رواية صغيرتي غيرت حياتي الفصل السادس عشر 16 - بقلم صفاء احمد

بعد 20 سنة، كان فارس سافر يكمل تعليمه برا مصر، وملك بتدرس هنا. ملك في الجامعة قاعدة مع سلمى، صحبتها من الطفولة. رن فون ملك. ملك: أي يا خالتي، عاملة إيه؟ كارمة بفرحة: كويسة يابت، عارفة مين جاي وفي الطريق النهارده؟ ملك بضحك: مين يعني يا خالتي يا قمر؟ كارمة: ابني فارس. ملك وقفت: مين يا خالتي جاي؟ كارمة: فارس، فارس جاي. ملك: لا والله، يجي بسلامة يا خالتي يا قمر. سلمى باستغراب: في إيه يا بت، واقفة ليه كدا؟

ملك بفرحة: فارس، فارس جاي يا بت. سلمى بفرحة لصاحبتها: ياااا، فارس جاي؟ ملك: اه اه، أنا مروحة، وانتي ابقي احضري المحاضرة. سلمى: ماشي يا كلبة. ملك روحت، لقيت البيت زاهر، وبيّن إن في حد جاها. ملك دخلت وقالت: السلام عليكم. وبصت، شافت ولد جامد قاعد وباصصلها جامد، كأنو عايز ياخدها في حضنه، والغريب إن في واحدة جنبه. ملك في نفسها: أكيد دا فارس. كارمة: حبيبة قلب خالتو، فارس أهو. ملك: أهلاً يا فارس، عامل إيه؟

فارس بغرور: كويس، بخير يا ملك. كارمة كملت كلامها: ودي جوري، خطيبته. ملك وقفت، بيها الحياة. كانت فكرة إنه هيتجوزها زي ما قال قبل ما يسافر. افتكرت هو قال إيه. فلاش باك. فارس: أنا هسافر يا قلبي، وهراجع أتجوّزك إن شاء الله يا قلبي، متيجي معايا طيب، كملي تعليمك هناك. ملك ببكاء: مش هسيب أهلي لوحدهم، آسفة يا فارس. فارس باس راسها ومشي. فلاش باك. كارمة: يابت، عمالة أنده عليكي، فينك، رحتي فين؟

ملك: أهو يا خالتي معاكي يا حبيبتي. ازيك يا جوري؟ جوري بقرف: هاي، كويسة، وانتي؟ ملك: الحمد لله بخير. بعد إذنك يا ماما. ملك ركبت أوضتها وقعدت تعيط. ملك: كان نفسي يكون بيحبني زي ما بحبه. طيب أعمل إيه يا رب؟ أنا حبيته من قلبي. دخلت مامتها ملاك. ملاك: عارفة إنها بتحب فارس. أهدي يا قلبي، متعياطيش، هو ميستاهلكيش. ملك بعياط: أنا حبيته يا ماما، أعمل إيه طيب؟ ملاك: يا خراشي، انتي بتعيطي عشانه؟

هو ميستاهلكيش، على فكرة. وقومي خدي شور عشان هنتغدى تحت. قامت ملك، دخلت تاخد شور، ولبست بيجامة شورت، ومن فوق بحمالة. البنت جامدة يا فارس. نزلت بجمالها وهيبتها. باست تميم من خده: بابي حبيبي. تميم بحب: حبيبي يا بابي. تامر: إيه الشياكة دي بس؟ (ملحوظة، دا صاحبها اللي كان جيرانها، تامر) ملك بغيظ لفارس: لو عليا، هبوسك يا تامر. تامر: حبيبتي والله، قريب بقي. فارس بغيرة: قريب إيه يا لهوي انت؟ تامر عشان يغيظ فارس،

وباصص لملك: هي عارفة يا فارس، أصلاً بيننا حاجات كتير. فارس: وإيه الحاجات دي إن شاء الله؟ ملك: معلش يا فارس، مبطلعش أسراري أنا وتامر وكدا يعني. وضحكت ضحكة بمياعة. فارس قام من على السفرة، وشدها من إيدها لجوه. ملك بخضة: أوعى، انت واخدني على فين؟ فارس وهو قريب من وشها: إيه اللي بينك وبين تامر؟ ياملك. ملك ببرود: وحضرتك مالك بيا أصلاً يا ابن خالتي؟ فارس بزعيق: انطقي، اللي بينك وبين تامر. ملك: تامر يبقى حبيبي، ارتحت.

فارس خدها لبوه من إيدها: شوف بنتك يا عمي بتقول إيه. قاسم بخبث: بتقول إيه يا ابني؟ فارس: بتقول، قال إيه، تامر يبقى حبيبها. تامر اتدخل: وفيها إيه؟ أنا وهي بنحب بعض من زمان أوي كمان. فارس بعصبية: ملكش دعوة يا لهوي انت، فاهم؟ تامر ببرود وربّع إيديه: لا، منا حبيبه اللي بتتكلم عليا. وبعدين عيب عليك تسيب السنيورة لوحدها. تميم ببرود: سيبها يا فارس، أنا هشوف فيه إيه. كملوا غدا يلا.

أكلوا، وفارس بياكل وبيّبص على ملك بتحدي، وهي خايفة من بابها عشان صعب عليها وبيخاف عليها أوي. فارس: يلا يا جوري، أوريكي البلد يا بيبي. جوري: يلا يا بيبي. ومشوا. ملك قاعدة وبتاكل، وقامت. تميم: تعالي هنا انتي يا ملك. ملك: نعم يا بابا. تميم: في حاجة بينك وبين تامر؟ ملك بتوتر: لا طبعاً، إحنا كدا بنهرج يا بابا. تميم: اه، ماشي، روحي. ركبت أوضتها، وكلمت سلمى. ملك: أي يا سلمى، فينك؟ عايزين نتقابل.

سلمى: في البيت، تمام، نلبس وهجيلك بالعربية. ملك: لا، تعالي، مشي نتمشى أحسن. سلمى: تمام تمام، روحي البسي، وأنا كمان هلبس. ملك لبست بنطلون أبيض وتيشيرت قصير أبيض وجاكيت الجينز وكوتشي أبيض. وجاتلها سلمى. وهي ماشية شافت.