رواية صعيدي علمني الأدب الجزء الثاني الفصل الخامس 5 - بقلم حنين عادل

خالد بصدمة: عمي بدر. بدر واقع على الأرض ومغما عليه. خالد بيفوقه مش بيفوق، بيجيب ميه ويرش على وشه. بيبدأ يفوق. خالد: عمي، انت كويس؟ بدر: أنا كويس. كويس. خالد: تعالي نروح لدكتور. بدر: لا يا خالد، أنا كويس. خالد: اومال اغمي عليه ليه؟ لازم نطمن. بدر: يمكن عشان مابكلش كويس بس. خالد: يا عمي، عشان نطمن. بدر: صدقني، أنا كويس. خالد: طيب، أنا هاروح أجيب لك حاجة تاكلها. اقعد ارتاح وما تتعبش نفسك. بدر: ماشي.

روح: طيب، هانعمل إيه طالما مش راضي تسمع خطتي؟ الظابط بيقرب. يونس: ماعدتش عارف ليه ملطشة كده من كل جنب. روح: يلا ياعم. يونس: أجري. روح: يادي النيلة، معاه عربية يا بني. بطل فرهدة على الفاضي. بص، هوا هايقف وهاينزل من العربية و... بيوقف الظابط العربية. يونس: وايه؟ روح: ماعدش وقت أشرح لك. ارتجل وأنا هابدأ. روح بتوطي على الأرض. روح: اه يا رجلي. اه. ماي لج. أو نو. بينزل من العربية بعد معاناة.

روح: ازاي ده بقي ظابط وعدى من الكوميسيون؟ مش عارفة. يمكن زي ما علاء ولي الدين دخل الجيش. بيمسك يونس من قفاه وبييبصله بصات مش مظبطة. روح: جارية يا يونس. يونس: إيه؟ إيه؟ إيه؟ روح: طب بص، اضربه تحت الحزام. يونس: هوا فين؟ روح: هوا إيه يا يونس؟ يونس: الحزام مش شايفه. بتقرب روح من الظابط. روح: ريلاكس، ريلاكس، بيبي. بتزغزه روح بإيد. روح: اعمل زيي. يونس: طيب. بيزغزغوا فيه وهوا بيضحك. روح: انتي بطة جميلة. إيه البق ده؟

يا لا. دا جردل. اهييي. بيسيب يونس وبيفضل يضحك وبيقع على الأرض من كتر الضحك. روح بتقرب من عينيه وبترشه بالرمل. روح: اركب العربية بسرعة. يونس بيركب العربية، والظابط مش شايف حاجة وقام من على الأرض. روح ركبت جنبه. روح: يلا. يونس: مش بتشتغل. روح: جرب بسرعة. بيحاول يونس وبتشتغل. بيلاقي الظابط في نص الطريق. روح: حاسب يا يونس. بيكسر وبيعدي، والظابط عمال يقول كلام مش مفهوم.

روح: ههههه. اللي يحضر العفريت ومايعرفش يصرفه، يعرف أن العفريت هايقرفه. هههه. يونس: اخ منك. روح: بس اتبسطت واللهي. انشكحت. يونس: طيب يا ختي. روح: كنت هاتتفنيخ يا يونس. يونس: إيه هاتتفنيخ دي؟ روح بضحك: الظابط يا جدع. هههه. يونس: انتي بتقولي إيه؟ احنا رجالة وهنفضل طول عمرنا رجالة. في الجامعة. مصطفى: يعني البنات كلها هاتموت عليك يا عم. شوف دول جامدين.

نوح: يا خوي، الحلوين كتير والجامدين أكتر. أنا أقدر أصاحب مية، بس ليه أكسر قلوبهم؟ أنا عايز أحب بنت تملي قلبي وعيني، وأدخلها من الباب. مصطفى: تكسر إيه؟ هما اللي بيكلمونا عادي. دول محترمين. دول واخدينها لف. نوح: مش هانكر إن فيهم بنات مش كويسة، بس في منهم اللي بتحبك وبتعمل كل اللي بتطلبه عشان بتحبك وبتعمل المستحيل عشانك، وبتكون محترمة ومتربية. بس القلب... القلب يا نوح بيودي في داهية.

نوح: ماشي يا عم الرومانسي. أنا رايح مع لانا. مصطفى: دا اسمها ولا اسم معزة؟ ههههه. نوح: بس يا رخم. بيمشي نوح وبيركب مصطفى عربيته. بيفتح الشباك وبيركن إيده وبيسوق. بيشغل أغنية، وبيردد كلماتها. وقت غروب الشمس واقف على البحر بعيد عمال بحكيله وأشكيله وأشرح وأعيد فجأة لقيتها وكنت فاكرها عروسة البحر طلعت من الميه وطلتها أقوى من السحر. بيرن كرم على تليفون كريمة. وبترد. كرم: أنا عند الإسطبل، تعالي. كريمة: كيف يعني أجيك؟

كرم: برجليكي. كريمة: إيه النصاحة دي؟ اومال هاسيبها في البيت؟ ما أكيد هاجي بيها. أنا قصدي حد يشوفنا مع بعض. كرم: وه؟ أنتي خطيبتي. كريمة: بس مش مرتك. كرم: براحتك. أنتي الخسرانة. أنا كنت جايب لك هدية. خلاص بقى. أوبا، في بنت قمر هنا أهي، أنا هاديها له. يلا سلام. تيت تيت. صوت التليفون اتقفل. كريمة اتعصبت. كريمة: بقا أكده يا بن نعيمة؟ طيب أنا هاجي أطربقها على دماغك يا كررررم!

بتلبس كريمة وبتنزل من البيت. بتروح على الإسطبل بتلاقي كرم قاعد بعيد شوية على الخضرة وضهره ليها وبيكلم حد. بتلاقي كريمة عصاية عبارة عن غصن شجرة تخين. بتاخدها من على الأرض وبتقرب منه براحة. كرم: بحبك يا نانا. يالهوي بالي على حلاوتك يا بت. إيه ده. بتقرب منه ولسه هاتضربه. بيمسك بإيده العصاية. بيقوم من على الأرض. كرم: هاتعملي إيه يا مجنونة؟ بتبص كريمة مش بتلاقي بنت، بتلاقي كلبة بيضاء صغيرة. كريمة: إيه ده؟ كرم: كلبتي نانا.

كريمة: بتحب الكلبة! كرم: يا عيني عليك يا كرم، مظلوم طول عمرك. كنت هاتموت بسبب كلبة. كريمة بترمي العصاية. كريمة: عاوزني أشوفك بتقول لحد غيري بحبك وأسكت؟ كرم: نتناقش. نتحدت. مش يمكن فاهمة غلط؟ أنتي طول عمرك متهورة كده. حرمة صعرانة. كريمة: وه! كرم بعصبية: بلا وه بلا نيلة. حرمة إيه اللي تمد إيدها على راجلها؟ اتجننتي؟ إياك بعديلك كتير، بس سوقتي فيها. كريمة قعدت على الأرض وشدته يقعد.

كريمة: خلاص بقى، ماتزعلش مني يا كرم. أنا بحبك وبغير عليك. كرم: لاه، زعلان. كريمة: خلاص بقى. كرم: قولي آسفة يا بيبي. كريمة بضحك: آسفة يا بيبي. كرم: لسه زعلان بردك. كريمة: طب أعمل إيه؟ كرم بيقرب منها وبيغمزلها: هاتي قطة. كريمة زغرتله. كرم بيبعد عنها: لا إله إلا الله. طلعتيني من المود. منك لله. أنا كده هايتقطع خلفي. فين الرقة؟ فين العواطف؟ فين المشاعر؟ فين التسبيل؟ كريمة بضحك: في الغسيل. كرم: في الدراي كلين يا حلاوة.

كريمة: فين هديتي بقى؟ بيطلع كرم هدية متغلفة وبيديها لها. كرم: يلا يا كش يطمر. كريمة بتفتحها بفرحة. كريمة بصدمة: إيه دي؟ كرم: ده جهاز كهربا، يعني سيلف ديفينس. كريمة: واعمل بيه إيه ده؟ كرم: من شخصيتك خوفت على الدبدوب منك. واكيد مش بتحبيهم، قولت أجيب لك ده. أي حد يضايقك اديله فولت. عارفك تموتي في العنف. كريمة بحزن: شكراً. روح: طيب، ممكن أفهم نزلنا ليه؟

يونس: عشان دي عربية ظابط واحنا سارقينها. وبعدين ممكن نركب أي حاجة ونروح على الفندق. روح: أيوه. تليفون مصطفى بيرن. بيوقف العربية وبيرد عليه. بيلاحظ نفس البنت في البلكونة. بينزل من العربية وبيقع عليها. بتكون واقفة والطرحة على نص شعرها وبتنشر. الشمس جايه في عينيها بتخليها تلمع. مصطفى: تبارك الله. نوح: مصطفى. مصطفى. مصطفى بيفوق من شروده. مصطفى: أيوه يا بني. بيركب عربيته وهوا بيكلمه. بيبص نظرة أخيرة وبيمشي.

روح اترمت على السرير. روح: دي كانت خروجة يا جدع. يارب كتر خروجتنا. يونس: حرام عليكي. عارفة لو فاجئتيني بحاجة مجنونة بعد كده، أنا هاعمل... بتقاطعه ببوسة. روح: هاتعمل إيه يا نمر؟ يونس: أنا هيييح. روح: مالك قلبت حمدي الوزير كده! ههههه. لاااا، إحنا أشرف من الشرف. أهيييي. في شركة النمر. خالد: يا عمي، أرجوك. حاسك تعبان ووشك أصفر. بدر: صدقني يا خالد، أنا كويس. بيقوم بدر وبيدخل الحمام. بيبص للمراية بشرود. بيكح و...