تحميل رواية صغيرة الرعد بقلم دعاء احمد pdf

رعد: أنا خالص يا جماعة، هتجوز مرام... بعد مؤتمر إنجلترا.

أحمد: أنت بتقول إيه؟ أنت متجوز؟

رعد: أنت بتقول إيه يا عمي؟ اتجننت؟

مصطفى: رعد، أنت متجوز دانة بنت عمك.

أحمد: رعد: أنتم بتقولوا إيه؟ إيه الجنان ده؟

مرام بدموع تماسيح: آه يا رعد، سبتني بعد حبي ليك ورحت لست دانة واتجوزتها.

رعد بحنان مسح دموعها: أهدي يا قلبي، أهدي. أكيد في حاجة غلط، أنا مش فاكر حاجة.

مصطفى حكاله موضوع الوصية وإنه اتجوز دانة.

رعد: بقى كدا؟ يعني أسد بيه بيدبسني في دي؟

دانة كانت نايمة وبتهلوس.

أحمد فتح الباب ودخل.

دانة بدموع: ده بجد يا بابا؟ هو بجد مش فكرني؟

أحمد: بالله عليكي اهدي يا قلبي. أكيد هيفتكرك، هو عمل كل ده عشانك، أكيد هيفتكرك.

دانة: بس ده بيكلمني بطريقة وحشة يا بابا. رجع زي الأول وأسوأ.

أحمد: لو بتحبيه، هتقدري ترجعي ليه.

دانة: بس أنا خايفة منه.

أحمد: متخافيش يا حبيبتي، والله هو طيب.

دانة: طب أنا المفروض أعمل إيه؟

أحمد: تكوني جانبه دايماً ومتسيبوش ليه.

دانة: حاضر يا بابا.

بعد أسبوع.

رعد بعصبية: أنا عايز أخرج، أنا مش هفضل هنا كتير. أنا عندي شغل.

دانة: اهدي لو سمحت يا رعد.

رعد مسك الأدوات اللي على الكومود ورماها بغضب.

دانة بسرعة بعدت بدل ما تخبط فيها.

رعد: برااا! أنتِ إيه؟ غبية مبتفهميش؟ شوفي يا بت انتي، كل اللي بيحصل ده لعبة، وأنا إن كنت اتجوزتك فأنا اتجوزتك عشان الوصية مش أكتر. وصدقيني هندمك على الوصية دي.

دانة سابته ومشيت ورجعت الفيلا.

بعد شوية.

بيدخل رعد ومعه مرام.

دانة: أنتِ بتعملي إيه هنا؟

رعد بتحدي: دي مراتي يا قطة، واحترمي نفسك وانتي بتكلميها.

مرام بخبث: خالص يا قطة، كتبنا الكتاب.

دانة بصت لرعد بدموع مكبوتة ومشيت من قدامه.