رواية سعوديه/ احباب في مقبره الحب الفصل السادس والعشرون 26 - بقلم مارسلين

.
.
.
.
.
.

اشتروا الأكل واكلوا في السياره ولما قربوا من البيت رجعوا لبسوا عبايتهم ورجعوا زي اووول
دخلوا كلهم وجاء الكل حولهم يشوفون وش جابوا اما سحر طلعت وراحت لغرفة امها ومالقتها
سحر تكلم ربيبه:وين ماما
ربيبه:ماما طلع من الصبح ومافي أرجع
سحر:وين راحت؟؟
ربيبه:مادري
سحر:طيب اول ماترجع ناديني
راحت عند سمر ولقتها نايمه ومعاها فارس نايم عندها رجعت العبايات حقتها...قربت منها بهدوء
سحر:سمر سمر
سمر:همممم
سحر:يلا قومي انا بجيب البنات ونسهر
سمروهي نايمه:لالا الله يخيلك خليني نايمه انا مررره تعبانه خليني ارتاح
سحر:وش فيك؟؟؟
سمر:مانمت خليني انااام
سحر:خلاص طيب
خرجت وراحت فصخت عبايتها ونزلت للحديقه تفكر باللي حصل مع معاذ اليوم...كان يتحكم فيها بشكل مو مباشر كان يبغاها ترجع له وتكون زي اول لكن مايقدر كان يبغى يعرف اخبارها لكن مو عارف كيف
سحر جلست عالكراسي وكان الجو هادئ برى مافي أطفال ولاأحد
سحربالجدواي:وبعد اييه ترسل كتاب وبعد ايه اسمع عتاب قولت اسيبك قولت ابيعك قولت انسى أيام ربيعك.... بعد ماذقت العذاب وانكوى قلبي وذاق جيت ترسلي كتاب كان بلاشي ياحبيبي
:الله الله
سحر طالعت في مصدر الصوت
سعود:عندنا اصوات حلوه في العيله
سحر:خيييييير وش تبي؟؟
سعود:ممكن اسولف معك
سحر:والله ماعندي مشكله لكن اهلك مايرضون
سعود:وانتي وش لك في اهلي ماعليك منهم
سحر:انا من زماااان ماعلي منهم...بس انت اذلف لأني مو فايقه لآحد
سعود:أفااااااا تطردين الضيوف
سحر:أنت بنظرك الضيوف يقطوووون وجههم بزياده
سعود:انا غييير عن الموجودين
سحر:ااقوووول توكل والله اخلاقي قافله مررره
سعود:عادي افتحها لك
سحر:ترى لوقمت مابيصيرخيراليوم والله لأجمع كل اللي في البيت
سعود:خلاص بخرج لكن لايزعل الحلووو
سحر:اللهم طولك ياروووووح
سعود وهو خارج من الحديقه:اذا بغيتي أي شي ناديني قولي ياسعووود واكون عندك على طووول
سحر:..........
رجعت للدوامه حقتها معاذ وخالد...انتقام حقد حب غيره قهر
.................................................. ..............

في بريطانيا
شذىبكل صوتها:اطللللللللللللللللللع برى مابييييييييييك برررررررررررى
زياد يحاول يهديها:شذى اهدأي شذى وش فيك
شذى تسحب شعرها:انت قتلت ابووووي والله اقتلك يا يا ياحقيرررررر
دخلوا الممرضات والدكتور
الدكتور(مترجم):لوسمحت اطلع برى
زياد:لالا أبي اعرف وش فيها
الدكتور:لو سمحت اطلع ولا بنادي الامن
زياد:خلاص بطلع
الدكتور اعطى شذى أبره منومه وجلس عندها وهدأها حتى ونامت وبعدين طلع لزياد وراحوا للمكتب حقه
الدكتور:قولي وش حصل لها بالظبط؟؟؟
زياد:هذا موضوع قديم جدااا لكن ماعرفته إلا قبل يوميين
الدكتور:لازم تقولي كل شي لأننا لو ماعالجنها راح تدخل في حاله نفسيه ولازم تقولنا كل شي عشان نقدر نتصرف
زياد قال السالفه من وإلى للدكتور
الدكتور متفاجأ:أنت كيف قدرت تجلس معاها في البيت؟؟؟ وكيف تقولها بذي الطريقه؟؟اللي تسويه الحين شي طبيعي...شي طبيعي انها تكرهك وتحاول تنتقم...أنت لازم في الفتره ذي تبعد عنها
زياد:لكن هي مالها احد
الدكتور:انا راح أخليها تجلس هنا بالمستشفى واحاول أساعدها أنها تنسى كل شي سويته فيها مع أني عارف أنها مستحيييييل تنساه
زياد:المطلوب يادكتور؟
الدكتور:أنت خلاص روح وخليها عندنا وانا بين كل فتره وفتره راح أبلغك باللي يسير في حالتها
زياد:طيب في امل بعد ماتتحسن حالتها أني أجلس معاها واكلمها ونتفاهم في الموضوع
الدكتور:بحاووول معاها لكن لو مارضت ماراح أجبرها
زياد:طيب قد أيه المده؟؟
الدكتور:تقريبا أسبوعين
زياد:طيب ممكن اجي أشوفها بدون ماتدري
الدكتور:لا ولاتفكر أنك تسويها ابدا هذا بيضرها مايساعدها
زياد:طيب شكرا دكتور
خرج من المستشفى وراح لشقته وغير ملابسه واستحم ونااااااااام كان تعبان وصار همه همين
.................................................. ...........
نروح الريـــــــــاض عند خالد
في بيت محمد الفهد
الكل جالس في الصاله
محمد:اسمعوا ياجماعه انا باكر بنزل جده وبجلس فيها أسبوع لما بعد زواج سمر وابيك ياعيسى تبقى هنا وتنتبه للشركه
عيسى:انشالله طال عمرك
محمد: والبودي قارد أبي اثنين يجووون معي والباقي يبقووون هنا وخالد انت بتنزل معي لكن وقت مابيك تجي على طووول
خالد:انشالله عمي
محمد:يلا كلكم توكلوا
خالد قام وهو طاير من الفرح راجع لجده وبيحضر زواج سمر يعني بيشوف معاذ ولازم ينفذون هو وسحر خطه عشان يقهرهم
.................................................. ...............................

الأحد

الأثنين

الثلاثاء

الأربعاء

ماكان فيه تغيرات كثيره كانوا البنات على طووول مع بعض وضحك وسوالف وسهر وسمر طبعا مو معاهم.....ووقت النوم لاراحه أبدا كانت سحر كل يوم تقوم تخاصم وتتضارب وسمر كانت تمسك نفسها وماتقدر تتكلم وكان الكل مسلمها امر الأطفال وطبعا هي ماتتكلم ووجناحها مقلووب حضانه للأطفال لهم ابتداء من أسمهان وانتهاء بالارا.....سلوى مارجعت للبيت إلا لما جاء زوجها محمد وكانت موطبيعيه وعلامات التعب والارهاق باينه عليها وماتجلس معاهم كثير واغلب وقتها في غرفتها..محمد كان مبسوط باللمه العائليه...زياد كان يروح يوميا للمستشفى ويدخل عند شذى وهي نايمه ويطمن عليها ويخرج ومقرر مايرجع حتى ويسمع آخر قرار منها وإذا قالت ماتبيه راح يتركها للأبد ويرجع للسعوديه
.................................................. .....................
الأربعاء الساعه 12:30 ليل
خرجت من جناحها وراحت لجناح امها فتحت الباب بقوه ودقت باب الغرفه بقوووووه.....خرجت امها وهي مفجوعه
سلوى:بسم الله سمر فيك شي
سمر جلست عالكنبه وبكيت:خليهم يخرجون من بيتنا
سلوى:الله يهداك جايه تضاربين وقومتي أبوك من النوم عشان تقولين خليهم يخرجون من بيتنا
سمر:أنا مانام مو مرتاحه جالسين كلهم في جناحي (تشهق من البكى)وفوق هذا كل وحده راميه ولدها عندي وتقولي لاتجيبينه عندي إذا صحي....وكأني شغاله عندهم
سلوى:خلاص مابقى شي ياسمر استحملي
سمر:لما متى استحمل إذا هذا آخر يوم لي ببيت أبوي ويسون كذا فيني أجل لو كنت عندهم وش بيسون؟؟؟
سلوى جلست بجنب بنتها:ياسمر الله يهداك موصغيره أنتي....طيب ليه ماتتكلمين وتقولين لهم اطلعوا
سمر:ماقدر
سلوى:خلاص طيب نامي هنا والحين اجيبلك مخده ولحاف
سمر: هذا وانا عروسه أنام على كنبه!!!!!!!!لاأبيك تطلعينهم من غرفتي
سلوى:والله أبوك قال لاتضايقونهم فمانقدر نكسر كلمته تبين تنامين هنا ولا أرجعي نامي عندهم
سمر رجعت تبكي:.........
سلوى:والله ياسمر ياماما مدري وش أقلك.......طيب روحي نامي عند سحر
سمر:سحر ماترضى أنام عندها
سلوى:الله!!!وش ماترضى لالاروحي كلميها وان مارضت أنا بروح اكلمها
سمر:لا أنا مابروح حتى وتكلمينها
سلوى صرخت فيها:سمررر بطلي شغل البزران وقومي بسرعه عند أختك انا مو فايقه لدلعك الزايد
سمر انصدمت من كلام امها قام بهدوء وخرجت من الغرفه وراحت لغرفتها وانسدحت عالكنبه (لأن مافي مكان في السرير)وبدأت نوبة البكاء...معقوله سوسو الدلوعه يسير فيها كذا ولاتقدر تعمل شي حتى الصغار ماتقدر تستقوي عليهم
سلوى حست بتأنيب الضمير....سمر خرجت وهي زعلانه من غرفتها وهذا مايهون عليها أن سوسو تزعل وفوق هذا كله الكل يتأمر فيها وهي موقادره تقووول شي (سبحان مغير القلوب) راحت لغرفة سحر وماكانت موجوده راحت لغرفة البنات ولقتها هناك
سلوى:سحر ماما تعالي شوي
سحرقامت عند أمها:انشالله(خرجوا برى)
العنود:الله شوفو أمها كيف شكل روبها وشوفي كيف شكل قميص أمي
الكل:هههههههههههههه
الهنوف:أقوووول اسكتي هذا إذا كانت تنام بقميص
الكل:ههههههههههههههه
هند ضربت الهنوف:عيب لاتسمعك والله تقتلك اليوم
هنادي:لا والله جد!!!شوفو كيف شكلها مرتب وهذا هي نايمه وكانها في مسلسل مو في بيتها
خلود:في ذي صدقتي....حشى حنا أمهاتنا يخرعونا إذا كيف أبواننا
هنادي:مااقول غير الله يعينهم على مابلاهم
الكل:هههههههههه
أسماء:أنا بزوج ابوي وحده زي كذا
العنود:والله لايترك الطواعه ويجري وراها
الكل:هههههههههههه
.........
سلوى:سحر روحي عند سمر وخليها تنام في غرفتك اليوم
سحر:ليه؟؟؟
سلوى:الكل نايم بغرفتها
سحر تبغى تضارب:بعدي انا الحين اقومهم وارويهم
سلوى مسكتها:تعالي خليها تنام بغرفتك ناويه على مشاكل وأبوك هنااا...المهم روحي لها وكلميها وأنا بروح انام
سحر:طيب..ماما تصدقين من زماااااان عليك لك كم يوم غايبه ومالك حس
سلوى وهي داخله غرفتها:انا موجوده لكن أنتي ماتشوفيني
سحر:بـــس...
سلوى قفلت باب الجناح حقها
دمعت عيونها:يارب استر علي لبعد زواج بنتي يارب خليهم يفرحون ويتهنون يارب اسعدهم طول حياتهم
.....
سحر طالعت في شكل أمها وكأنها تتهرب....راحت لغرفة سمر ودورت عليها بين الجمهور النائم ولقتها عالكنبه
سحر:سمر وش فيك نايمه هنا؟؟
سمر:ولاشي
سحر:يممممممه صوتك يخوف(فتحت الابجورا)تبكييييين؟؟؟
سمر غطت وجهها وزادت في البكى:.........
سحرمسكت يدها:قومي قومي على غرفتي
سمر قامت وأول مادخلت غرفة سحر حضنتهاوسارت تبكي وتشهق وكأنها كانت من اول تبغى حضن ترتمي عليه
سحر:سمر ياقلبي عليك؟؟؟وش فيك؟؟؟
سمر:مابغاهم خليهم يخرجون من بيتنا
سحر:سمروش فيك هدي ياقلبي...
سمر:مابيهم مابيهم خليهم يطلعون
سحر جلستها عالسرير:سمر أنا عارفه انتي على أيش تبكين؟
سمر طالعت فيها:مابي اتزوج معاذ...ماحبه
سحر طالعت فيها مصدومه:!!!!!!!
سمر:سحر ساعديني أنا ماحبه ولااطيقه بس يعصب ويصرخ ومايعرف يتفاهم مع احد حتى الاعتذار مايعرف كيف يعتذر
سحر:هذا معاذ من زماان كذا
سمر:بس انا مابيه مابيه
سحر:خلاص ياسمر ماعاد ينفع الكلام....اقبلي بشخصيته زي ماهي وهذا زوجك وبيبقى معاك طوول العمر
سمر:بس انا موقادره استوعب اني راح اعيش مع واحد زي كذا طول حياتي
سحر:سمر لو قدرتي تشيلي خالد من بالك راح تقدرين تعيشين مع معاذ
سمر مستحيل تنساه:ماقدر ياسحر ابيه ابي خالد مابي معاذ
سحر طلع فيها عرق نذاله:بس خالد ماصار لك صار لغيرك وأنتي لازم تقبلين بالأمر الواقع
سمر فهمت حركة سحر يعني وكانها تقولها خالد صارلي مو لك:......
سحر:الحين نامي وارتاحي بكره بتصيرين حرمه مو بنت
سمر ضحكت:هههههههه
سحر:امووووووووت عالضحكه انا
سمر:ههههههههههه
سحر حضنتها بقوووه:سمر مهما ماصار بيننا راح نبقى اخوات ومايفرق بيننا أي شيء...وزي مانسينا اللي فات مانخلي أي شي يفرق بيننا بعدين<<<كانت تقصد خالد ومعاذ
سمر:سحر أنتي طيــــــــبـــــــه لأبعد حدود
سحر:؟؟؟؟؟؟
سمر:الله لايبارك للي يفرق بيننا
سحر:احبك ياحلى سويمر بالدنيا(سلمت عليها في خدها)
سمر دمعت عيونها:سحر راح تفقديني ولالا؟ولا بترتاحين يوم أروح عنك
سحر دمعت عيونها:لاطبعااااا ماراح أرتاح راح اتعذب أكثر...بعدين مين يتضارب معي؟
سمر بكت:.......
سحر:سمور لاتبكي تكفين والله احبك وماكرهك ابدااا ولافكرت في يوم اني اكرهك أنتي احلى اخت
سمرتشهق:سامحيني ياسحر
سحر بكت:انتي ماغلطتي عشان اسامحك
سمر ضمتها بقوووه:احبك سحووووووووره
طبعا الثنائي الأخوي جلسوا يبكوا ويعترفوا لبعض بحبهم لبعض حتى وتعبوا وغلبهم النوم
..................................