تحميل رواية «صغيرتي المجنونة» PDF

اعاااااا يا لهوتي الفيله بتولع اجري يا مجدي.

في ثواني كانت لبست الروب بتعها وبتنزل علي سلم الفيلا.

"يلهوتي نسيت الشبشب والتليفون واللاب."

وطلعت برا الفيلا، والمطافي جت.

"عموا الحقني الفيلا ولعت اععععععع."

عمها: "اهدي يا حبيبتي انا أتصلت بالمطافي والبوليس زمانه جاي."

"مش ده المهم المهم الشاحن."

"شاحن ايه؟"

"شاحن الفون اعععععع."

"يعني يا بنت الهبله الفيلا بتتحرق بللي فيها وانتي تقوليلي الشاحن."

وايجا البوليس.

الظابط: "تحيه عسكريه تمام يا خالد بيه كل حاجه تحت السيطره و قدرنا نوقف الحريق."

خالد: "برسميه تمام يلا رودي تعالي معايا."

رودي: "تب والشاحن.؟"

خالد: "هطق منك اعمل فيكي ايه."

وخده وراحوا فيلته.

رودي: "اععععععع يا عمي شوفت اللي حصل زمان الرويات بتعتي ولعت والنوتيلا اللي في التلاجه اتحرقت والشيبس والاندومي اللي في المطبح اعععععع."

وفضلت تصرخ.

خالد: "وهو حاطط ايده علي ودنه حرام عليكي ودني اتخرقت. انا لو مت مجلوط هيبقي بسببك."

رودي: "لا متموتش استني لما تصلح الفيلا الاول."

خالد: "بتشنج خلاص اهي بدات اهي."

وهو واقف ورا هيموت من الضحك علي كلام المجنونه دي.

خالد: "اهلا يا رعد اتفضل."

خالد: "رودي احب اعرفك ده رعد من أكفاء الظباط عندي وتلميذي."

رعد: "ده شرف كبير ليا يا خالد بيه. هي فين الدكتوره رودينا النجار."

خالد: "اهي."

رعد: "بأستغراب فين؟"

وبيبص ل رودي: "انتي اكيد بنتها فين ماما يا حلوه."

رودينا: "بغيز بنت مين يلا احنا هنهزر حنا."

رعد: "بنت احترمي نفسك والا هقول لماما. ها ياعمي فين الدكتوره."

خالد: "وهو خلاص هيموت من الضحك. خلاص مش قادر هموت. يا أبني ما رودينا قدامك اهي بس انا بدلعها اقولها يا رودي."

رعد: "بصدمه دي طب أزاي ها ازاي دي طفله."

رودي: "بغير و عصبيه و احمر وجهها مما جعل شكلها جذاب جداً متحترم نفسك يا أخيرا انت هو انا مش مليه عينك ولا ايه."

رعد: "ببرود الصراحه لا."

رودي: "لا انت جبت اخرك معايا وربنا أشرحك هنا أظبط زوايا يلا."

رعد: "لسانك طويل علي فكره."

خالد: "بضحك خلاص يا ولاد عيب يارودي."

رودي: "بغير أنت مش سامه يا عمي هو بيقول إيه؟"

خالد: "رعد هيكون المساؤل عن حميتك يا رودينا ويا رعد رودينا في حميتك أنا مامنتش لحد غيرك في حميتها. هي اه شكلها شكل أطفال اعدادي بس في الحقيقه هي دكتوره رودينا النجار و هي دكتوره في كلية العلوم واللي حصل من شويه ده كان محاوله لقتلها علشان الأبحاث اللي بتعملها عن الذره وعلشان كده أنت لازم تحميها دي مهمتك الجديده لان لو البحث بتعها وقع في الايدين الغلطه تبقي كرثه و حياتها مهمه جدا للبلد."

رودينا: "حبيبي يا دودي يامسيطني. متجيب بوسه."

خالد: "بقرف أبعدي يا بت وروحي شوفي وشك اللي مليان دخانه ده."

رودينا: "بجد."

وراحت تبص في المرايه اتصدمت.

"بسم الله الرحمن الرحيم مين العفريت ده."

خالد: "ده انتي."

رودينا: "بغير انا طالعه اخد شور يا بوب. بس بقولك قبل ما أطلع أطلب لي عشا علشان جعانه. ونوتيلا و ياريت شيبس."

وطلعت فوق.

رعد: "بصدمه ازي دي تبقي عالمة ذره."

خالد: "بضحك والله يا أبني مش عارف."

وفضلوا يضحكوا.

وبعد شويه نزلت علي السلم.

رعد: "بصدمه........... "

وبعد شويه نزلت علي السلم

رعد: بصدمه.. يخرب بيت كده

في سره يابوي علي الجمال..

رودي: بوب فين الأكل؟

خالد بزهق: وآلله كده كتير...

رودي: بدراميه متخفش يا خالد بيه بكره تاخد كل فلوسك اللي صرفتها عليا علي داير مليم...احنا ناس عندنا كرامه...

خالد: يا بنتي حرام اللي بتعمليه فيا ده انا تعبت وكبرت...

وبعد شويه الجرس رن

رودي: بسرعه أكيد ده الأكل... هات الكريدت كارد بسرعة..

وراحت استلمت طلبت الاكل وحطتها علي السفره و قعدت فوق السفره والاكل قدامها وتاكل...

رودي: محدش يبص أكيد مش هقولكوا اتفضلوا....

رعد: مركز معاها وهي بتاكل وكان شكلها زي الطفل الصغير.. وبيضحك عليها...

خالد: رعد يا رعد

رعد: بتركيز احم اسف يا عمي حضرتك كنت بتقول حاجه...

خالد: دا انت مش معايا خالص.. كنت بقول ان انت المفروض تاخد رودينا دلوقت...

رودي: بعد اما خلصت طب يا بوب أنا هطلع أنام لاني عامله حالة حداد علي الشاحن...

خالد: بشلل حالة حداد يا جزمه وبيخلع الشبشب يرميه في وشها...

رودي: اه وشي يا خالد ايدك حوله اوي...

رعد: بضحك اللواء خالد أيده حوله 😂😂

رودي: انت يا أخينا انت مش هتروح بيتكوا ولا أيه؟..

خالد: لا ما هو هياخدك معاه...

رودي: باستغراب معاه فين لا مواخذه..

خالد: الصعيد....

رودي: بفرحه احلف بالله هروح الصعيد هي هي هي طب أروى اجهز نفسي و الشنط و.....

طلعت تجري علي أوضتها بسرعه...

رعد: يا بنت المجنونه ده كلوا علشان هتروح الصعيد..

خالد: ربنا يكون في عونك الفتره الجايه...

رودي: يلا يلا أنا جاهزه يلا يا خالد..

خالد: لا أنا مش جاي أنتي هتروحي مع رعد وانا رايح الجيش في مهمه لازم أكون مسؤول عنها...

رودينا: نعم عيزني اسافر مع واحد معرفوش....

خالد: رودي يا حبيبتى أنا واثق في رعد وبعدين أنتي هتعيشي مع عيلته فتره مؤقتة لحد اما الموضوع يخلص والبحث يتسلم.واوعدك اني هاجي ازورك علي طول

رودي: بدموع يا خالد ما انت عارف اني مش هعرف أعيش من غيرك من بعد ما هما مشيوا وسابوني...

خالد: بحنيه عارف ياقلبي بس دي فتره مؤقتة...

وبعدين الواحد يرتاح شويه منك ومن رخامتك و امسكها من خدودها...

رودي: بضحك 😂 قول أنك عايز تخلص مني بقا...

خالد: اخدها في حضنه هتوحشيني و هيوحشني جنانك..

رودي: خلاص يا عم ايه جو العشق الممنوع ده...

خالد: يلا يابت يا فصيله انتي من هنا..

رودي: متزقش طيب.. 😂

رعد: يلا وودع خالد.. ومشيوا..

في الطريق...

رودي: هو انت أصلا صعيدي؟..

رعد: ايوه...

رودي: مبتتكلمش صعيدي زي الرويات ليه 😒؟

رعد: عادي وانا في الشغل بتكلم عادي اما في الصعيد بتكلم برلغتي الصعيديه...

رودي: طب اتكلم صعيدي كده..

رعد: بضحك 😂 انا قولت طفله محدش صدقني....

رودي: ضحكتك حلوه علي فكره...

رعد: عارف...

رودي: مغرور.... ودي أول صفه..

طب سؤال تاني عندك عقده من الستات...

رعد: لا

رودي: مش موجود... طب انت عميل سري ولا كنت متجوز و مراتك خانتك ولا عندك عقده نفسيه..ولا....

رعد: بمقاطععه بس بس ايه كل ده؟

رودي: دي صفات أبطال الرويات اوعي تكون مبتقرأش رويات...

رعد: بضحك 😂 نامي يا مجنونه لحد ما نوصل...

رودي: تصدق معاك حق أنا عاوزه أنام

وبعد عدت ساعات...

رعد: رودي رودي أحنا وصلنا...

رودي: بنعاس وبتفرك يديها في عينيها زي الاطفال اممم..

رعد:في نفسه يا ربي علي الجمال ربنا يعدي المهمه دي علي خير..

رودي: أحنا وصلنا....

رعد: ايوه...

رودي: بفرحه طفوليه هي هي وصلنا الصعيد...

رعد: يا جابر افتح البوابه وتعالي شيل الشنط طلعها فوق..

رودي: بذهول ده قصرك...

رعد: أيوه...

رودي: ده إنا كنت فكراك حرامي شبشب... طلعت أبن ناس...

رعد: بغضب امشي قدامي أحسنلك

رودي: بضحك😂 انت قفوش أوي

ودخلوا القصر..

سعيده: يا ست هانم يا ست هانم..

فريده: ايوه يا سعديه!

سعديه: بلهفه رعد بيه وصل ومعاه وحده جمرر

فريدة: عتتكلمي جد يا سعديه..

وراحت أخدت رعد بالحضن.. ولدي حمد لله على سلامتك ياولدي وصلت ميته..

رعد: وصلت دلوك يا اما أنتي عامله ايه اتوحشتك جوي جوي..

رودي: تصدق هدمع.. وبتمسح دمعه وهميه... اخيرا جيت الصعيد وسمعت بيتكلموا ازاي..

فريده: مين الجمر دي ياولدي..

رعد: دي رودينا ضيفه اهنيه ياما وهتقعد معانا..

فريده: تعالي سلمي يا بنيتي

رودي: بابتسامة اهلا بحضرتك يا طنط..

فريده: وبتاخدها بالحضن لع انتي من دلوق تقوليلي يا اما..

رودي: بفرحه حاضر يا ماما

لياتي صوت من خلفهم

رعد.....

ياتري ده مين؟؟؟

ليأتي صوت من خلفهم: رعد..

رعد: بوي كيفك..

ويذهب ليحضنه.

رودي: وحياة ربنا ده أبوك..

رعد: أيوه.

رودي: ده موز أوي..

رعد: بغيره، اتحشمي يا حرمة.

الحسن: مين دي يا ولدي..

رعد: دي..

رودي بمقاطعة: أهلاً، أنا دكتورة رودينا النجار، بس علشان عيونك الحلوين دول قولي رودي.

الحسن بضحك: باين عليكي بكاشة جوي جوي.

رودي: يالهوي على جوي جوي، طالعة منك سكر. بقولك متيجي أتصور معاك سيلفي وأتفشخر بيها على العيال في الجروب، ونبي ما تقول لأ.

الحسن: هو إني أطول أتصور مع قمر زيك كده، تعالي يا بنيتي.

رودي: على فكرة ماما محظوظة بيك، أصل الزوج أبو عيون زرق نعمة، آه والله.

رعد بغيره وصوت عالي: سعدية، طلعي الهانم على أوضتها.

سعدية: حاضر يا رعد بيه.

رودي: أنا عارفاك، انت غيران علشان عيونك مش زرق زي عمي.

وتطلع له لسانها وتذهب إلى غرفتها.

رعد: البت دي حولاء ولا إيه؟ طب ما أنا عيوني زي عيون أبويه.

وتذهب رودي إلى غرفتها، تضع ملابسها، تأخذ شور وتنام.

في الليل..

فريدة: روح يا ولدي جيب رودينا تتعشى ويانا.

رعد: يا سعدية، روحي اندمي لرودي تتعشى ويانا.

فريدة: واه، عيب عليك يا ولدي، دي ضيفتك، أنت أكيد البنية مكسوفة تقعد ويانا.

رعد: حاضر يا أما.

ويذهب لينادي على رودي، ويخبط على الباب.

رودي: مين..

رعد: إني.

رودي: اتفضل.

دخل رعد، لقاها لابسة بيجامة عليها سبونج بوب وعاملة شعرها كعكتين، وشكلها كيوت وزي الأطفال. وبتشتغل على اللابتوب.

رعد في نفسه: يا بوي على مراري الطافح، هستحمل أنا اللطافة دي كلها إزاي. احم احم، شكلك مشغولة؟

رودي: لا، اتفضل، أنا بكمل في البحث وشوية تعديلات.

رعد: طب عم يندموا عليكي تحت علشان العشاء.

رودي: طب يا أسطى، متقولش من الصبح إن الموضوع فيه أكل. يلا بينا.

رعد بغضب: واه، انتي رايحة فين بخلاجاتك دي؟

رودي: وماله، لبسي، يا لمبي، أنت مبتحبش سبونج بوب ولا إيه؟

رعد: لااا، مينفعش تنزلي، أكره البيت فيه رجالة، البسي لبس محتشم.

رودي بغيظ: طب اتفضل انزل وأنا جايه وراك.

وبعد دقائق تنزل رودي وهي لابسة فستان فضي لون عيونها، ولمة شعرها على شكل كعكة فوضوية، وكانت جميلة بمعنى الكلمة.

مساء الخير.

فريدة: مساء النور، تعالي اجعدي جاري يا بنيتي.

رودي بابتسامة: حاضر يا فيري.

شخص: أكيد أنتي رودينا.

رودي: أيوه أنا.

أحب أعرفك، أنا رامي أخو رعد الصغير، في كلية هندسة.

وأنا ريحانة أخت رعد ورامي الصغيرة، في كلية فنون.

رودي: اتشرفت بيكم، وبجد انتوا ناس لطيفين خالص، وخصوصاً سونه العسل أبو عيون زرق دول.

الحسن بضحك: والله يا بنيتي انتي اللي جمررر.

رعد بغيره: مش هناكل ولو إيه يا جماعة.

فريدة بخبث: إيه يا ولدي، أحنا حبينا رودي جوي، وها نحبوا نتعرفوا عليها. قوليلي بقا يا رودي، أنتي متجوزة.

رودي بمرح: والله مش كنت بفكر في الموضوع، بس من ساعة ما قابلت حسونة الجمر ده هفكر.

فريدة بضحك: وأنا موافقة تبجي ضرتي.

الحسن بضحك: والله دمك شربات يارودي.

وقضوا المساء وهم يضحكون ويهزرون، ورعد سيطق من غيرته.

في اليوم التالي..

رودي: إيه الملل ده ياربي، أنا أما صدقت جيت الصعيد، وفي الآخر أفصل قاعدة كده، لا أنا هنزل تحت.

وتنزل، تلاقي رامي وريحانة وفريدة قاعدين.

صباح الخير.

الكل: صباح النور.

رودي: هو فين رعد؟

رودي: هو فين رعد؟

رامي: بوي وأخوي في القعدة العرفي.

رودي: أي 😂 إيه قعدة عرفي دي... متجوزة من ورا أهلها ولا إيه 😂😂😂

فريدة: بضحك مش القصد يا ابنتي... أصل عمك الحسن هو القاضي العرفي للبلد... يعني بيحكم بين الناس وكده... ورعد ولدي هو العمده... فلما بيحصل مشكلة في البلد هما بيحلوها.

رودي: إيه ده يعني رعد طلع العمده.

ريحانه: أيوه.

رودي: تصدقي أول مرة شفته فيها مع خالد قولت عليه حرامي شباشب.

الكل: 😂😂😂

فريدة: واه ولدي إني حرامي مدسات والله لو سمعك بتقولي كده هيعلقك.

رودي: ياه يا عبصمد... ده أنا قولتلوا كده امبارح أول ما جينا.

رامي: بخوف بس يا رودي عيب ده رعد خوي العمده وكلمته تمشي علينا كلياتنا.

رودي: يا عم ده أخروا كلام.

ريحانه: بخوف يا جماعة هي أكيد متقصدش الكلام ده ولا إيه يا رودي.

رودي: بعند لا أقصد وأقوله قدامه كمان.

فريدة: بضحك 😂 طب بصي وراكي كده الأول.

رودي: الحتة دي أنا عرفاها سمعتها في فيلم هندي قبل كده... محدش يقول... هو ورايا صح.

الكل: أيوه.

بصت رودي وراها لقيت رعد وشكله متعصب وعيونه حمرا.

رودي: بضحكة بلهاء 😂 رعد باشا رعد بيه جناب حضرت العمده كنا لسه جايبين في سيرة حضرتك بالخير حتى اسألهم.

رعد: بغضب أنا شكلي شكل حرامي شباشب و أخري كلام.

رودي: لا ده هما اللي بيقولوا كده وأنا كنت بقولهم أبداً.

حتى اسأل الأستاذ المحترم اللي وراك ده.

رعد: بيبص وراه بعصبية مبيلاقيش حد.

بيبص لـ رودي ملقهاش.

رودي: طلعت تجري على السلم بسرعة.

ورعد طلع يجري وراها.

والكل فضل يضحك عليهم 😂😂😂

رعد: بيخبط على الباب بنرفزة افتحي الباب ديه يا رودي.

رودي: بضحك جوه الأوضة 😂😂 مش فاتحة هتعمل إيه يعني.

وراحت شغلت أغنية مسيطرة وفضلت ترقص وتغني مع الأغنية.

ورعد: واقف بره متعصب منها.

وفجأة ابتسم ابتسامة خبيثة على الفكرة اللي خطرتله.

ومشي.

رودي: بترقص جوه ومش واخدة بالها.

وفجأة بصت بصدمة.

............

.........؟؟؟

رودي بترقص جوه ومش واخده بالها.

فجأة نظرها وقع على رعد اللي واقف على باب البلكونة وبيبصلها بابتسامة خبيثة.

رودي: بخضة، رعد أنت دخلت هنا إزاي؟

رعد: وهو بقرب منها، عادي دخلت من البلكونة.. هو أنا مقولتلكيش.

رودي: باستغراب، قولتلي إيه.

رعد: أصل أوضتي جارك طوالي وبلكونة أوضتي هي هي بلكونة أوضتك.

رودي: بجد.. تصدق مكنتش أعرف.

رعد: بهدوء ما قبل العاصفة، قوليلي بقا كنتي بتقوليلهم إيه عني تحت.

رودي: بتمثيل، أنا.. أنا أقول عنك كلام أنت ظالمني على فكرة ودي مش أخلاق صعايدة لأ.. ده أنا حتى احترامي ليك زاد لما عرفت إنك العمده يا حضرت العمده.

رعد: وهو بيقرب منها وهو بيقول، اممم.. حرامي شباشب.

رودي: طب أبعد أنت بتقرب كده ليه؟

رعد: وهو يقترب أكثر ولم يعد هناك مسافة تفصله عنها، آخري كلام.

رودي: بتوتر من قربه وبتتهته في الكلام، أنا أنا أنا.. كنت بهزر.

رعد: وهو ينظر إلى عينيها التي تشبه القمر ليلة اكتماله، أيوه أنتي إيه.

رودي: وهي مركزة في عيونه اللي شبه السماء الزرقاء الصافية، أنا كنت بقول إيه.

رودي: بعفوية، يخرب بيت جمال عيون أمك دي عيونك طلعت أحلى من عيون حسونة.

رعد: بضحكة رجولية جذابة أظهرة غمازته اليسرى، يا فصيلة.

رودي: بتوهان في ضحكته، ضحك يبقى قلبه مال وهيُسامحني على الكلام اللي اتقال.

رعد: بتمثيل الزعل، لا أنا مش هسامحك على الكلام اللي قولتي. وفتح باب الأوضة ونزل على السلم.

رودي: وهي بتجري وراه، يا جناب العمده.

رعد: لا رد.

رودي: أنت ياض خد ياض.. مش عشان إنت لابس صعيدي وشكلك موززز يبقى تتقمص لا بقولك إيه.

رعد: وهو بيبصلها، اممم.

رودي: بخوف، أنا ممكن أعيط حالا أه والله زي ما بقولك كده.

الحسن: بضحك، تعالوا يا ولاد الوكل جهز.

وقعدوا على السفرة وكلوا واليوم انتهى على مناقرة رودي لرعد وضحك العيلة وفرحتها.

في المساء.

رودي في أوضتها بتتكلم في الفون.

رودي: بصراخ، أنتي بتتكلمي بجد يا بت.

لين: أه والله زي ما بقولك كده الحفلة بعد ساعتين وأنا ووليد جايين في الطريق.

رودي: بفرحة، طب اقفلي يا جزمة عشان أشوف هخرج من هنا إزاي.

لين: يا كلب البحر بتبيعيني عشان حتة حفلة لهشام الجخ.

رودي: بدرامية، أبيع نفسي.. المهم دلوقتي هخرج إزاي من هولاكو ده.

لين: بتفكير، امم هو البيت مفيش باب خلفي.

رودي: أه، فيه.

لين: أشطا يا زميل اطلعي منه من غير ما حد يشوفك.

رودي: ياه يا عبصمد أخيرًا شوفتك بتستخدم عقلك قبل ما أموت.

لين: أنا مستغربة نفسي والله.

رودي: طب سلام.

وقفلَت مع لين ولبست دريس أسود جميل وهيلز أحمر وفردت شعرها البني الطويل وحطت ميكب بسيط وكانت جميلة بمعنى الكلمة.

...: أيوه أنا طلعت أهو وبيمشي ببطء شديد.

في نفس الوقت اللي طلعت فيه رودي.

وفجأة خبطوا في بعض.

رودي: بصوت خفيف، مش بتفتح يا حمار أنت.

رامي: رودي أنتي بتعملي إيه هنا ولابسة كده ليه انتي خارجة ولا إيه.

رودي: هسسس لحد يسمعك.

وبعدين أنت رايح فين.

رامي: بتوتر، أنا خارج مع صحابي.

رودي: وأنا كمان خارجة مع صحابي.

رامي: صحابك مين؟ هو انتي تعرفي حد في الصعيد.

رودي: لا.. دول جايين يحضروا حفلة هشام هنا وأنا رايحلهم.

رامي: وأنا كمان رايح الحفلة.

رودي: أشطا نروح سوا.

وبعد ساعة وصلوا الحفلة ولين كانت حاجزة لرودي معاها وقعدوا مع بعض واتعرفوا على رامي.

ورامي فجأة قلب على رامي جمال وقاعد يسبل لـ لين.

رودي: بخفوت لـ رامي، خف يا حنين البت لسه صغيرة.

رامي: بنفس الخفوت، هو مين اللي معاها ده.

رودي: ده وليد أخوها.

رامي: كده ارتحت.

والحفلة ابتدت وهشام كان بيقول قصائده الجميلة والكل مركز معاه.

وفجأة قال قصيدة رودي بتحبها ورودي فضلت تقول معاه.

وهو لاحظ الجميلة اللي واقفة وبتقول القصيدة معاه وقرب منها واداها المايك وهي فرحانة أوي وكملت القصيدة.

وشدها معاه على المسرح وفضلت تقول قصائده كلها اللي هي حافظاها.

وبعد أما خلصت أخد المايك وقال أنا شكلي لقيت أكبر وأجمل معجبة ليا واتصور مع رودي والناس كلها صورتهم.

وخلصت الحفلة بعد أربع ساعات.

وكأن الوقت متأخر.

رودي: وليد انتو هتروحوا إزاي في الليل ده.

وليد: هنشوف فندق ونروح الصبح بقا.

رامي: بسرعة فندق ليه وبيتنا موجود. ولا إيه يا رودي. وبيغمز لها.

رودي: بضحك، أيوه أيوه تعالوا معانا.

لين: بس يا رودي.

رامي: ولا بس ولا حاجة يا جماعة دا إحنا صحاب واجب برضوا.

وراحوا معاهم القصر ودخلوا في هدوء تام ولين راحت نامت مع رودي ورامي و وليد أوضة تانية.

تاني يوم الصبح صحيوا كلهم وكان الفطار جاهز.

رودي: صباح الخير.

لين: صباح اللي بتغني.

على طاولة الإفطار.

الحسن: بابتسامة، مش تعرفينا يا بنتي.

رامي: بمقاطعة، دول صحاب رودي يا بوي وجم امبارح في وقت متأخر قولت بلاش أقلق حد فيكم.

فا استقبلتهم أنا ورودي. ولا إيه يا رودي.

رودي: بتأكيد، أيوه فعلًا ده اللي حصل.

رعد: بشك، امم انتي ورامي بس اللي كنتوا فايقين وقتها.

لين: بعد ما فهمت الوضع، أيوه فعلاً. إحنا اللي اتأخرنا في الطريق.

وليد: عارف إن هما بيكذبوا بس مرضيش يتكلم.

ريحانه: وهي نازلة على السلم وماسكة الفون، اععععاااا خيانة.

الكل: باستغراب، مالك يا ريحانة.

ريحانه: بغباء، بقا يا رامي يا واطي انت ورودي الواطية تروحوا حفلة هشام الجخ في الليل ومتاخدونيش معاكم.

وليد: بضحكة جذابة، ظهر الحق.

ريحانه: بغباء، مالكم يا جماعة متنحين ليه.

رودي ورامي ولين حبطوا إيدهم على وشهم من غباء ريحانة.

رعد:

رودي ورامي ولين خبطوا أيديهم على وشهم من غباء ريحانة.

رعد: بهدوء، لأخته: وانتِ عرفتي إزاي يا ريحانة إنهم راحوا الحفلة؟

ريحـانة: ببساطة: لأ، ماهي رودي طلعت مع هشام على المسرح واتصورت معاه، وقالت إنها أجمل وأكبر معجبينه. ده رودي بقت تريند على السوشيال ميديا.

لين: يااه على الغباء! دي لو حافظة الكلام مش هتقوله بالترتيب ده.

رعد: بعيون مثل الجمر الموقد، وقام بهدوء جاب البندقية وراح ناحيتهم، ورامي ورودي هيموتوا من الخوف.

رعد: قولي بقى يا رامي يا حبيب أخوك كنت فين ليلة امبارح، واخد الست هانم معاك ليه؟

رامي: بلخبطة: لأ، مهو أصل، في الحقيقة أنا كنت طالع لوحدي، فـ لقتها طالعة من الباب الخلفي وجات معايا.

بيبص رعد لرودي بحدة وصوت عالي: وانتي إيه اللي مطلعك من القصر في الوقت ده؟

رودي: بتوتر: بص يا باشا، الغلط كله على البت دي. وبتشاور على لين.

لين: بذهول: أنا؟

رودي: أيوه، أنا كنت قاعدة مع أمان الله بشتغل في البحث بتاعي، لقيتها رنت عليا وقالتلي على الحفلة. وطبعاً يا جناب العمده أنت عارف إن الذكاء على الودان أقوى من السحر ولا إيه يا وليد.

وليد: بضحك: تصدقي وجهة نظر.

رودي: بمرح: الله عليك يا وليد يا قمر، خد يلا خمسة مواه. وبـ تديله قبلة في الهواء.

رعد: بغيره: بس مش عايز أسمع نفسك.

لين: بدرامية: أعوانك خانوكي يا لين.

رعد: بيشد أجزاء البندقية على وضع الإطلاق.

لين: سامحني يا باشا، عيل وغلط، مش هتتكلم تاني. وبـ تحط إيدها على بقها.

رودي: استغلت انشغال رعد وماما تجري، وبتقول بصوت عالي: بيقولوا في المواقف اللي زي دي الجري نص الجدعنة، بس طلعوا غلطانين، ده هو الجدعنة كلها. 😂😂😂

رعد: بصوت عالي غاضب: رووووودي! بس بتكون اختفت.

رعد: هي هربت. انتوا تشيلوا الليلة. وبيـبص لـ رامي ولين. وبينادي بصوت عالي: يا برعي.

برعي: الغفير: نعم يا جناب العمده.

رعد: تاخد رامي بيه وتوديه الأسطبل، ينضفه كله، عاوزه بيلمع، وبعدها يا حمي المهور كلياتهم.

برعي: أمرك يا جناب العمده.

رامي: وهو فاتح بقه على الآخر.

لين: بمزاح: يا عيني ده اتصدم. 😂

رعد: ببرود: لسه دورك جاي انتي، والله هربت دي.

وليد: بضحك: وربنا ما عارف أشكرك إزاي، دي مطلعة عيني هي ورودي.

رعد: زي البركان اللي على وشك الانفجار من كلام وليد. وبيـقول لنفسه: يعني إيه رودي مطلعة عينه؟ هو مقرب منها للدرجة دي؟

رامي: بيطلعه من شروده: بس يا رعد، ده ظلم، حرام كده.

رعد: بخبث: لو مش عاجبك أوديك لـ برق.

رامي: بسرعة: لأ لأ، أنا هروح أنضف الأسطبل. وبيجري على الأسطبل. (ناس متجيش إلا بالخوف 😂)

كل ده والحسن وفريدة وريحانة ووليد قاعدين بيضحكوا على اللي رعد بيعمله. 😂😂😂

رعد: لـ لين: دورك انتي. وبينادي: يا سعدية.

سعدية: نعم يا رعد بيه.

رعد: خدي لين هانم معاكي، ولبسيها لبس من لبسنا، وخليها تعمل معاكي كل شغل المطبخ والقصر.

لين: بتوتر: بس أنا مبعرفش أعمل حاجة.

رعد: ببرود: سعدية هتعلمك. يلا فزي.

جريت لين من قدامه بسرعة مع سعدية.

وليد: تستاهلي، علشان لما بتجمعي في مكان، انتي ورودي، بتخربوه.

علي ذكر رودي، هي راحت فين؟

رعد: طلع برا بيدور على رودي.

رودي: وهي مستخبية في كرم العنب: يارب ما يلاقيني يا رب، دا أنا غلبانة ولسه صغيرة، وهولاكو ده لو لقاني هيعمل مني بطاطس محمرة ويأكلني.

رعد: ببرود: من خلفها: ها، وبعدين كملي، كملي.

رودي: رعد باشا حبيب الملايين.

رعد: وهو قرب عليها بهدوء، وهي اتوترت ووشها ضرب ألوان. ورعد لاحظ تأثيره عليها، فا كان مستمتع وهو شايفها مكسوفة.

رودي: ببلاهة: بص، هو عادي في المواقف اللي زي دي بيصوتوا وبيقولوا متحمرش، بيتحمرش بيا.

رعد: ضحك بصوت عالي. 😂😂

رودي: الحق الحسن جه.

رعد: بيبص وراه.

رودي: وهي بتجري: الذكي مبيقعش في المقلب مرتين. وبتطلع لسانها 😜 وبتجري تطلع برا القصر، ورعد بيجري وراها.

وفجأة بتعدي عربية سوداء كبيرة، وطلع منها واحد بيشد رودي في العربية، والعربية بتجري بسرعة. وكل ده حصل في ثواني قدام عيون رعد والحرس بتوعه.

رعد: بغضب: انتوا أغبية، معرفتوش تمنعوهم. وبينادي بصوت عالي: يا فخر، يا برعي، يا جابر، جهزوا الرجالة والسلاح، وتوصلوا مع الرجالة يمنعوا أي حد يخرج من البلد حالا.

فخر: بخوف: حاضر يا جناب العمده.

وبسرعة بينفذ اللي رعد قاله عليه.

رعد: بيجري على جوه القصر يجيب مسدسه، وبيطلع بسرعة يركب العربية، وبتختفي في لمح البصر.

الحسن: بقلق: بيـندم على جابر: يا جابر، إيه اللي حصل؟ خلي رعد ولدي يجري أكده؟

جابر: بخوف: أصل ست الدكتورة انخطفت من قدام القصر. وبيحكيله جابر.

وليد: بقلق: إحنا لازم نتصرف ونبلغ البوليس، ونقول لخالد عشان يبلغ الوزارة العلية.

الحسن: متقلقش يا ولدي، رعد ولدي هيتصرف، هو قدها وقدود، أنت لسه متعرفوش.

كل ده اتحكى قدام لين، اللي أول ما سمعت الكلام ده، أغمي عليها، ووليد شالها طلعها فوق.

وفريدة وريحانة قاعدين حضنين بعض وبيـبكوا. والحسن بيحاول يهاديهم، مش عارف.

رامي: جاي من برا بسرعة: صوح الكلام اللي بيقوله جابر ده، يا بوي، رودي اتخطفت.

الحسن: أيوه صوح يا ولدي، ورعد عم يلحقهم.

رامي: بخوف: لأ لأ، رودي مستحيل يجرالها حاجة. وبيـقعد يحط إيده على وشه وبيـبكي.

الحسن: في نفسه: حتى أنت يا رامي؟ والله ما عارف رودي عملت إيه في القصر ده، في مسافة يومين، الكل حبها، والقصر منور بوجودها وبضحكها، دلوقتي بقى ضلمت. ربنا يرجعك بالسلامة يا رب.

عند رودي.

رودي:

رودي: الله هو أنا اتخطفت بجد؟

شخص: أيوه بجد أمال هزار.. وبعدين مالك فرحانه كده ليه أن انتي اتخطفتي؟

رودي: أصلك مش فاهم أنا بحب الروايات جدا ولما البطله بتتخطف بقول هو انا ليه ما اتخطفتش زيها و يسلام بقا لما يجي البطل ينقذني...

الشخص: بس بس صدعتيني...

رودي: هو ليه كل اما اتكلم مع حد يقولي صدعتيني مع اني مبتكلمش كتير دا انا ملاك...

الشخص: بضجر... خلاص اسكتي ولا اقولك انا اكتم بوقك أحسن علشان تسكتي...

وبيضع قماشه علي فم رودي...

رودي: وربنا انتوا رخميين...

الشخص: تعرفي لو مش الباشا عاوزك سليمه كنت قصيت لسانك الطويل ده...

رودي: ساكته.. ومش عارفه تتكلم...

وبعد دقايق وصلوا للمكان وكان عباره عن بيت صغير في الجبل علي حدود الصعيد و كان حواليه حراسه كتير و كلهم مسلحين....

عند الرعد....

رعد: بغضب وبصوت عالي... وبيتكلم في الفون.. قدامك 5 دقايق يا خلف لو معرفتش المكان أنت والرجاله وربي في سماه هيبقا حسابكم عسير جوي امعاي...

وبيقفل الخط وهو سايق العربيه بسرعه من غير هدف معين و بعد شويه بتوصلوا مكالمه من خلف....

خلف: ايوا يا جناب العمده أني عرفت المكان...

رعد: بلهفه... قول بسرعه فين؟

خلف: في البيت اللي علي الجبل الغربي يا عمده الرجاله في الاول شكوا إن في ناس غريبه علي الجبل بس لما جنابك كلمتني اتاكدت من اكدر وروحت بنفسي وشوفت رجاله مسلحين هناك بس اللي مستغربله جوي دول دخلوا منطقتنا أزاي من غير علمنا دا حتي مطاريد الجبل ميعرفوشي.....

رعد: المهم دلوقتي ننقذ الدكتوره منهم وبعد كده هعرفهم أزاي يدخلوا منطقة الرعد ويتخطوا حدودهم مع ضيوفه.......

خلف: أحنا تحت امرك يا جناب العمده قبلنا نعملوا ايه دلوقتي؟

رعد: أنت تجهز إنت و الرجاله و تستنوني و اتواصل مع وهران كبير المطاريد خليهم يحاوطوا الجبل الغربي بسرعه ومش عاوز حد ينفد منيهم...

خلف: أمرك يا جناب العمده...

وبيقفل رعد مع خلف كبير الحرس اللي بيحرسوا حدود منطقة الرعد...

وبيوصلوا المكان.....

رودي: مربوطه ومتقيده علي كرسي... بقولك يا اخينا ما تفوكني خلينا ناخد وندي بشكل ودي 😂

الرجل: هفكك ماشي بس علشان خاطر عيونك... تب وربنا أنتي فرسه بس في أوامر منقربش منك ومنلمسكيش..

رودي: بمجاراه له لكي تعرف من وراا الاختطاف.... ايوه مين بقا الشخص ده؟

الرجل: منعرفش.. أحنا جتلنا أوامر نخطف الدكتوره رودينا النجار وبس..

رودي: حلو أوي لحد هنا.. وعرفتوا أزاي أني في الصعيد و اني أنا دكتوره رودينا النجار؟..

الراجل: لا الباشا الكبير هو اللي قالنا وبعتلنا فيديو ليكي وانتي في حفله هنا في الصعيد وبسبب الفيديو ده عرفنا مكانك...

رودي: تصدق فعلاً... بس الظاهر أن الباشا بتاعكوا ده ذكي...

وفي الوقت ده بيدخل راجل شديد الوسامه بشعر أشقر و عيون زرق وطويل وجسمه رياضي....

الشخص: بس مش أذكي منك يا دكتوره ولا ايه...

رودي: بص هو عاتدا يعني أنا ذكره في شغلي بس لكن في حياتي اتفه من ما تتصور يا... اللا قولي أسمك أي؟

أنا.. أكرم كورفالي...

رودي: بتفكير.. كورفالي يعني أنت تركي...ومن شكلك بديك سن 35 ومن جسمك شكلك رياضي ومن وضعيت وقوفك أقولك أنك معاك سلاحين الاول في جانبك الشمال و التاني في رجلك اليمين و معاك سكاكين صغيره محاوطه خصرك من وراء ... بس أنت شايل كل السلاح ده ليه ومعاك رجالتك...

أكرم: بأنبهار.. أحسنتي يا دكتوره ولكني لا أثق في الاخارين بسهوله حتي ولو كانوا رجالي...

رودي: بمزاح عندك حق يا أبني بس قولي أيه اللي يخلي واحد موززز زيك كده يبقي مجرم خساره عليك البهدله يا أبو أكرم..

أكرم: ضحك ضحكه رجوليه صاخبه... 😂😂... أكرم أتعلمين كنت أستغرب حين رايت الفيديوا الخاص بكي في الحفله فا كيف ل أشهر عالمه في علوم الذره في العالم أن تفعل مثل هذه التصرفات ولكن الان عرفت لان شخصيتكي جميله جداً...

رودي: تسلم يا رجواله فكني بقا علشان أروح قبل قبل ما رعد يجي ويعمل مني بطاطس محمره...

أكرم: أتعلمين خطفك يستحق العناء فعلاً لانكي لستي جميله فقط ولكن ذكيه أيضا.. الان عرفت لما أنتي تشكلين خطر عليهم وعلي عملهم...

رودي: باستغراب.. هما مين دول؟

أكرم: هذا شي أكبر من ان نتكلم نحن فيه الآن.. وبالتأكيد أني لم أخطفكي لكي أطلق سراحك....

رودي: بضجر.... طالما انت مش هتقول هما مين ولا هتفكني قارف أمي من الصبح بدرس اللغه العربيه الفصحي ده ليه؟

أكرم: بضحك 😂 تبدين جميله حين تتعصبين وبيقرب علشان يلمس وجهها...

لتاتي يد وتمسك رقبته بقوه من الخلف وتسحبه بعيدا عنها......

رعد: بعصبيه... تصدق وانا بقول كده برضوا...

رودي: رعد باشا منور الخرابه والله...

رعد: منورا بالمخروبين اللي فيها..

رودي: بضحك 😂 لا جامده منك دي يا باشا بس أنا راضيه ذمتك الاخ ده شكل مخروبين وبتشاور علي أكرم..

أكرم: بضحك 😂 عليها وقت نسي رعد اللي ماسك رقبته... أقسم أني لم أري أنثي بمثل جمالك تأثر الرجال من النظره فقط...

رودي: بتبص ل رعد وبتبلع ريقها بتوتر... يا راجل قول كلام غير كده دا أنت علي وشك تقابل وجه كريم...

رعد: بعصبيه ووجهه أحمر من الغضب وعروق بارزه.... أنت بتقولها الكلام ده قدامي وبيقدم بوكس في وجهه وبينزل عليه ضرب ولكن هيهات فهذا صراع العمالقه ف أكرم بيضرب رعد في بطنه برجله وبيقوم ويضرب رعد و رعد يردله الضربات لحد ما بتدخل رجالة رعد المكان و بيهرب أكرم....

رعد: بصوت عالي غاضب 😡 امسكوه يا بهايم متخلهوش يهرب منكوا....

وبيجري وراه الرجاله ولاكن مش بيلاقوه كانه فص ملح و داب...

رعد: بيفك رودي وبياخدها ويطلعوا برا واول ما بيطلعوا برا البيت رودي بتخاف وبتمسك في رعد جامد لانها بتلاقي رجاله كتير علي الارض وكلهم ميتين و دم كتير...

رعد: بيكون فرحان من جواه أنها لما خافت مسكت فيه يعني هي بتحس بالامان معاه... بس ملامح وجهه حزينه علي رجالته اللي أتصابوا وفي المستشفى.....

وبياخدها رعد وبيركبوا العربيه وهي جمبوا في الكرسي اللي قدام....

في الطريق.....

رودي: رعد يا رعد وبتفضل تكلمه وهو علي نفس الحال...

رعد: بعصبيه و صوت عالي... عاوزه أيه مبتبطليش كلام ليه؟.... ده كله بسببك رجالتي أتصأبت بسببك وبسبب غبائك تقدري تقوليلي هما عرفوا مكانك أزاي؟

رودي: ببكاء 😭😭😭... أنا أسفه يا رعد أنا أسفه مكنتش أقصد مكنتش أعرف أن ده كله هيحصل وبتفضل تبكي....

رعد: أول ما شافها بتبكي قلبو وجعوا و وقف العربيه مره واحده.. وهو بيحاول يهديها..

رودي: لا زالت تبكي وتقوله أنا أسفه أنا هرجع ل خالد هتصل عليه يجي ياخدني من هنا واقعد معاه...

رعد: اول ما سمعها بتقول كده وانها عايزه تمشي وتسيبه اتعصب بس سيطر علي نفسه و قرب منها واخدها في حضنه جامد و كان دي الطريقه اللي بيقولها بيها عمري ما هسمحلك تسيبيني وتمشي...

ورودي سكتت و فضلوا علي الوضع ده لعدة دقايق رعد حس بأنتظام أنفاسها فا عرف أنها نامت أبتسم أبتسامه خفيفه علي طفولتها تلك المجنونه كيف تنام بتلك السرعه وضع رأسها علي كتفها و طلع بالعربيه علي المستشفى و شالها نزلها في أوضه فيه وقعد جنبها لحد ما صحيت بعد 2 ساعه تقريباً....

رودي: أول ما صحيت... رعد أنا أسفه أنا مكنتش أعرف أن في ناس هتتاذي بسببي وبتبدا تبكي...

رعد: بمزاح... خلاص يا رودي انتي بقيتي نكديه كده ليه 😂 وبعدين يا ستي الرجاله أصابتهم جات خفيفه الحمد لله وانا جيتلهم المستشفى علشان أتطمن عليهم خليكي انتي هنا وانا هشوفهم و ارجعلك....

رودي: بالله خدني معاك يا رعد اشوفها واعتزرلهم علي اللي حصل بسببي...

رعد: بغيره... لا أزاي عايزه تروحي تشوفي رجاله غيري......

رودي: أيه أنت قولت أيه؟

رعد: بقولك تعالي يلا وياي...

رودي: لا.. انت قولت حاجه تانيه...

رعد: هتيجي ولا اغير رائي....

رودي: خلاص يا عم جايه انت محدش يعرف يتكلم معاك... بس أحنا هنروحلهم كده من غير ما ناخد ورد ولا شوكلاته معانا...

رعد: بضحك 😂 انتي مفكره نفسك جايه تزوري واحده صحبتك... دول رجالة صعايده يعني مهيحبوش الحاجات دي أنا هبعتلهم زياره من المزرعه....

وبيروحوا وبتتطمن رودي عليهم هي ورعد و ان الحمد لله أصابتهم خفيفه ومحدش فيهم جرالوا حاجه وحشه وبعدها بيمشوا و يروحوا علي القصر ........

في القصر....

بتصحي لين و هي بتعيط جامد علي رودي لان رودي صحبتها من وهما صغيرين وكانوا جيران رغم أن رودي أكبر من لين بر3 سنين ولاكنهم بيحبوا بعص جداً و اكتر من الأخوات... وبيطلعلها فريده و ريحانه يتطمنوا عليها ولما بيلاقوها بالحاله دي بيقعدوا جنبها ويفضلوا يبكوا كلهم و الحسن و رامي و وليد زعلانين علي حالتهم وزعلانين أكترعلي رودي حتي سعديه والخدم اللي في القصر زعلانين و القصر بقا مليان حزن....

وبعد شويه بيوصل رعد ومعاه رودي و اول ما بيدخلوا القصر بيتصدموا.......

بيوصل رعد و معاه رودي. أول ما بيدخلوا القصر بيتصدموا.

بيكون القصر كله ضلمة ومفيهوش نور شغال.

رعد: أنا قلقان يكون حد فيهم جراله حاجة.

رودي: طب أنت قلقان بتقلقني أنا ليه؟ وبعدين يا عم تفائلوا بالخير تجدوه. أكيد هما كويسين بس ناموا ولا قاعدين في أوضهم؟ تعالي نطلع نشوفهم.

رعد: يلا تعالي.

وبيطلعوا على السلم وبيدوروا في الأوض مبيلقوش حد.

رودي: تعالي نروح أوضة البت لين أصلها وحشتني.

و بتفتح رودي الباب وهي بتقول: يا لين يا بقرة إنتي فين؟

بس بتشوف لين نايمة و عمالة تعيط و ريحانة جنبها من ناحية و فريدة من الناحية التانية.

رودي: بخضة بتجري عليها. لين حبيبتي مالك؟ إنت كويسة؟

بتقوم لين بسرعة و بتروح تحضن رودي و بتعيط.

رودي: يا بت إنتي بتعيطي ليه يا بقرة؟ طب مين مزعلك؟ أكيد الواد وليد ابن الجزمة. هو فين؟ سيبوني عليه.

وفجأة بتجري ريحانة و فريدة عليها وبيحضنوا كلهم وهم بيعيطوا.

رودي: لا حول ولا قوة إلا بالله. مالكم إنتوا كمان؟

فريدة: إحنا فرحانين برجوعك يا بنتيتي. كنا هنموت من القلق عليكي.

رودي: ليه النكد ده؟ بس كده يا جماعة؟ دا أنا حتى كنت مخطوفة عند واحد صاروخ أرض وجو.

ريحانه: شوفي الحيوانة اللي كنا هنموت من الخوف عليها و هي بتعاكس المجرم.

رودي: بمرح. اسكتي إبت يا ريري. دا كان مجرم والمجرمين المزز قليلون.

ريحانه: بضحك. وحشني جنانك يا بت.

لين: بفضول. كان حلو أوي كده؟

رودي: مش دي الاخت اللي كانت بتعيط من شوية؟ بس إيه إبت؟ كان تركي موزززز.

لين: بجد كان تركي؟

رودي: أومال. دا عليه عيون أحلى من عيون الحسن.

رعد: بعصبية و غيرة. بطلي كلام ماسخ يا رودي. وبعدين مكنش حلو للدرجة دي.

فريده: بخبث. مالك يا رعد يا ولدي؟ دي بتهزر ويانا.

رودي: أنا عارفة إنك غيران عشان هو مجرم وكمان تركي و إنت مجرد ظابط.

رعد: بعدم استيعاب و تقريباً كده بدأ يتشل. أنا دلوقتي بس فهمت خالد كان قصده إيه لما قالي ربنا يكون في عونك.

رودي: خالد أقول عليه إيه؟ دايما مسيطرني كده.

وفي الوقت ده بيدخل وليد وأول ما بيشوف رودي بيجري عليها يحضنها و يلف بيها.

وليد: بصوت أقرب للبُكاء. قلقتيني عليكي أوي يا قلبي.

رودي: متقلقش يا حبيبي أنا بخير.

رعد: وخلاص فاض بيه راح ناحية وليد وشده من حضن رودي وداه بوكس وقعه في الأرض.

وليد: بألم. في إيه يا رعد مالك؟

رعد: بغضب راح ناحيته ومسكه من ياقته. إنت إزاي تحضنها كده؟ إنت إزاي تتجرأ وتلمس حاجة خاصة بـ 'الرعد'.

رودي: رعد إنت إزاي تعمل كده في أخويا؟ وإيه خاصة بـ 'الرعد' دي؟ أنا مسمحلكش.

رعد: بأستغراب. أخوكي؟

وليد: أيوه يا سيدي. أنا ورودي أخوات في الرضاعة.

رودي: بتزق رعد بغيظ. سيبه يا رعد. أوعى كده.

و بتشد وليد تقومه وبتطلع برا الأوضة بغيظ من رعد.

بتشوف الحسن طالع بتجري عليه وتحضنه.

رودي: ياه يا حج وحشتني في الكام ساعة اللي اتخطفت فيهم دول.

الحسن: بضحك. وإنتي وحشتيني جوي جوي. الكام ساعة اللي غبتيهم مروا كأنهم سنين علينا كلياتنا.

رامي: من وراهم. رودي اتوحشتيني جوي.

وبيحضنها وبيسلم عليها.

رودي: بمزاح. لا أنا كده أتغر على الحب ده كله. وإنتوا وحشتوني أوي وخصوصاً الحسن أبو عيون جمر ده.

فريده: بغيرة. لا يا رودي لحد أكده و اتوقفي. الحسن حبيبي إني.

رودي: بضحكة جميلة وصاخبة. من حقك تغيري والله.

الكل ضحك على غيرة فريده بعد العمر ده.

وبتيجي سعدية على الضحك بتشوف رودي بتحضنها و تفرح أوي لرجوعها بخير.

رعد: بغيرة. في نفسه. هو إيه اليوم اللي كله أحضان ده؟ حتى سعدية. طب ما أنا أولى.

سعديه: بفرحة. إني بقا هعملكوا عشاء تاكلوا صوابعكم وراه بمناسبة رجوع رودي بالسلامة.

وبتروح تجهز العشاء.

وبينقضي المساء في ضحك وفرحة برجوع رودي. ولا كأنهم كانوا ساعات اللي غابتهم. ورعد كان متضايق جداً أن رودي بتتلاشاه بسبب اللي عمله مع وليد.

وبيروح كل واحد أوضته. ورودي بتروح أوضتها تاخد دوش دافي و بتلبس بيجامة حمالة وشورت و تعمل شعرها على شكل كعكتين زي الأطفال. و بتقعد على اللاب توب تشتغل في البحث. وبعد ساعة تقريباً الباب بيخبط. ورودي بتفتح. بيكون رعد وحاطط إيديه ورا ظهره.

رودي: ببرود. خير يا رعد محتاج حاجة؟

رعد: لا. أصل أنا عرفت أن الجمر زعلان مني قولت أصالحه.

وبيطّلع شنطة من ورا ظهره كبيرة وبيعطيها.

رودي: بأستغراب. إيه ده؟

رعد: افتحي وشوفي.

بتفتحها رودي بتلاقي فيها نوتيلا وشوكولاتة وشيبس وبيبسي وروايات كتير.

رودي: بفرحة. واو. دول علشاني أنا؟ بجد شكراً أوي يا رعد.

وبتحضنه.

رعد: بمشاكسة. اممم. لو أعرف أنك هتعملي كده كنت جبتهم من زمان.

رودي: وقد استدركت ما فعلت. أحم. أنا آسفة. ما كنتش أقصد ده بس من فرحتي ولأني كنت بعمل كده مع خالد.

رعد: بغيرة. متعمليش كده مع حد غيري. ولما تحتاجي حاجة قوليلي أنا عليها.

رودي: ماشي يا باشا. يلا بقا هوينا.

رعد: وقت لاحظ ما ترتديه. أهويكي ليه؟ ما التهوية حلوة جوي جوي أهنه.

رودي: بأحراج ووجه أحمر. إنت قليل الأدب وسافل.

وبتقفل الباب في وجهه.

رعد: بضحكة. رجولية. بس جمر. وإياك أشوفك بتفتحي الباب لحد بالبس ده تاني. فاهمة.

رودي: أمشي يا رعد. أنا أصلاً ما أخدتش بالي وأنا بفتحلك.

وبتروح رودي تفتح الحاجات وتاكل نوتيلا وبتكمل شغل وبتنام.

ورعد بيطلع ينام.

وفي نفس الوقت بيكون في حد بيراقب القصر من برا. وبييبص للصورة اللي في إيده بحب وأعجاب. وفجأة بيجيله اتصال من شخص مجهول.

المجهول: أيها المجرم الحقير! هل تتجرأ على الوقوف في وجهي؟ ما كنت مهمتك هي قتلها؟ لماذا لم تقتلها؟

الشخص: امم. لاني وقعت في عشقها. ولن أجعلك تؤذيها.

المجهول: أقسم لك أنك ستندم يا أكرم. لا تلعب مع الأكبر منك.

أكرم: ببرود. أنا كفيل بكم جميعاً. وإن اقتربت منها أقسم أنه سيكون آخر يوم في عمرك أنت ومن معك. لا تنسى من يكون أكرم كورفالي. زعيم المافيا الأخطر في أوروبا. ولا تتجرأ أبداً في الاقتراب من من يحبه أكرم.

المجهول: بخوف يحاول مداراته. بل سنقتلها لأنها تشكل خطراً على عملنا في المخدرات. لا تنسى أنه عملك أنت أيضاً.

أكرم: حاول أن تفعل لها شيئاً. سأقتلك بلا محالة أنت ومن معك.

وأقفل الخط وقاد سيارته وذهب إلى قصر جميل في الصحراء بعيد عن الصعيد.

وبيدخل أوضته و ينام وهو فاتح صورة رودي على الفون ويقول.

أوه يا امرأة. لو أن الحب يوصف بنظرة لوصف بالنظر لعينيكي. ولو أنه بإبتسامة لكانت ابتسامتكِ. لا أعلم كيف ومتى ولكن هذا القلب في صدري أصبح بعشقك.

وينام.

ــــــــــ في الصباح ــــــــــ

رودي: بتقوم بدري وبتروح تخبط على أوضة رامي.

رامي: مين؟

رودي: أنا رودي.

رامي: ادخلي يا رودي.

رودي: بص يا باشا. عاوزة منك طلباً صغيراً قد كدهون.

وبتشاورله بإيدها.

رامي: بضحك. طلباً وكدهون يبقى أكيد خطر.

رودي: أخصي عليك. أنا برضه. المهم أنا عاوزة...

رامي: لا. دا أنا آخر مرة رعد علقني.

يا ترى رودي عايزة إيه؟

ومين الشخص المجهول اللي عايز يقتل رودي؟

وليه البحث بتاع رودي ليه علاقة بالمافيا العالمية؟

كل ده هنعرفه في الحلقات الجاية من رواية (صغيرتي المجنونة😜).

رودي: أخص عليك أنا برضوا.. المهم أنا عايزه اندومي...

رامي: لا يا رودي مستحيل الا الاندومي دا أنا أخر مره جبته رعد علقني علي بوابة القصر يوم كامل..

رودي: تب والحل أيه؟

رامي: معرفش..

رودي: والله العظيم إحنا لو هربنا مخدرات مش هيعملوا علينا القلق ده كلو....

وفجاه بيخطر في بالها فكره...

رودي: بس أنا لاقته...

رامي: لقيتي ايه؟

رودي: الفكره... بص يا رامي أنت تروح من الباب اللي وراء تجيبه وتيجي ولا من شاف ولا من دري...

رامي: ولو رعد قفشني ياختي أتعلق أني علي باب القصر زي أخر مره لا لا مش موافق....

رودي: براحتك وانا اللي كنت بقول عليك كلام حلو قدام البت لين واسيط فيك ماشي ياعم أنت اللي أخترت براحتك...

رامي: اول ما سمع أسم لين.. استني انتي قولتي ايه؟

رودي: مقولتش يا عم براحتك..

رامي: تب استني هروح أجيبلك أندومي والحاجه اللي انتي عيزاها بس بالله عليكي ل تقولي عني كلام كتير قدامها و تحاولي تشغليها بيا أنا هموت من العشق وهي مش مهتمه خالص...

رودي: ناس مبتجييش الا بالعين الفضي بصحيح 😂😂 هقولها هقولها بس روح هات انت..

رامي: ماشي بس مش هجيبه الا عشيه علشان أعرف أدخل و رعد مش هنا....

رودي: ماشي يا روميو هستنا الاندومي...

ولحد ما يجي أروح أقعد مع لين...

بتروح رودي تقعد مع لين في الجنينه و في الوقت ده بيكون طالع رعد و الحسن وهما لابسين لبس صعيدي...

رودي: صباح الاناناس علي أحلي ناس...

الحسن: صباح الورد يا بنيتي..

رودي: بس متقولش بنيتي دي علشان بتدوب قلبي من جوا...

الحسن: هتفضلي طول عمرك بكاشه اكده..

رودي: قلبي والله يا حسونه... وانت يا أخ رعد مبتردش الصباح ليه؟ أكلت فطورك انا ولا ايه... 😂

رعد: اني لو كنت رديت عليكي كنتي هتقوليلي....وبيقلد صوتها بطريقه مضحكه اني مبقولكشي انا بقول ل حسونه أبو عيون جمر ده انت بترد ليه...

رودي: ايه دا انت عرفت أنا كنت هقول كده أزي.؟

رعد: أني عرفتك أكتر من نفسك علشان من يوم ما شوفتك عشقتك....

رودي: بتقول حاجه؟...يا رعد

رعد: لا مبقولش....

الحسن: متقولها كنت بتقول ايه يا عمده...

رعد: يلا يا ابوي أتاخرنا علي القعده زمان الرجاله منتظرينا...

رودي: انتو هترجعوا أمتا؟

الحسن: علي بليل كده...

وبيركب رعد و الحسن العربيه وبيروحوا مكان كبير في البلد وبيكون شبه صالة المحكمه وفيه رجاله كتير قاعدين في جهة و رجاله في الجهة التانيه وبيدخل رعد بهيبته المعتاده و بجواره الحسن القاضي العرفي للبلد و بيبداوا يتكلموا في المشاكل اللي في البلد....

رجل من الرجاله: يا حضرة القاضي يا جناب العمده اني عندي شكوه ولازمان تسمعوها وتحكموا مين اللي غلطان فيها...

رعد: قول اللي عندك واحنا هنحكموا بعدل ربنا...

الراجل وهدان: يا جناب العمده زين أبن الحج خلف الله عم يلاحق بتي ويقول عنيها كلام عفش في البلد بتي متعلمه ومتنوره وزينه يا جناب العمده وعمر ما حصل منها عيبه و يجي هو ويقول انو عايحبها ورايدها والكلام الماسخ ده...

رعد: هو فين زين ابن الحج خلف الله

زين: اني هنا يا جناب العمده..

رعد: الكلام اللي عايقوله الحج وهدان ديه صوح...

زين: صوح يا جناب العمده اني عاحب بنت الحج وهدان وطلبت يدها وهو ماوافقش وعم يقولي انت مش متعلم زييها و بتي تستاهل حد احسن منك يا جناب العمده اني الحمد لله عندي شغلي وحالتي متيسره واهل البلد كلياتها عرفين اكده.. وكلام ربنا بيقول ان جاكم علي خلق ودين فازوجوه و الحج وهدان رفضني ل سبب تافه وهو حتي مسالش بنتو علي رايها فيا..

وهدان: اهو يا حضرة العمده عم يقول مسالش بنتو بقصد ايه بحديتوا ديه...

زين: ما اقصدش حاجه يا حج وهدان اني هتجوز بتك برضاك او من غير رضاك ومش هسمحلها تكون مع حد غيري... و بعدين يا جناب العمده انت لو قارنت حكايتي مع وعد و حكايتك مع الدكتوره هتلاقي نفس الفرق ولا ايه؟

رعد: انت عم تقول ايه عاد يا واكل ناسك ايه اللي دخل الدكتوره في مشاكل اهل البلد...

زين: البلد كلاتها عارفه انك عاتحب الدكتوره و الا ليه مقعدها في قصرك؟

في هذه اللحظه تدخل الحسن لانه عارف انو لو ماتدخلش رعد هيقتل زين...

الحسن: بس يا زين احب اجولك انت واهل البلد ان الدكتوره مرات رعد ولدي...

رعد: بوي انت عم تقول ايه؟

زين: نفس الشي يا حضرة القاضي انت لو لاحظت الفارق العلمي بين الدكتوره و جناب العمده هيكون نفس الفرق بيني انا و وعد اشمعنا هم اتجوزوا....

وهدان: لا مش نفس الفرق رعد بيه متعلم و متنور ولا نسيت انو ظابط في القاهره قد الدنيا و مرتوا دكتوره زي ما انت بتقول....انما اني بتي في كلية إلسن و انت مخلص دبلوم زراعي تيجي كيف دي....

رعد: انفضت المحكمه و مشكلة الحج وهدان و زين واد الحج خلف الله هتتحل عندينا في القصر بكره بليل بحضور زين وابوه و الحج وهدان وبته وممنوع الاعتراض....

وبيمشي رعد بعصبيه وبيركب عربيته وبيروح القصر هو وابوه........

في القصر بيكون الليل جه و رامي جاب ل رودي كمية اندومي كبيره و رودي طبخته و قاعده بتاكل هي و رامي و لين في جنينة القصر من وراا علشان محدش يشوفهم.......

رامي: تسلم ايدك يا واد يا رامي علي الاندومي العظمه اللي جبته ده....

رودي: قصدك تسلم ايدك يا رودي علي طبخك الحلو في الاندومي ده

لين: والله ولا انتي ولا هو الاندومي بيكون جاهز علي قد الميه السخنه وبس.....

رودي: تب يا اوختشي كلي كلي اصلكوا عيال ناكرين للجميل......

وفي الوقت ده بيدخل رعد و الحسن من باب القصر.....

رعد: ايه الصوت ديه يا ابوي مش المفروض هما ناموا....

الحسن: والله معارفش يا ولدي تعالي نشوف فيه ايه؟

رعد: اممم اني خابر الريحه دي زين ديه ريحة المدعوق ديه اللي اسمه اندومي مين اللي دخله قصري و بيروح ناحيتهم بهدوء.....

رودي بتكون قاعده و ضهرها تجاه رعد و رامي وشه مقابل وشه.....

رامي اول ما بيشوف رعد بيفضل يكح جامد..

رودي: مالك يا رامي كانك شوفت هولاكوا اخوك قفشنا...

لين: بتضحك جامد..😂😂😂😂

رودي: متقولش هو واقف ورايا زي المره اللي فاتت؟

رامي: بيهز راسه بمعني اه...

رودي: بتدير وجهها و بتلاقي رعد وراها واقف زي هولاكوا 😂😂

رودي: الله ايه اللي طلع هولاكوا من الفيلم وجابه هنا....

وبتقول هاعد من واحد لحد تلاته و اجري و قبل ما تجري بيمسكها رعد من قفاها و بيقول بصوت مرعب ايه اللي جاب البتاع ديه اهنيه؟

رودي: والله ما انا يا باشا دا رامي هو اللي جابه من شويه قال ايه بوي و خوي مهيجوش دلوقتي ايه رايك يا رودي نجيب اندومي قولتلوا لا يا رامي دا مضر بالصحه يقولي أبداً لازم اجيبه.....

رعد: بيبص بنظرات قاتله ل رامي ورامي فاتح بقه علي اخره من الصدمه....

رامي: انا انا معملتش حاجه دي رودي هي السبب...

رودي: كداب يا باشا تنكر ان انت اللي جبت الاندومي...

رامي: لا. انا اجري احسن ليا و بيمسكه رعد من قفاها قبل ما يجري هو في ايد و رودي في التانيه و لين بتضحك عليهم 😂😂😂😂

لين: انا مليش دعوه يا باشا انا شميت الريحه وجيت اكلت بس....

الحسن: انا طالع اريح اني وانتوا مع نفسكوا يا ولاد...

رودي: استني يا حسونه خودني معاك

وبيطلع الحسن وبيسيبهم وهو بيضحك هو عارف اني رعد مش هياذيهم لان واحد اخوه و التانيه حبيبته..

رعد: يا جابر هات...........؟

....................

رودي و رامي بيبصوا لبعض بخوف........

رعد: يا جابر جيب الحبال.

رودي ورامي بيبصوا لبعض بخوف.

رامي: بخوف. هو انت ناوي تعمل إيه؟

رعد: بصوت مخيف. هعمل كل خير إن شاء الله يا خوي.

رودي: بدرامية. بس متجبش سيرة ربنا اللي إنت متعرفهوش. إنت شيطان. إنتو أهل إزاي؟ أنا عايز أعرف، وأهل دول وإخوات ولمة ولا دول تعابين وسامة؟

رامي: بتصفير وتصفيق. برافو عليكي يا فنانة، برافو يا بت. ولا محمد رمضان في مسلسل البرنس.

رودي: بغرور مصطنع. شكراً شكراً. ياه، حب الناس نعمة.

في وقت لما بيتكلموا، بيجيب جابر الحبال ورعد بيربط رودي، وجابر بيربط رامي.

رامي: حرام عليك كده يا خوي. ما كانوش طبقيين أندومي اللي يعملوا فينا كده.

رعد: بيجيب كرسي وبيقد قدامهم ببرود. أنا مزاجي كده.

رودي: ده ظلم وانتهاك لحقوق الإنسان.

رامي: بتاييد. أيوه، إحنا لينا حقوق كبشر.

رودي: إنت ظالم، ظالم، ظالم.

رامي: بضحك. لا، أفورتي المرة دي يا رودي.

رودي: تب، استني أقولها بطريقة تانية. وبتتكلم إسباني. eres injusto injusto injusto......

رامي: بذهول. إيه ده؟ إنتي بتتكلمي إسباني؟

رودي: بضحك على ملامحه. بتكلم إسباني وإنجليزي وتركي وصيني وياباني وهندي ولغات تانية كتير.

رعد: بإعجاب. بسم الله ما شاء الله. كل دول؟

رودي: بفخر. أنا، والحمد لله، بتكلم 45 لغة.

رامي: وهو فاتح بقه بطريقة مضحكة. إنتي بتقولي كام؟

رودي: بضحكة عالية. مالك يا ابني؟ أنا بقول 45 عادي يعني.

رامي: عادي إيه يا بت؟ ده أنا بتكلم إنجليزي بالعافية.

رعد: وهي زيك يا فاشل.

رامي: شكراً لمدحك يا غالي. الأ قولليلي يا رودي اتعلمتي كل اللغات دي إزاي؟ وإنتي عالمة ذرة إزاي في السن الصغير ده؟ من شكلك معدتيش 20 سنة.

رودي: لا، أنا عندي 25 سنة.

رامي: مش باين عليكي خالص.

رودي: أنا أصلاً خلصت جامعة على 20 سنة.

رامي: بذهول. إزاي يعني؟

رودي: بضحكة خفيفة. أنا ذكية جداً من وأنا صغيرة. ووالدي ووالدتي كانوا باحثين في علوم الذرة. وأنا كنت بحب المجال ده من صغري. لحد ما في يوم عملوا حادثة وأنا عندي 10 سنين وتوفوا. وخالد هو اللي رباني. ولأني كنت ذكية، كنت بخلص سنتين المدرسة في سنة. ودخلت كلية العلوم وأنا عندي 16 سنة.

رامي: باستغراب. إزاي؟

رودي: عادي. اتخطيت امتحانات القبول وجبت امتياز، فمخدوش بالسن وقبلوني. وبعد أربع سنين دراسة، كنت بطلع دايماً أول جمهورية. وجاتلي منحة ماجستير في كاليفورنيا وسافرت. عملت الماجستير في سنة. وخدت منحة دكتوراه من جامعة كاليفورنيا في إنجلترا وسافرت إنجلترا. وخدت الدكتوراه بامتياز في علوم الذرة. وكل ده وأنا عندي 22 سنة. فجالي دعم من الدولة على الأبحاث اللي عملتها والدراسات عن علوم الذرة واستخدامها في الطرق السلمية زي علاج الأمراض. وسافرت الصين والهند واليابان وأمريكا وتركيا أقابل علماء وأعرض عليهم أفكاري. وساعدوني وقدرت بفضل ربنا أعمل الأبحاث كلها. وكل الدول اللي سافرتها استفادوا بالطرق السلمية والعلاجية والعلمية اللي عملتها لاستخدام الذرة. وعرضوا علي الشغل هناك، لكني رفضت. فكنت بأخد الجنسية في أغلب الدول اللي سافرتها كتقدير ليا ولمساعدتي على العمل بحرية.

رامي: يعني إنتي معاكي جنسيات غير الجنسية المصرية؟

رودي: أومال يا ابني. إنت فاكرني أي حد؟ أنا معايا 6 جنسيات غير الجنسية المصرية.

رعد: وليه ما اشتغلتيش في الدول التانية؟

رودي: أنا عملت الأبحاث عشان أساعد بيها الناس عامة. بس انتساب الأبحاث خليته لبلدي، فسلمتها للدولة ورجعت استقريت في مصر مع خالد. وإجتلي فكرة إني أعمل بحث أجمع فيه بين علم الذرة وصناعة المخدرات. وفكرته نجحت. بس بقا في ناس متقبلتش الفكرة وحاولت تقتلني. عشان خاطر حظر عليهم. فالإنتربول المصري قرر يحميني. فاكملت بمزاح. ويشاء القدر خالد ما يلاقش غير رعد يتولى حمايتي. تب يراعوا إني حد مهم ومترشحة لمنصب مهم في البلد. لا إزاي؟ آخرتي مربوطة على نخلة.

رعد: تصدقي، ربنا له حكمة في حكمته.

رودي: ونعم بالله يا أخ رعد. فكني بقا عشان رجليا وجعتني من الوقفة.

رامي: عندي استفسار بسيط كدهون يا حضرت الدكتورة.

رودي: بضحك. إيه الاحترام ده يا واد يا رامي.

رامي: طبعاً يا بنتي لازم أحترمك. دا إنتي عبقرية.

رودي: بمرح. لا يا أخويا، أنا بحب التهزيء.

رامي: بضحك. ماشي.

رودي: المهم، إيه هو الاستفسار بتاعك؟

رامي: إنتي بتقولي إنك مترشحة لمنصب مهم في البلد، تقصدي إيه؟

رودي: أي دا؟ هو أنا مقولتلكيش؟

رامي: لا، مقولتليشي.

رعد: هو أنا حاسس ليه إن في مصيبة هتحصل.

رودي: مصيبة إيه بس يا برنس؟ ده أنا، وبلا فخر، مترشحة لمنصب وزيرة البيئة.

رامي: بصدمة. إيه؟ وزيرة البيئة؟

رودي: بضحك. مالك يا ابني؟ هو إنت كل شوية هتتصدم؟

رعد: بحزن لأنه تذكر كلام زين. لكن خالد مقليش قبل كده؟

رودي: ما خالد لسه معرفش الموضوع. ياه، متشوقة أقوله جداً.

رامي: عشان تشوفيه فخور بيكي طبعاً.

رودي: بضحكة شر. لا طبعاً، عشان هبقى أعلى منه في المنصب. وهستبد لما أبقى وزيرة وهو لواء. ياه، على اليوم ده.

رامي: بضحك. يا بنت الإيه، ده إنتي اللي شيطانة مش رعد.

رودي: آه والله. فكرتني. وإنت يا رعد، هتشوف مني أيام طين.

رعد: بضحك. يعني أعمل فيكي خير، ونويا لي الشر؟

رودي: خير مين يا أبو خير؟ أومال الربطة اللي إنت ربطهالي دي؟ إيه ده؟ أنا ظهري اتقطم.

ليأتي صوت من خلفهم.

صوت: هل تريدين مساعدة يا جميلتي؟

لينظروا للصوت ويتفاجأوا.

رودي: إيه ده؟ إنت هنا من إمتى؟ وإيه اللي جابك هنا يا كركر؟

أكرم: أنا هنا منذ كلامك عن الإنجازات التي قمتي بها يا جميلتي. ولكن من هو هذا الكركر الذي تتحدثين عنه؟

رودي: بضحك. إنت هو كركر.

رامي: بضحك. مين الأخ اللي طالع من مسلسل تاريخي ده؟

رودي: ده أكرم، دا اللي كان خاطفني.

رامي: بمرح. بس تصدقي، الواد موز أوي.

رودي: بزمتك، معنديش حق؟

رعد: بغيره. رودي، رامي، اسكتوا. وإنت إيه اللي جابك أهنه؟ ودخلت هنا إزاي؟

أكرم: بخبث. أنا هنا لكي أرى تلك الجميلة. وبيشاور على رودي.

رودي: بمرح. شكراً يا برنس، شوفتني، روح بقا.

أكرم: بضحك. أوه، جميلتي، لم آتي لهنا لكي أذهب بدونك.

رعد: بغضب. بيروح يمسكه من ياقة قميصه وبيضربوا بوكس في وشه بيوقعه الأرض.

بيقوم أكرم وبيردله الضربة.

رودي: الله عليكم، تيران بتتعارك. تب فكوني أشجع على الأقل.

رامي: بضحك. يا عبصمد، اتنين فشار وواحد بيبسي لو سمحت.

رودي: بضحك مماثل. فشار بالجبنة لو سمحت يا عبصمد.

رعد: بغيظ. منهما، اقفل خشمك إنت وهي.

أكرم: بحب. لا تقلقي يا عزيزتي، سأنقذك من هذا المكان.

رودي: إيه القرف ده؟ إحنا عندنا جفاف عاطفي يا أخ، مش ناقصين محن. وحيات والدك. وبعدين إنت واحد مجرم وكنت خاطفني. إيه اللي جابك هنا؟

أكرم: بحب. لقد تغيرت منذ رأيتك يا حبيبتي. ولا تقلقي، سأعلمك أنا معنى الحب على يدي. وبيغمز لها.

رامي: بخوف. إنت اللي جبته لنفسك. وبيبوص ناحية رعد اللي انقض على أكرم مثل الوحش وفضل يضرب فيه بكل قوته.

ليأتي صوت من خلفهم وهو يقول.

صوت: رعد، كفاية كده.

رعد: ...............

رودي: بصدمة. ؟؟؟؟؟؟