رواية صغيرتي نور الفصل الثلاثون 30 - بقلم يارا علاء

وصل كارم أراضي لندن. كارم: خليكي هادية لحد ما نوصل قصرنا. نور: حاضر. نزلوا من المركب وكان فيه عربية في انتظارهم وفيها حارسين. جلس كارم ونور في الخلف. كارم: على القصر عايز أرتاح. انطلق السائق وبعد مرور ساعة وربع وصلوا إلى القصر. علمت كارولين بوصول كارم فقامت فرحة تستقبله، فقد اشتاقت إليه بشدة. دخل كارم ونور من باب القصر وكارولين نازلة على السلم. وأول ما شافت نور وقفت مكانها. كارولين: دي بتعمل إيه هنا؟

ثم ابتسمت وقالت: أكيد جبتهالي علشان آخد طاري منها. كارولين: حبيبي يا كوكي. ولسه هتحضنه كارم بعد إيديها عنه. كارولين: في إيه يا كارم؟ مكسوف إني هحضنك قدام البتاعة دي ولا إيه؟ كارم كل ده واقف ساكت. كارولين: أنا هتصرف يا روحي. وجريت على نور ولسه هتشدها من طرحتها، كارم مسك إيديها. استغربت كارولين. كارولين بدهشة: في إيه يا كارم؟

كارم: بصي يا كارولين، أنا كل ده كنت بنتقم من أبوكي وأخوكي فيكي، وكنت عايز أسيبك بعار يفضل ملازم عيلتك العمر كله. وده حصل فعلاً الحمد لله، إنتي دلوقتي حامل بدون أي جواز رسمي ولا حتى عرفي. ودلوقتي أنا خلصت انتقامي، فيلا يا ماما برااا بيتي، لأن البيت ستة هتكون نور اللي هتجوزها النهاردة. قال كل كلامه دون أي ردة فعل من كارولين. نعم، فكانت في أكبر صدمة ممكن أن تتعرض لها طيلة حياتها. كارم: إيه؟ هتفضلي كده كتير؟

كارولين بضحك: لا حلوة، نكتة حلوة بجد. كارم: أنا مبهزرش. كارولين: خلاص يا كارم، دمك سم على فكرة. كارم: مسكها من شعرها جرجرها ورماها عند الباب. كارولين بدأت تبكي بشدة. كارولين: كارم، قولي أنا عملت إيه؟ طب أنا آسفة يا كارم، كارم متسبنيش كده، قولي طيب أنا عملت إيه؟ كارم بغضب: قولي معملتيش إيه؟

ده أنا من يوم ما عرفتك ومفيش حاجة عدلة حصلت في حياتي. كنا مخطوبين وأهلك زي الفل معايا، كل ده علشان أبويا كان مترى وعنده شركة واتنين. ييجي القدر وأبويا يخسر فلوسه ويتحجز على كل أملاكه ويتحبس بسبب الديون اللي عليه، تقومي سيباني يابنت الأصول؟ كارولين: مش أنا والله، أبويا هو اللي غصب عليا. كارم: والله أهبل، بقي أنا على أساس إني معرفش إنك كنتي مبسوطة مع مراد ورايحة جاية معاه؟

أنا مرفعتش عيني عنك لحظة من ساعة ما سيبتك، عرفت واتأكدت من رخصك بنفسي. وأول ما جيتلك ورمتلك كلمتين سيبتيه وجريتي عليا علشان عرفتي إني رجعت أغنى من الأول. بس خلاص كده انتقامي وخلص، وإنتي كارت واتحرق. كارولين: يعني إيه كل ده؟ كنت بتضحك عليا ومفهمني إنك بتحبني؟ كارم: بنضحك على بعض، أنا مثلت إني بحبك وإنتي مثلتي إنك بتحبيني، متعادلين. كارولين: طب وابنك اللي في بطني؟

كارم: ضحك ضحكة عالية، ابني ده أقسى انتقام منك، علشان كل ما تشوفيه وتسمعيه كلام الناس عليكي تلعني اليوم اللي سيبتيني فيه.