رواية صدفه مجنونه الفصل العشرون 20 - بقلم زهرة الربيع

قال بدموع: لا.. لا، ما جاش أبدًا. ما جاش يا صدفه. صدفه اتفاجأت. وعمار قال بدموع: مش لإنّي شوفتك في البار ولا لإنّي شوفتك مع عرفه. لأ. أنا ما جاش في بالي إنّك بريئة لإنّي اتربيت على إنّ كل الستات كده. كلهم واطين. انتي مستحيل تحسي بيا. ويمكن تفهمي إنّي بقول كده لإنّي عايزك تسامحيني، لكن دي الحقيقة. صدفه كانت بتبص له باستغراب. وعمار كمل وقال بوجع شديد:

شاب مكملش الـ 18 سنة، تكون مرات أبوه بتجيله من ورا أبوه عشان تغريه وعشان عايزاه... عايزاه يخون أبوه. طبيعي جدًا ما يأمنش لأي واحدة وما يثقش في أي بنت. صدفه اتسعت عينيها بزهول من اللي قاله. وعمار قال ببكا ودموع: طبيعي يحس بالغدر من كل اللي حواليه. لما يبقى عارف إنّ أبوه مات بسببه. عرفتي ليه ما كنتش مصدقك يا صدفه؟ أنا ما كنتش بصدقك لإنّي مش بثق في أي حد ولا بصدق أي حد. وقعد على السرير بحزن ووجع.

صدفه قربت منه وقالت بدموع: ممكن تحكي لي يا عمار؟ أنا عايزة أسمعك. عمار قال بدموع: عايزة تعرفي إيه؟ ما فيش حاجة ينفع تتقال. صدفه قربت منه ومسكت إيده وقالت: أنا عايزة أعرف كل حاجة. ارجوك فضفض. أنا من ساعة ما شوفت نظراتك لها أول ما دخلت، وأنا كنت متأكدة إنها آذتك أوي. احكي لي. عمار اتنهد وقال: بعد ما أمي اتوفت، أبوي فضل وحيد فترة. وبعد كده قرر يتجوز واختارها من... احم... من مكان زي اللي بتشتغلي فيه. صدفه اتنهدت بحزن.

وعمار كمل وقال: وفي يوم وليلة، لقتها مرات أبويا وسكنت معانا. كانت تصرفاتها معايا غريبة. كنت فاكر إنها بتعمل كده عشان تكسبني لإنها مرات أبويا. لحد ما في يوم جات لي الأوضة واتكلمت دغري بمنتهى البجاحة والسفالة. أنا هزأتها ومشيتها. وكنت خايف أتكلم، تكذبني وتخسرني أبويا. خفت وسكت. بس فضلت تضايقني كتير لحد ما في يوم جات لي وكانت لابسة هدوم زبالة وهي وبتقول نفس كلامها المقرف. أبويا دخل. صدفه بصت له بحزن وقالت: سمعها؟

عمار قال بدموع: هو ما قالش حاجة... بس أنا واثق إنه سمعها. مشاها من الأوضة بغضب شديد وقال لها: استنيني في أوضتنا. وباس راسي وخلاني أنام وغطاني ومشي.

أنا ما عرفتش إيه اللي حصل ولا إيه اللي اتقال بينهم. تاني يوم خرج من الصبح بدري وعمل حادث. من يومها وأنا حاسس بالذنب. أنا متأكد إنه ساق وهو مضايق عشان كده عمل الحادث. مات بسبب اللي سمعه. ما عرفتش كان بيفكر فيا إزاي. كان نفسي حتى أقول له إني ماليش دعوة، وإني بحبه وعمري ما غلطت معاه. بس ملحقتش. راح فجأة وملحقتش أشرح له حاجة. عمار بقى يبكي بحرقة ووجع. وصدفه شدته لحضنها وقالت بدموع:

بس اهدى. انت مالكش ذنب. انت ما عملتش حاجة يا عمار. اهدى ارجوك. عمار فضل يحضنها بقوة وفضل يبكي ويخرج دموع حبسها لسنين. صدفه كانت زعلانة جدًا عليه وفضلت تهديه. وعمار نام على رجلها. وفضلت تمشي إيدها على شعره بحنية لحد ما راح في النوم. وصدفه فضلت تتأمل ملامحه وتمسح دموعه وقلبها بيتقطع عليه. ونامت هي كان مكانها. عند صباح، كانت مستغربة اللي زياد قاله. وقالت: ولا هو انت مش كنت جاي مع ابن عمك عشان صدفه؟ ولا عشان حاجة تانية؟

زياد بص لجنى بتوتر وقال: لا... أنا... أنا الصراحة بحب جنى وجيت عشان أخطبها منك. جنى اتوترت جدًا وكانت مصدومة من اللي بيقوله. وقالت: تصبحين على خير يا ماما. ولسه هتمشي، صباح شدتها من إيدها وقالت: لا استني يا روح أمك. مفيش نوم النهارده. قولي لي انتي تعرفي الجدع ده؟ جنى سكتت. وزياد قال: أنا هقويك يا طنط. هو الصراحة... أنا من ساعة ما شفتها في البيت وأنا معجب بيها. وقابلتها كام مرة كده عند الدرس بتاعها. بس كده.

صباح بصت لجنى وقالت: مش هتقولي حاجة يا بنت نعيم؟ جنى قالت بتوتر: هقول إيه بس يا ماما؟ اللي حصل زي ما قال زياد. بس انتي براحتك لو مش موافقة عليه نمشيه. زياد كررها وراها بزهول وقال: نمشيه؟ جنى قالت: أيوه. لو ماما مش موافقة. أعمل لك إيه يعني؟ صباح قالت: هي ماما لا موافقة ولا رافضة. زياد قرب منها بفرحة لما حس بأمل في كلامها وقال: يعني إيه حضرتك؟ صباح قالت:

يعني جنى لسه لازم يتأخذ رأي أبوها. وفي حال وافق واعتبروه موافق يعني. ساعتها جيب أهلك وتيجوا تخطبوها. جنى ابتسمت بفرحة. وزياد فرح جدًا وقال: أكيد أكيد ده اللي هيحصل بإذن الله. شكرًا يا أحلى صبوحة في الدنيا. صباح ضحكت وقالت: العفو يا حليوة. يلا روح نام. الوقت اتأخر. في صباح يوم جديد، عمار قام من النوم لقى نفسه حاطط راسه على رجل صدفه وهي نايمة زي الملايكة. قام وقرب منها جاحد. ولسه هيبوسها، صدفه صحيت بخضة وقالت:

انت بتعمل إيه؟ مش هتبطل حركاتك دي؟ عمار ابتسم وقال: أنا عملت إيه؟ كنت هصبح عليكي بس. صدفه جات تقوم. حست رجلها متخدرة وقعدت تاني بألم وقالت: آه... يا لهوي. رجلي مش حاسة بيها. عمار قال بحزن: كنتي صحتيني. معقولة تسبيني الليل كله نايم عليها؟ صدفه بقت تتمشى عليها وقالت: ولا يهمك. شوية وهتفك. المهم لاقيلنا حل في الباب ده. لإنّي هخرب بيت صباح النهارده. عمار ضحك وقال: شويه وهتيجي كده كده تفتح الصالة وتبقى تفتح لنا.

صدفه قالت بغضب: صالة إيه اللي هتفتحها؟ هي هتيجي بعد العصر. هنفضل كل ده محبوسين. اتصرف. اكسر الباب ده. عمار قال: طيب لو فتحته هتمشي معايا؟ صدفه اتنهدت وقالت: لا... مش هقدر يا عمار. أنا بعذرك وعارفة إن معاك حق بعد اللي حكيته. إن ثقتك تتهز في اللي حواليك. بس...

بس أنا كمان طول عمري عايشة كده في خوف. وعمر ما حد احترمني ولا قدرني. وأهم حاجة عندي في اللي هتجوزه إنه يحترمني ويثق فيا ويحبني ويعوضني عن كل اللي عدى. بس انت مش الراجل ده خالص يا عمار. انت ظروفك حتمت عليك إنك تشك فيا مع أول موقف. صدقني مهما نعيش مع بعض لازم هتحس بالشك ده في قلبك. وأنا مش هقدر أستحمل كده. عمار اتنهد وقال: بس أنا هحاول إني ما أعملش كده تاني يا صدفه. وصدفه قاطعته وقالت:

شوفت. قولت هحاول. يعني مجرد محاولة. أرجوك يا عمار، تديني وقت. أنا حاليًا مش عارفة آخد قرار. بس يمكن يجي وقت وأقدر أتخطى اللي حصل. عمار قال بحزن: يعني مفيش أمل ترجعي معايا؟ طب ارجعي معايا وهسيبك تاخدي راحتك ومش هاجي جنبك. طب حتى هسيب لك أوضة لوحدك. صدفه بعدت وقالت بدموع: أرجوك يا عمار، متضغطش عليا أكتر من كده. عمار اتنهد وطلع مفتاح وفتح الباب بيأس. صدفه اتسعت عينيها بزهول وقالت:

انت معاك المفتاح وسايبني طول الليل أحاول أفتح؟ يا عمار! عمار قرب منها وقال: أنا همشي عشان جدي يومين تاني. لو مجتيش، هاجي تاني. مش هسيبك يا صدفه. أنا مبقتش أقدر أعيش من غيرك. وباسها من خدها برقة ومشي. صدفه حطت إيدها على خدها بفرحة واترمت على السرير بسعادة حقيقية. عند عمار، مشي واتصل على زياد عشان يحصله. وطلع على شغله على طول عشان معاه شغل مهم. ورجع على القصر بالليل وهو تعبان جدًا. لقى جدو بيتعشى. جاد قال:

إيه يا عمار يا ابني؟ كل ده على ما تطمني عليك؟ لولا إن سيف قلي إنك معاه في الشغل. عمار باس إيده وقال: حقك عليا يا جدي. بس كنت عند صدفه وطلعت على الشغل. جاد قال بفرحة: ها؟ وعملت إيه معاها؟ عمار اتنهد وفال: لسه راكبة دماغها. قولت أسيبها تهدي شوية وأروح لها تاني. جاد قال: معلش. ماهيه برضو معاها حق. انت زودتها معاها. عمار اتنهد وقال: أنا عارف. عن إذنك بقى هروح أنام. تعبان جدًا. جاد قال: طب اتعشى الأول. عمار قال:

لا معلش مش قادر. أكلت مع سيف في الشغل. عمار قال كده وطلع على أوضته. خد دش وهو بيغير. الباب خبط. فتحت وكانت واحدة من الخدم معاها كباية عصير. قالت: جاد باشا بيقول لك اشرب العصير ده طالما مش هتتعشى. عمار ابتسم وأخد العصير وقفل الباب. وفتح اللاب يخلص شوية شغل وهو بيشرب العصير. عند صدفه، كانت بتنضف الأوضة بتاعت عمار اللي بات فيها. ولقت الجاكت بتاعه ناسيه. مسكتُه وحضنتُه بحب وبقت تشم البرفن بتاعه بشوق. وقالت:

يخربيت جمال صاحبك. ولسه هتطبقه، وقعت منه الفلاشة. أيوه نفسها الفلاشة اللي كان حاططها في الأوضة عشان يراقب صدفه وعرفها. صدفه مسكت الفلاشة باستغراب وقالت: الواد ده بيسمع أفلام إباحية ولا إيه؟ نهارك أسود يا عمار لو كان عليها بنات. وجابت اللاب توب وشغلت الفلاشة. واتفاجأت إنّها مسجلة المقابلة بتاعتها مع عرفه. وقالت: آه... بقى كده بتراقبني يا ابن الـ...

ولسه هتشيلها، لقت إنّها مسجلة كل اللي حصل يومها. شافت عمار بعد ما مشاها وفضل يبكي في الأوضة. ودخول سوزان. وبعدها دخول ابتسام وكلامها معاه. بس الصدمة كانت من الحوار اللي كان بين وداد وابتسام. وكان متسجل كله. اتسعت عينيها بزهول وصدمة لما سمعتهم بيعترفوا إنهم اشتركوا في قتل والد عمار. وقطعوا فرامل عربيتُه. صدفه قفلت اللاب برعب وقالت: إيه ريا وسكينة دول؟ يا لهوي... عمار...

عمار ما يعرفش حاجة من ده كله. أنا لازم أقول له. أكيد مشافش اللي في الفلاشة دي. هو لسه فاكر إن أبوه عمل حادث. أخدت الفلاشة ونزلت جري. ولسه هتطلع، صباح قالت: على فين يا بت؟ بتجري كده ليه؟ صدفه قالت: رايحة لجوزي يا خالتي. سلام. صدفه طلعت جري وصباح بقت تنادي عليها. عايزة تفهم منها. بس ما وقفتش. عند عمار، أول ما شرب العصير وحس جسمه تقل وزغللة وعرق وبقى مش على بعضه. لسه هينام. دخلت سوزان وقالت بدلال: عمري...

انت لسه ما نمتش؟ عمار بص لها بتوهان وقال بتهته: عايزة إيه؟ اطلعي... اطلعي حالًا. بس سوزان قربت منه بدلال وقالت: أنا بحبك يا عمار. وبس قطع كلامها خبط شديد على الباب. راحت فتحت بتوتر. وكانت ابتسام. قالت: الحقي يا سوزان. أمك اغمى عليها. مش عارفة مالها. سوزان اتخضت وجريت على أوضة أمها. وابتسام قفلت الباب. وكل ده وعمار واقف شايفهم ومش مركز خالص. وفي دنيا تانية. ابتسام قربت عليه وحاوطت رقبته بإيديها وقالت: وحشني يا عمار.

عمار ابتسم بتوهان وشدها عليه وقال: صدفه... انتي جيتي. ابتسام قالت بضيق: صدفه... مش مهم صدفه. صدفه... أيوه يا عيوني جيت. عمار قرب ولسه هيبوسها. اتفتح الباب وووووو. عمار قرب منها وهو مش حاسس بحاجة. ولسه هيبوسها، دخلت صدفه وبصت لهم بصدمة. وابتسام بقت تداري في نفسها. وقالت بارتباك مصطنع: إيه ده؟ صدفه! اتفضلي. أنا كنت هخرج أصلًا.

و لسه هتمشي، صدفه جابتها من شعرها ووقعتها على الأرض. وقلعت جزمتها وبقت تضربها بيها بغل. ابتسام لسه هتصرخ. صدفه قالت: إشششش. اخرسي. لو صوتك طلع وحد جيه سأل إيه اللي بيحصل، هقول لهم على كل حاجة. من أول اللي شوفتُه دلوقتي لحد اللي كنتي بتحاولي تعمليه مع جوزي. حتى في حياة جوزك يا وسخة. ابتسام بصت لها بخوف رهيب. وصدفه قالت: ودلوقتي تاخدي واجبك وانتي ساكتة. ولا نفس؟ ابتسام قالت بخوف: ولا نفس.

وهنا صدفه نزلت فيها ضرب. ووقعتها على الأرض. ونزلت فيها ضرب لحد ما تعبت. وابتسام كانت بتتألم و بتبكي. بس خافت تصرخ بعد اللي صدفه قالتُه. صدفه أدتها اللي فيها النصيب. وقومتها ورمتها بره الأوضة بغضب. وقالت: لو جيتي ناحية جوزي تاني، هسلخك. عارفة يعني إيه هسلخك؟ ابتسام قالت وهي بترتعش: عارفة. حاضر. صدفه بصت لها بانتصار. كانت هدومها متبهدلة وشعرها منكوش. وعلامات الضرب معلمة عليها. ابتسمت برضا وقالت:

كده فل. يلا غوري من هنا. وقلعت الباب. وبصت لعمار اللي كان واقف مغيب ومش فاهم حاجة ولا حاسس بحاجة. قربت منه وقالت: عمار، انت كويس؟ عمار بلع ريقه بارتباك وشدها عليه وقال: مش عارف. محتاج لك أوي... أوي يا صدفه. صدفه قالت بتوتر: أنا كنت عايز أحكيلك على موضوع. وعشان كده جيت. وبس. عمار كان بيبص لها بنظرات غريبة كلها رغبة على غير العادة. وصدفه قالت بتوتر: بتبص لي كده ليه؟ عمار شدها عليه وبلع ريقه بصعوبة وقال: بتحبيني؟

صدفه تاهت في عيونه وهزت راسها بـ "أيوه" ببطء. وعمار مستناش لحظة وباسها بقوة وعمق وجنون. وإيده بتتجرأ على جسمها. صدفه حاولت تمنعه بس مقدرتش تمنعه ولا تمنع مشاعرها تجاهه. وعمار شالها وحطها على السرير وووووو. عند وداد، فتحت عينيها ببطء على البرفن اللي كانت بنتها بتشممهولها. وقالت بدوخة: إيه اللي حصل؟ سوزان اتنهدت براحة وقالت: أخيرًا فوقي. رعبتيني عليكي. وداد قعدت وقالت باستغراب: إيه اللي حصل؟ انتي لسه هنا؟

إزاي سبتي عمار؟ سوزان قالت: ما أنا كنت معاه. وكان خلاص داخل. وجاتني ابتسام وقالت إنك اغمى عليكي. مقدرتش أسيبك. وجيت جري. وداد اتسعت عينيها بزهول وهي بتفتكر وقت خروجها من الحمام. وحد خدرها بمنديل فيه مخدر. وكده اتأكدت إن ابتسام عملت كده عشان تخرج بنتها من عند عمار. قامت بغضب وطلعت. ولسه هتتحرك. جاتها ابتسام وقالت بتعب: مفيش فايدة. مراته جات. وداد بصت لها بصدمة وضحكت جامد لما شافت شكلها. وقالت: إيه اللي عمل فيكي كده؟

مين اللي بهدلك كده؟ ابتسام بصت لها بغيظ وقالت: خليكي اضحكي. أصلًا مفضلش حاجة تانية تعمليها. وراحت على أوضتها بغضب. في صباح يوم جديد، عمار قام بتعب وصداع. وحس بتقل على دراعه. بيبص جمبه واتفاجأ بصدفه نايمة وحضناه. بقى مستغرب ومش عارف إيه اللي حصل. بس ابتدت أفكاره تتجمع. وافتكر كل اللي حصل من دخول سوزان. وبعدها ابتسام. لحد دخول صدفه. وكل اللي عملته مع ابتسام. وكمان اللي حصل بينهم. ابتسم بسعادة وهو مش مصدق نفسه.

وقرب منها وقال بهمس: صباحية مباركة يا أجمل صدفه. صدفه فتحت عينيها ببطء. وبصت له بكسوف شوية بعد ما افتكرت اللي حصل. وقالت: احم... صباح الخير. إيه... إيه الساعة كام؟ عمار شدها عليه وقال: ده وقت ساعات. هو انتي شربتيني إيه امبارح؟ أنا مش عارف إزاي كل ده حصل. صدفه قالت: شربتك؟ ده على أساس إنك ما كنتش عايز يحصل. عمار قال: مش عايز؟

ده أنا كنت هاموت ويحصل. بس يعني كنت عايز أبقى فايق أكتر من كده في أول ليلة لينا. أكيد ما كنتش عايزها تعدي بالبساطة دي. صدفه اتكسفت وقالت: احم... لا كفاية عليك كده. ولسه هتقوم. شدها عليه وقال: بس أنا فاكر كل حاجة. وأنا آسف على كل كلمة قلتها. وكل لحظة شكيت فيكي. حاولي تسامحيني. صدفه ابتسمت وقالت: أنا بحبك. واللي بيحب بيسامح. عمار ابتسم بسعادة الكون كله وقال: وأنا بعشقك يا صدفه. ولسه هيبوسها، بعدت وقالت:

بس بقى. مش وقتُه. فيه مواضيع مهمة لازم نتكلم فيها. أولًا، انت شربت إيه امبارح؟ عمار قال باستغراب: بجد؟ امبارح ما كنتش عارف إيه اللي بيحصل فيه. حاجة غريبة. بس أنا ما شربتش أي حاجة. صدفه اتنهدت وقالت: اصل أنا لقيت اللي متتسماش معاك. واضح إنها... واضح إنها حطت لك حاجة في أكل أو شرب. لإنك ما كنتش مركز. عمار افتكر كباية العصير وضم إيديه بغضب وقال: طب أقتلها وأرتاح. صدفه قالت بتوتر:

ركز معايا يا عمار. وحاول تهدى. امبارح عرفت حاجة. ولازم تعرفها. عند ابتسام، كانت بتلم هدومها وعايزة تمشي بعد اللي صدفه قالتُه. خافت منها. وخافت تكون عارفة حاجة تانية غير موضوع عمار. دخلت وداد وقالت: انتي هتمشي ولا إيه؟ ابتسام قالت: أيوه. أنا لازم أمشي. ورايا شغل ضروري. وداد قالت باستغراب: شغل إيه ده اللي طلع لك فجأة كده؟ ابتسام جرت شنطتها وطلعت. وقالت: بعدين يا وداد.

ولسه هتنزل، طلع عمار من الأوضة وهو بيزعق بطريقة ترعب. وكانت صدفه بتجري وراه وبتحاول تمنعه. بس من غير فايدة. وقرب منهم بغضب جحيمي وقال بزعيق: آه يا زبالة! يا واطية منك ليها! ومسك ابتسام من رقبتها بغل. وبقى يخنقها جامد ويقول: قتلتيه يا زبالة؟ قتلتِ أبويا يا حيوانة؟ جاد جاله على صوته. وبقى يحاول يبعده عنها هو وصدفه. بس مش قادرين. وابتسام كانت بتطلع في الروح. وداد كانت بتبص لهم بخوف. ولسه هتمشي برعب. عمار ساب ابتسام.

ومسكها من إيدها بقوة وقال: رايحة فين؟ يا مرات عمييييي. وداد كانت بتبص له برعب. وجاد قرب منهم وقال: فيه إيه يا ابني؟ إيه اللي سمعته ده؟ مين قتل أبوك؟ عمار لسه هيرد. زياد قال: أنا هقول لك يا جدي. أنا هحكي لك. بس اتفاجأوا كلهم بدخول الشرطة معاه. وزياد قال بغضب: هما دول يا حضرة الضابط. مدام ابتسام أرملة عمي. ونزلت دموعه وقال: وأمي. هما دول اللي قتلوا عمي عز المنزلاوي.

هنا كانت الصدمة للكل. لجاد اللي كان الخبر بالنسبة له زي صاعقة. وعمار وصدفه اللي اتفاجأوا إن زياد يعرف أصلًا. وطبعًا كانت صدمة الأكبر لوداد إن ابنها هو اللي بلغ عنها. زياد قرب منها وقال: ليه يا أمي؟ ليه؟ أنا من ساعة ما عرفت وأنا مش عارف أنام. ولا عارف أعيش. زي ما أكون معرفتش حاجة. ولا قادر أذيكي ولا أسامحك. ليه اضطرتيني لكده؟ ليه تسمعي للشيطانة دي؟ ليه تخلي ابنك يعيش طول عمره مكسور وهو عارف إن أمه واحدة قاتلة؟

وداد كانت في حالة غريبة. ما كانتش متخيلة إنها تتفضح قدام أولادها كده. دموعها بقت تنزل ومش بتنطق. عكس ابتسام اللي كانت بتبص لهم بحقد رهيب. الضباط أخدوهم معاهم. وزياد بقى يبص لطيفهم بحزن شديد. وعمار قرب منه وحط إيده على كتفه وقال بدموع: أنا... أنا ممكن اتنازل عشانك وبس. قاطعه زياد لما حضنه وقال بدموع: بس أنا مش هتنازل. عشانك يا عمار.

ومرت الأيام والشهور. وتوالت الأحداث. كانت وداد وابتسام اتسجنوا. وكان زياد بيروح يزور أمه كل فترة في مستشفى السجن. لإنها مش بترد على حد. عندها صدمة نفسية بعد ما ابنها بلغ عنها. وجوزها طلقها لما عرف إنها قتلت أخوه. بالنسبة لعرفة، بعد ما ابتسام اللي كانت بتساعده اتحبست. وصدفه عاشت مع جوزها. وجوازهم بقى حقيقي. مقدرش يعمل حاجة. وطلع من حياتهم إجباري. سوزان بعد اللي حصل لأمها. راحت عاشت مع أبوها بره البلد. واستقرت هناك.

بعد مرور سنتين من الاستقرار التام لأبطالنا. كان فرح زياد وجنى. وكان احتفال كبير جدًا بحضور أغنى أغنياء المدينة في قصر المنزلاوي. جنى كانت جنب زياد. وكانت بفستان الفرح تجنن حرفيًا. وزياد كمان كان زي القمر. وقال: مش مصدق إن أمك وافقت تجوزنا. بعد ما كانت مصرة إنك تخلصي دراسة الأول. جنى ضحكت وقالت: ما انت اللي فضلت تزن يا زياد. زياد ضحك وقال: أزن؟ يعني انتي كمان رأيك من رأيها؟ جنى بصت له بحب وقالت بكسوف:

تؤ. لا. أنا مبسوطة إننا اتجوزنا. زياد باس إيدها وقال: أنا كمان مبسوط إنك أخيرًا بقيتي لي. وبس. قاطعه عمار لما قال: أنا كمان مبسوط إنكم معانا والله. عاملين جو يا جدع. جنى ضحكت بكسوف. وزياد قال: يا غلس. ده وقتك. عمار قال: لا طبعًا. أكيد مش وقتي خالص. بس أنا لقيت نفسي فاضي. قولت ميصحش أسيبكم لوحدكم. بعدين تملوا. ولابس قطع كلامه وابتسم بعشق لما شاف حوريته طالعة بهيئة تخطف القلب بفستان رقيق وميكب خفيف. كانت طالعة قمر.

عمار قال: آه. كده شوفت بقى. لازم أسيبكم مع بعض. عرسان. ومينفعش أضايقكم. عن إذنكم. زياد ضحك لما شاف صدفه وقال: اممم. عايز يسيبنا على راحته. واضح. عمار راح لصدفه وقال: احم... هو إزاي الناس بتقول إن القمر واحد؟ وأنا شايف اتنين. صدفه ابتسمت وقالت بخضة مصطنعة: يا لهوي. ليكون عمى ليلي؟ روح اكشف. عمار ضحك وقال: يخربيت كده. حد يشيل الفيشة كده مرة واحدة؟ فصلتيني شهر لقدام. صدفه ابتسمت وقالت:

ما انت اللي كل ما تشوفني تعاكسني. إحنا متجوزين ومخلفين. يعني عيب حركات المراهقين دي. عمار ضحك وقال: طب بمناسبة مخلفين. هو جاد باشا فين؟ صدفه شاورت بإيدها على جده. وكان شايل طفل وبيلاعبه بفرحة. وجنبه نعيم وصباح وبيضحكوا سوا. صدفه ابتسمت وقالت: جاد الصغير مع جاد الكبير. شايف بيحب جدو إزاي؟ عمار قال: طبعًا لازم يحبه. إحنا كلنا عيلة المنزلاوي. فينا حاجة كده تتحب من أول نظرة. دي جينات يا بنتي. أمّال أنا وقعتك إزاي؟

صدفه ضحكت جامد. وعمار قرب وقال: بلاش تضحكي. والله كل ما بتضحكي ببقى هاموت وأبوسك. والله مجنون وأعملها قدام الناس. صدفه قربت منه وبصت في عينيه وقالت: والله أنا أجن منك. ومعنديش مانع. وقربت وباسته بسرعة. عمار بص لها بزهول وقال: يا خړابي. على الجنان. صدفه قربت وقالت: مجنونة بس بحبك. عمار شدها عليه وقال بعشق: وأنا بموت في جنانك وشقاوتك وحلاوتك... يا أجمل صدفه مجنونة حصلت في حياتي. ...................... تمت...

بحمد الله.................. يا قمراً بليلة المنتصف يا ضياء القلب وعيونه هذاك القلب أقر واعترف أن الروح بهواكي مرهونة وبعشقك ألحاناً عزفت كم داويتيها يا حنونة وإليكِ أشواقاً ذرفت ومشاعر كانت مسجونة يا خير ما جادت الصدف يا أروع صدفة مجنونة