رواية صديق و لكن الفصل الثاني 2 - بقلم بوسي عمرو

مرت الساعات حتى حان موعد كتب الكتاب. في وقت لاحق، كانت تجلس على السرير والدموع تنهمر من عيونها. دخلت عليها والدتها الغرفة. سميحة: يلا يا تقي المأذون بره. تقي: حاضر يا ماما يلا. وبدأوا بالخروج. المأذون: أين العروسة؟ تقي: أنا يا شيخنا. المأذون: موافقة يا بنتي على الجوازة دي؟ تقي بوجع وهي تنظر إلى والدها: موافقة. المأذون: لي ادهم: موافق يا ابني على الجوازة دي؟ ادهم ببرود: موافق. أنهى

المأذون جملته الشهيرة: بارك الله لكم وبارك عليكم وجمع بينكم في خير. ادهم باستهزاء: مش يلا يا عروسة ولا إيه؟ تقي برعب: يلا فين؟ ادهم بابتسامة خبيثة: على بيتنا أكيد مش هتفضلي هنا بعد ما اتجوزتي. عاصم بهدوء: يلا يا تقي هاتي حاجتك عشان تروحي على بيت جوزك. تقي بصت لأبوها بخذلان ودموع وقالت: حاضر يا بابا. وفعلاً تقي دخلت جابت حاجتها. وهي ماشية، قالت لها أمها بحزن: هتوحشيني أوووي يا نور عيني. تقي بحزن: وانتي كمان يا ماما.

وفعلاً تقي ذهبت مع أدهم على بيته. ادهم بضحك: ادخلي برجلك اليمين يا عروسة. وفعلاً تقي دخلت من غير ما تتكلم. ادهم ببرود: اتفضلي في الأوضة دي على طول مش عايز أشوف وشك. وكان بيشاور على أوضة الأطفال. ادهم مالقش استجابة من تقي، فقال بزعيق: انتي فاهمة؟ في صباح يوم جديد. تقي كانت جعانة وخايفة تطلع من الأوضة بسبب أدهم. تقي بجوع: ما أنا مش هفضل طول حياتي محبوسة، أنا... أنا هموت من الجوع. وخرجت تشوف حاجة تاكلها.

ادهم بعصبية: بتعملي إيه هنا؟ ادهم بصدمة: يطفح؟ تقي بهدوء: أيوه مش أحسن ما أقول يتعلف. ادهم بصدمة: هااا. تقي بغيظ: انت لسه هتتصدم؟ أنا جعانة ومافيش حاجة تتاكل. ادهم ببرود: مفيش أكل. تقي بصراخ: نعاااام يا عنيا. ادهم بعصبية: صوتك يبقى واطي وإنتي بتكلميني، انتي فاهمة؟ تقي برعب منه: فاهمة. وقعدت على الكرسي الموجود وفضلت تعيط. ادهم بصدمة: إنتي بتعيطي ليه دلوقتي؟ تقي بدموع: عشان جعانة.

ادهم بهدوء: لسه زي ما انتي مش اتغيرتي ولا هتتغيري أبداً.