رواية صدفه خطفت قلبي الفصل الثامن 8 - بقلم شهد أحمد

نهله بعصبيه: انت غبي مش بتشوف. الشاب: اسف يا استاذه مخدتش بالي. نهله بعصبيه: تاخد بالك بعد كده. ومشت. الشاب: يخربيتك ده انا خوفت منك، ربنا على المفتري ياشيخة. عند عمرو في الشركة. عمرو: مقولتليش ليه إن فيه صفقة جديدة، وكمان وافقت عليها. زياد: والله حضرتك كنت مسافر ورجعت، منزلتش الشركة. أفضل قاعد عشان حضرتك ترجع، وبعدين فيها إيه، وافقت عليها، صفقة كويسة، فيها إيه. عمرو: مفيش حاجة يا زياد. الشركة دي بتاعت مين.

زياد: أستاذ عز. عمرو باستغراب: مين عز ده. زياد: ده صاحب شركة كانت لسه صغيرة لما انت سافرت، بس من ست شهور وهو وأخته اشتغلوا على الشركة لحد ما بقى ليها اسمها وكبرت، وإننا نشتغل معاه الفترة دي مكسب لينا وليهم برضه. عمرو: تمام، أنا همشي دلوقتي عشان كارما هناك لوحدها، وأنت عارف ماما. زياد بضحك: أكيد عرفها. روح أنت بس، اعمل حسابك بكرة عندنا حفلة على شرف الصفقة. عمرو: تمام، سلام. زياد: سلام.

رجع البيت تاني، كانت كارما قاعدة مع حبيبة. عمرو: أهلاً بأجمل بنات. حبيبة: يا بكاش، أكيد قصدي على كارما، بس قلت ناخد حبيبة بالمرة. كارما: لا يا حبيبتي، أنتي قمر برضه. حبيبة: إزاي بس، ده أنا بطيخة قدامك أهو. عمرو: آه صح، هتولدي إمتى. حبيبة: كمان شهر اهو، ربنا يسترها. عمرو: متخافيش كده، هتقومي بالسلامة إن شاء الله. كارما: فعلاً ربنا معاكي، أنا سمعت إن الموضوع ده بيكون صعب. حبيبة: حبايبي، عقبال ما أفرح بيكم كده.

عمرو: إن شاء الله. كارما بكرة عندنا حفلة، ماشي. كارما: أوك، عادي نحضر. عمرو: تمام، أنا هطلع أنام شوية، تصبحوا على خير. حبيبة: وأنت من أهل الخير. كارما: وأنت من أهل الخير يا حبيبي. عند نهله، رجعت البيت وفضلت متعصبة، وبعدين قامت تكلم رحمة. نهله: إيه يا زفتة. رحمة: إيه ياختي، مالك من ساعة لما سمعتي حوار الصفقة دي، وإنتي متعصبة. يابنتي خليكي قوية واكسري منخير اللي طلعة في السما دي.

نهله: مش عارفة، كنت هضعف لما شفته، بس كلامه خليني بدل ما أتكلم معاه، أضربه بالقلم. خايفة، وكمان هييجي معاه خطيبته. يارحمة، مش عارفة أعمل إيه. رحمة: بت بت، انتي هتشليني. أنا هاجيلك بكرة وأظبط، أخليكي تاكلي الحفلة كلها لوحدك، أكتر من خطيبته دي ميت مرة كمان. اصبري عليا بس. نهله: ربنا يستر منك. هستناكي بكرة، سلام دلوقتي. رحمة: سلام. تاني يوم، عند عمرو. صحى من النوم ونزل تحت، كان كلهم على الفطار. عمرو: صباح الخير.

الكل: صباح النور. زياد: كل ده نوم حضرتك. اعمل حسابك بكرة هتنزل الشركة تاني، كفاية دلع لحد كده. عمرو: هنزل ياخويا هنزل، بلاش صداع على الصبح. وبعدين الحفلة دي إمتى. زياد: الساعة سبعة كده هتبدأ، ولازم تكون موجود بدري عشان نمضي الأوراق في أول الحفلة. عمرو: خلاص يا عم، هكون موجود، متخافش. كارما: حبيبي، عايزة أروح المول عشان فيه حاجات عايزة أجيبها. عمرو: تمام، قومي البسي ونروح. كارما: حاضر. وطلعت تلبس.

عند نهله، صحيت من النوم وصلت ونزلت تحت، كان عز موجود. نهله: صباح الخير. عز: صباح النور ياحبيبتي. نهله: هتروح الشركة. عز: آه، عشان أجهز ورق الصفقة، وهاجي على طول، مش هتأخر. نهله: تمام. وبعد شوية، جت رحمة. رحمة: إيه يابت، لسه ملبستيش. نهله: هلبس من دلوقتي، ليه لسه بدري. رحمة: لا ياختي، هنروح المول نشوف الفستان. نهله: فستان مين ياختي، أنا مش هلبس فستان. رحمة: قومي يابت، ده خطيبته مزة، قومي خلينا نعملك حاجة حلوة، يلا.

نهله: أففف، خلاص هقوم، بطلي زن زن. وطلعت لبست ونزلت، خرجت مع رحمة راحت المول تشوف فستان. نهله: أنا مش هلف كتير، تمام. رحمة: تعالي بس، تعالي. عند عمرو، كارما خلصت لبس ونزلت. كارما: أنا خلصت، يلا. عمرو: يلا. وراحوا المول. كارما فضلت تلف في المحلات عشان تشوف فستان، ونهله كمان فضلت تلف. نهله: بت، أنا زهقت، يلا بقا. رحمة: طب خلاص، تعالي نشوف الفستان ده بس. نهله: ده آخر حاجة هشوفها، تمام. رحمة: حاضر حاضر، يلا بقا.

نهله: يلا ياختي. ودخلت تشوف الفستان. رحمة: يخربيت جمال أمك، إيه ده، ده أنتي مزة مزة. نهله: بس مش شايفة إنه قصير يعني. رحمة: قصير، قصير، بس قمر، خلاص، هنأخد ده. نهله: ماشي، هدخل أغير. ودخلت غيرت الفستان وخرجت، خدته ومشيت من المول. وكارما برضه فضلت تشوف فساتين كتير لحد ما جابت فستان ومشيت مع عمرو. بليل، عند عمرو. عمرو: يلا يا كارما عشان هنتأخر. كارما: خلاص، أنا خلصت. عمرو: زي القمر، يلا عشان هنتأخر. كارما: أوك، يلا.

ونزلت مع عمرو وزياد ومشوا، راحوا الحفلة. عند نهله في الأوضة. نهله بزهق: بقالك ساعتين بتعملي إيه، هموت وأعرف. رحمة: خلاص، خلصت أهو. نهله قدام المرايا: شكلي حلو. رحمة: قمر، قمر فعلاً، يلا عشان هنتأخر كده. نهله: يلا. ونزلت تحت مع رحمة، كان عز مستنيها تحت. عز: وااااو، إيه القمر ده، يخربيتك. نهله: مرسي ياروحي، أنت اللي قمر. عز: طب يلا، مش عارف أمي ترضاكِ ليه، يعني مش زماني دلوقتي متجوزك، بس نقول إيه. يلا ياختي، يلا.

نهله ضحكت عليه ومشيت. في الحفلة. عمرو: هما فين ده، الساعة سبعة ونص. زياد: خلاص، أكيد الطريق. كارما: فعلاً عادي يا حبيبي. عمرو كان هيتكلم لسه، بس الحفلة كلها ظلمت فجأة، والنور كان عند الباب بس. كارما: مين اللي بيحصل عشانه كل ده. عمرو: مش عارف. زياد: يمكن عز بيه، الله أعلم، خلينا نشوف. وعمرو بيبص، اتصدم لما شاف نهله داخلة مع عز الحفلة. عمرو بصدمة: مش ممكن.