رواية سائقة الميكروباص الفصل الخامس عشر 15 - بقلم منة غريب

مر الوقت سريعًا، لم يتبق سوى ساعات قليلة لتصبح شمس زوجة إياد. دخل إياد الباب ومعه بعض الفتيات اللاتي يحملن الفستان والمكياج الخاص بها. خرجت شمس وقالت بفرحة: "إياد، مين دول؟ ابتسم إياد وأمسك بيدها وقال: "دول يا ستي الميك أب أرتست اللي هيعملوا لكِ المكياج والفستان عشان تكوني حلوة في الفرح." شمس: "يعني أنا مش حلوة؟ إياد: "قطع لسان اللي يقول كده، ده انتي زي القمر." "احم، استاذ إياد." حمحم إياد وشمس في حرج، ثم قال إياد:

"دي مدام شمس، هتبقى معاكم اليوم كله، خلوا بالكم منها." شمس بغيرة: "خشوا يا حلوة انتي وهي الأوضة دي." دخلت الفتيات في تعجب من هذه الفتاة. شمس: "يا أخويا، كان إيه لازمتها الناس دي وكل المصاريف دي؟ مالها البت نانسي حواجب والنبي، مرشحة بنات الحارة كلها." أمسك إياد بقلبه وقال: "حرام عليكي، هتجيبي لي أزمة قلبية. نانسي إيه وحواجب إيه؟

انتي تنسي الأشكال دي. إحنا هنتنقل في حتة تانية. أوعي يا شمس، أوعي تتكلمي بأسلوب الميكروباص ده قدام المدير." "والنبي... ضحكت شمس وقالت: "متخافش يا نخشيش، قلبي من جوه." إياد: "أوعي تدلعيني تاني والنبي. أنا هروح أجهز، يلا أقابلك بليل يا زوجتي الحلوة." مشي إياد، ودخلت شمس إلى الغرفة لكي تستعد لزفافها. عند إياد، عادل: "مبروك يا عم، أخذت الموزة." أمسكه إياد من ليقته وقال بغيرة: "قولت إيه؟

أول وآخر مرة تتكلم على مراتي بالشكل ده، فاهم؟ عادل: "يحرقك يا أخي، ده أنا خوفت. خلاص يا خويا مش هنجيب في سيرة الكونتيسة." مصطفى: "هي شمس هتوصلنا الكلية ببلاش بعد كده؟ إياد: "أقولكم إيه، اطلعوا بره، مشوفش حد هنا، يلا." عادل ومصطفى: "قاعدين على قلبك." جاء الليل سريعًا، ووصل إياد إلى منزل شمس. ووقف مع الرجال في الأسفل. وأخيرًا، أطلت شمس بنورها وجمالها الآخاذ بفستان أبيض وطرحتها التي زادتها جمالًا وروعة. "أوبااا!

هتف بها عادل ومصطفى. إياد: "غور من هنا انت وهو." وقف إياد بجانب شمس ثم قال بحب: "هو في كده زي الشمس يا شمس؟ شمس بحب: "وانت كمان شكلك حلو أوي أوي يا إياد." "مش أحلى منك يا عيون إياد." عادل: "يلا يا حبيبي، مش وقته شغل يابني." وفجأة اشتغلت إحدى الأغاني الشعبية، ووقف الجميع يرقص في منتصف الشارع. إياد: "هتعملي إيه؟ شمس: "هرقص، أوعى." إياد: "ده اللي أنا خايف منه. اقفي يا أمي، خلينا نروح القاعة." شمس:

"يوووه، لازم تنكدي عليا. أوعى كده، خلينا نرقص." جاء مصطفى وأمسك بيدها وقال: "يلا يا مرات أخويا، ولعيها." شمس: "يلا يا صاصا." ورقصت شمس مع الجميع في الشارع، ووقف إياد مصدومًا منها ومن أخيه المعتوه. تجمع الجميع حولها وهي ترقص على أغنية "حبيبتي افتحي شباكك أنا جيت". "يلا يا إياد عشان خاطري ارقص معانا." زقه عادل مع شمس في الدائرة وقال: "ارقص يا خويا بلا برستيج ولا بتاع."

وبالفعل اندمج إياد مع شمس في الرقص، وهو يغني الأغنية بصوته لشمس، التي كانت فرحة بشدة، وكانت ترقص معه بكل حب. نوال ببكاء: "وأخيرًا جوزناهم." مروة أيضًا ببكاء: "آه والله مش مصدقة." نوال: "تعبنا مجاش على الفاضي." وقف مصطفى بجانبهم وقال: "الأمهات اللي بتنكد في الفرح، مالكم؟ ليلى: "بيعيطوا عشان الخطة نجحت." مصطفى: "ياه، كانت خطة زبالة، بس الحمد لله اتجوزوا وخلصنا." ثم انفجر الجميع بالضحك على خطتهم في جمع إياد وشمس.

انتهى الفرح، وأخذ إياد شمسه إلى منزله لكي يبدأ حياة جديدة.