رواية صغيره امتلكتني الفصل الثالث 3 - بقلم رضوى

قعدوا شويه وكل واحد راح اوضته. جبل: مين؟ زين: أنا ي جدي. جبل: ادخل ي زين. زين دخل وقعد جنبه على السرير. زين: عايز أتكلم معاك ي جدي. جبل: أتكلم. زين: ليه أصرت عليا، وأصرت بردو على كتب الكتاب النهارده؟ جبل باستغراب: أنت ي زين اللي بتقول كده؟ أنت مغصوب؟ عاد مش دي بنتك اللي أنت مربيها على إيدك؟ مش دي اللي مش بتستحمل حد يقول عنها نص حرف؟ مش دي لين؟

زين: ي جدي أنا مش هتكسف منك، أنت مربيني مكان أبويا الله يرحمه. لين دي بنتي وحبيبتي، بس بردو أنا مش فاهم. جبل: طيب، محدش هيعرف يحمي لين غيرك ويحافظ عليها. أنت راجل يعتمد عليه، وأنا لو عشت النهارده مش هعيش بكرة، وعايز أطمن عليها. ملهاش حد غيري، وعمر مش علطول معاها بسبب شغله، وأنت بتحبها وهتحافظ عليها. زين: ماشي ي جدي. ربنا يخليك لينا، مع إن حاسس إن فيه حاجة تانية، بس ماشي. جبل بضحك: إحساسك غلط. زين بضحك: ماشي.

جبل: ما كنت خليت الفرح علطول؟ زين: عشان لين يا جدي تبقى زي أي عروسة. دلوقتي هطلع عندها ي جدي شوية. جبل بضحك: أوعى تتهور. زين بضحك: لو اتأخرت اطلع. جبل: ربنا يسعدكم. زين: تصبح على خير يا جدي. عند لين فوق. زين: لين. لين: زين استنى، متدخلش. زين: اللي هو إزاي ده؟ ودخل. لين كانت منزلة وشها على الأرض. زين قرب منها وبأصابعه رفع وشها ليه. زين التهم عيونها وشفايفها. لين بعد وقت بعدت.

زين شدها وأخدها على السرير ونيمها على رجله. زين: لين. لين بحب: هاا. زين: مش خايفة من فرق السن بينا؟ لين بزعل: زين لو سمحت بلاش تقول حاجة تضايقني، حتى النهارده. زين باستغراب: أنا يحبيبي؟ ليه بتقولي كده؟ وكان بيملس على شعرها. لين بدموع: أنا قولتك لو بتحبها؟ قولت لا. جاي دلوقتي تقول فرق السن بينا؟ جدو أصر عليك إنه النهارده يبقى كتب الكتاب، أنت قولت لا. أنا مش فاهمة في إيه؟ طيب أنت مغصوب؟

لو مغصوب يبقى خلاص، أنا بعفيك مني، بس بلاش توجعني. وبعدت وقامت من على رجله ونامت على السرير. لين بصوت مخنوق ودموع: بعد إذنك أنا هنام. تصبح على خير. زين مش مستوعب كلامها، لين إزاي فهمت كلامه كده؟ هو خايف عليها، هو بيتمنى إنها تكون معاه في كل لحظة وكل ثانية، بس هي للأسف ما فهمتش كلامه. زين قرب منها ونيمها على رجله تاني. زين

بحنية وبيملس على شعرها: لين، أنا مش قصدي كده وربنا شاهد. أنا بتمنالك النهاردة قبل بكرة، عايزك معايا. أنا 28 وأنتي 20، مش عايزك تتسرعي، ده كان قصدي. وأنا مش بحبها أبداً، دي زي أمي. أنا بقول كده على طول، أما أنتي فـ أنتِ بنتي اللي مربيها على إيدي وحبيبتي ومراتى وأمي وحتة مني يا لين. على طول كنتي تحت عيني، كنت بخاف عليكي من الهوا. رفعت عيونها عليه وبصتله. زين بضحك: ما تبصيش كدا بدل ما آكلك.

لين: زين متزعلش، أنا مش قصدي. أنا بحبك أوي والله وفرق السن ده مش في بالي. أنت حبيبي وجوزي وابني والله. أنا محبتش حد غيرك. أنا مسئولة منك من وأنا صغيرة ودلوقتي. زين بهيام فيها وفي كلامها نيمها على السرير ومال عليها. لين بكسوف: زين... ابعد، مش هينفع. زين بضحك: وريني آخرك.