تحميل رواية «صدفة جمعتنا» PDF

عايزه عريس

_نعم

*مستغرب الكلمه ليه هو انتوا شركه عقارات دانتوا شركة جواز ولا انتوا نصابين ولا اخركم كلام

_ي فندم افهمني انا جاي زيك زيك م بشتغل هنا

*ولما انت مش بتشتغل هنا بتاخد وتدي معايا فالكلام ليه

_اسكتي بقا

*واحد زيك جاي يعمل اي هنا

_اسال حضرتك نفس السؤال

*وانت مالك

_وحضرتك كمان مالك بتدخلي ليه

*يلعن برودك

_بتقولي اي

*بقول يعني واحد زيك باين عليه ابن ناس اي اللي يجيبه مكتب جواز

_تصدقي نفس سؤالي واحد ف جمالك اي يجيبها هنا

*حظي المنيل عشان اشوفك

_نفس حظي

*بس انا بصراحه عندي فضول اعرف ف ممكن تقولي وانا هقولك

_جاي غصب ارتحتي كده

*سبحانوا وانا كمان جيت غصب ماما هيا اللي جابتني بعد ما رفضت كل العرسان اللي اتقدمتلي غير اللي اتكسر صباعه وكتير يوووه

_كسرتي صباع واحد

*والله هو اللي اتجرا ومد ايده يسلم عليا ف يستحمل وانت بقا اجبرتك ليه

_هو مش اجبرتني بس انا مقبلتش اي واحده هيا اقترحتها ف لقت ده علي النت ف حطت اسمي

*تصدق ف تقارب بين حكاياتنا

_اوي

*صح انت اسمك اي

_فهد

*وانا شمس تشرفت بمعرفتك

فهد: الشرف ليا

مد ايده وبعدين افتكر كلامها

شمس: اي مش خايف علي صوابعك

فهد: مبخفش

لسه هترد عليه جي الموظف

الموظف: اسف اتاخرت عليكم

شمس: كل ده دانا كنت همشي

الموظف: اسفين ي فندم

شمس: ولا يهمك بس بعد كده راعي شغلك

الموظف: كنتوا جايين هنا ليه

شمس: جايين ناكل ونتسلى ونمشي هو ده مش مكتب جواز

الموظف: ايوه ي فندم

شمس: طيب يبقا جايين نلعب يعني

الموظف: لا العفو ي فندم مقولتش كده بس شايفك انتي والاستاذ مع بعض

فهد: لا احنا مش مع بعض اتقابلنا دلوقتي

الموظف: اسفين علي سوء الفهم ي فندم اسمائكم متسجله عندنا

شمس: اها

الموظف: قولوا اسمائكم

فهد الصياد

شمس الحسيني

الموظف: موجودين ي فندم الملف ده فيه بعض البيانات عن الصفات اللي تحبوا تتواجد ف شريك الحياة هتقعدوا هناك وتملوا الملف بعدين ترجعوا تاني

شمس: وده اي لزمته

الموظف: هنشوف العينات اللي شبه بعض ونحدد ميعاد تتقابلوا وانتوا تقرروا لو حابين تكلموا بعد كذا لقاء بينكم

شمس: اها تمام

اخدوا الملفات ملوا البيانات ورجعوها للموظف

الموظف: شكرا ي فندم تقدروا تتفضلوا دلوقتي ولما نلاقي الشخص المناسب هنكلمك

طلعوا بره المكتب

شمس: ودلوقتي نهاية لقائنا اتمنالك التوفيق

فهد: وليكي انتي كمان

شمس: اتمنه مشوفكش تاني

فهد: نفس المشاعر اللي عندي

شمس: من غير سلام

كل واحد اتجه لوجهته ف البيت اول ما شمس رجعت

*هاا قابلتيه عملتي اي

شمس: ينفع كده ي ماما يعني هيا دي عمايل

*م انتي مش عاجبك العجب

شمس: انتي عايزه تخلصي مني وخلاص

*نفسي افرح بيكي قبل ما اموت

شمس: استدرجيني بالعاطفه دي زي كل مره تخليني اوافق عموما لسه هيبعتولي عشان اروح اقابل الشخص اللي يلاقوه مناسب

لسه مامتها هتتكلم فونها رن

اهو ي ماما الفون بيرن استني.

شمس: الو.

*معاكي من مكتب الجواز ي فندم.

شمس: اها عارفه اتفضل.

*لقينا شريك مناسب ليكي بنفس الصفات اللي انتي طلباها.

شمس: يقدع يعني هياكل معايا اندومي ويغسل المواعين.

*هو انتي كاتبه كده ي فندم.

شمس: لا المفروض يعمل كده من نفسه.

*ي فندم واحنا هنعرف ازاي ده.

شمس: وهو انت رنيت ليه تكونش انت الشريك المناسب.

*بعد الشر ي فندم.

شمس: نعمممممممم.

*اقصد ي فندم مش اناا انا بس اتصلت عشان اقولك علي المعاد والمكان اللي هتتقابله فيه.

شمس: وكنت بعت رساله احسن ولا انت حابب ترغي وخلاص.

*معلش ي فندم المره الجايه اسفين علي ازعاجك.

شمس: اوك سلام.

بص علي الفون بعد م قفلت وبيتكلم مش معقوله دي طريقه بنت اي ده الله يكون ف عون شريكهاا.

ف حد يكلم حد كده.

شمس: وانتي مش شيفاه ي ماما بيتكلم ازاي وبعدين هو انتي كنتي بتتسمعي عليا.

*لا ده ده سمعتك بتزعقي بس.

شمس: كنت بقول اي.

*كنتي بتقوليله ليه تكنش انت الشخص المناسب وهو قالك بعد الشر.

شمس: وسمعتي بالصدفه بردو.

*يوه وهو معرفش اطمن علي بنتي.

شمس: انتي متاكده انا بنتك شكلك مش امي عايزه تخلصي مني لدرجه وصلتي تبعتيني مكان زيك ده ليه هو انا مش لاقيه حد يتجوزني.

*بتصرفاتك دي مش هتلاقي حد دانتي بطفشهم مش بيرجعوا تاني.

شمس: اناا بعمل اي.

*مش لازم اقول انتي عارفه وانا عارفه كويس ي بنتي انا عايزه افرح بيكي هو لو ابوكي كان عايش كان هيرضي باللي بتعمليه ده وانا ف اي لحظه ممكن اسيبك العمر مش مضمون عايزه اطمن عليكي.

شمس: بعد الشر عليكي ي ماما.

*هتعملي كده عشان خاطري.

شمس: يختييييي حاضر ي ماما تصبحي على خير.

*صح بقولك قبل م تنامي.

شمس: اي كمان.

*هتقابليه امتي.

شمس: اعععع ي ماما دانتي مستعجله اكتر مني اقولك حاجه احلي روحي قابليه انتي.

*سكت اهو.

شمس: ريحي نفسك وتفكيرك ي ماما وانا اول م الرساله توصلي هورهالك هروح اتخمد عشان الشغل ولا عايزني اطرد منه وافضل قاعده ف وشك.

*لا روحي خلاص تصبحي على خير.

شمس: اخدتي الدواء الاول ولا نسيتي زي عادتك.

*لا اخدته قولت اتعود علي غيابك من البيت واعتمد علي نفسي.

شمس: مصدقتي تخلصي مني.

*لا طبعا.

شمس: مكنتش متوقعه منك كده ي ماما.

*شمس شوفي الموبايل ف رساله وصلت يمكن تكون من المكتب.

شمس: لا ي ماما دي من مي تصبحي على خير.

دخلت اوضتها رمت نفسها علي السرير.

شمس طب وبعدين اخلص من الورطه دي ازاي ماما مصره انها تجوزني وييجي بقا راجل يعقد حياتي لا لا انا كده فل.

نامت وهيا بتفكر صحيت الصبح لبست عشان تنزل الشغل.

طلعت من الاوضة جهزت فطار وندهت علي مامتها كانت صاحيه.

شمس: صباح الخير ي ماما.

*صباح النور.

شمس: جهزت الفطار علي السفره وهنزل عشان اتاخرت علي الشغل.

*مش هتفطري معايا.

شمس: مليش نفس ي ماما.

*هتنزلي علي لحم بطنك.

شمس: هبقا اكل حاجه ف الشغل محتاجه حاجه.

*اها ف حاجه.

شمس: قولي ي ماما.

*وصلتك اي حاجه من المكتب.

شمس: يلهوي ي ماما مش بتنسي حاجه بعتوا ي ماما يوم الجمعه هقابله لسه بعد يومين انا نازله.

*خلي بالك من نفسك.

نزلت المول اللي بتشتغل فيه وقابلت مي هنااك.

مي: اي ي بنتي من امبارح برن عليكي وببعت رسايل وانتي ولا هنا.

شمس: معلش ي مي مكنتش قادره اتكلم.

مي: حصل معاكي اي.

شمس: قولي محصلش اي.

مي: انا هجابلك السندوتشات اللي بتحبيها وتحكيلي كل حاجه.

راحت جبتلها السندوتشات وقعدت جمبها.

مي: كل كلي بقا واحكيلي كل اللي حصل عارفكي مش بتعرفي تركزي الا لما تاكلي.

شمس: 😹😹فهماني من غير م تكلم.

مي: عيب داحنا عشرت عمر.

شمس: بصي ي ستي اللي حثل ان ماما.

بس ي ستي ده اللي حصل معايا وهقابله يوم الجمعه.

مي: 😹😹😹😹وربنا طنط دي سكره لا وكمان بتطور من نفسها وتتصفح علي النت.

شمس: ناقصه رخامتك علي الصبح.

مي: ومالوا ي حبيبتي قابليه وهتعرفي تطفشيه زي اللي قبله هو اول واحد.

شمس: صح لازم افكر ف طريقه.

مي: قابليه الاول وهتعرفي ولا اقولك ادهولي انا احسن من الزفت اللي شغالين معاه ده علي الاقل هنرتاح منه.

شمس: نعمل اي لقمه العيش مره يختي.

مي: طب قومي يختي بدال منطرد.

عده اليومين وجي اليوم اللي هتقابله فيه.

شمس ي شمس.

شمس: نعم ي ماما هو انتي جبتي الفستان ده منين.

*اشترتهولك.

شمس: من الفلوس اللي بدهالك واقولك اشتري بيها حاجه لنفسك صح.

*وانتي مخلياني محتاجه حاجه.

شمس: اعيش واسعدك.

*يلا بقا البسيه وجهزي نفسك عشان متتاخريش.

شمس: ربنا يخليكي ليا.

*ويخليكي ليا واشوفك عروسه.

دخلت لبست الفستان.

كتن منفوش بس مش اوي من الستان عليه بعد اللولو وكمامه منفوشه لونه بيج وعليه طرحه بنفس اللون.

لبست وراحت علي الابلكيشن اللي وصل علي الموبايل.

دخلت المطعم واتجهت لتربيزه اللي محجوزه ليهم لقت شاب قاعد عليها اتقدمت ناحيته بس مشافتش وشه كان عاطيها ضهره.

شمس: عندنا معاه ي كابتن انا شمس وانت.

لف وشه ليهااااوووو.

عندنا معاد يا كابتن.

أنا شمس.

انتف.

لف وشه ليها والمفاجأة إنه كان نفس الشخص اللي قابلته.

شمس: لا، أكيد أنا بتخيل.

فهد: إنتي.

شمس: إنت بتراقبني يا جدع إنت؟

فهد: لا، عندنا معاد.

شمس: يعني هيا الشباب كلها خفيت وملقوش غيرك؟

فهد: وأنا اللي ميت عليكي أوي.

شمس: وليه لأ، جمال وأدب وخفة دم.

فهد: يعني موافقة؟

شمس: ده بعدك.

فهد: متصدقيش نفسك طيب.

شمس: هنحط الجدال على جنب ونتكلم زي الناس العاقلة. إحنا الاتنين مش موافقين، صح؟

فهد: ده شيء أكيد.

شمس: حلو أوي، يبقى هنفكر في حل. إحنا الاتنين وكل واحد يقول إنه مرتحش.

فهد: اللي متعرفيهوش إن من شروط المنظمة لازم نتقابل على الأقل تلات مرات عشان نقرر.

شمس: يعني أنا لسه هستحملك مرتين تاني؟ إيه الهم ده.

فهد: معلش، أصل أنا اللي طايقك أوي.

شمس: بقولك إيه، عدّي يومك معايا. وبعدين إزاي اتوافقوا الصفات مع بعض؟ لا، أكيد في حاجة غلط. دي أكيد منظمة نصابة. خلاص، إحنا الاتنين رافضين وبعدها نرفض وخلاص.

فهد: وهو كذلك.

شمس: طيب، اطلب أكل، أنا جعانة.

فهد: نعم؟

شمس: مهو أنا مش هرجع البيت جعانة يعني.

فهد: اطلبي وأمري لله.

شمس: إنت مش هتاكل؟

فهد: معاكي، لا.

شمس: على راحتك.

طلبت أكل وبعد شوية جه.

شمس: الأكل ريحته جميلة، هتندم.

فهد: مش بندم. بس هو إنتي طالبة كل الأكل ده ليكي؟

شمس: آه، مش إنت قلت مش هاكل.

فهد: هتاكلي كل ده؟

شمس: آه، إنت باصصلي في الأكل اللي هاكله؟

فهد: مش باين عليكي إنك كرش.

شمس: عود فرنسي.

فهد: اتنيلى.

شمس: طب سيبني آكل وبطل كلام.

كانت بتاكل وهو بيبص عليها. بعد شويه خلصت أكل.

شمس: يووه، الأكل حلو أوي، بطني اتبسطت. ناقص الحلو.

فهد: إنتي هتاكلي تاني؟

شمس: لا، هحلي بس.

فهد: يخرب بيتك، وديتي الأكل كله في؟

شمس: في جيبي.

فهد: الله يكون في عون أهلك.

شمس: نينينينيي. اطلبلي كريم كراميل.

فهد: حاجة كمان؟

شمس: هبقى أفكر بعدين.

هما طالبين مننا إن نتعرف على بعض، صح؟ ونكتب تقرير بارانا.

فـ على الأقل نعرف التفاصيل السطحية عن بعض. يعني مثلاً، عيلتك بتشتغل إيه، كده يعني.

فهقولك أنا الأول.

شمس: اسمي شمس، عندي 23 سنة. وصلت لـ ثانوي ومكملتش كلية لظروف حصلت. عايشة مع ماما وبابا متوفي. عندي أخت متجوزة ومسافرة وبتشتغل في محل ملابس. وانت؟

فهد: فهد، 25 سنة. عايش مع أهلي ومعايا أخت أصغر مني بتشتغل محاسب في بنك.

شمس: حلو لحد كده، طب سؤال.

فهد: اتفضلي.

شمس: إنت ليه رافض فكرة الجواز؟ وأسفة لو هدخل في حاجة متخصنيش.

فهد: عشان حبيت واحدة وسابتني عشان لقت الفلوس مع حد أعلى.

شمس: بكرة ترجع ندمانة.

فهد: مبقاش يهم. اتعودت على غيابها. وإنتي إيه السبب؟

شمس: إني مش عايزة أسيب ماما لوحدها. أختي من ساعة ما اتجوزت مسألتش عليها ولا جت اطمنت عليها في يوم. يمكن عشان سافرت وظروف عندها.

فهد: طب ما ممكن تعيش معاكي.

شمس: وممكن كمان لأ. أنا لما وعيت على الدنيا شفت ماما قد إيه تعبت في تربيتنا بعد ما بابا اتوفى. حياتي كلها فداها.

فهد: فعلاً، أهم حاجة الأهل.

شمس: أكيد، أنا بعمل كل ده عشانها.

فهد: نمشي دلوقتي ونشوف هنعمل إيه بعدين.

شمس: يلا.

فهد: خليني أوصلك.

شمس: العربية واقفة بره.

فهد: لا، بس هتلاقي ونس في الطريق. وبعدين نفس طريقي، مش بعيدة.

شمس: أوك، يلا.

فهد: نقدر نتعامل كأصحاب لحد ما نخلص من اللي إحنا فيه.

شمس: وماله.

وصلها لحد بيتها وكمل هو على بيته اللي كان بعدها بكام شارع.

طلعت الشقة، دخلت من غير ما تفتح النور. لسه بتقفل الباب ولفّت عشان تنور النور، اتخضت من الصوت اللي سمعته ووو.

لسه هتنور النور سمعت صوت مامتها خضها.

"ها حلو اتفقتوا هييجي امتي؟ حصل معاكي أي؟ احكيلي بسرعه."

شمس: "بسم الله الرحمن الرحيم ي ماما خضتيني. مش كده أي اللي مقعدك ف العتمه كده؟"

"معرفتش انام وانتي بره."

شمس: "انا عارفه مذ هتعرفي تنامي من كتر الفضول."

"طب احكيلي عشان معاد نومي فات."

شمس: "لسه ي ماما هو هنقرر من اول مره."

"م انا عارفه هتتقابلوا كام مره بس حصل أي عجبك ولا لا."

شمس: "محصلش ي ماما اكلنا واتكلمنا شويه ووصلني علي البيت."

"اتكلمتوا ف أي."

شمس: "عادي ي ماما يلا معاد نومك فات."

"طب هتقابليه تاني امتي."

شمس: "لسه ي ماما معرفش لما المنظمه تبعت."

"حاسه اني اخيرا هفرح بيكي."

شمس: "عملتي أي اكل."

"عملت محشي."

شمس: "طب ادخلي نامي وانا هاكل وانام."

"انتي مش لسه بتقولي كلنا."

شمس: "جوعت ي ماما وبعدين انتي عارفه مبقدرش افوت المحشي."

"انتي هتقوليلي م انا عارفه انك بكرش."

شمس: "تصبح على خير ي ماما."

"وانتي بخير يختي."

أكلت ودخلت أوضتها. لقت رسالة من المنظمه كان محتواها:

"مساء الخير ي فندم اتمنه تكون سهرتك سعيده ياريت تكتبي تقرير مقابلتك وتبعتيهاا وبكره هنحدد معاد المقابله التانيه."

"مكتب الجواز"

"يختي مش بتنسوا حاجة ابدا."

كتبت اللي حصل وقفلت فونها ونامت.

تاني يوم ف الشغل.

مي: "بت ي شمس عملتي أي امبارح."

شمس: "أي."

إيمي: "ف المقابله."

شمس: "تفتكري هعمل."

إيمي: "طفشتيه."

شمس: "لسه هقابله مرتين كمان."

مي: "ليه."

شمس: "المنظمه بتاخد قرارك بعد تلات مقابلات. انتي مشفتيش ماما كانت مستنيه ازاي عشان تعرف اللي حصل معايا."

مي: "طب هو حلو."

شمس: "الشكل مش كل حاجة وهو حلو مش وحش."

مي: "طب م توافقي."

شمس: "واسيب ماما ل مين لا طبعاً انا وهو مش موافقين ومتفقين على كده."

مي: "طب وافرض بعد م اتقابلتوا كمان غير رايه هتعملي أي."

شمس: "ها."

مي: "جاوبي."

شمس: "مش عارفه."

مي: "طب فكري ف الاحتمال ده."

شمس: "بت ارجعي للشغل واسكتي مش هيحصل ده."

مي: "ليه يعني."

شمس: "اهو كده وخلاص."

مي: "طب هتقابليه امتي."

شمس: "المفروض بكره."

مي: 😉 "انا هحضر فستان احضر بيه الفرح."

شمس: "فرح مين."

مي: "فرحك ي جميل."

شمس: "نينينينينيي ف أحلامك شوفيلك انتي عريس عشان نخلص منك."

مي: "ومالو يختي بس القي الشخص المناسب."

شمس: "ف المشمش."

مي: "احبطيني اكتر."

شمس: "اي ده اي اللي جابه هنا دي اتخبي فينمي: "علي مين وبتستخبي فيا كده ليه."

شمس: "هو مفيش غيره اهو."

مي: "اللي بتقابليه احلفي."

شمس: "وقت ظرافتك دلوقتي."

مي: "احلفي طب سبهولي انا لو انتي مش موافقه."

شمس: "اتلمي ي بت."

مي: "ليه غيرانه عليه بت خلاص شافك وجاي ناحيتنا اتعدلي بقا."

فهد: "مساء الخير."

شمس: "اي ده انت هنا بتعمل أي."

فهد: "كنت جاي اشتري هدوم."

شمس: "بس ده حريمي لو مش ملاحظ."

فهد: "م انا هشتري فستان لاختي."

شمس: "اهاا طب اتفضل اختار."

فهد: "لو مفهاش غلاظه تقدري تساعديني عشان مش بفهم ف هدوم البنات."

شمس: "اكيد طب هيا جسمها رفيع ولا تخينه عشان اختار المناسب ليها."

فهد: "تقدري تقولي ف جسمك كده."

شمس: "ده هيكون مناسب ليهاا."

كان فستان تل سوري على قد الجسم باكمام شفافه.

فهد: "لا ذوقك حلو."

شمس: "امال انت فاكر أي."

فهد: "لا ولا حاجه."

حاسه عليه وحطتهوله ف كيس. مشي خطوتين ورجع تاني.

فهد: "على معادنا بكره."

شمس: "هانت ونخلص."

فهد: "مش بسهوله دي."

شمس: "يعني أي."

فهد: "هتفهمي بعدين."

مي: "شكله وقع."

شمس: "اسكتي ي بت."

مي: "دي يترفض ده."

شمس: "م تتلمي ي بت."

مي: "طيب ي ستي انا هروح اكمل شغل."

خلصت شغل ورجعت البيت اخر اليوم.

شمس: "مساء الخير ي ماما."

"مساء الورد شوفتيه انهارده."

شمس: "هو مين."

"فهد."

شمس: "وانتي عرفتي منين وعرفتي اسمه منين."

"اثلا اثلا."

شمس: "انا مقولتش اسمه قدامك يبقا عرفتي ازاي."

"هو ********."

هو جي انهارده وانتي ف الشغل

شمس: نعم جي يعمل اي

*جي يتعرف عليا وحكالي اللي كنتي ناويه تعمليه

شمس: ي فتان

*هو حكالي عشان مش عايز يسيبك

شمس: هو قالك كده ومقاليش ليه كده

*عشان عارف اللي ف دماغك وعارف انك مش عايزه تجوزي عشان متسبنيش لوحدي مش كده بردو عشان متبقيش انتي واختك بعاد عني ليه ي بنتي تحرمي نفسك وتوقفي حياتك عشاني

شمس: وهو مين اغلي عندي منك انتي اللي جبتيني علي الدنيا وسهرتي قصاد راحتي ولما بابا اتوفى حياتك بقت عشانا مهما اعمل مش هوفي حقك انا اللي كنت بشوفك بتتعبي عشانا وعشان محدش يقول اي كلمه علينا عايزني اسيبك وانتي ف امس الحاجه ليا

*ربنا يخليكي ليا ي بنتي انا كنت فاكره انك عندك عقده مكنتش فاكره اني حياتك هتوقفيهاا عشاني

شمس: بالعكس ي ماما كله يهون عشان خاطر عنيكي ياما ورضاكي

*عشاني ب بنتي مضيعيش فهد من ايدك ده بيحبك وباقي عليكي

شمس: بس ي ماما انا مش هتجوز

*بس هو اتكلم معايا ف النقطه دي وانه هعيش معاكم بس انا رفضت كده انتي عارفه مقدرش اسيب البيت ده ف هو هيشتري شقة قريبه من هنااا

شمس: طيب ي ماما انا هتكلم معاه

*عشاني خاطري فكري ومترفضيش

شمس: حاضر ي ماما بكره هتكلم معاه اخدتي الدواء عشان تنامي

*ايوه

شمس: طيب تصبحي على خير

*وانتي بالف خير

دخلت اوضتهاا مسكت تلفونهاا لقت رساله على الواتس

نمتي

شمس: لا

فهد: عارف انك محتاره وعندك ميت سؤال بس لما نتقابل هتفهمي كل حاجه

شمس: انت جبت رقمي منين

فهد: يعني سبتي كل ده وبتسالي جبتي رقمك منين

شمس: اهاا

فهد: من مامتك ي عبيطه

شمس: طب اتنيل

فهد: هنام عشان الشغل ومتنسيش معادنا بكره ف نفس المكان اللي اتقابلنا فيه الصبح

شمس: مش هاجي

فهد: هتيجي

شمس: مش هاجي

فهد: انا عارف انك هتيجي عشان فضولك ده

شمس: اما نشوف سلام

قفلت وهيا ف راسهاا الف سؤال ونامت من كتر التفكير

صحيت الصبح راحت الشغل وحكت ل مي كل حاجه

مي: طب روحي شوفيه واسمعي هيقول اي

شمس: مش عايزه

مي: انا عارفه انك عايزه تروحي روحي وانا هاخد مكانك

شمس: طيب سلام

راحت لقته مستنيهاا ف المطعم

فهد: قولتلك انك هتيجي

شمس: قول اللي عندك عشان همشي

فهد: تتجوزيني

شمس: اد ده انت فجأتني

فهد: طب اي

شمس: عايز تجوزني ليه

فهد: عشان حبيتك

شمس: حبيت فيا اي

فهد: لماضتك وطولت لسانك

شمس: انا كلي اتحب ياض

فهد: نهارك اسود ياض

شمس: امال بت

فهد: اتعدلي ي بت

شمس: طب انا همشي

فهد: مقولتيش رايك

شمس: ليه عايز تجوزني وبسال جد

فهد: عشان باره بوالدتك ف اكيد هتراعيني وتراعي عيالنا ف المستقبل لقيت فيكي صفات حلوه ف حبيتك ومش عايز ابعد عنك وامك ف عنيا انتي بتعيطي ي شمس

شمس: عشان اول مره اقابل حد حنين كده وحبني ومزهق مني من بعد ماما

فهد: ربنا اذا حب عبد ابتلاه وهو بلاني ب احلي بلوه

شمس: 🥹😹كركركركرك

فهد: يخرب بيتك عنزه بتضحك

شمس: بس ياض

فهد: بحبك ي بت

شمس: مموافقه ياض 🥹