رواية سأحبك بالتاكيد الفصل الأول 1 - بقلم بتول عبد الرحمن

ميرنا: أدينا قدام الشركة الكبيرة أهو بالـ cv، يا رب بقا نشوف المدير العصبي اللي هيعاقبني ده. دخلت ميرنا الشركة وسألت السكيورتي. ميرنا: بقولك يا شهم، هو فين مكتب المدير العصبي اللي هنا؟ أي الغباء ده، ما دايماً بيكون الدور الأخير في أي رواية، مش مكتب المدير الدور الأخير برضه؟ السكيورتي: أيوه يا فندم. ميرنا: وحياة عيالك ما تعامليني وحش، أنا جايلك ورقبتي قد السمسمة، فقوليلي أعمل إيه علشان أول يوم وكده.

السكرتيرة باستغراب: أفندم؟ مش فاهمة حضرتك عايزة إيه. ميرنا: أقصد يعني إن ده أول يوم شغل ليا، فلو أمكاني يعني فهميني أعمل إيه وكده، مش انتي برضه مساعدة المدير. السكرتيرة: أيوه، طب ممكن الـ cv. ميرنا: إيه ده، هو أنا مش هقابل المدير ولا إيه علشان يعاقبني ويقولي هتتجوزيني غصب عنك علشان العقد اللي أنا مضيته بره، فهو حب يعاقبني يعني وكده. السكرتيرة: ..... error ميرنا: لا لا متتركزيش، اتفضلي الـ cv اهو.

السكرتيرة: هتستلمي شغلك الجديد النهاردة بإذن الله، الدور التاني هتلاقيه خاص بالعمال، هتلاقي مكتب فاضي ومتقلقيش مفيش لخبطة، هو ده المكتب الوحيد الفاضي، وطبعاً انتي فاهمة شغلك إيه. ميرنا: أشطا، كنت فاكرة هقابل بقا المدير وهيكون اليوم أكشن من أوله. نزلت ميرنا الدور التاني وهي بتتأمل في المكان الجديد اللي هتشتغل فيه. ميرنا: ده إيه المكان العظمة ده، والله ولعبت معاكي يا بت يا ميرنا، بقولك يا مزة. _: أنا؟

ميرنا: أه أه، انتي اسمك إيه؟ _: نيرة. ميرنا: وأنا ميرنا. نيرة: تشرفنا. ميرنا: انتي أشرف يا مزة، بقولك متعرفيش الكافتيريا اللي هنا مكانها فين؟ نيرة: مينفعش تخرجي دلوقتي أصلاً، إحنا لينا وقت بريك بنخرج فيه، هبقى أوريهالك. ميرنا: إيه ده ليه مينفعش نخرج، إحنا في مدرسة ولا إيه؟ نيرة: لا بس هيا دي القواعد اللي هنا، ولازم تشوفي شغلك بضمير علشان متتطرديش كمان، هنا ظبط وربط حتى، أكيد شوفتينا ماشيين إزاي.

ميرنا: امممم، هو يوم باين من أوله. بعد فترة. ميرنا: ياه دي لسه الساعة 10، بقولك يا نيرة، هو فين التويلت؟ نيرة: آخر الممر. ميرنا: شكراً يا مزة. راحت ميرنا التويلت ورجعت لقت واحد قاعد على مكتبها. ميرنا: انت يا عم انت، هو المكان اللي انت قاعد فيه ده مكانك، ولا هيا وكالة من غير بواب؟ مش انت ليك مكان هنا تقعد فيه، ولا هو إيه لحمة وخلاص.