رواية صعيدي احتل قلبي الفصل السادس والعشرون 26 - بقلم حنان أحمد

فرح كل ده يا بابا، أنا لازم أنزل وأشوف زين. طلعت مفيش نور خالص ومش شايفة قدامها، ومرة واحدة راحت وقعت. زين وهو في المكتب سمع صوت حاجة غريبة من بره، طلع يبص بيلاقي حد واقع على السلم، شغل النور. بيبص. زين وهو بيجري: "فرح! يا فرح ردي! وشالها وجري بيها على فوق وجاب الدكتور. محمد بصدمة: "وقعت إزاي؟ الدكتور جه وكشف عليها. الدكتور فضل يزعق. زين: "طب حصل حاجة للبيبي؟

الدكتور: "لأ الحمد لله، بس لو حصل أي حاجة تاني يبقى البيبي خلاص كده." زين: "الحمد لله." الدكتور: "تمام." ومشي. كله راح أوضته ينام، وزين قعد مش عارف يعمل إيه معاها، مش بتسمع الكلام ومش بتريحه. زين في نفسه: "أعمل إيه تاني؟ كل حاجة بعملها من قبل ما تقولي عليها ومش بزعلك ومش باجي عليكي، كل ده عشان حبيتك يا فرح، حرام عليكي اللي بتعمليه فيا." وخد مخدة ونام على الكنبة في نفس الأوضة.

صحت فرح لقيته نايم على الكنبة، جريت عليه حضنته جامد أوي ونامت في حضنه. صحى زين مش عارف يتحرك، بيبص لقي فرح في حضنه وماسكة فيه أوي. ابتسم وقام براحة. وهو بيقوم: "فرح رايحة فين يا بابا؟ زين: "دلوقتي بابا ها." فرح: "أنا آسفة والله، آخر مرة." زين: "كل شوية تقوليلي آخر مرة وبرضه ترجعي تعملي كده." فرح قامت قعدت على رجله وحضنته: "أنا آسفة." زين: "خديني بكلمتين ها." فرح: "خلاص بقى."

زين مسكها من ودنها: "لو عملتي كده تاني هموتك." فرح بخوف منه: "حاضر." زين: "البيبي لو كان حصله حاجة كان هيبقى عقابك كبير." فرح: "لأ لأ والله هسمع كلامك." زين: "لما نشوف." فرح: "طب قوم يالا وهات أكل نفطر." زين: "ماشي." وقام خد دوش ونزل. فرح خدت دوش ولبست بجامة شورت وقط. طلع زين لقاها واقفة بتسرح شعرها، حضنها من ضهرها وبدأ يسرحلها. فرح: "اعملي ديل حصان." زين: "حاضر." سرحلها وخلص. زين: "يالا نفطر." فرح: "يالا."

فرح قعدت على رجله وبدأت تاكل زي الأطفال. زين بصصلها أوي. فرح: "إيه يا حبيبي، كل." زين: "ها، باكل أهو." فرح ابتسمتله. وخلصوا أكل. زين: "نامي بقى كده ومتعمليش حاجة." فرح: "أنام إيه؟ ما خلاص أنا في الشهر التاني." زين: "لأ والله، هو لو كده يبقى متهتميش بنفسك." فرح سكتت. زين: "ياريت نسمع الكلام." فرح: "حاضر." "طب ابعتلي زوزة." زين: "ماشي." ونزل شغله. دق دق دق. فرح: "ادخلي يا زوزة." زينب: "عاملة إيه دلوقتي؟

فرح: "الحمد لله." زينب: "طب الحمد لله." فرح: "عايزين ننزل نجيب شوية حاجات عشان الفرح." زينب: "آه والله، ناقصني كتير أوي." فرح: "إيه رأيك بكرة؟ زينب بزعل: "زين هيرضى تيجي معايا؟ فرح: "سبيه عليا أنا." زينب: "بجد؟ فرح: "أكيد يا زوزة، انتي أختي واكيد أبقى معاكي." زينب: "قلب أختك، ياريت بجد." فرح: "من عيني." فرح: "هنجيب فستان الفرح ولبس الحنة ونجيب كام طقم كده وشوية ميكاب ليكي وشوية حاجات كده." زينب: "اشطا."

بعد 3 ساعات جه زين من الشغل. فرح جريت عليه حضنته. زين: "إيه يا روحي، شكلك مبسوطة." فرح: "يعني عايزة أطلب منك طلب." زين: "قولي يا قلبي." "ننزل بكرة أنا وانت وزوزة عشان نجبلها شوية حاجات." زين: "ما انتي مش هينفع تخرجي عشان العربية وكده." فرح: "سوق براحة." زين: "مش هينفع." فرح: "عشان خاطري يا بابا." زين: "حاضر يا قلب بابا." فرح: "هيييي! " وقعدت تتطنط وباسته. زين: "اهدي يا مجنونة." وقعدها.

فرح: "طب يالا خد دوش وتعالى ننزل نقعد معاهم شوية." زين: "حاضر." ونزلوا. زين شايل فرح. كلهم عمالين يضحكوا. محمد: "عاملة إيه يا حبيبتي؟ فرح: "الحمد لله يا بابا." محمد: "أحسن شوية؟ فرح: "آه." محمد: "طب الحمد لله. اقعدوا كلوا." شاكر: "عامل إيه يا ولدي في الشركة؟ زين: "الحمد لله، كل حاجة تمام." شاكر: "طب وآخر اجتماع عملتوا فيه إيه؟ زين: "ظبطت كل حاجة يا حبيبي." شاكر: "طب الحمد لله. ربنا يخليك يا ولدي." زين: "تسلم يا بوي."

وبدأوا في الأكل. شاكر: "هتجيبوا إيه يا ولاد؟ ولد ولا بنت؟ زين: "لسه مش هنجيب دلوقتي يا بوي." شاكر: "إمتى يعني؟ زين: "لما تبقا في الشهر الـ 6." شاكر: "ماشي يا ولدي." فرح بتبص لمحمد. محمد بصالها بصة حنية، فا اطمنت. زين مسك إيد فرح عشان يطمنها وميخليهاش قلقانة أو تزعل لو جابت بنت، فا اطمنت واتكلت على الله. زين: "طب إحنا هنطلع ننام." فرح: "آه صح يا زوزة، هنخرج بكرة نجيلك الحاجة." زين رضي وغمزتلها.

زينب: "ماشي يا قلبي، تصبحي على خير." وطلعوا يناموا. زين: "تعالي هنا." فرح: "نعم." زين: "وحشتيني." فرح وهي بتحضنه: "وحشتني أكتر." فرح: "ممكن أسألك سؤال؟ زين: "طبعًا يا قلبي." فرح: "هو أنا لو جبت بنت هتزعل؟ زين: "لأ طبعًا يا قلبي، دي حاجة بتاعت ربنا، انتي ملكيش ذنب. وبعدين كفايا تبقا شبهك، ويبقى عندي انتي فرحة الدنيا كلها عندي. اطمني يا حبيبتي." فرح: "أنا بحبك أوي يا زين." زين: "بحبك أكتر يا قلب زين."

وخدها في حضنه ونام. تاني يوم.....