رواية صديق و لكن الفصل السادس 6 - بقلم بوسي عمرو

أدهم بهدوء: أنا هرجع شغلي تاني بعد أما أقدر أقف على رجليا. تقي بصدمة: نعم؟ شغل إيه اللي ترجعه؟ أنا مستحيل أخليك ترجع الشغل ده تاني. أنا مصدقت إنك بقيت كويس، مش هخليك تخاطر بنفسك تاني يا أدهم. أدهم بهدوء: افهميني يا تقي. الشغل ده مهم بالنسبة ليا أوي. تقي بدموع: طب وأنا مليش أي قيمة عندك؟ متقدرش تسيب الشغل ده عشان خاطري؟ أدهم بهدوء: تقي لو سمحتي، مدخليش ده في ده. تقي بهدوء: أنا كده عرفت أنا إيه بالنسبة ليك.

أدهم بحزن: تقي، أنا شغلي مهم بالنسبالي زي ما إنتي مهمة برضو. تقي بحزن: يبقى تختار بينا يا أدهم. أدهم بحزن: مقدرش أختار بينكم يا تقي. ده شغلي اللي حاربت الكل عشانه وحلمي اللي عملت المستحيل عشان أحققه. تقي بدموع: تمام يا أدهم، أنا عرفت أنت عايز إيه دلوقتي. أدهم بحزن: تقي استني. لكن تقي سابته ومشيت. عند تقي، كانت قاعدة في حديقة المستشفى وبتعيط. تقي بدموع: يارب خليه يصرف نظر عن موضوع الشغل ده. أنا مش عايزة أخسره.

الراجل بطيبة: مالك يا بنتي؟ فيكي إيه؟ تقي بخوف بعدت عنه وقالت: مفيش. الراجل بضحك: متخافيش. يمكن لبسي مش كويس بالنسبالك؟ بس أنا كده لبسي بعد ما ولادي طردوني من البيت. تقي بحزن: وهم ليه ولادك طردوك من البيت يا عمو؟ الراجل الطيب بحزن: عشان مصاريف علاجي مع إن الحمد لله مستورة معاهم. تقي بدموع: أنا آسفة. الراجل بطيبة: قوليلي بقا أنت مالك يا بنتي؟ تقي بدموع حكتله على كل حاجة.

الراجل بطيبة: ربنا يشاله الخير يا بنتي. حرام تموتي حلمه وهدفه. تقي بحزن: بس أنا خايفة عليه. الراجل بطيبه: سيبها على الله يا بنتي ومش هيحصل حاجة غير اللي ربنا عايزه. تقي بابتسامة: شكراً يا راجل يا طيب. الراجل بطيبه: قومي راضي جوزك يا بنتي. تقي بابتسامة: حاضر. الراجل ابتسم لها ومشي. تقي رجعت المستشفى لقت الكل موجود عند أدهم. سميحة بخوف: كنتي فين يا تقي؟ أنا قلقت عليكي. تقي بابتسامة: كنت قاعدة في الحديقة تحت.

عاصم بحنان: كنتي قولتي لحد قبل ما تخرجي يا تقي. تقي بأسف: أنا آسفة يا بابا. عاصم بهدوء: ولا يهمك يا حبيبتي. تقي راحت قعدت جنب أدهم وهمست في ودنه: أنا موافقة ترجع شغلك. أدهم بفرح: يعني مش زعلانة؟ تقي بابتسامة: تؤ تؤ. بس توعدني تخلي بالك من نفسك. أدهم بابتسامة: أوعدك. شيري راحت وقفت جنبهم. شيري بابتسامة: انتوا بتتكلموا في إيه؟ تقي بغيظ: وإنتي مالك يابت؟ حاشرة نفسك ليه؟ شيري بغيظ: لا يا حبيبتي، مالي ونص كمان.

تقي بابتسامة: ده منظر واحدة جاية من أمريكا؟ ده إنتي بيئة أوووي. شيري بصتلها بقرف وقالت: شوفوا مين بيتكلم. أحمد بعصبية: كفاية أنتوا وهي. باب الغرفة خبط. أدهم بصداع: اتفضل. مجهول بحب: أخيراً يا صاحبي هتنور الجهاز من تاني.