رواية شهد الفصل الرابع عشر 14 - بقلم اسراء

فهد: مش عيب عليك لما تيجي تخطب واحدة متجوزة. الجد بزعيق: إيه اللي انت بتقوله ده يا فهد. فهد ببرود: بقول الحقيقة، شهد مراتي. وياريت يا أستاذ أسر تتفضل برا بهدوء بدل ما أعمل حاجة مش هتعجبك. انسحب أسر بهدوء من الفيلا وهو ينظر إلى شهد بنظرات حسرة. الجد: ممكن تفهمني إيه اللي انت عملته ده. فهد: عملت إيه. الجد: اتكلم معايا عدل، إيه اللي انت هببته ده، إزاي شهد مراتك، انت هتستهبل. فهد: اتفضل اقرأ الورقة دي وهتشوف.

الجد: نهاركم أسود، انتوا متجوزين عرفي، فهميني إيه اللي بيحصل هنا ده يا شهد. شهد وهي تبكي بصمت ولا تستطيع الكلام. فهد: استنى يا جدي، هي متعرفش أي حاجة عن الورقة دي. الجد: إزاي يعني، انت اتجوزتها من غير إرادتها. فهد: لا، أنا مأخدتش رأيها أصلاً، أنا قررت إني هتجوزها واتجوزتها.

شهد ببكاء شديد: انت إيه يا أخي، انت إيه، ليه بتعمل فيا كده، وإيه الورقة دي، وإزاي عملتها وأنا معرفش أي حاجة أصلاً، والمفروض الجواز ميتمش غير لما أمضي وأنا معملتش أي حاجة ولا مضيت، يبقى إزاي. فهد بإستفزاز: لما تتكلمي مع جوزك، توطي صوتك وأنتِ بتتكلمي. على العموم هحاسبك بعدين، أنتِ لسة مش متعودة، بس ثانيًا بقا، أنتِ متسألنيش إزاي، المهم إنه حصل.

شهد: ربنا ينتقم منك، أنا بكرهك، بكرهك من كل قلبي، والورقة دي هتتقطع، أنا مستحيل أعيش مع واحد زيك، وكفاية أوي منظري. كانت ستطلع إلى غرفتها. فهد: استني، عاوزك تطلعي تجهزي نفسك وتغسلي وشك كده، على المأذون جاي عشان يكتب كتابنا بس شرعي، ياريت متتأخريش، عيب الراجل يفضل قاعد. شهد: على جثتي يا فهد.

فهد ببرود: لا مش على جثتك ولا حاجة، هتتجوزيني وأنتِ عايشة عادي، ولو مش موافقة ف هخطفك وهتجوزك برضه، يعني كدا كدا هتجوزك، فخليها تكون برضاكي بدل ما تكون غصب عنك، متتأخريش بقا. وصعدت شهد إلى غرفتها مع صدمة الجميع. الجد بحسرة: تعالى ورايا على المكتب. فهد: اتفضل يا جدي. مروان بعد ذهابهم: انت فاهم حاجة. جاسر: خالص. في المكتب. فهد: قبل ما تقول أي حاجة يا جدي، أنا آسف على اللي أنا عملته ده، بس مكنش ينفع غير إني أعمل كده.

الجد: ليه، وأنت مبتحبهاش. فهد: أنا عاوز كده، مش لازم أكون بحبها. الجد: الورقة اللي معاك دي هتقطعها يا فهد، ومفيش جواز هيتم. فهد: هيتم يا جدي، ولو متمش زي ما قولت، برا هخطفها وأتجوزها. الجد بزعيق: يعني إيه يا فهد، يعني كلامي مبيتسمعش، هتكبر عليا وتمشي كلامك عليا. فهد: العفو يا جدي، بس أنا بقول لحضرتك اللي هيحصل. الجد: وأنا مستحيل أسيبهالك.

فهد: هتسيبها لمصلحتها، ومتخافش مش هأذيها، بس المهم إنها تكون معايا ومحدش تاني ياخدها. الجد: أنا مش عارف دماغك فيها إيه، بس أقسم بالله يا فهد لو شهد حصلها حاجة لهندمك ومش هيهمني إنك حفيدي ولا هيهمني أي حاجة، أنت فاهم. فهد: فاهم، ياريت تطلع تخليها تنزل بقا، على المأذون زمانه جاي، عن إذنك. الجد بعد ذهابه: استر يارب. في غرفة شهد. شهد: أنا مستحيل أنزل، ولو ضغطوا عليا أكتر من كده هموت نفسي.

سما: على خاطري يا شهد، اسمعي الكلام. مايا: فهد عصبي وبينفذ اللي في دماغه، وهيخطفك فعلاً لو وافقتي، اهدي كده ويلا انزلي لما نشوف إيه اللي هيحصل. شهد: قلتلكوا مش نازلة. رنا: شهد ونبي بقا اسمعي الكلام، إحنا مرديناش نمشي ونسيبك أهو زي ما طلبتي. لما: عارفين إنه صعب عليكي إنك تتجوزي أكتر واحد بتكرهيه، بس إحنا خايفين عليكي. سيلا: ومنعرفش لو خطفك هيرجعك لينا تاني ولا لأ. إنجي: اهدي كده يا حبيبتي وانزلي ونشوف هيحصل إيه.

طق طق طق. سما: اتفضل. الجد: ممكن تطلعوا وتسيبونا لوحدنا شوية. مايا: أكيد، يلا يا بنات. شهد بعد مغادرة البنات: هتسبني ليه يا جدو، ده بيكرهني وعمره ما هيحبني وممكن يقتلني. الجد: يا بنتي، أنا عارف فهد أكتر من نفسي، هو عمره ما يأذيكي، هو ممكن ميحبكيش، بس ده لسبب تاني، مسيرك هتعرفيه، لكن عمره ما يفكر يعملك حاجة وحشة. شهد: بس يا جدو، أنا مستحملاه في البيت بالعافية، وكل ما نتقابل لازم يحصل بينا مشكلة، إزاي نتجوز، إزاي.

الجد: عارف إنه صعب عليكي، بس انزلي معايا ونشوف إيه اللي هيحصل وربنا يسهل، وحتى لو اتجوزك أنا أكدتلك إنه عمره ما هيأذيكي، ممكن تتجوزوا فترة وبعد كده تطلقي، لأننا لو موافقناش دلوقتي هينفذ اللي في دماغه وأنا خايف عليكي يا بنتي، وفهد عنيد. شهد: يا جدو بس...... الجد: ريحيني يا بنتي واسمعي الكلام، وثقي فيا، أنا عارف إني هاجي عليكي، بس صدقيني كله ع مصلحتك. شهد بدموع: هغسل وشي ونازلة.

الجد وهو يقبل رأسها: ربنا يهديكي يا حبيبتي. بعد مرور وقت. فهد: اتفضل يا شيخنا. بعد دقائق. المأذون: بارك الله لكما وبارك عليكما وجمع بينكما في خير. فهد وهو يهمس لشهد: مبروك يا عروسة. شهد وهي تنظر له بكره: بكرهك. فهد ببرود: القلوب عند بعضها يا شهودتي. فهد: نورتونا يا جماعة والله، معلش بقا طولنا عليكوا، بس حقيقي نورتونا، استأذنكوا بقا، هاخد عروستي. الجد: على فين. فهد: فيلتي اللي في الساحل، مش هنقضي الهاني مون ولا إيه.

شهد: مش متحركة من هنا. فهد: لا هتتحركي، واعتراض كمان وهتشوفي مني وش مش هيعجبك. نظرت شهد بخوف إلى جدها، فنظر إليها نظرة تطمئنها. الجد: هتقعدوا قد إيه. فهد: على حسب، يلا بقا يا عروستي ع منتأخرش. وأخذ شهد في وسط صدمة الجميع وعدم استيعابهم للذي حدث. بعد مغادرة أصدقاء شهد. سما: يعني هما كده اتجوزوا خلاص. مايا: واخدها ومشي كمان. جاسر: أنا دماغي وقفت. مروان: الله يبخته، هو أنا مينفعش اتجوز بسرعة كده.

الجد بصوت جهور: اخرسوا، وكل واحد يطلع على أوضته يلا. في الطائرة الخاصة لفهد. فهد: مش هنبطل عياط بقا ولا إيه. شهد: ....... فهد: لما أكلمك تردي عليا. شهد: لا مش هبطل عياط، في حاجة. فهد: لسانك ده هيتقص إن شاء الله. شهد: ياريت تقتلني بالمرة على أخلص، ماهو أنا مش هطيق أفضل قاعدة معاك طول العمر كده. فهد: طول العمر، قلبك أبيض أوي، ده هما شهرين بالكتير، وأول ما أزهق منك هطلقك.

شهد بإنفعال: انت إيه ها، انت مستحيل تكون بني آدم، انت مبتعرفش تعمل أي حاجة غير إنك تجرحني وبس، وكل ده لسبب أنا معرفوش أصلاً ولا ليا أي ذنب فيه، اقتلني وريحني يا أخي، ياريتك ما شوفتكوا ولا عرفتك. فهد بحنية وقد لان قلبه عندما رآها تبكي هكذا، أخذ يحرك يده على كتفها: طب ممكن تهدي. شهد بصراخ: ابعد عني. فهد وعاد إلى قسوته مرة أخرى: بت، مش عاجبك ساكتلك، تزيدي فيها، أقسم بالله لو صوتك علي عليا تاني هزعلك،

وأكمل بصوت هادي: وأنا زعلي وحش جدا، وواحدة رقيقة زيك مش هتقدر تستحمله، فنهدى كده، أنا مش عاوز أزعلك يا عروستي. بعد مرور ساعات. في الفيلا. فهد: ها، إيه رأيك في الفيلا، عجبتك. شهد في نفسها: زي الزفت. فهد: بتقولي حاجة. شهد: مبتنيلش. فهد: طب اطلعي يلا على الأوضة، ع وراكي شغل كتير. شهد: نعم، شغل إيه. فهد: انتِ مش شايفة الفيلا مش نضيفة ازاي، امال مين هينضفها.

شهد: انت هتستهبل، عاوزني أنضف الفيلا دي كلها، وبعدين إزاي مفيهاش خدم أصلاً. فهد: قلتلك مش عاوز طولة لسان، وبالنسبة للخدم ف أظن إحنا مش هنحتاج خدم، وبعدين ما أنتِ موجودة أهو. شهد: قصدك إيه. فهد بهدوء: قصدي إنك من النهاردة هتكوني خدامة عندي. شهد: ومين قالك بقا إن أنا هسمع كلامك. فهد: لا هتسمعي، ع لو مسمعتيش هتزعلي. شهد: طب وال.... آآآآآآآآآه.