رواية صعيدي امتلك قلبي الفصل الرابع 4 - بقلم جني محمد

الصنية كلها وقعت على إيد فيروز وطرف رجلها. صوتت ولفّت بسرعة وراها عشان تشوف مين اللي وراها. لقت أكرم. دخل أحمد عليهم بسرعة. شاف فيروز بتعيط وأكرم واقف مصدوم، وأخد باله من الحرق. أحمد بخضة: فيروز يا حبيبتي مالك؟ إنتِ كويسة؟ فيروز ببكاء وشهقات: الـ... الـ صـ... صنية و... وقعت عليـ... أحمد خدها في حضنه وهداها: اهدي يا روحي، هشش. وشالها وطلع بيها على الأوضة. أم أحمد خلصت الصلاة وطلعتلهم. وباقي العيلة طلعت على الصوت.

أحمد حط فيروز على السرير وجاب علبة الإسعافات وبدأ يدهنلها رجليها بالمرهم. أحمد: هشش، خلاص اهدي، خلصنا. فيروز بخوف وبكاء: رجلي بقا شكلها وحش صح؟ أحمد بحنية: يا عمري، إنتِ حلوة في أي حاجة. إنتِ مكانك في القلب يا فيروزة قلبي. فيروز اتكسفت. أم أحمد: ألف سلامة عليكي يا بنتي. كده تخضينا عليكي. فيروز بكسوف: معلش يا ماما. أكرم بلوية بوز وهمس بصوت مسموع: وهيستحملها على إيه ده؟ برجليها المشوهة دي. فيروز سمعتها ودمعت.

أحمد قال بعصبية: خالتي، مسمحلكيش تتكلمي عن مراتي كده. أم أكرم: يوه، هو أنا قولت حاجة؟ أنا بقول الحقيقة، الله! أم أحمد بعصبية: ما خلاص يا سعدية، مش لازم الكلام الكتير. بعدين أنا مرات ابني ما يعبهلش حاجة. أم أكرم بابتسامة مصطنعة: أيوه طبعًا. أم أحمد لفيروز: هنزل أنا دلوقتي يا بنتي عشان هتصل بالسباك عشان السباكة بايظة. لو عاوزتي حاجة ناديني. فيروز: حاضر يا ماما. أم أحمد: مش ناوية تنزلي معايا يا أم أكرم؟

أم أكرم بغضب مكتوم: أكيد نازلة. ونزلوا هما الاتنين. أحمد: كنا بنقول إيه قبل ما أمي تناديكي؟ فيروز بتوتر: ها... مش فاكراها. أحمد بخبث: بس أنا فاكر. ومحدش هيقدر يمنعني. قرب منها جامد وقربها عليه، وعينيه على شفايفها. أم أحمد من تحت: أحمد، تعال اقف مع السباك عشان مفيش حد تحت. أحمد وهو بيخبط على راسه وبينزل: يخربيتها، دي شغلانة. فيروز بتضحك. تحت: أحمد: إيه يا ماما، مش عارف أستفرد بمراتي؟ أم أحمد: اقف مع السباك الأول.

أحمد بغيظ: هو لحق يجي؟ أم أحمد: لا، ده أشرف ابن عمك مجدي. اتصلت بيه ونزلت لقيته تحت. أحمد بغيظ: يعني هو جاي يتصل بيه دلوقتي؟ ربنا يسامحك يا أشرف يا ابن مجدي. آمين يا رب.