رواية صعيدي احتل قلبي الفصل الخامس عشر 15 - بقلم حنان أحمد

فرح في إيه طيب؟ ومرة واحدة بقيت في الحيطة، مش عارفة أتحرك. وزين مخنوق على آخره. زين: فين تليفونك يا هانم؟ فرح: تحت المخدة. زين: طب ما هو تحت المخدة، مبترديش ليه؟ فرح: كنت نايمة وعاملاه صامت. زين: اممم. فرح: خلاص طيب. زين: متتكررش تاني. فرح: حاضر. زين: طيب. ودخل خد دش. فرح: يالا ننزل عشان ناكل. زين مردش عليها. فرح زعلت وسابته ونزلت. زين نزل وقعد ياكل ومدهاش أي اهتمام. فرح زعلت أوي. زين خلص أكل ودخل مكتبه.

زينب: فرح، خدي أقولك. فرح: نعم؟ زينب: عمر جاي هو وأهله كمان شوية. فرح: عارفة. زينب: ألبس إيه؟ فرح: البسي الدريس اللي جبتهولك. زينب: ماشي. وبعدين زينب بصتلها: مالك يا فرح؟ فرح: ها، لا يا حبيبتي مفيش. قامت فرح فتحت المكتب بتاع زين ودخلت. زين شافها متكلمش. فرح: في إيه بقى؟ زين مردش. فرح: بكلمك. زين: مش فاضي. فرح: بقى كده طيب. ولسه رايحة تطلع، شدها من إيدها بسرعة وقعدها على رجله. فرح: ابعد عني. زين: لا.

فرح: مش أنت مش بتكلمني، خلاص سيبني. زين: لا برضو. فرح: طيب. راح زين طبع بوسة على خدها. فرح بكسوف: عيب كده، أنت أنت! زين: بس بس. فرح: طيب. زين: لسه زعلانة؟ فرح: قول لي نفسك. زين: عشان كنت قلقان عليكي أوي. فرح: ماشي، آخر مرة. زين: لما نشوف. فرح: طب قوم البس، خطيب أختك كريمة وأهله جاين. زين: أه، ماشي يالا. وطلعوا يلبسوا. فرح: يالا بينا. زين: لمي شعرك. فرح: كده حلو، يالا بس. زين: طب خليكي هنا، متنزليش خالص.

فرح: هو إيه ده؟ زين: لمي شعرك. فرح: أهو عملته ديل حصان. زين: طيب، يالا. ونزلوا. كان كله قاعد، وفرح دخلت لكريمة وزينب. كريمة: حلو كده؟ فرح: استني أظبطلك. وخلصوا لبس. شاكر: حد ينده لي البنات من جوه. فرح: يالا يا بنات. وطلعوا. وكله قاعد. شاكر: كمل كلامك يا ولدي. عمر: طبعًا حضرتك عارف يا عمي إننا جاين نحدد فرح أحمد أخويا وكريمة. شاكر: أيوه. عمر: وبالمرة يبقى خطوبتي أنا وزينب. شاكر: نسأل العروسة الأول.

شاكر: موافقة يا زينب؟ زينب حطت وشها في الأرض وقالت: اللي تشوفه يا بابا. شاكر: طب، على خرت الله. عمر: نقرأ الفاتحة بقى. خلصوا. *** أحمد: طب الفرح بعد كام يوم يا عمي؟ شاكر: اللي أنت عايزه يا ولدي، أي وقت. أحمد: بعد تلات أيام كويس. شاكر: ماشي يا ولدي. وحددوا. وعمر مشلش عينه من على زينب. وفرح قاعدة مركزة معاهم. زين: طب نقوم ونسيبهم مع بعض. فرح اتغاظت، كان نفسها تكمل باقي النظرات. زين: فرح يا فرح. فرح: ها.

زين: هو إيه اللي ها، خدي. كله قعد يضحك عليها. قامت تجري على زين. زين: سرحانة في إيه يا شقية؟ فرح: أنا ببص عليهم بس. زين: اممم، تعالي نقعد زيهم لوحدنا. فرح: تعالي. أحمد قعد جمب كريمة وعمالين يتكلموا. وعمر قام جمب زينب. زين: تعالي نذاكر. فرح: يالا. ما ناس تحب، وناس يقعدوا يرغوا، وناس رايحة تذاكر. زين بضحك: تعالي بس تعالي. شالها وطلع الأوضة، قعدها وجاب الكتب وبدأ يذكرلها. فرح: الله، فهمت بسرعة. زين: طب الحمد لله.

فرح بتبصله جامد: كل يوم تذكر لي. زين: حاضر يا معلم. فرح: ماشي. وسهروا عشان يذكرلها كويس. فرح: أنا جعانة. زين: استني. نزل بسرعة جاب شيبسي وشيكولاتة وحاجات كتير أوي. زين: جيت أهو. فرح: هيييي! وقعدت تتنطط. زين بعد يضحك وطلع على السرير يتنطط معاها. وقعدوا يضربوا بعض بالمخدات، الريش بوظ الدنيا. فرح: يالهوي! زين: إيه؟ فرح: الأوضة باظت. زين: تعالي نعملها طيب. فرح: ماشي. بعد شوية. فرح: أنا تعبت أوي. زين: أحسن. فرح بزعل: طيب.

زين: خلاص خلاص. وشالها. فرح: نزلني عشان أخلص الباقي ده. زين: ماشي. بعد شوية. فرح: أه يا دراعي، وجعني أوي. زين: إيه مالك؟ فرح: تعبت أوي. زين: معلش. مسك إيدها شوية وخدها في حضنه ونام. تاني يوم. زين: يالا يا بنات عشان شوية ونجيب شبكة زينب. كلهم: ماشي. وصلوا المكان، وعمر وأخوه وأبوه كانوا واقفين. أبوه اسمه محمود. محمود: أهلاً. زين: أهلاً يا عمي. محمود: تعالي يا بنتي، يالا عشان تنقي دهبك. زينب: حاضر.

خدها عمر ودخلوا المكان. عمر: اختاري. زينب بتردد: أصل أصل. عمر: مالك قلقانة كده ليه؟ زينب: ها، لا مفيش. عمر: طب استني. عمر: يا مدام فرح. فرح: نعم؟ عمر: تعالي شوفي زينب. زين: روحي اختاري معاها. فرح: حاضر. دخلت. فرح: اهدى، متوترة كده ليه؟ زينب: مش عارفة. فرح: متقلقيش، تعالي ننقي. ودخلوا وقعدوا يختاروا. وعمر مركز أوي مع زينب. وفرح مركزة في كل حاجة. عمر لاحظ إن فرح خدت بالها. أحم أحم. فرح ضحكت وكتمت ضحكتها.

فرح: عارفة يا زينب. زينب: نعم؟ فرح: خطيب واقع أوي. زينب بضحك: يا شيخة! فرح: وربنا. زينب: اممم، منا شيفاه. فرح: لما نروح نكمل كلام يا با. زينب: اسكتي، يخربيتك هتفضحينا. فرح: حاضر. اختاروا وخلصوا. عمر: خلاص. فرح: إيه رأيك يا عريس؟ عمر: ما شاء الله، حلوين أوي. زينب: تسلم. عمر فصل باصصلها. فرح: أحم أحم. عمر: ها، طب هروح أدفع أنا. فرح فصلت ضحك عليه وزينب مكسوفة. خلصوا ومشوا وجهزوا كل حاجة والفساتين وكله.

جه يوم الفرح والخطوبة. البيت كله فرحان. لولولولولولولولولولولولولولولي. البيت كله فرحان وبيجهز. وكل واحد جهز. بليل. زين: أنا رايح أنا وعمر نجيب فرح وزينب وكريمة. شاكر: ماشي يا ولدي، هنسباك جوك. زين: ماشي يا بوي. وصل زين ونزلوا كلهم، وطلعوا. كريمة كانت زي القمر بالفستان الأبيض. وزينب كان لبسه فستان كشمير كبير أوي وكانت حلوة أوي. وفرح معروفة، زين القمر من غير أي كلام. زين: إيه يا فرحتي. فرح: نعم؟

زين: إيه الجمال ده كله. فرح: حبيبي تسلم. وبتظبطله البدلة. زين: يالا يا جماعة، آخرنا. وكل واحد ركب عربيته مع مراته ومشي. وصلوا القاعة، دخل أول حاجة أحمد وكريمة. وبعدهم عمر وزينب. وكل واحد قعد في مكانه. محمود أبو عمر وأحمد: لبس خطيبتك الدهب يالا. عمر: حاضر. وبدأ يلبسها والأغنية المشهورة اشتغلت. يا دبلت الخطوبة عقبالنا كولينا، ونبني طوبة طوبة في عش حبنا. ما علينا. عقبال كل البنات. لبسها وخلصوا. اشتغلت أغنية رومانسية.

وراحوا يرقصوا. أحمد وكريمة. وعمر وزينب. وزين وفرح. عمر: عارفة، مش مصدق إن خلاص خدت حب عمري. عارفة بحبك من وإحنا عيال صغيرة. زينب بصت في عينه لقيتها بتلمع، قلبها دق أوي. عمر: أوعدك عمري مزعلك. زينب: عارفة. عمر: بحبك. زينب بكسوف: وأنا. وخلصوا يومهم. وكريمة وأحمد روحوا بيتهم. وعمر وصل زينب وأهلها. عمر: تصبحي على خير يا كل دنيتي. زينب بكسوف: وأنت من أهله. عمر: خلي بالك من نفسك. زينب: حاضر.

عمر: هشوفك بكرة، وإنتوا جايبين الصباحية، هستناكي عشان أصحى على الوش القمر ده. زينب بكسوف: إن شاء الله. وكل واحد روح. فرح: اليوم كان صعب أوي. زين: الحمد لله، عدت على خير. فرح: الحمد لله. زين: تعالي هنا. فرح: نعم؟ زين: كنتي زي القمر النهاردة. فرح بضحك: عارفة. زين: يا شيخة. فرح: أه. زين: عيني في عينك كده. فرح: أهو. وقربت من وشه أوي. زين: طب تعالي بقى. وخدها في حضنه. زين: نفسك في إيه؟

فرح: نفسي أجيب مجموع حلو وأدخل هندسة. زين: إن شاء الله، أنتِ قدها. فرح: يارب.