رواية صغيرة الليث الفصل العاشر بقلم صفاء احمد

ليث: متخليني شوية طيب. قمر: لا لا يلا. ليث بغيرة بيبص على لبسها: خليكو هنا أنا هجيبلكو الكوافير. قمر مدت شفايفها لقدام: لا بقى يا ليث أنا عايزة أخرج وكمان مجبتش فستان علشان الفرح. ليث: سيبي عليا الفستان أنا شايل هم حاجة واحدة بس. قمر: إيه هي يا روحي؟ ليث بغيرة: إنك تخرجي كدا قدام الناس. قمر بضحك: أنت ليه محسسني إني مش بكرش؟ أنت حبيبي مش شايف الكرش. ليث: في الحالتين قمر.

قمر: طب هروح الأوضة عند ملاك ويلا اتصل بالكوافير. ليث: حاضر. قمر راحت أوضة ملاك. قمر بتندم: ملاك ملاك. ملاك خرجت وهي حاطة ماسك أسود: إيه يا روحي بتندهي عليا؟ قمر بخضة: يا ماما مين دي؟ ملاك: ملاك يا حبيبتي أنا ملاك. قمر: دانتي شيطان ههه. والاتنين ضحكوا. ملاك: يلا نلبس عشان نروح. قمر: ليث مش راضي وبيقول هو وجاسر قايلين إنهم يجيبوا الكوافير هنا. ملاك: امم خلاص تعالي أحطلك ماسك. قمر: لا يا ماما بلاش من دا.

ملاك: خلاص خلاص في واحد تاني. ملاك حطت ماسك ذهبي، الباب خبط بتاع الأوضة. قمر: هروح أفتح. وفتحت لقت ليث وجاسر. قمر بتنده: ملاك جاسر وليث. ملاك دخلت على طول على الحمام بتاع الأوضة. ليث فاق من صدمته: إيه اللي أنتي عاملة دا يا قمر؟ قمر ببراءة: وحش هيخلي وشي أبيض. ليث أخدها في حضنه باحتواء: والله مش محتاجة بيض يا قمر. قمر بحب: بحبك يا ليث. ليث: وأنا كمان، آه صح بقيتي في الشهر الكام؟ وشاور على بطنها.

قمر حطت إيدها على بطنها: في أول التاسع. ليث: يا ويلي لا تولدي النهاردة. قمر: لا يا شيخ مش كدا. جاسر: جات الكوافير. ليث: طب يلا خشوا، اتفضلي يا مدام للكوافير. تسريع الأحداث. ملاك خلصت ميكاب ولبست فستان الفرح، وقمر عملت ميكاب ولبست فستان لونه أسود ومقسم جسمها وعليه طرحة بيضاء. جاسر طلع الأوضة كان لابس بدلة سودا ودخل الأوضة. جاسر دخل لقى ملاك واقفة وبتضحكلو، أخدها في حضنه. ملاك: عيب يا جاسر لسه مكتبناش الكتاب.

جاسر باس خدها: هي هي مراتي وحبيبتي. ملاك اتكسفت ونزلت راسها. جاسر بخبث: لا الكسوف دا خليه لبعدين. وغمزلها. ونزلوا. قمر خرجت من الحمام لقت ليث مستنيها. ليث بصلها بانبهار: لا لا أنتي هتنـزلي قدام الناس كدا. قمر بتعب: مالي؟ حلوة أهو. ليث: ماهو دا اللي مضايقني. قمر وجاسر نزلوا، الناس بيبصوا لقمر بانبهار، ليث حط إيده على وسطها بتملك. قمر بصت على إيده. الكل فرحان وبيرقصوا، وقمر بترقص مع قمر.

وليث بيرقص مع جاسر وأصحابه وفجأة. قمر: آه الحقوني بولد. بتاع الدي جي طفى الأغاني. قمر بصراخ: الحقني يا ليث بولد. ليث: إيه بتولدي إزاي دا حصل؟ مالسة يا قمر. قمر بغيظ وصراخ: بقولك بولد أعملك إيه؟ ليث شالها وجاسر وملاك ومدحت وكريمة راحوا معاهم والناس مشيت. كان لازم تبوظلهم الفرح يا قمر. وصلوا المستشفى، قمر وليث شالها ودخلها. الدكتور: حضرتك هاتها أنا هولدها. ليث بصوت مخيف: بقولك دكتورة مبفهمش. الدكتورة

جات اللي بتبعه معاها قمر: اتفضلوا هولدها أنا يا ليث بيه. وولدوا قمر. الممرضة خرجت وشايلة النونو في إيدها: جاتلك بنت يا ليث بيه. ليث شالها وأخدها في حضنه. قمر دخلوها أوضة عادية. ليث دخلها: أنتي كويسة يا قمر؟ قمر بتعب: فين بنتي يا ليث؟ ليث جابها: حتة منك، أه قمرية زيك يا قمر. قمر شالت بنتها: بسم الله ما شاء الله تبارك الله بنتي قمر زيي. ليث بضحك وبيبصلها وهم شايلينها: مش بقولك قمر على قمر. قمر: نسميها إيه يا ليث؟

ليث بحب: مليكة هنسميها مليكة. قمر شالتها وقعدت تلعب بيها. بعد 20 سنة، وقمر خلفت بنت وولد عنده 18 سنة اسمه عمار. ومليكة 20 سنة، وجاسر خلف بنت اسمها زينة عندها دلوقتي 10 سنين. ومراد عنده أحمد 15 سنة صغير بس قمر. مليكة: يا ماما أنا رايحة الكلية لوحدي مش عايزة سواق. قمر: طب خدي أخوكي معاكي. عمار وهو بياكل: متخديني تدلعيني مع البنات كدا. مليكة: بس يا ولا. عمار بضحك: مش عايز أمي بالدنيا القمر دي. وحضنها.

ليث دخل وشاف عمار حضن قمر: أنت يا ولد عيب متحضنش أمك. وغمزلها: أنا اللي أحضنها بس. قمر: بس يا ليث بقى. مليكة: أنا خارجة رايحة الكلية يا بابا. ليث بهدوء: ماشي يا روحي خلي بالك من نفسك. مليكة باست ليث من خده: حاضر يا أحلى بابا. مليكة راحت الكلية وهي ماشية بتلعب. عربية سودا خدرتها وخدتها ومشيت بيها. مليكة فتحت عينيها لقت ولد وسيم بس باين على وشه القسوة: أنت مين؟ مجهول: أهلًا في جحيم الفهد.