أخوه الصغير:يلا على يدك ...............أخطبي لي وأنا موافق
سعاد:معاذ انا أتكلم من جد .........
معاذ:وانا أتكلم من جد ..................مو أنتي أمي ...............ماتعرفين طبعي.................. وبعدين مو معقوله تجيبين لي وحده مو كويسه
سعاد:طيب أنا لقيتها.............
معاذ ساب أخوه وقرب من أمه :وش أسمها ؟؟؟ وكيف شكلها ؟؟؟؟ حلووه ؟؟؟؟؟؟بنت أصوول؟؟؟؟
سعاد: ايوا الحين تقرب أما أول مطنش ..........اسمها سمر وحلوه مره تقول للقمر أبعد انا أجلس مكانك ..............وبنت ناس بنت صاحبتي .........بنت محمد الفهد
معاذ سكت ماعرف وش يقول لأمه..... أنا أكلمها وأنا معجب فيها والبنت محترمه معي ومن ناحية حلووه فهي تجنن والفرصة جات عندي أضيعها؟؟؟مستحيل
معاذ:يمه توكلي على الله وأخطبيها
سعاد:ماتبي وقت تفكر .................ترى الزواج مو لعبه ؟؟؟
معاذ:أدري يايمه أنا مو صغير........وأنا كنت بفتح معاك الموضوع وأنتي سبقتيني
سعاد:ترى اليوم بروح عندهم.............. أفتح الموضوع أكيد؟؟؟؟
معاذ:توكلي على الله ......
سعاد:خلاص طيب ............(تكلم بنتها فرح اللي مندمجه مع الفيلم) فرح تجين معي عند خالتك سلوى ؟؟؟؟
فرح :...............
سعاد:فرررررح
فرح لفت عليهم وهي تبكي :طيب ...........لا تصرخين
معاذ:هههههههه تبكين على فيلم .............الحمدلله ياربي
سعاد: قومي البسي يلا .....
فرح :ثواني يخلص الفيلم وبقوم
سعاد:لو ماتقومين الحين ..........مافي روحه
قامت وهي زعلانه وبدون نفس وتصارخ
معاذ راح عندها الغرفة وهي تحط ميك أب:الحين هذا وجه وحده بتروح عند ناس ؟؟!!!!هههه
فرح:معاذ ابعد عن وجهي ترى أخلاقي قافله
معاذ:عادي أشغلها ههههههه
فرح ابتسمت وبعدين رجعت كشرت بدلع
معاذ عرف أنه أخته تبغى شيء :أهم شيء عندي ترضين ............اطلبي وتأمري كم عندي فرح ؟
فرح فرحت وقالت بطريقة الأطفال اللي متوقعين الرفض :أبيك تشحنلي جوالي؟؟!!!
معاذ :بكم ؟؟؟10 ريال كفاية
فرح :نـــــعــــــم ....حتى الشغالة تشحن ب20 ريال وأنا أشحن بعشرة ..................أبيك تشحن ب100 بلييز والله لي أسبوع وأنا مطفرة وجوالي مصفر
معاذ ابتسم:أنا وش قلت عندي فرح وحده
فرح عطته بوسه كبيرة
معاذ:وجع ....لاتسلمين علي ماحب كذا
فرح:ههههههههه نفس مقولة صاحبتي
معاذ:معاها حق............ مين ذي المحترمة اللي ماتحب أحد يسلم عليها ؟؟؟
فرح رجعت تحط ميك أب:سحر .............بنت خالتي سلوى اللي بنروح عندها ...............انشالله ألقاها مو زي كل مره
معاذ انصدم من كلام أخته من زمان ما سمع اسم سحر سار واقف يطالع في فرح وهي تتكلم لا شعوريا (تعرفون البنات من أول ماحد يسألهم عن شيء يعطون أدق التفاصيل ولا ينسون شيء)
فرح:تصدق الكل يخاف من ذي البنت إلا أنا............ مرره طيبه وغامضه في نفس الوقت .........حركاتها حركات أولاد لكن لما تعرفها من جوا تلاقيها وحده حساسه مره وتتضايق من أبسط الأمور ............كنت لما أجلس معاها وأبي أسلم عليها أو أحضنها كانت تدفني وتقول انتي تسلمين علي بدافع أنك تحبيني لكن الناس تفهم غلط وحيروح تفكيرهم لبعيد ............ولما أقولها ماعليك من كلام الناس كانت تقول: ماقد جربتين أن أحد يتكلم فيك يوم تجربين بتقولين كلام سحر صح....والله مرره وحشتني ..........تعرف شكلها مره يبين أنها قويه شعر غجري وحواجب الشيطان مرفوعه زي المجرمين ومشيتها فيها ثقه بنفسها وكان لها هيبه في المدرسة ياويل اللي يدوس لها بطرف حتى المعلمات والمديرة يخافون منها (خلصت من الميك أب وطالعت في أخوها )هاا... وش رايك ؟؟؟
معاذ كان يسمع الكلام وكأن الكل كان لهم نفس الصورة لسحر إلا هو يمكن لأنه كان يسمعها وهي تكذب ...........لكن أخته توافق الرأي أنها غير من جوا واللي يعرفها يموت فيها.........أش يموت فيها واللي كانت تقوله له غلط في غلط والدليل أختها سمر طيبه وعلى نياتها وهي كانت....(قاطعته فرح بسؤالها )
معاذ:ايوا مره حلووو
فرح تطالع في المرايا :شكلك تقول كذا تصريفه ........
معاذ بهبل مصطنع:ايوا كملي لي عن ذي البنت............. وكيف أهلها في البيت معاها ؟؟؟
فرح:والله ماقد تكلمت ابدا عن حياتها الخاصة ......كانت تقول اللي في القلب في القلب مالكم صلاح فيه ..........بس عشان أنا أعرف أهلها ترى دايما أروح عندهم وما أشوفها وحتى ماتعرف أن أنا أعرفهم ..........دايما في الحفلات والمناسبات ماتشوفها بس أختها سمر ......ويابعد قلبي على سوسو تهبل تاخذ العقل البنت ملاك اسم الله عليها لا أحسدها الحين هههههه(معاذ ابتسم على أخته الهبله حتى هي مره عاجبتها سمر أجل هو ماحد يلومه إذا ذاب عندها) ذي محبوبة الكل ماحد يعرفها ومايحبها أصلا لماتجلس معاها تجلس تتأمل شكلها بس وتسمع كلامها الحلو وعكس سحرمررررره وياويلي لما تضحك تذوب من ضحكتها تحس أن اللي قدامك بنت وحنا أولاد ههههههههه
كانت سعاد من أول تسمع الكلام اللي عن سمر وجات من ورا فرح
سعاد:أقوول كفايه عليه اللي سمعه ..............أخاف يقول يبي الزواج اليوم
فرح طالعت في أخوها مستغربه :زواج؟؟؟؟؟؟؟؟
سعاد:مو أنا بخطب سمر لمعاذ
فرح سكتت شوي وبعدين صرخت فرح:أموووووووووووت أنا ...............يالنذل من أول تسحب الكلام مني ...............ياهوووو أنا حماة الحلوه مين قدي أحم أحم............والله ثم والله مايودينا ويرجعنا اليوم غيرك من عندهم.............عشان تحفظ طريق بيتهم هههههه
معاذ ضحك على أخته وهبلها أما سعاد راحت تلبس العبايا وهي تضحك على كلام فرح
فرح:ودينا وأخليك تشوفها ..............ولايهمك مالك إلا تشوفها............ بس بشرط؟؟
معاذ عجبته الفكرة :آمري
فرح:أبي بطاقة الشحن 150 ريال
معاذ:إذا سار الموضوع كله لك 200
فرح بفرح: تم
.................................................. ............................................   

وصلوا عند بيت سلوى وهنا رجعت ذكريات معاذ مع سحر وكيف لما كان يجي ياخذها ولا أحد يدري عنها نزلت أمه وأخته وهو ماحرك السيارة كان يطالع في أمه وأخته ويفكر في سحر
وفجأة شاف الباب انفتح وخرجت منه بنت تجري لعند فرح وتصرخ ماقدر يركز تمام فيها لأنها كانت بعيده
معاذ مو معقوله تكون سمر لأنها طويله وذي البنت قصيرة مقعوله تكون سحر !!!!!!))
فتح الشباك حق السيارة عشان يتأكد وطلع ظنه في مكانه : ((هي سحر !!!!لكن سحر بشكل غير.....غير ذي مو سحر القديمة ذي شبه سمر وحركاتها يمكن هي تغيرت لما بعدت عني تغيرت أكيد كل كلمه قالتها سمر عنها صح طلعت سحر كذابه...............ايوا كذابه والدليل أنها مبسوطه وهي دايم تقول أنها ماترتاح مع أهلها وماتحب حركات سمر والحين طالعه نسخه من حركاتها ............سمر وينها ليه ماتطلع أنا أخترت صح لما قررت أخذ سمر وهذا وأنا كنت أبغى أتهور وأخذ سحر .............الحمدلله أني كشفتها ...........) حرك سيارته ومشي
وهو في السيارة بدأ يغني لسحر بدون مايحس...
معاذ:خيانه وانتهت......... آخر سوالف عشقي المجنون في ليلة حلمي الوردي تحطم في نهايتها........... في ذيك اليله كان أهون علي أحيا بدون عيون ولا أشوف اللي شفته من حبيبة قلبي ساعتها خيانه خيانه.....
معاذ:كنت أظن أني حبيبك وأني لا غبت توله وأني في الدنيا نصيبك .......
............................................

دق الجرس حق الباب الخارجي راحت سحر فتحت الباب وبعدين وقفت عند الشباك تشوف مين جا وشافت صاحبتها فرح راحت جري وفتحت الباب وصرخت بأعلى صوتها اللي كلا سعاد تنفجع مره منها وتكرها بزياده
سحر وهي تجري:فررررررررح
فرح كانت طالعه عالدرج ولما شافت سحر صرخت هي كمان وسحر نطت في حضنها بقوه ورجعوا لورا وكانوا بيطيحون
فرح:ساااااااااااااام ههههههههههه..........وحشتيني ياحماره
تركوا بعض وسلمت سحر على سعاد ودخلوا على جوا وكانت سحر واقفه وراهم وطالعت في السيارة وهي رايحه وحست وكأنها تعرفها مو غريبة هذي السيارة عليها طالعت في اللوحة وتأكدت من أحساسها
سحر بصدمه: (معقوله !!!!!!!!!!!! فرح ومعاذ أخوان ............لاومعاذ جايبهم لهنا بنفسه.........معقوله يكون أشتاق (حطت يدها على قلبها) شكلي حرجعله والله وحشني مرره ........معاذ ماغلط )
قاطعته فرح:سوسو اش ذا الحلا كله .........(تغمز لسحر وتدقها) تسوين نفسك ولد في المدرسة وأنتي كلك أنوثه
سمر :لا ياحبيبتي .............دوبها تحس أنها بنت ...........(وهي تقفل باب البيت)اليوم أول مره نشوفها كذا
فرح:أقووول لاتحشين بصديقتي ترى أحشك حش
سمر تطالع فيهم بنص عين :الله والصداقة .........ترى أنتي أول بنت أشوفها تعرف سحر
فرح طالعت في سحر مستغربه :من جدها ذي !!!!!
سحر تغير الموضوع:أمشي ماعليك من ذي هبلا ..........( راحوا جلسوا في الصالة مع الحريم الحريم في جه والبنات في جه سحر تطالع في سمر بفرح) سمور تخيلي فرح معاي بالمدرسة
سمر ببرود:طيب عادي......أعرف
سحر طالعت في فرح وسمر ببلاهه:هاااااا
فرح:هههههه ياهبلا أنا دايما أجي عندكم (كشة في وجه سحر) لكن مالت على ذا الوجه ماقد شفتك
سحر :والله مادري......(بالنجدي خالص) وش بلاك تكششين علي..............والله ثم والله أدعسك هنا.....
فرح مسكت يد سمر تتخبأ وراها تتصنع الخوف وقالت بالنجدي:يمه تخرعين..............سمرتكفين أحميني منها
سمر دفتها بقرف:وعععع على كلامكم البدوي دا
سحر وفرح :ياآآآآآآآآآآآآآي
فرح:أقووووول هي ترى أخوي مايحب غير النجدية
سمر عقدت حواجبها :وأنا أش دخلني في أخوك
فرح :يووووووووه نسيت (تغمز لها) بعدين تعرفين..............
سحر قامت خارجه وفرح لحقتها وجت سمر بتروح لكن أمها وخالتها سعاد وقفوها
سعاد:سوسو ياقلبي تعالي شوي أبيك
سمر ابتسمت وجلست
سعاد:لاتعالي اجلسي بجنبي وجنب أمك
سمر خافت وحست فيه شيء جلست بينهم.....
.........................................

انتهى البارت