رواية سهام الانتقام الفصل الأول 1 - بقلم فاطمه وجيه

حاولت تسيطر على قلبها اللي بيدق بعنف: أنا عشجانك. جبل بصلها بغضب وضغط على ذراعها: أنتي إيه ياروح أمك. ليل بسرعة وخوف: أنا عشجانك أنت والله. جبل بغضب ولسه بيضغط على ذراعها: وأي كمان. ليل عقدت حاجباها بألم: إيدي هتتكسر يا ولد عمي. جبل بعصبية: ده أنا هكسر عضمك كله يا بنت عيلة الغندور، عمي لازم يعرف. ليل بدموع وهي بتبصله: هو أنا عملت حاجةِ عفشة. جبل ضربها بقلم

وقعت على الأرض وبانفعال: أنتي كلك على بعضك عفش، أنتي بصيتي لنفسك في المرايا، شكلك، طريقة لبسك، كلامك، بقى أنا جبل الغندور اللي متعلم برا أتجوزك. وبص ليها من فوق لتحت بقرف. ليل بدموع وكسرة: ماني كمان متعلمة أحسن علام. جبل بسخرية: متأكدة بلهجتك دي. ليل قامت من الأرض وهي عقدة حاجباها: لهجتي لهجة أبوك وجدك، لهجة آل غندور كلهم، ولهجة الصعيدة، بتستعروا منا، شغل الغرب غيرتكم.

جبل بغضب: اسمعي، خلصت الكلام، بعدي عني، أنا عارف أبويا وجدي عايزين إيه، لو اطبقت السما على الأرض مش هتجوزك يا ليل. ليكمل بسخرية: عايزيني أتجوز واحدة قليلة التربية بتعرض نفسها عليا. وسابها في صدمتها ومشي. ليل ودموعها نازلة مسحتها بعنف وهي بتعنف نفسها على تهورها. غندور من وراها: بردك قولتي له. ليل بغضب: وأنت مالك. غندور ابتسم: تعرفي إنك بتبقي حلوة وأنتي معصبة. ليل بغضب: أنت قليل التربية. غندور بضحكة ساحرة: عارف.

ليل بغيظ: وما عندكش دم. غندور ببرود: عارف. ليل زقته بغيظ ومشيت. غندور اتنهد ودخل وراه. ليلي بتؤام ليل بفرحة: عروستنا الحلوة، يلا عشان تجهزي. ليل برفع حاجب: مين هيجهزلي. ليلي ضربتها على رأسها بخفة: يا عبيطة، ركزي، أنتي العروسة. جبل طلبك من جدك ووافق. ليل بصدمة: مين. ليلي بضحك: أنتي بتصرخي لي، بقول جبل حبيب القلب. وغمزت ليها. ليل قريب على فوق بكسوف وافتكرت من شوية. فلاش باك. جبل بضحك: عايز أقولك إن...

ليل بابتسامة: لا أنا هقول الأول. جبل ابتسم بحب: طب قولي بس بسرعة عشان أنا خبري أحلى. باك. ليل ضربت جبهتها: وه، أكيد فكرني قليلة التربية. وابتسمت: بس بيحبني وهيتجوزني. بيت آل الغندور كلهم كانوا بيجهزوا لفرح ليل وجبل اللي هينهي مشاكل كتير بين شاكر وفهد وهيرجع الاستقرار في البلد، والكل كان فرحان إلا العاشق المتيم بطفلته الصغيرة، اللي يكفي إنهم انتزعوها منه بحجة إنهم كبروا، ولكن قلبه المجروح يؤلمه لحد اللعنة.

ليل جهزت ونزلت وهي ماسكة إيد فهد ومبتسمة. فهد بحب: شايفك مبسوطة عاد. ليل بضحك: وه، متكسفنيش عاد. فهد ضحك ضحكة رجولية: أهم شيء مبسوطة. ليل بفرح: جوي جوي (قوي) يا بوي، أصلي أني... وعضت شفتها بخجل. فهد قهقه بصوت عالي: عارف عاد، عشجانة أمك كانت أكده لما كانت تشوفني. ليل اتكسفت وبصت في الأرض. قعدت جنب أبوها وعمها شاكر جنب المأذون وجدها. المأذون: أين العريس. ليل رفعت رأسها تبص حواليها، ملقتش جبل. قلبها انتفضت وبصت لفهد.

فهد مسك إيديها يطمنها. الجد بهدوء: زمنه جاي. ساعة بقت 12 بليل وجبل لسه ما جاش. المأذون بنفذ صبر: أنا كده اتأخرت. الجد: اتمهل يا ولدي، زمنه جـ... فهد بص لليل اللي عينيه بتلمع بدموع وقطعه بغضب: ونستني البيه لحد ميت. الجد: الغايب حجته معاه يا ولد. فهد بغضب جحيم: بلا حجته بلا زفت، هو كان كلام عيال. شاكر بغضب: قصدك إن ابني عيل. فهد بعصبية: ولد المصرية مستني منه إيه. غندور بيهدي الموضوع: اباي يا عمي، هدي حالك.

أسامة بغضب: يعني اللي عمله أخوك ده يصح. غندور بهدوء: ميصحش، بعتذر نيابة عنه، بس على رأي جدي الغايب حجته معاه. أسامة بضيق: أنا بقول تتجوز غندور وخلاص، ولد المصرية ميستهلهش. غندور قلبه دق بعنف. نصر بضيق: أنا أكبر من غندور، أتجوزها أنا. ليل بغضب ودموع: جموسة عاد عشان تنقلوني بين بعضكم البعض، ومحدش همه رأيي أو إني عايزة مين. وإنتي عايزة مين يا بنت عمي. ليل لفت فجأة للباب وبصت لجبل وابتسمت: الغندور.

أسامة بغضب: ده ولد المصرية ميتقلوش غندور وتسوى سمعة العيلة، ده غندور العيلة. وحط إيده على كتف الغندور اللي نظره كان متعلق على ليل. ليل اتجاهلت أخوها ووقفت قدام جبل بخوف: اتأخرت ليه، جلجتنا (قلقنا) جبل كان لابس قميص أبيض متفصل عليه وبنطلون أسود غامق، وحاطط بيبيونة سودة في أبيض ورفع شعره البني مسشوار. جبل ببرود: كان عندي شغل. ليل ابتسمت ووقفت جنب فهد. الجد بابتسامة: اكتب يا مولانا.

فهد كبح غضبه عشان بنته اللي وقعت في حب ذاك المعتوه. المأذون: هل تقبلي الزواج من جبل شاكر الغندور على سنة الله ورسوله وعلى مذهب أبي حنيفة النعمان. ليل قلبها بيدق بعنف: موافقة. المأذون: هل تقبل بي ليل فهد الغندور على سنة... جبل ببرود: لا. ليل رفعت وشه تبصله، لقت ملامحه باردة ويبصلها. فهد قام بغضب: إحنا هنلعب. جبل بهدوء: جدي فهم غلط، أنا قولت عايز أتجوز ليلي مش ليل. ليل بصدمة: مي... مي... مي.

فهد بغضب وانفعال: ولا ليل ولا ليلي، أنا غلطان إني وفقت على عيل زيك. شاكر بعصبية: احترم نفسك عاد، بنت اللي طالعة لأمها. غندور قام بعصبية: بوي، ليل بنت عمي، مفيش في أدبها اتنين. جبل ابتسم بسخرية: مادبة أوي. فهد بغضب: تقصد إيه يا ابن شاكر. جبل قام بغضب وألم: يعني بنتك المتربية. ليل بصتله بدموع وبتترجاه ميقولش. بصلها بغضب ووجع: بنتك مش متربية وطالعة بجحة وعينيها واسعة لأمها. فهد رفع إيده يضربه بغضب: اخرس. جبل مسك إيده

ورمها بعصبية وكل شهقة: مش هخرس، بنت المحترمة بنت الغندور، عشجانة (عشقانة) فهد بصدمة وغضب: أنت كذاب. جبل بغضب: اسألها، تكذبني. فهد لف لليل: الكلام ده صح. ليل بصت لجبل بكسرة ودموعها نازلة. فهد هزه بعنف: الكلام اللي بيقوله ده صح. ليل بصت في الأرض بدموع وهمس: صح يا بوي. أنا عشجانة.

ضربها بالقلم وقعت على الأرض وقعدت تعيط بحرقة. كم أحبته من ضغرها وهي غرقانة في عشقه. كبرت بين عيال الغندور وقلبها كان في حتة تانية مع ذاك القاسي، واليوم يهين ذاك الحب اللي احتفظت بيه لأجله ولأجله فقط. جبل بغضب وضيق: اسألها عشجانة مين، بتك يا عمي، والله أعلم عشقه بس ولا. أسامة بغضب: اخرس يا حيوان. ليل بتبص ليه بصدمة، هو يمزح، أليس كذلك.

جبل بعصبية: اسألها، هو مين اللي عشقته، اختك جزء من غروره، كان مستنيها تقول اسمه أمام الجميع ليرضي ذاك الغرور المريض ثم يقبل بها، لكن ضربت بتوقعاته عرض الجدران. ليل بصت للأرض ودموعها نازلة: حيوان. جبل اتصدم وبص ليها. ليل بصتله بكره وغضب، أيطعنها في شرفها ويسخر من أمها، لن تقولها لأحد، ستدفن ذاك الحب هنا، هي بنت فهد الغندور، لا تذل كرامتها. قامت ووقفت وهي بتبصله بكره: عشقت (عشقت)

واحد حيوان، حتى الحيوانات أنضف مني، عديم الإحساس. بس لما ليلي قالت إن ولد عمي عاوز يتجوزني، جولت ولد المصرية محدش طايقه بعد ما أمو خانت عمي. ليلي شهقت هي وعمتها وعز. كملت ليل بغرور: بس أنا مش سطحية، ووافقت بابن الخاينة (وفقت) ، لكن لو عايز تتجوز ليلي، زغرطت ودموعها نازلة، ألف ألف مبروك، اكتب يا مولانا. فهد بص لها بحزن، عارف إن صلابتها مزيفة: ليل. ليل لفت ليه بدموع ومسكت إيده: طلبت يا بوي.

جبل بسخرية: إيه، مش عايزة يجتلك. غندور قام بغضب: لم لسانك، اللي يمس بنت عمي، كانه ماسني. جبل بعصبية: لي مراتك. غندور رفع إيده وبحدة: لا، بنت الغندور، وعندنا بنات لهم في الحديد الماسخ ده. فهد بفخر: أصيل يا ولدي. غندور قرب من ليل وقف قدامها: امسحيها فيا يا بت عمي. ليل ببرود: ليه، هو أنت اللي غلط. الجد بغضب: كأني مش قاعد وسطكم. غندور: لا يا جدي، أنت على راسي. الجد بهدوء: يبقى اكتب يا مولانا. جبل على ليلي. فهد جي يعترض.

الجد رفع إيده: أنا لسه مخلصتش كلامي. وغندور وليل. ليل بصت لجدها بصدمة. جبل بغيره وعصبية: تتجوز غندور إزاي. الجد برفع حاجب: وانت مالك، مش أنت عايز تتجوز ليلي. جبل بتوتر: أيوه. الجد ضرب بعصاته الأرض وبصوت جوهري: مبقاش حد عنده اعتراض. الكل سكت، مقدرش يكلم. إلا عاشقنا المتيم اللي كان بيبص لملامح ليل اللي طغى عليها الامتياعظ، خلت قلبه ينزف. غندور بهدوء: تسمح لي يا جدي. الجد ابتسم: قول يا غالي.

غندور بغرور عاشق: مش هتجوزها. جبل ابتسم براحة. ليل بصتله بصدمة، تقسم إنها كانت تراه الحب في عينيه، امتلت عيونها بدموع، أهي سيئة إلى هذا الحد ليرفضه الجميع. الجد بعصبية خفية: مش واثق في قراري، ولا مش واثق في بنت عمك. غندور: بنت الغندور، واثق فيها أكتر من روحي. ليل بصت ليه بدموع: مش هتتجوزنيش ليه. غندور ابتسم، هو عارف إنها مبتحبهوش، إنما بتسأل من فضولها: عشان مش أنا اللي أغصب حد عليا، مبالك الحد ده، بنت الغندور.

ليل بضيق: طب متقولش بنت بس. غندور ببرود: غير أكده، أنا مش هفكر أتجوز دلوقتي. ليل بهمس وضيق: على أساس إنك بتعرف تحب وتتجوز. غندور عقد حاجبه: خير، قولتي حاجة. ليل: أبداً، كنت بقول إنك معاك حق في كل اللي قولته. الجد: يبقى هنكتب كتاب ليلي وجبل. جبل بص لليل بخيبة أمل، السحر اتقلب على الساحر. بارك لكم وبارك عليكم وجمع بينكم في خير. الجد: الفرح الأسبوع الجاي. ليل حضنت ليلي بدموع: مبروك يا حبيبتي.

ليلي بابتسامة خجل: الله يبارك فيكي يا قلبي. طلع جبل من غير ما يتكلم مع حد. ليل طلعت قعدت جنب النافورة وهي بتعيط بحرقة. ضمت نفسها: معلش يا ليل، متزعليش. غندور شافها من أول ما قعدت وكم ألمه بكائها، قرب منها بهدوء: أول مرة أشوف حد بيؤسي نفسه. ليل بعياط: أنت عايز مني إيه. غندور قعد جنبها: أنا جاي أشوف النافورة، هو حرام. ليل عقدت حاجباها: بتعرف تتكلم زي البندر. غندور ضحك: You forget that I learned from outside.

ليل ضربت راسه: نسيت فعلن، من كتر ما أنت بتتكلم صعيدي. غندور ابتسم بمرار: عارف إنك نسيتي. ليل ابتسمت وبصت للمياه: شكراً. غندور عقد حاجبه: العفو، بس على إيه. ليل بمرحها المعتاد: إن الغندور الوسيم اتكرم، ومقبلش بجنابي. غندور برفع حاجب: مدح جه ولا ذم. ليل ضحكت بخفة: اتنين في واحد، ذم عشان أنا مترفضتش يا بابا، أنا ليل الفهد، ومدح عشان جدي محدش بيرد ليه كلمة، وزماني كنت هتجوز واحد مبحبهوش. غندور ببرود: تصبحي على خير.

ليل قامت بسرعة مسكت إيده: غندور استنى. غندور بص لإيديها اللي ماسكة إيده بحده. ليل حست بالغلط اللي عملته، سابت إيده بسرعة: مقصدتش، بس حبيت أقولك إني مقصدتش، أنت فتي أحلام أي بنت إلا أنا طبعاً. غندور جز على سنانه بغيظ: ليل، روحي نامي. ليل حكت راسها: جيت أكحلها، عميتها. غندور في حركة واحدة بقى قدامها: ليل. ليل جريت وهي بتضحك: غندور. غندور ابتسم وقلبه دق من مجرد ذكر اسمه. واتخبطت في حد. رفعت راسه تبص. جبل

شدها بغضب ولزقها في الحيط: كنتي بتعملي إيه مع غندور لوحدك. ليل باستفزاز: كنت بسأله ليه رفض يتجوزني. جبل بغيره: وأنتي كنتي عايزة يتجوزك. ليل بهيام مصطنع: ليه لا، ده الغندور، وقولتله قد إيه هو وسيم وحلم كل بنت. جبل بعصبية: مانتي قليلة الأدب، ده المتوقع منك. ليل بغضب: وأنت. جبل قرب وشه من وشها ليفصل بينهم إنش واحد، وبهمس: أنا. إيكنت انفاسه بتلحف وشها وهي بصه في عيونه الرمادي. شهقت لما سمعت صوت: جبببببل.

اتفزع جبل وساب ليل ولف وهو بيبلع ريقه و.....