رواية سجينة جبروته وقسوته الفصل العاشر 10 - بقلم مريم حسنى

بدر صحي من النوم. نور فتحت عينيها وبصتله بكره. نور نطقت كلمة واحدة: "فكني". بدر اتنهد وقام فكها. نور اتحملت على نفسها وقامت دخلت الحمام، أخدت شور بارد وبصت لنفسها في المرايا. "انهاردة عيد ميلادي الـ 16، بداية جديدة لكل حاجة". وبصت على جسمها ووشها اللي فيهم علامات. وكملت: "مش هسكتلك تاني يا بدر، ولا هسكت لأي حد يحاول يأذيني تاني". وخرجت لبست هدومها من غير كلمة، وراحت أخدت علاجها وكلت وعملت لنفسها شاي وأخدتوا البلكونة.

بدر دخل البلكونة بعصبية: "فين الفطار بتاعي؟ نور كانت حاطة رجل على رجل وبتشرب الشاي بهدوء: "معملتش". بدر: "طب قومي يلا اعمليلي الفطار، هتأخر على الشغل". نور: "اعمل لنفسك". بدر: "هو اللي حصلك امبارح مكنش كفاية؟ نور قامت وقفت وابتدت تصوت. بدر: "في إيه؟ انتي اتجننتي؟ يوسف وليليان طلعوا من البلكونة بتاعتهم: "إيه في إيه يا جماعة؟ إيه الصويت ده على الصبح؟ نور بتعيط: "أرجوكم الحقوني منه". يوسف: "احم، في حاجة يا أستاذ؟

بدر مصدوم من اللي نور عملته، بس فاق لنفسه. بدر: "وانت مالك انت؟ دي مراتي". يوسف: "مقولتش حاجة، بس الساعة ٧. مخدش بالي صوت كده. وأنا لو سمعت صوت صويت تاني هبلغ البوليس". نور: "من فضلكم، لو سمعتوا أي حاجة بلغوا البوليس، ده ممكن يقتلني". ليليان: "يقتلك إيه؟ هي سايبة؟ بدر سحب نور جوه الشقة وقفل البلكونة. بدر بعصبية: "انتي اتجننتي يا نور؟ نور صوتت بجنون: "آه، لهو انت متعرفش إني اتجننت؟

وأنا معايا شهادة معاملة أطفال. لو جيت ناحيتي تاني يا بدر هشغل الجنون عليك، تمام". بدر بغضب: "نعم يا يا روح أمك؟ انتي شكلك كده عايزة تعيدي اللي حصل امبارح؟ ومسكها من شعرها. نور عضت إيده وزقته وطلعت تجري على المطبخ. بدر جري وراها. نور: "ابعد عني عشان أنا دلوقتي ممكن أعمل أي حاجة في الدنيا". بدر لسه بيقرب منها. نور بقت تحدف عليه أي حاجة تيجي في إيدها. وفي الآخر

مسكت سكينة وقعدت تصوت: "لو قربت مني انت حر، أقسم بالله أقتلك فيها. أنا كده كده حياتي مدمرة، مش هتفرق معايا". بدر كان أول مرة يشوفها في حالة زي دي. بدر: "ماشي يا نور، أنا هسيبك دلوقتي، أما أرجع لينا كلام تاني". وسابها ونزل. نور قعدت مكانها على الأرض ورمت السكينة من إيدها وقعدت تعيط. "أنا عمري ما كنت كده، أنا مكنتش عايزة أعمل كده، أنا مش وحشة. إيه يا بدر ده؟ انت الإنسان الوحيد اللي كنت بحبه بجد، بتعمل فيا كده ليه بس؟

بس أنا مش هقدر أفضل في سجنك ده طول الوقت". بدر في العربية بتاعته بيخبط الدريكسيون بإيده بغضب ودموع. "انت انت بتعمل فيها زي ما كان بيتعمل فيك؟ انت بتضحك على نفسك؟ بتطلع فيها كل العذاب اللي انت شفته، مع إنك بتحبها. أنا آسف يا نور وعارف إنك كرهتيني".