رواية سجينة قلب صعيدي الفصل الثاني عشر 12 - بقلم نوران

ورد بدموع: خلاص يا أبوي كفاية كده. حسان: هتوحشيني جوي يا ورد، خد بالك من جوزك يا ورد واسمعي كلامه زين يا بتي. ورد: حاضر يا أبوي. عثمان: يلا يا ورد مع جوزك يا بتي. وأنت يا فهد. فهد: نعم. عثمان بتحذير: أوعاك تزعلها يا فهد، فاهم؟ فهد: متقلقش يا أبوي، في عنيا. يلا يا وردتي. حسان: طمنوني أول ما توصلوا يا ولدي. فهد: حاضر يا عمي. وينها أمي يا أبوي؟ عثمان: يلا يا فهد خد مراتك وارحل، مفيش وقت يا ولدي. فهد

ابتسم بحزن حاول يداريه: يلا يا ورد. ولدك بقى في خطر يا عثمان، وعيلة الضبع ما هتسكتش واصل، واللي حصل يوم الفرح ده ما هيعديش على خير. عثمان: ولدك عارف هو بيعمل إيه يا سيدة، فمتقلقيش عليه. سيدة: كله بسبب أخوك وبنته. عثمان بغضب: سييييدة، اقفلي خشمك واسكتي. ورد بقت في أمان مع ولدك، واطمني إني عرفته بالحقيقة كلها، وعرفاته باللي حصل زمان. ولدك خابر زين هيعمل إيه، ومتتكلميش قدام أخوي حسان، وكفاية لحد كده.

سيدة: ربنا يستر يا عثمان، ربنا يستر. حسان قاعد في أوضته وماسك صورتها في إيده: اتوحشتك جوي يا حبيبتي. سنين مرت على فراقك وكأنهم قرون يا خديجة. أبوكي فرق بينا زمان وحرمني منك ومن بتك ورد. يا خديجة سميتها زي ما كنتي رايدة، فـ احذري يا خديجة، احذري. لما قولتي لو جات بت هسميها ورد. آآه، كبرت وبقت زينة البنات. اتوحشتك جوي يا خديجة. فهد: وصلنا يا حبيبتي، يلا انزلي. وأنا هروح أنادي عم حسن البواب يطلع الشنط.

ورد: طيب، انت هتروح الشركة دلوقتي؟ فهد: آه، عندي شغل كتير متأخر ولازم أروح هناك. ورد بتردد: ك..كنت عايزة أروح معاك. فهد: بس يا ورد، انت تعبانة ولازم ترتاحي شوية. ورد ببراءة: علشان خاطري يا فهد، عاوزة أشوف شركتك اللي شغلاك عندي دي. متخافش، مش هعملك مشاكل، هقعد مؤدبة. فهد بشك: متأكدة يا ورد؟ ورد: متخافش يا باشا. فهد بقلق: نفسي أصدقك، بس قلبي مش مرتحلك. ورد بكتم ضحكتها: يلا بس يا فهد يا حبيبي.

عادل: ورد صحبتك نزلت مصر مع فهد. نورا: بجد يا عادل؟ والدة نورا (زبيدة) : وصلي سلامي ليها يا بتي، وربنا يسعدهم ويهنيهم. وعقبال ما أشوفك يا حبيبتي. عادل: قريب إن شاء الله يا حماتي. يلا يا نورا علشان منتأخرش. ورد: ولا تأخير ولا حاجة، قولت أجي بنفسي أسلم عليكم. نورا: آآآآه، ورد وحشتيني يا بنت ال…. ورد: هااا، اتلمي بدل ما أبهدلك قدام حبيبك وأمك. انتي عارفة لساني متبري مني.

عادل: الواد فهد دا بيفهم والله، وفر عليا كتير.. يلا أنا ماشي. وباس إيد زبيدة ومشي راح على الشركة.