رواية صعيدي و لكن عاشق الفصل الثامن 8 - بقلم مني علاء

صفاء: هو انتي. مهجه: أيوه، يلا مفيش وقت لكلامك ده. ومشوا لحد ما خرجوا من المكان المظلم. الراجل اللي واقع على الأرض بدأ يفوق، لحد ما وضحت له الرؤية، وفجأة قام: هي راحت فين كده؟ أكيد هربت المجنونة. وصاح فيهم وكلهم خرجوا يجروا وراهم. مهجة وصفاء شافوهم طالعين يجروا. واحد من رجاله: أهم يا بيه، بسرعة يا رجالة. قعد يضرب نار وهم بيجروا لحد ما شافوا شبه بركة مياه. صفاء: هتعملي إيه يا مجنونة؟ مهجة: اكتمي نفسك يا بت.

وهوبا نطوا في الميه. رجالة سامعين صوت ناحية البركة، قعدوا يدوروا ملقوش حاجة. واحد منهم: أكيد يا بيه، وجعان جوه. رئيسهم: انزلوا دوروا عليهم، سليم بيه لو عرف ما هلكوش عايشين. راجل بخوف: لا يا بيه، دي كلها تماسيح، انزل إنت. رئيسهم ضربه قلم وقعدوا يدوروا عليهم لحد ما شافوا تمساح، وفعلاً طلعوا يجروا وتأكدوا إنهم ماتوا. صفاء ومهجة طالعين من الميه وهما مش قادرين ياخدوا نفسهم، وطالعين بره.

صفاء بضيق تنفس: آآآآه، ده كانه لو جففونا كنا متنا، وإنتي صح عرفتي مكاني منين؟ مهجة بتعب: مش وقته تلوكت، يلا قومي. *** عند جاسر وأسر، سمعوا صوت ناحية المزرعة، فمشيوا تجاه الصوت وشافوا حريق في زرعهم. أسر بخضة: تعبنا شغلنا، لأ لأ لأ. جاسر بصدمة: إنت لسه هتتكلم؟ وبدأ ينده العمال يجيبوا ميه ورمل ويرشوا عليها لحد بعد ساعات ما طفت. أسر بتعب وهو بيرمي جردل الميه والرمل: دي يا أخويا فخ اتعمل فينا، دي مقصودة.

جاسر: بس لو أعرف مين وراه ده كله، لكون قاتله بيدي. متولي العامل: يا بيه، طب هنعمل إيه كده؟ المحاصيل سندي راحت علينا كده، إيه الحل؟ بيتنا هيتخرب، حطينا مالنا وتعبنا وكل اللي حيلتنا معاها. جاسر: متخافش يا متولي، كل شيء هيبقى زي ما هو، متقلقش، وطمن الباقي، جاسر جبالي مبتجفش قدامه حاجة. متولي: يا ريت يا بيه، والله. *** فيروز: ماهي بجد فرحانة إنك جيتي، أنا خفيت بوجودك.

ماهي بغمزة: حبيتي والله، بس إنتي على فكرة من كلامك بتحبي جاسر. فيروز عروق العصبية ظهرت: إيه إيه نعم؟ الله عليكي، لأ مش إنتي العرافة مثلاً، المغرور المتكبر ده؟ أحبه؟ حبك برص، يايشخيه، تنيلي. غالية بضحك دخلت عليهم: شوفي ديما كده يا ماهي، تقعد تشتم في الولد مع إنه قمر كده وجنتل. فيروز بغيظ: شوفي الست بتعاكس الولد إزاي. غالية: طب خدي دواكي، أنا نازلة عشان أقعد معاهم تحت أتفرج على مسلسل جعفر العمدة. وخرجت.

ماهي: ههه، طب صح، قوليلي، وموضوع سليم فعلاً، إنتي موافقة برضاكي يعني؟ فيروز: امم، يعني هو مش بطال، كويس، معاه لغات، وفاهمني، نفس الطبقة والمجتمع مناسب. ماهي: أنا شاكة في موضوع سليم ده، فكك منه. فيروز: ليه بتقولي كده؟ ده غلبان. ماهي: والله إنتي اللي غلبانة، طب أستأذن أنا بقى، همشي. فيروز: هتروحي فين؟ خليكي، لسه بدري. سمعت صوت زعيق تحت، نزلت تجري. لقت جدها تعب واغمي عليه. فيروز: جدي، جدي، مالك، إيه؟

فتحيه: معرفش يا بتي، والله، جاله خبر في تليفون عصبه. فيروز: طب أنا فاهمة في الحاجات دي، دارسة تمريض، وأنا في الطب، أتولى بس الإسعافات وقياس ضغط. جاسر كان داخل وشاف المنظر اتخض: إنتي لسه هتلوكي، اتصل يا أسر بالحكيم يجي بسرعة. فيروز بصتله بغيظ، كانت جابت الشغالة الحاجات اللي طلبتها، وبدأت تفحص جدها، وعطته حقنة، وبدأ يفوق. فتحيه: ما شاء الله عليكي يا بنتي، عقبال ما أشوفك دكتورة جد دنيا. جاسر بهمس: على إيه يعني؟

أسر بضحك: سمعتك. غالية: إنت كويس يا بوي؟ جبالي: الحمد لله. فتحيه: إيه اللي حصل بس لكده؟ كنت بخير. جبالي بص لجاسر: اللي سمعته صح يا جاسر؟ الأرض ولعت فيها، شقانا وتعبنا اتجرح. جاسر بص في الأرض بكسرة. أسر رد: إحنا هنتصرف يا جدي، متقلقش. جبالي: إنتوا المسؤولين، الأرض مسلمها ليكم كويسة، ومحصودها، يوصل لناس كيف كل سنة بدون تأخير وخساير. جاسر بحزن: حاضر يا جدي، هعمل كل حاجة أقدر عليها.

وكل واحد طلع أوضته، وأسر كان متنح في ماهي، وهي بتبص له، السوسة دي من تحت لتحت كده. ماهي: احم، طب يلا أستأذن أنا بقى. فيروز: طب مش هتقل عليكي يا ماهي، روحي عشان متتأخريش. أسر: طب ممكن أوصلها أنا، صح فاضي يا لوزة. ماهي: لا شكراً، مش محتاجة. فيروز بغمزت لاسر: خدها يا أسر، دي متعرفش حاجة هنا. أسر: يلا يا آنسة. ماهي بابتسامة: ماهي، اسمي ماهي. أسر في سره: وكمان اسمك جميل. وذهبوا مع بعض. ***

صفاء ومهجة، كانوا في شارع، بعدوا عن المكان. صفاء: اقفي بقى، لازم أعرف عرفتي منين إني هنا. مهجة وقفت وبصت لها، راحت ضربتها قلم على وشها: ده عشان عايزة تنتقمي من أخويا يا صفاء. أنا سمعت كل حاجة لما كنا في المشفي، مصدقتش لحد ما روحت وراكم، ولجيتك هنا، أنقذتك مش عشان عيونك، لا بس تبعدي عنينا، فهمتي يا بنت خالتي، ولا إيه؟

صفاء بضحكة هستيرية: ههههههههه، ضحكتيني يا مهجة، القطة بقى ليها لسان واتكلمت، لأ فوقي لنفسك، أنا صفاء، وكمان مش هنتقم من جاسر، أنا بحبه وعايزاه، وفيروز هخلص منها. مهجة بغضب: يبقى إنتي اللي جنيتي على روحك يا صفاء، أنا هخبر العيلة عنك ويعرفوا فضحتك. سليم جه من وراها. سليم: قلتي إيه كده؟ اسمعيني. مهجة: سليم. صفاء: أيوه سليم، إنتي مفكرة إنك هربتيني؟

لأ يا حبيبتي، إحنا شوفناكي من خيالك، ومثلنا كل ده عشان متفضحيش الحقيقة، وإنتي زي الهبلة نفذتي خطتنا على أكمل وجه. مهجة بتصفيق: أوووه، لأ برافو، إنتوا بتخططوا إيه؟ الكره والغل اللي بينكم ده، دامكم إيه؟ مش بندامين، حيوانات. صفاء مسكتها من شعرها: اسمعي يا بت، حسك عينك أسمع بتجولي كلمة لحد من العيلة على اللي شوفتيه. سليم: وأنا هنتقم من جاسر وفيروز، تابعي على الله أسمع كلمة اتقالت ليهم، سامعة.

مهجة بدموع: سيبي شعري، أنا هأقول ومش هسكت. صفاء: وه، يبقى إنتي لسه متعرفنيش يا حبيبتي، أنا اللي عاوزه بيحصل، فاهمة؟ كيف ممكن بلمح العين أخليكي تطلقي من أخويا، وأبعت له صور وإنتي في حضن واحد تاني، وتطلقي من حبيبك. مهجة بدموع: لأ بالله عليكي متعمليش كده، بس إنتوا غلبانين، وأكيد ربنا مش هيسيبكم، نهايتكم وحشة. *** ليلاً... فيروز: أنا مليت بصراحة من السرير والبيت كله نايم. أسر خبط عليها. فيروز: ادخل.

أسر: ممكن أتكلم معاكي لو فاضية يا لوزة. فيروز: اتفضل، تعالي، أفضالك عشان عيونك الحلوة دي. أسر بحب: تسلميلي يا فيروز. فيروز: يلا قول. أسر: بصراحة، أنا حاسس إني معجب بصحبتك دي، اللي اسمها ماهي. فيروز: أنا حسيت، هي بصراحة كويسة وتستاهل كل خير، وإنت شاب جميل ومحترم، يا أسر، مش أحسن أخوك ده. أسر بضحك: معرفش مالكم إنتوا الاتنين، المهم أنا هكلم أهلي وهتقدملها. فيروز: تمام يا غالي. أسر: طب هسيبك أنا بقى. أومأت برأسها ومشي.

هي طلعت من الأوضة عشان زهقت، راحت ناحية المطبخ، وهي ترتدي طقم ترنج بيتي، برمودا وكات، وعاملة شعرها كعكة لفوق بطريقة عشوائية، دخلت المطبخ. فيروز: أعمل إيه بقى؟ تعالي نعمل فشار. كانت بتفكر في نفسها: لازم بكرة بقى نمشي، شغلي وحياتي كلها في الإسكندرية، طولت هنا صح؟ سليم، أنا نسيت أصلاً إني مخطوبة، ده مش بشوفه خالص، أهو أحسن برضه. في الوقت المتأخر ده، كان جاي سليم وهو سكران وبيترنح ويدندن. شاف فيروز،

قعد يبص عليها من فوق لتحت: إيه ده؟ لوزة بتعمل إيه؟ فرسة بتأي؟ وبدأ يقرب منها. هي بتلف، اتخضت منه. فيروز: آآآآه، خضتني. سليم بدون وعي: بجد، سلمتك، وبدأ يقرب عليها. فيروز: سليم، ابعد، إنت مش بوعيك، ابعد. سليم: مين قال؟ أنا صاحي كمان، أهو. وقرب منها لحد ما لزقت بالحائط، وبدأ يهجم عليها. فيروز: الحقونييييي، ابعد عني. وفجأة... ياترى نهاية سليم وصفاء إيه؟ وإيه اللي هيحصل بين فيروز وسليم؟

كل ده هنعرفه في اللي جاي إن شاء الله. أهو بارت تعويض عن امبارح، يارب يعجبكم. مستنية رأيكم بحماس يا حبايبي، وتوقعاتكم، بلاش تتمتموا، عايزة رأيكم يهمني.