رواية صعيدي خطف قلبي الفصل السادس 6 - بقلم حنين محمد

مهران: ميرا..... ميرا: نعم...... مهران: أنا بس كنت عايز أقولك إنك في اللبس الفورمال المحتشم شوية ده بتبقي حلوة أوي...... وبعد كده مهران مشي بالعربية وساب ميرا اللي واقفة مصدومة. حاسة بسعادة وكسوف وفرحة واستغراب من السعادة دي. حاسة بمشاعر كتير كده متلغبطة من جواها. حاسة إنها فرحانة لما سمعت الكلام ده منه هو بالذات. مش عارفة إيه السبب؟!! المهم فضلت واقفة مكانها كتير بتفكر وقالت في نفسها: والله يا ابني....

تبا لحلاوتك يا شيخ وأنت بتتكلم إسكندراني وعسل كده. جاتك القرف في عيونك القمر دي. المهم أخيراً فاقت ودخلت البيت. ميرا: هالو يا جماعة...... جدي: أهلاً يا بنيتي. أنا خلاص حفظتها الكلمة اللي أنتِ بتقوليها دي بمعني أهلاً. ميرا: لا أنا كده جدو بقى مثقف بقى. جدي: طول عمري يا بنيتي. الكل ضحك. حسام: ها يا حبيبتي عملتي إيه؟ خلصتي؟ ميرا: آه يا بابي خلصت. وصح مستر أحمد اتصل بيا وبيسلم على حضرتك. فهروح بقى أبعتله الحاجات دي. OK.

حسام: OK يا روحي. ميرا طلعت أخذت شاور ولبست بيجامة كات وبرمودا ورفعت شعرها كعكة وقعدت على اللاب بتاعها تكمل اللي بتعمله وتبعث المقالات والصور. المهم خلصت وبعتت وكده. ميرا: أخيراً وليس آخراً خلصت. وخلاص بقى هاخد إجازة من الشغل. بس يا ربي يوم ما مستر أحمد يحن عليا ويديني إجازة أقضيها في الصعيد. أنا ليه حظي كده بس. كان نفسي أروح شرم. العين السخنة مثلا. أو حتى كنت اتفسح في إسكندرية. بس لأ. جيت هنا. يلا بقى قدري. ونصيبي.

نعمل إيه بقى دلوقتي. فين أيام الإندومي الجميل. بس مش عارفة هلاقيه هنا ولا لأ. لما محمود يجي كده هسأله. وهجيب واحد في الاستخباس كده. والله وحشتني أوي أيام الجامعة. كنت بعمل مصايب. بس للأسف بقى شغلي كنت مشغولة بيه فبقيت أعملها كل فين وفين. ابتسمت ميرا بخبث وقالت: تعالي نجرب نعمل مصيبة منها. أنا بحب أعمل أفكار مجنونة. هروح أجرب أي أرقام على الموبايل. وأعكس الناس وأتشتم عادي. ميرا: يلا بينا ونجرب الرقم الأول ونقول الو.

= الو السلام عليكم مين معايا؟! ميرا: مديحة شواية. = شكلك بتستظرفي بقى يا بت انتي. ميرا: بصراحة آه بستظرف. أصلي مش لاقية حد يا وحش الكون. وهوبا التليفون اتأفل في وش ميرا. ميرا: أخاف... لأ. استسلم... لأ برضه. أكش... لأ طبعاً. أنا ميرا. ونجرب الرقم التاني ونقول الو. الو..... الوايه ده محدش بيرد شكلهم نايمين. ميرا: خلاص يلا نجرب الرقم التالت ونقول الو. = الو.... كح... كح.... الو.... ميرا: إيه يا حج شكلك بتودع ولا إيه.

= آه والله يا بنتي تعبان ومش قادر. ميرا: الله يقويك يا حج. والله يا حج كلنا تعبانين. مش عارفة ألاقيها من إيه ولا من إيه. = معانا ربنا بقي يا بنتي. متخافيش. والله أنا مش قادر حتى أقوم أقف على رجلي. وعيالي سايبني مرمي. ولا كاني ربيتهم. ميرا: معلش يا حج هي الدنيا كده. = صح أمال أنتِ مين!! ميرا: يعني بعد ما حكيتلي قصة حياتك يا حج. تسألني أنتِ مين؟! أنا مراتك يا حج. = مراتي ماتت من 7 سنين.

ميرا: ما أنا روحها يا حج وجاية أعذبك. = يخربيتك هو أنا مش مرتاح منك وأنتِ عايشة ولا ولا حتى وأنتِ ميتة. ميرا: آه يا أختي. شوفي الراجل. كلكم كده. وقفلت ميرا. ميرا: بقي شوفي الراجل قليل الأصل. يعني كانت بتعملوا إيه يعني وهي عايشة. يلا ربنا يرحمها. ميرا: المهم يلا بقى نجرب الرقم الرابع ونقول الو. = الو .... كح.... كح.... كح.... الو.... ميرا: خلاص يا عم أنت بتكح. شكلك عندك كورونا وهتعدينا. إحنا مش ناقصين. س....

سلام أنت بقى. ميرا: ونجرب الرقم الخامس ونقول الو. = الوميرا وهي بتقلد صوت راجل: مين القمر اللي بيتكلم ده. أنا بصراحة قلبي دق 3 دقات لما سمعت صوتك. = أيوه يعني مين. ميرا: غباء البنات ده أنا عارفاه. بقولك قمر في الآخر تقولي مين. هكون أخوكي مثلا. أكيد واحد يعاكس. = أيوه يعني عايز إيه. ميرا: شيبسي وكارتيه. في محرم بيه. ويندوز بجنيه. القمر يحب يشرب قهوة ولا نسكافيه. وهوبا السكة اتقفلت في وش ميرا.

ميرا: طب والله العظيم. بعرف أعاكس. يلا بقى نجرب آخر رقم ونقول الو. = الو ليه سبتيني يا حبيبتي ليه. ميرا: حبيبة مين أنت هتلبسلي مصيبة. = أيوه ليه. ها. علشان بتحبي مازن صح. علشان شعره ناعم وأنا شعري كيرلي. ميرا: إيه حب الثانوي ده يا ربي. = قوليلي ليه يا لولي. ليه. قولي يا إما صدقيني هقتلك. قولي يلا. ميرا: الإه. وأنا مالي يا لمبي. المهم ميرا قفلت السكة. ميرا: هو أنا ناقصة مصايب.

خلاص بقى يا ميرا. كفاية تضايقي الناس بقى. عيب كده. ميرا: يلا بقى. نقعد كده على الفيس شوية. وهوبا لسه هتفتح الفيس لقت صوت حد بيصوت تحت. ميرا اتخضت وطلعت تجري لتحت. وقالت بخضة: في إيه يا جماعة. إيه اللي حصل. محمد (عم ميرا) بيقول بخضة: أصل يا بنيتي.