رواية صعيدي امتلك قلبي الفصل السابع 7 - بقلم جني محمد

قام أحمد بعصبية وكان رايح يضرب أكرم. فيروز مسكته بسرعة وقالت: فيها إيه يعني يا أحمد؟ أحمد بصلها بغضب: انتي بتقولي إيه ده؟ عايز يبوسك. فيروز ببرود: إيه المشكلة يا أحمد؟ أحمد مسكها جامد من دراعها: انتي بتهزري!! فيروز: سيب إيدي يا أحمد، بتوجعني. وبعدين فيها إيه؟ هو زي أخوك. أحمد بغضب: جربي تعمليها وهتشوفي إيه اللي هيحصلك. فيروز ببرود: طب إيه رأيك إني هعملها دلوقتي وأنا قدامك. فيروز قربت على أكرم وأكرم ابتسم بخبث.

فيروز مسكت وش أكرم بين إيديها وقربت منه. وفجأة أحمد صرخ جامد وزق فيروز. أكرم بعصبية وألم: انتي غبية! إيه اللي انتي عملتيه ده؟ فيروز عورت أكرم في رقبته بضوافرها. فيروز بسخرية وبرود: عملت إيه يعني؟ مش انت عايزني أقرب منك؟ أكرم بعصبية: أنا قولتلك تبوسيني. فيروز بغضب: وانت عايزني أقربلك وأنا متجوزة؟ حتى لو مش متجوزة مستحيل أقربلك. أحمد كان باصصلها بصدمة واعجاب. فيروز قربت على أحمد وهمست: انت فاكرني هعمل كده؟

انت مش بتثق فيا؟ أحمد قربها منه تحت أنظارهم: كنت عارف إنك مش كده، بس صدمني كلامك وبرودك. فيروز مدت إيديها على رقبته في حركة عفوية: أنا محدش يتوقعني. أحمد قال بخبث: خايف. فيروز بعدت عنه بسرعة وكسوف. أكرم بعصبية من تجاهلهم ليها. أكرم بعصبية: وعد مني يا فيروز إنك هتندمي على اللي عملتيه. فيروز ببرود: عمري ما هندم على حاجة عملتها. أكرم قرب عليها بعصبية. أحمد وقف قدام

فيروز ومسك أكرم من رقبته: عارف لو فكرت تقربلها أنا اللي هحفرلك قبرك بإيدي. وساب أكرم اللي مكانش قادر يتنفس. أكرم بعصبية: صدقوني هتندموا. ومشي وسابهم. أحمد قرب بهدوء على كريم. أحمد حط إيده على كتف كريم: بتدي له حكمك ليه؟ كريم بخوف: أنا؟ ولا عمري ده. هو خده مني غصب عني وهددني لو ماديتلهوش إنه هيموتني. أحمد برفعة حاجب: يهددك؟ كريم بكذب: بأمانه. أحمد حط إيده الاتنين على كتفه وقال: طب تعاليلي بقا.