رواية سائقة الميكروباص الفصل الرابع 4 - بقلم منة غريب

غضب محمود بشدة وقال: "أما إنك قليلة التربية." قلعت شمس الشبشب وقالت: "لا بقولك إيه، هو انت فاكرني من البنات اللي بتسكت على حقها؟ لا يا خويا، أنا أكلك بسناني لو فكرت بس تقل مني، فاهم؟ محمود: "طب لو أبوكي راجل تعالي وتشوفي إنك ست ضعيفة." شمرت شمس أكمامها وقالت بصوت عالٍ: "اشهدوا يا ناس إن هو اللي قال." وفجأة هجمت شمس على الرجل وظلت تضربه بشدة. وفجأة جاءت الشرطة وأخذت شمس ومحمود في البوكس. شمس:

"يا ليلتي مهببة، ده أنا أمي هتقتلني." في الشركة التي يعمل بها إياد، صديقه اسمه كمال. كمال بضحك: "ههههه أحسن والله اللي عملته فيك ههههه." إياد بغيظ: "تصدق إني زبالة إني قولتلك على حاجة." كمال: "خلاص، بس البت مشكلة والله، إيه العسل ده." إياد: "ده عسل أسود ومهبب." جاءت سكرتيرة المدير وقالت: "أستاذ إياد، الأستاذ ياسين عاوزك." إياد: "حاضر جاي." دخل إياد مكتب المدير وقال: "خير حضرتك." ياسين:

"مين البنت اللي كنت راكب معاها دي؟ إياد: "دي شمس، بنت ساكنة عندنا، ليه هو في حاجة؟ ياسين: "لا طبعاً، بس أنا أعجبت بيها وهي بتشتمك الأسبوع اللي فات ههههه." إياد: "حتى أنت؟ لا إله إلا الله." "والله لأقتل شمس دي عشان الناس تسيبني في حالي." ومشى إياد وهو يتوعد لشمس. "والله يا حضرة الظابط هو اللي كان يعني، احممم، عاوز يتحرش بيا، أهيييي، وأنت عارف إني بنت وضعيفة ومكسورة الجناح." الظابط: "جناح إيه يا شمس؟

هو انتي مش ناوية تلمي نفسك بقا؟ كل يوم خناقة جديدة." شمس: "ما هما حضرتك اللي ناس مش مظبوطة، الله، وهو يعني بكيفي." محمود: "والله يا باشا هي اللي ضربتني الأول." الظابط: "بصوا بقا، أنا هخرج تلات دقايق وارجع تكونوا اتصافيتوا، فاهمين." أومأت شمس ومحمود. خرج الظابط وبقيت شمس تنظر إلى محمود بشر. شمس بصوت مرعب:

"أقسم بالله يا محمود لو ما اتنزلت عن المحضر، لأقول لمراتك قدرية، وأنت عارف بقى قدرية إنك متجوز اتنين غيرها، إيه رأيك؟ محمود بتوتر: "لا خلاص، احمم، نتنازل." دخل الظابط وقال: "ها، صافي يا لبن؟ شمس: "حليب يا قشطة، أتنازل والحمد لله، يلا السلام عليكم أنا بقا." وجرت شمس إلى الخارج بسرعة. وهي بتجري خبطت في شخص. إياد: "يا ليلة أهلك سودة، إيه اللي جابك هنا؟ شمس: "...