رواية سعوديه/ احباب في مقبره الحب الفصل السادس عشر 16 - بقلم مارسلين

في بــيــتــ الــراحـــل
فرح جالسه تقرأ مجله....ومعاذ وأمه يتكلمون.......
معاذ:كم احجز متر للبوفيه؟؟
سعاد:والله ماعرف أسأل أبوك في ذي الأشياء
معاذ:ابوي نايم الحين
سعاد:ايه
دخل مشاري(عمره 16)
مشاري:سلالالالالالالالام
الكل :وعليكم السلام
مشاري:أما فاتكم اليوم صار شي عـــجــيـبــ غـــريبــ رهــيـبـــ مــــثيــر
فرح:والله!!!!!!!وش صار
مشاري:اليوم في شارع(*****)جاكم واحد ولد ومعاه بنتين في السياره وكلهم صورايخ وشكلهم مو من جده وبايعينها مررررررره.........والسياره بي أم دبليو
فرح: والله....كيف أشكالهم يعني:لبانيين ولا أوربيين
مشاري:الله ياكبرها عند ربي .....شكلهم من الرياض الشرقيه الولد لابس ثوب وغتره والبنات صورايخ وشكلهم من جده ومو من جده
معاذ:وش ذا الكلام مره تقول من جده ومره تقول مو من جده
مشاري:والله مدري عنهم....المهم والولد يجي مسرع وهات يعطينا خمسات ولا أحلى والبنات مو خايفين قاعدين يرقصون ويالب قلبي عالرقص(طالع في فرح)مو مثل رقص الخبله اللي عندنا
فرح ضربته في راسه:وجععععععع في قلبك..طيب البنات متغطين ولا كاشفين
مشاري:لامتلثمات....وياما حاولنا نوقفهم لكن ماقدرنا....الولد عيّا يوقف...وأنا كنت قريب منهم وقدرت أصورهم
فرح نقزت بجنبه تشوف:واااااااااااو شكلهم جنااااااااااان.........يهبلون الولد حلوووو مع إنه لابس نظاره
معاذ:إلا قولي الحمدلله ع العافيه
فرح:الولد كأنه صغير بالسن.......والبنات أكبر منه
مشاري:أي والله حتى حنا قلنا
فرح:الله ياليت كنت معهم
كلهم طالعوا فيها بنظره حاده وهي ولاعليها
فرح:يهبلون البنات مررره وشوفو الرقص بس.......أول مره تقول شي صح يامشاري
معاذ شدوالفضول:هات اشوف..
معاذ فتح فمه ع الآخر:ههههههههههههههههه
مشاري:وش فيك؟
معاذ:من جد صواريخ هههههههه
مشاري ضرب على صدره:احم احم عشان تعرفون ذوق مشاري
معاذ:بس تصدق الأشكال مو غريبه علي
مشاري:أقوووول مو عشان قلنا حلوين تقوم تقول اعرفهم
الكل:هههههههه
معاذ:ههههه لاوالله جد اتكلم.......شوف البنت والولد اللي قدام والله وجيههم معروفه
فرح: بالله لو تعرف ناس زي كذا عرفني عليهم
.................................................. ............................
يـــــــــــــــــوم جديد
وإشراقه شمس جميله..
تخفي تحت أشعتها الساقطه.....
أحداث جديده
سعيده وحزينه
ستبدأ حب
وتنهي حب
سيبدأ أمل جديد
ويتحقق حلم قديم
وستدفن أحلام وآمال
قــديــــــــمـــــــــــه.................................................. ..........................
في بريطانيا
كانو زياد وشذى يتابعون برنامج حواري
طبعا الكلام كله بالانجليزي : أحيانا يوجد أشخاص يعيشون مع بعض ولكن لايوجد بينهم حب أو موده وكل شخص لايبين للآخر الشعور الداخلي وهذه العلاقات بسرعه تنتهي وتصبح ذكرى سوداء....وأحيانا تجد أشخاص يعيشون مع بعض وكل واحد منهم يحب الشخص الآخر ولكن لايستطيع الأعتراف بهذا الحب..لأنه يعتقد فيه خضوع أو تذلل...هنا يجب على أحد الشخصين بعمل جلسة صراحه ولكن ليس بسؤاله إذا كان يحبه أو لا؟يبدأ بالتدرج بالأسئله مثلا ماذا يعجبك في شخصيتي؟ .....ألخ
طفت شذى التلفزيون
زياد كان مندمج مع الموضوع:لييييييه؟
شذى:بايخ
زياد:طيب شغلي أنا بتفرجه
شذى:ليه تبي تطبق اللي يقولوه؟
زياد قام وسحب من شذى الرموت وشغل
: عندما تريد أن تعرف إذا كان الشخص الآخر يحبك عندما تضحك انظر لعينيه ستجده ينظر لإبتسامتك وعيناه متسعتان وسيكابر بالكلام ويحاول إخفاء ابتسامته...وعندما تكون زعلان أو مهموم انظر لعينيه ستجدها ضيقه وحاجباه معقودتان ....
شذى قامت ماهي قادره تجلس وتسمع الكلام تحس إنه لو سمع الكلام هذا راح يكشفها........دخلت المطبخ وكانت تعمل كوب كابتشينو.........جاها زياد
زياد:شذى؟
شذى تحرك اسكر وماطالعت فيه:هممم
زياد:اسمعي..(زياد سكت يبغاها تطالع فيه لكن شذى عرفت الحركه)
شذى بدون ماتطالع:اسمع وشو؟
زياد حس إنه مافي فايده:اش تبين من برا أنا بروح أجيب أغراض وبرجع
شذى طالعت فيه باهتمام:ابي أغراض كثيره
زياد:طيب اكتبيها وانا اجيبها<<<<<<<وكأنهم متزوجين
شذى:بس في شي ماتقدر تجيبه
زياد:وشو؟
شذى:أنا أفكر أروح أزور ماما
زياد:أها......طيب........أنا بخرج بعد ساعه...وبما انه صباح يمدينا نروح ونرجع
شذى :اوك
بعد ساعه____في السيارة
زياد:اول شي نمر السوبر ناخذ معانا أغراض وبعدين نروح
شذى:اوك
..
في السوبر
كان زياد ماسك العربه وشذى تحط الأغراض......وداقينها ضحك وسوالف واللي يشوفهم يقول توهم متزوجين
........
بعد أربعه ساعات(وصلوا عند المقبره)
شذى كانت متوتره وزعلانه مره وكانت تحاول تتماسك وعيونها كانت مدمعه........نزلت بهدوء وكانت تتنفس بسرعه......قربت من قبر أمها نزلت دموعها وخارت قواها وطاحت عند القبر تبكي وتبكي بحرررررقه كانت ترمي التراب على ملابسها....
زياد مانزل معاها كان يشوفها من السياره ومستغرب القوه اللي هي فيها وفجأه شافها طاحت ...نزل بسرعه وراح لها مسك من كتفها من ورى وسار يهديها
زياد:شذى خلاص.......ماينفع البكى الحين.....ادعيلها بالرحمه
شذى أول مامسكها زياد حطت يدها على وجهها وكملت بكى:أبيها أبيها........رجعوها ولو ساعه أبي أسلم عليها بس أبي أرمي نفسي في حضنها أبي أشكي لها كل شي رجعوها لي الله يخليكم أبي أشم ريحتها.....ظلموني يايمه ظلموني...الكل أكلني لأني بدونك..أرجعي تكفين وأحميني أبيك تشوفين
شذى كيف كانت وأيش سارت........ماحد رحمني بحياتي...اررررررررررجعي أبيك تشوفيني أنا في بيتك وماني خايفه من صورك ارجعي مابي الصور أبيك أنتي وبس....

زياد عيونه دمعت حس إنه غلط يوم جابها هنا........حاول يقومها لكن مارضت...حط يده حول بطنها وشالها ودخلها السياره.....كانت تصرخ تبغى ترجع
دخل زياد السياره ورمى نفسه عالمقعده تعبته مررره حاول فيها وتعب.....حرك السياره ومشي
كانت تشهق وتون:رجعوها....رجعوها.......ابيها محتاجتها خلوها ترجع....قولوها بنتك تبيك قولولها تعبانه حييييل
زياد:خلاص ياشذى ادعيلها إنها من أهل الجنه
شذى:ماماتت عايشه.......جات وأخذت الصندوق حقي أخذته عندها قرات كل شي فيه هي عايشه يازياد عايشه....
زياد حس إنه لو ماصرخ فيها حتجيها حاله نفسيه:شذذذذذذذذذذذى خلاص أمك ماتت من زمان ولاتقولين كلام تتحاسبين عليه يوم القيامه.....والصندوق أنا أخذته عندي....لاتخرفين من عندك
شذى رجعلها وعيها من صراخ زياد:......
زياد بصراخ:طيب لييييه ماتبكين على أبوك زي ماتبكين على أمك؟؟؟؟أبوك اللي رباك مو أمك مفروض تفتكرين خيره عليك
شذى مااستوعبت شي:أبوي؟؟؟؟؟أبوي في السعوديه؟؟؟؟
زياد انصدم وكره نفسه يوم تكلم يعني هي ماتعرف إن أبوها مات...تغيرت ملامح وجهه:.......
شذى وكانها حست:زياد وش صارلأبوي؟
زياد:............
شذى:زياد.....لايكون لحق أمي؟؟؟
زياد:.......
شذى رجعت تبكي:زياااااااااااااد رد علي......أبوي عند أمي؟؟؟؟
زياد:ادعيلهم بالرحمه ياشذى
شذى:لااااااااااااااااااااااااا
سحبت الحجاب حقها ورمته في الأرض وصارت تصرخ وتضرب الطبلون حق السياره وترفس برجلها في كل مكان....زياد إضطر إنه يوقف وينزل يهديها
شذى:أبوووووووووووووووي لاتروح الله يخليك انت الوحيد اللي باقي لي........تكفين أرجع الله يخليك والله أرجع عندك السعوديه واجلس معاك وماعاد أجيب سيره عن أمي........لييييه ياربي أنا وش سويت ياررررربي......لا مو كلهم تاخذهم عندك...خذ واحد وعطني واحد
زياد فتح باب السياره وطاحت في الأرض وسارت تصرخ وتسحب شعرها.......رفعها ومسكها من كتوفها وحاول يهديها لكن سارت تضربه في صدره وتخربشه في وجهه كتف يدينها وضمها لصدره بقوووه وبعدها هديت ومافي غير صوت شهقاتها....حطت يدينها على وجهها وحست بأماااااان كانت تحس إنها بتكسر القفص الصدري حق زياد وبتدخل جوته....بكت لما ماتعبت وخلصت دموعها...حست جسمها مو قادر يشيلها
شذى وهي في حضن زياد وصوتها رايح: أبي أجلس
زياد ماكان يبغى يتركها جلسوا ع الأرض اسندوا ظهرهم عالسياره.......كان زياد ساند ظهره وشذى سانده جسمها على زياد وضامه رجولها على صدرها وراسها على صدر زياد وكانت تطالع في الأرض وتفكر
بصوتها المبحوح:كـ ـ ـيف مـــ ات ؟؟؟
زياد ضامها بيدينه ورامي جسمها عليه:مو لازم تعرفين؟
شذى مالها نفس تتكلم:زياد بليييز ريحني
زياد:شذى أحسن لك ماتعرفين
شذى:زييييييياد قوول والله مافيني أتكلم
زياد ضمها بقوه أكثر وتكلم بدون نفس:بعد ما...ماكلمتي ندى اتصلت عليهم وقالت لهم
شذى:قالت اللي سار بيننا؟؟؟؟؟؟؟؟؟!!!!!!!
زياد:لااااااااااا......قالت لهم المكالمه ويوم كنتي تصرخين وتقولين بموت
شذى:اممم تعرف ليه صرخت؟؟؟لأني كنت بدخل البيت وانا أخاف منه أحس أن روح امي موجوده فيه....ماكنت أبي أدخله بس مضطره.......كمل
زياد:....كلمتهم وبعدها راحوا يدورنك ولقوا وحده في المحرقه نفس مواصفاتك كانت محروقه وكأنها هي حرقت نفسها.................توقعو إنها أنتي بعدها أبوك تعب ومات
شذى نزلت دمعه حاره من خدها:يعني أنا السبب
صدمه كبيره!!!!هي سبب وفاة أبوها!!!!أخوانها أكيد حاقدين عليها ويبغون يقتلونها كانت تبغى تصرخ بأعلى صوت كانت تبغى تقوم تضرب زياد هو السبب في موت أبوها هو اللي قلب حياتها وحولها جحيم......لكن حست بدوخه وبعدها غابت عن الوعي...
زياد حس إن جسم شذى زاد ثقله وفجأه شاف راسها يطيح....رفع راسها لقاها غايبه عن الوعي
زياد:شذذذذذذذذذذذذذذذذذذى
............................................
فـــي المستشفى!!
الدكتور[مترجم]:لقد تلقت صدمه كبيره....وسبب لها انهيار عصبي ....وممكن أن تدخل في غيبوبه لمدة كم يوم...ادعي لها بالسلامه
زياد:شكرا دكتور..
زياد راح جلس في الأنتظار..شذى على إن أهلها مو قريبين منها لكن تحبهم حب مو طبيعي وماعملولها نص اللي أهله عملوه له....وفوق هذا جاتها صدمه من موتهم وهو اللي مو ناقصه شي من فلوس وحب وحنان وكل شي مافكر في يوم إذا هو يحب أهله ولالا......
قام وراح عند التلفون العمومي واتصل عالسعوديه
سلوى:الوو
زياد:هلا يمه
سلوى ترحب:هلا يابعد قلب امك......كيفك حبيبي مرتاح؟
زياد:ايه الحمدلله...انتي كيفك؟
سلوى اتنهدت:الحمدلله بخير دامك بخير
زياد:أبوي وخواتي بخير؟
سلوى:الحمدلله!!!
زياد:سلمي لي عليهم......وقولي لسمر مبروك
سلوى:يوصل انشالله
زياد:يمه انا كنت بجي لكن سارلي ظرف ومابقدر اجي
سلوى صرخت فيه:زياد أنت دايما تقول هذا الكلام
زياد:يمه والله ذي المره من جد اتكلم
سلوى انتهزت الفرصه:طيب مو مشكله...لكن ممكن تقولي وش فيك الفتره الأخيره منت طبيعي
زياد:بعدين يايمه
سلوى:لا الحين ولاّ بغضب عليك ليوم الدين
زياد:استغفر الله يمه استهدي بالله
سلوى:بتقول ولااقفل الخط بوجهك
زياد:واحد صديقي اهله ماتوا
سلوى:علييييي أنا أمك واعرفك
زياد عصب امه عارفه كل حركاته:يمه بقول واللي يصير يصير.....(بسرعه) أنا اعتديت على بنت سعوديه...ورحت بصحح غلطي لكن فات الفوت وبسببي أبوها مات واليوم عرفت بموت أبوها وجاها انهيار عصبي ودخلت في غيبوبه وانا مابي ارجع السعوديه..
سلوى الصدمه عليها كبيره حطت يدها على راسها معقوله ولدها المدلع يسوي كذا:بس كفايه يازياد.....روح الله لايسامحك إذا صار للبنت شي....أنا مومسامحتك لآخر يوم بحياتي...ولا انت ولدي ولاأنا امك....أنا غضبانه عليك يازياد ...
زياد يحاول يبرر موقفه:يمه أنا بتزوجها...
سلوى:بعد أيش؟؟؟بعد ماضيعتها وش قالوا اهلها ؟؟
زياد:أهلها مايعرفون امها ميته وأبوها مات وأخوانها من أبوها مايبونها
سلوى بكت غصب عنها:حرررام عليك ضيعتها وقتلت أبوها!!!!وش بقيت في البنت...وش باقي عشان يكون لها كرامه
زياد نزلت دموعه وارتجف صوته:يمه تكفين خلاص...انا بصحح غلطي
سلوى:ماينفع ماينفع...روح أنا غضبانه عليك لآخر يوم
قفلت في وجهه وزياد زاد همه همين..شذى من جهه وامه من جهه
راح لشذى وكانت نايمه وكانت إنسانه غير....كان شكلها زي اول مره راح لها في بيتها تعب هم ضياع كان هذا شكل شذى...مسح ع راسها بيده وسلم عليها وجلس بالكرسي اللي جنبها وأخذته عينه ونامzzzzzz
........................................
في السـعوديـــــه
مو مصدقه إن ولده وحبيبها يعمل كذا………جاتها دوخه قويه……دقت على ربيبه وجات بسرعه
سلوى:ربيبه جهزي السياره وخلينا نروح عالمستشفى
ربيبه إنشالله مدام
……………..
في جناح سمر
لمار:سوسو مايصير كل ذا نوم يلا قومي…….سحر يلا قومي…..يلا بنات قوموا
سحر وسمر:zzzzzz
لمار:ترى بيصير شي مو طيب
:zzzzzzzzz
لمار راحت جابت كاسه مويه وكبتها على راس سمر
سمر:هااااااااااااااا
لمار:ههههههههه ماتقومين إلا بذي الطريقه ههههههههه
سمر:وجعععععععع ماحب أصحى كذا
سحر على فجعت سمر قامت:ههههه تسلمين لمووور......أخذتي حقي هههههه
سمر:لاااااا دمكم خفيف ماشالله........الساعه كم؟
لمار:الساعه 5 العصر
سحر:متى صحيتي أنتي؟
لمار:قبل شوي
سمر شهقت:سحر قومي بسرعه.....موعدك مع خالد
سحر بكل برود:أروح وقت ماأبي ومابروح في الموعد
سمرعصبت:لاااااا......ماشالله عليك من جد الواحد يعتمد عليك....أخاف يوم تقابلينه تتفقين معاه علي وتفضحوني
لمار:ههههههههههههههههه (طبعا لمار عرفت الموضوع قد قالت لها سمر)
سحر:ههههههه ابشري
سمر:سحر أمانه عليك روحي قبل الموعد...مو عشانه عشاني
سحر بقرف:أووووف منك....طيب
لمار:يلا خلاص قومو عاد......ترى عصافير بطني تصوصو...وريحة فمكم كتمتني
سمر وسحر:لااااااااااااااااااا
رموا لمار بالمخدات وكلها جات فيها وسببتلها ارتجاج في المخ
لمار:ههههههههههههههههههههه آه راسي
...................................

.
.
.

انتهى