رواية سعوديه/ احباب في مقبره الحب الفصل الثامن عشر 18 - بقلم مارسلين

أما سمر راحت تبكي صارت تحس نفسها ضعيفه قدام سحر ضحكت عليها سحر وأخذت خالد يعني سحر مانست حركتها يوم أخذت معاذ منها ردت لها الحركه...تبغى تسوي شي لسحرلكن مو عارفه كسرتها من داخلها آخر شي تتوقعه خالد وسحر كيف قدرت تنسى اللي حصلها معاه ولاّ كل شي يهون قدام الانتقام....كانت كلمات سحر ترن في أذنها والموقف هذاك تشوفه
((سحر:والله لأحرق قلبك ياسمر زي ماحرقتين قلبي....والله لأدفعك ثمنه غالي ...مو سحر اللي ينلعب فيها
سحر:والله لأحرق قلبك ياسمر زي ماحرقتين قلبي....والله لأدفعك ثمنه غالي ...مو سحر اللي ينلعب فيها ))

سمر وهي تبكي: أنا لعبت غلط.......استاهل اللي جاني.....حرقت قلبك وانت قتلتي قلبي......ياليت أقدرأرجع الزمن ورى كان ماوافقت على معاذ.....مايستاهلني ولاأستاهله
بكاء بكاء بكاء حتى النووووووووووووووم
.................................................. .....................

يوم الجمعه الساعه [1:30 ] ظهر
في الصاله
سمر:ماما وين رحتي أمس؟؟معاذ كان يبغى يسلم عليك
سلوى:كنت في حفله
سمر:أها
سلوى:أيه صح زياد يسلم عليكم ويبارك لك
سحر:يوووووووو هذا انسان قديم مغبر مترب معفن مخمج
سمر:ههههههههه الله يسلمك ويسلمه
سلوى:سحرررر عيب عليك هذا اخوك
سحر تطلع لسانها برى:أي أخ ؟؟؟والله لو أشوفه بالشارع ماأعرفه
سمر:أش اخر أخباره
سلوى اتنهدت:مافي جديد
سمر نزلت عيونها عالصحن اللي قدامها وسارت تلعب فيه:ماراح يحضر زواجي
سلوى:لااااا...يقول صاحبه صارله حادث
سمر:امممممم
سحر تقلد العجايز:بناقص جيته ياخيه لاتزعلين واناميمتك باكر يجي عندتس ويبوس هالرجل ويقولن سامحينن
سلوى وسمر:ههههههههههههه
سلوى:ايييييه على طاري العجوز.......ترى اهلكم اللي في الرياض بيجون جده بكره وبيجلسون لما بعد زواج سمر
سحر بفرح:جد!!!كويس خلينا نتعرف عليهم
سلوى:لامن ناحية بتتعرفين عليهم فراح تتعرفين عليهم من قرب بعد
سمر:هاااااااا؟؟؟؟؟؟؟
سلوى:ابشركم بيجلسون عندنا ولمدة أسبوع
سحر وسمر:ايييييييييييييييييييه!!!!!!!!!!!
سحر:هذا اللي كان ناقص.........طيب من بيجي؟؟؟
سلوى:عمتين عاليه وورجاء عاليه عندها بنتين (الهنوف 15 والعنود 19 وسعود21 ) ورجاء عندها ثلاث بنات (خلود 15 وريم ورنا توأم 10 وأربعه أولاد عبدالله 13 وعبدالملك 11 وعبد الهادي 9 وعبدالمحسن 2)... وعمين واحد اسمه جاسم وعنده 3 اولاد (محمد 20 وأحمد 16 ويزن 4 وبنتين اسماء 20 واسمهان 12 ) وعمكم خليل عنده (أريج 24 متزوجه وعندها بنت اسمها لارا) وعنده ولد( فيصل وعنده ولدين فراس وفارس توأم توهم انولدوا)وعنده غير المتزوجين ثلاث بنات (هند 23 وهنادي 17 وهيفاء 9 )
سمر فتحت فمها:.......
سحر:الله ذول كلهم بيدخلون بيتنا....لاعز الله تكسر
سمر بغرور:طيب ماعندهم كرامه ياكثر الشقق المفروشه
سلوى:المشكله أبوك حالف عليهم مايجون غير بيتنا
سمر:بدل مايحلف مفروض يروح يستأجر لهم في فندق
سحر:ياويلك ويلاه ........هذي فيها علوم رجاااااال...عنده بيته كبر وعرض ويسكن أهله في فندق
سمر:عالعموم أنا راح أسلم عليهم وبعدها حأجلس في غرفتي لما مايروحون أو أخرج من البيت ولا أرجع إلاّ أنام وبس
سحر:اما أنا بجلس معهم.....وأتونس وأسولف مع البنات والاولاد يعني كلهم من عمري يلا أغير جو
سمر بقرف:تعرفين إنهم عيال فقر!!!!
سلوى: عيال الفقر أهلك....لاتتكلمين كذا ويصيبك ماصابهم
سمر:لا أعوذ بالله
سحر:هم يعني مو زينا
سلوى هزت راسها بلا
سحر:يعني موعايشين زينا
سمر بكبرياء وتفاخر:طبعا لا وهو حنا أحد يقدر يوصل لنا
سحر:أقوووووول بشويش لايصقع راسك بالجدار اللي فوقك.........عز الفله يعني نتعرف على ناس مو زينا نشوف ثقافتهم وأناقتهم وكلامهم وكل شي غيييير.......متى بيجون؟
سلوى:بكره
سحر:طيب هم مابيضايقونا.....افتحي الملاحق لهم
سلوى:جهزتها لكن مضطرين نحط بعضهم عندنا في البيت
سحر:خلاص عندي فكره خلي البزران والأمهات والرجال والاولاد في الملاحق والبنات جيبيهم هنا
سمر:سحررر أنتي سوفاج يعني كيف راح تقدري تتعاملي مع نااااااس غير مستواك
سحر:مرررررره عادي
سلوى:أنتي ماقد عشتي معاهم ولاجربتي عيشتهم لكن بكره تشوفيهم
.................................................. ........
في الـــعـــاصمــــه الريـــــــــاض
محمد:يامرحبا بخالد
خالد:مرحبتين فيك
عيسى:أشوف الكشه مبسوطه ع الاخر
خالد:هههههههه طبعا مين يشم هواء جده وماينبسط
محمد:إلا قول مين يشوف بنات جده وماينبسط
الكل:هههههههههههههههه
محمد: المهم بكلفك أنت وعيسى بمهمه عائليه.....أبيكم تروحون تاخذون أخواني وأخواتي من بيوتهم وتوصلونهم للمطار وتدخلونهم بطيارتي الخاصه وتتأكدون إن في سيارات تستناهم في جده وتوصلهم عالقصر حقي
عيسى:تم طال عمرك.......خالد أنت روح المطار وجهز الطياره وانا بروح مع السواقين واخذهم من بيوتهم
خالد أيد الفكره ماله في الفلفه في عز الظهريه:طيب
.......................
في المطار
عند باب الطياره الخاصه حقت محمد الفهد
خالد لابس ثوب وغتره وواقف وراز نفسه يبغى يشوف البنات ويشوف مين أحلى سمر وسحر ولا قرايبينهم...............كان مبسوط لكن لما شاف الوفد انفجع وتحولت ابتسامته لعبوس....كان فيه أطفاااال كثير ويجرون عند خالد ويضاربون مين يدخل أول وبعدها البنات والحريم وانصدم لما شاف البنات.. مايقدر يشوفهم كلهم متغطين ومايفرق بين الحرمه والبنت وبعدهم الشباب وكانوا أحسن فئه شافهم كانوا مرتبين شوي
دخلوا الطياره......وصارت مضاربات عالمقاعد وصياح أمهات وصراخ أطفاااال...رجع الطفال في الأخير والبنات بعدهم وبعدهم الحريم والرجال يعني الرجال في المقدمه
خالد كان كل شوي يرجع ورى جهة البنات والأطفال ويسوي نفسه يكلم المضيفه
العنود وهنادي وهند جالسين عند الشباك وأولهم العنود عالطرف وبعدها هنادي وعند الشباك هند
العنود تكلم هنادي:ذا حلوو..انشالله يكون راكب معنا في الرحله
هنادي:اسكتي لاتطب علينا هند وتفتح محاضره
خالد اذنه معهاهم جاء عندهم يسوي هبل:لو سمحتم الأحزمه مربوطه؟؟
العنود تصبط البرقع حقها:اييييييييه
هنادي تحشر نفسها:وأنا كمان حقي مصبط
خالد:أها واللي جنبكم
هند طالعت فيه بنص عين ونفخت:ايييييه مصبوووط
خالد:بسم لله هدي ماقلت شي غلط
العنود بما إنها أقرب وحده من خالد :ماعليك منها
خالد:اها ذي فتاة الإسلام ههههههههه
سكتوا وكأن الكلمه ماعجبتهم وطالعوا يه بنص عين
خالد:شكل الكل فتيات الأسلام..يلا سلام
خالد: (ماأقول إلا الله يعينك ياسحروسمر عاللي جايكم بتبكون وتحمدون النعمه اللي أنتم فيها)
العنود:وجع بقلبه يستهزء باليدن اللي مايخاف ربه
هنادي:تستاهلين ذي نهاية اللي يتقزز
العنود أرخت جسمها عالمقعد :أقووول اسكتي خلينا نستمتع يا محمد جيب وسكي
هنادي:ايييه يامحمد جيب اثنين وسكي
عاليه:مين ذي قليلة الحيا اللي مافيها حيا ومزا وتصارخ بكل صوتها ميييييين؟؟؟؟؟
هنادي تغير صوتها:أنتيييييي
عاليه:عمى بعينك والله اول مانوصل هناك أوريك ياللي تتكلمين
العنود:ههههههه ياويلك
هنادي:اتحدى تعرفني هههههههه
:الرجاء ربط أحزمة الآمان

في جده
عند القصر
الهنوف:يووووووووو البيت زي اللي في المسلسلات
خلود:لا زي اللي في الأفلام الأجنبيه
هنادي:يوووووووووو شكله كبير مره
العنود:ياحظهم بيعيشون فيه طول العمر
اسماء:أبي أعيش عندهم
هند:يبيله تصوير عشان نوريه صديقاتنا
الكل:اييييييييه
سعود:انتم اللي يبيلكم تصوير وانتم تطالعون فيه والله من عيونكم بينهد
الكل:ههههههههههههه
سعود:بسرعه داخل ولا أشوف أحد يخرج ترى عندهم سواقين
هند:مالت سواقين وحنا سواق ماعندنا
العنود:اسكتي هم سواقينهم هنود لكن حنا سواقينا سعوديين واسمائهم تهبل بعد سعود وعبدالله وفيصل ومحمد
سعود فصخ شبشبه الشرقي وضربها به:حنا سواقيين ياماصخه
العنود هربت ووقفت بين الحريم عشان مايقدر يقرب منها
........
سلوى في غرفتها
دق عليها محمد
سلوى:هلا براعي الصوت
محمد:كيفك؟
سلوى:الحمدلله وانت؟
محمد:الحمدلله بخير دامك بخير...كيف البنات؟
سلوى:بخير بس متى بتجي ترى اشتقنالك
محمد:يوم الأثنين انا عندكم
سلوى:اييييييه تعال بدري عشان ترتاح كم يوم قبل الزواج
محمد:انشالله......اسمعي ترى أهلي اليوم جايين عندكم
سلوى:اليوم!!!!
محمد:تلاقينهم الحين عند الباب
سلوى راحت للشباك :ايييه وأنت الصادق وصلوا
محمد:لاأوصيك ياسلوى كلها أسبوع استحمليهم عشاني
سلوى:مايصير خاطرك إلا طيب...يلا مع السلامه
محمد:مع السلامه
راحت تغير ملابسها وتلبس أحلى وأكشخ لبس عندها(باقي فيها التكبر والتعالي)

.............................

انتهى......