رواية صغيرت النمر الفصل الثالث عشر 13 - بقلم ملك عبد الحميد

لين: قال لي إن ليالي دي كانت مراتك وابنك مروان رماه قدام جامع أو ملجأ. حازم بصدمة: يعني ابني عايش مش مات زي ما قالت؟ وكمل بعصبية: وديني مهرحمها هي ولا هو منصور الكلب ده، لقيت فين؟ لين بخوف: مكانه معرفش، بس أنا وهو لما بنتقابل بنتقابل في شقة في 6 أكتوبر، بس مكانه الحقيقة معرفوش. حازم بخبث: طيب عايزك تعملي اللي هقولك عليه النهارده. لين بخوف: تمام يا حازم باشا. اسر: طيب أنا هعمل إيه؟

حازم: انت هتدور على ورد، ولو عرفت حاجة بلغني. اسر: تمام يا حازم. لين: عن إذنك يا حازم باشا، أنا لازم أمشي. حازم: تمام، بليل تقولي لزفت منصور اللي قلتلك عليه. لين: تحت أمرك، بعد إذنك. ومشيت. اسر ببرود: هو انت إيه اللي يخليك واثق إنها صادقة؟ دي بتروح تسهر معاه حتى. حازم: لا، هي ذكية، هي مخلتوش يلمسها لحد دلوقتي. اسر بصدمة: إزاي يعني؟

حازم: بص، هي لما بتروح بتعمل لمنصور كاس وتحط له فيه منوم، وتفهمه لما يصحى إن حصل حاجة بينهم وكده. اسر بشك: تمام. وبعد شوية، اسر مشي ومراد كمان مشي. وسها وغرام ونورهان وفاطمة عرفوا بخبر اختفاء ورد وإنها مرجعتش، وخافوا جداً عليها. في فيلا كبيرة. الراجل بخوف: خير يا دكتور، مالها؟ الدكتور بأسف: الخبطة كانت شديدة يا فهمي بيه، والبنت فاقت الذاكرة. فهمي بحزن: لا حول الله يا رب، طيب شكراً يا دكتور.

والدكتور مشي، وفهمي دخل للبنت. البنت فاقت وقالت بخضة: أنا فين، وانت مين؟ فهمي بابتسامة: متخافيش يا بنتي، أنا لقيتك في الشارع امبارح سايحة في دمك، جبتك هنا. هو انتي مش فاكرة أي حاجة خالص ولا حتى اسمك؟ البنت بحزن: مش فاكرة أي حاجة يا عم. فهمي بحب: طيب يا حبيبتي، أنا من هنا ورايح بابا، مش عمو. بصي يا حبيبتي، أنا هعملك شهادة ميلاد وهتدخلي مدرسة وهعلمك حاجات كتير. أنا مش متجوز ولا عندي ولاد، فا أنا هعتبرك بنتي. إيه رأيك؟

البنت بابتسامة: اللي تشوفه يا بابا. وفهمي ابتسم ابتسامة جميلة كده، وبعدين قال: إيه رأيك في حور؟ البنت بابتسامة: حلو أوي. فهمي بابتسامة: تمام. تعالوا أعرفكم على فهمي. فهمي الحسيني عنده 40 سنة، مش متجوز، وعنده شركات كبيرة، وشاغل للواء، والكل بيعمل له ألف حساب. عنده أخ اسمه فاروق، فاروق ده شريك فهمي في الشغل، وهما الاتنين بيحبوا بعض جداً. وفاروق عنده 45 سنة، عنده ابن اسمه سيف، عنده 18 سنة، هنعرفه في الأحداث.

فهمي بتفكير: انتي باين عليكي داخلة تالتة إعدادي صح؟ حور بابتسامة: أيوه يا بابا. فهمي بابتسامة: حبيبة قلب بابا انتي. بصي عمو فاروق أخو بابا جاي النهارده هو ومراته وابنه عشان يتعرفوا على حبيبة بابا حور. حور بابتسامة: ماشي يا بابا. فهمي بصوت عالي: يا سجده. سجده باحترام: أمرك يا باشا. فهمي: خدي حور على أوضتها. سجده باحترام: حاضر يا باشا. وحور قامت مع سجده وطلعوا فوق. عند مراد، وصل لقى تغريد قاعدة تعيط.

مراد ببرود: إيه مالك؟ تغريد بعياط وعصبية: انت إيه، مفيش دم خالص؟ أنا ربنا يعلم أنا حاسة بإيه. أنا السبب في اللي حصل لورد. أنا السبب، أنا اللي عملت فيها كده، أنا اللي بعتها لحازم النمر. أنا اللي كنت شايفاها خايفة وبتقولي: لا، متعملش فيا كده. أنا واحدة زبالة بعت طفلة من غير ما أفكر إيه اللي ممكن يحصلها، وأهو حازم اغتصبها. وكملت بعصبية: وديني لهقتله، وهاخد حق ورد. وراح المطبخ جاب سكينة وكانت هتخرج. ومراد مسكها وخد

منها السكينة وقال بعصبية: انتي اتجننتي صح؟ عايزة تودي نفسك في داهية. تغريد بعياط هستيري: أنا خلاص رحت في داهية، خلاص، ضاع كل حاجة مني. أعمل إيه تاني؟ مراد صعبت عليه حالتها وقرب منها وخدها في حضنه: ممكن تهدي، خلاص، اللي حصل حصل، وورد قلبها طيب وهتسامحك إن شاء الله. تغريد بعياط: مراد، أنا بقيت أكره نفسي، أنا بقيت شايفه نفسي وحشة أوي. انت حتى مش بتحبني وعايز تكسرني صح؟ مراد بسرعة: هششش، أكسرك إيه؟

انتي مراتي يا هبلة انتي. وبعدين أنا قلت أعلمك درس عشان تعرفي إن اللي حصل لورد صعب. تغريد بعياط: والله عرفت غلطي، ونفسي ترجع بجد وتسامحني. مراد بابتسامة: هترجع وهتسامحك إن شاء الله. عند لين. وصلت الشركة وبعدين راحت لمازن اللي كان قاعد سرحان وبيفكر في نورهان ومكلمتها وعياطها، وقلبه حرفياً كان بيتقطع وهو سامع صوت عياطها كده. وقطع شروده صوت لين: مازن بيه. مازن فاق من شروده وقال: نعم، فيه إيه يا لين؟

لين بتوتر: فيه أخبار مهم عرفتها من منصور امبارح ورحت لحازم بيه، قلت له عليها. مازن بسرعة: معلومات إيه؟ اخلصي. لين: مروان ابن حازم بيه عايش، بس اللي تعرف مكانه هي ليالي. مازن بصدمة: انتي متأكدة من الكلام ده؟ لين: أيوه والله متأكدة. وكمان حازم بيه قالي إني أروحه بليل، والمرة دي هيكون مراقبني. مازن بخبث: تمام، يعني النهاردة منصور هيقع في إيدينا. في الليل. عند لين، وصلت الشقة ولقيت منصور قاعد مستنيها.

لين بخبث: وحشتني يا بيبي، بقولك أنا جايبة لك معايا مفاجأة. منصور باستغراب: مفاجأة إيه؟ لين بخبث: هتعرف حالا. ادخل يا سمسم. ودخل مازن وحازم.