رواية شعاع من نور الفصل السادس 6 - بقلم دنيا الغنام

بتقول اي يا احمد… بقولك الف مبروك ولو احتاجتي حاجة اخوكي موجود. كوكي… وهي دموعها نزلت. ماشي شكرا ليك، عن اذنك لازم ادخل علشان المحاضرة. احمد وجواه وجع كبير اوي. ماشي، ادخلي مع السلامة. كوكي… الله يسلمك. دخلت كوكي وقابلت البنات في المحاضرة وحكتلهم كل حاجة وهي منهارة. كوكي… اخوكي ده مبيحسش، عمره ما حبني، لي يارب الوجع ده؟ انا مبحبش ابن عمي خلاص، تعبت. فاطمة واخدها في حضنها ومنه حضناها هي كمان.

فاطمة… متزعليش علشان خاطري، هو بيحبك بس جواه حاجة منعاه ومش راضي يقولي حاجة، هخلي زياد يتكلم معاه. كوكي… عادي، مبقتش تفرق خلاص، كلها يوم الاحد وقراية فتحتي. منه… اهدي، فعلا كلام فاطمة حقيقي، حتى ساعات مصطفى بحسه متغير وقبل كده عمل زي احمد وبقينا لبعض، بس برضو مكنتش عارفة السبب لحد دلوقتي. فاطمة… اهدي يا كوكي علشان خاطرك. كوكي… حاضر. فاطمة… خدي اشربي علشان الدكتور زياد زمانه داخل، فاضل بس دقيقة. كوكي…. حاضر.

منه… خدي امسحي وشك بالمنديل ده. خدت كوكي المنديل وبعدين دخل زياد. اول ما دخل ابتسم لفاطمة وبادلته فاطمة الابتسامة وبدأ زياد الشرح وفاطمة والبنات منتبهين وفاطمة أعجبت بشرحه أوي. خلص الوقت وخرج زياد والبنات خرجوا. فاطمة… تعالوا كده اضحكوا. وفضلت تضحك. البنات تعرفوا يا ولاد لما كنت في جزر المالديف قبلت عمرو دياب وغنالي بقا، يالهوي كان عسل. منه… ههههههه انخرسي ياختي، فصلت عمرو دياب قال! اتنيلي وفوقي.

وفضلت ترجع بضهرها لحد اما خبطت في شخص وكانت هتقع وهو مسكها. الشخص… مش تحاسبي؟ وباصص في عيونها. فاطمة… آسفة، مقصدش والله. وهي مش باصة في عيونه. الشخص… ولا يهمك، حصل خير. وعدل فاطمة. فاطمة… الحمدلله، عن اذنك. وعدلت نفسها ومشيت. الشخص… تمام. فاطمة…. يالهوي يالهوي على الكسفة السودا دي. منه وكوكي… كان شكلك مسخرة هههههه. فاطمة… اسكتوا انتي وهي بقا. البنات.. طيب يلا بقا علشان ندخل المحاضرة التانية. دخلت البنات.

فاطمة…. يالهوي! اي ده؟ الشخص اللي خبطت فيه هو الدكتور! منه… شكلها سنة سودة، كل شوية دكتور، شكلك. كوكي… الواد مزز، يخربيتو. فاطمة… احترمي نفسك ياختي. أنا الدكتور يوسف هدرسلكم المادة دي بدل الدكتور وافي بسبب مرضه، وإن شاء الله تكون سنة سعيدة وأي حد محتاج حاجة أنا تحت امره. واول ما عينه جت على فاطمة ابتسم تلقائي. فاطمة… اتكسفت لأنه باصص ليها وابتسم. كوكي بحماس… أوبا! دا باين الواقعة سحرتله.

منه بحماس… باين كده 😂 البت دوبت الواد من أول واقعة. فاطمة.. انخرسي منك ليها. يوسف.. ممكن كل شخص يعرف عن نفسه. وبدأ الطلاب يعرفوا عن نفسهم لحد أما جه الدور على فاطمة. اسمي فاطمة. يوسف.. ما شاء الله. وخلص التعارف والمحاضرة كانت عبارة عن تعارف وخلصت المحاضرة وخرجت البنات. في بيت كوكي.. بابا أنا موافقة خلاص. الأب… أنا بلغت محمد بموافقتك وخلينا القراية يوم الأحد إن شاء الله. كوكي.. ماشي يابابا، عن اذنك أنا داخلة أنام.

الأم… مش هتاكلي؟ كوكي.. لا مش جعانة ياماما. الأم.. ماشي، لما تصحي ابقي كلي. كوكي.. إن شاء الله. دخلت كوكي ورمت نفسها على السرير وفضلت تعيط وتفتكر حبها لأحمد من زمان، لأحمد من وهي في الابتدائي. كوكي… يارب على الوجع، أنا تعبت والله. نفسها.. قومي صلي، مفيش أحسن من الصلاة وادعي كتير، ولو كان في نصيب هتلاقوا. كوكي لنفسها.. فعلاً. ودخلت صلت ودعت كتير وارتاحت أوي ودخلت تنام. في بيت منه. منه…. الو يامصطفى، أخبارك ايه؟

مصطفى.. بخير ياحبيبي، مالك صوتك مش كويس؟ منه.. زعلانة أوي. وحكت منه كل حاجة لمصطفى. مصطفى… متزعليش يامنة ومتخافيش على صحبتك، ده لمصلحتها، ويا ريت تسيبي الموضوع ده ومتشغليش بالك. منه.. ازاي دي أختي؟ مصطفى.. منه متخافيش. منه… طيب يامصطفى.