رواية شمس الرعد الفصل الرابع 4 - بقلم الكاتبة المميزه

شمس: انت ايه يا شمس؟ شمس: أنا بني آدم زي زيك. يلا يا عمتي قومي اعملي أكل كده عشان أنا جعانة. ناهد: انتي بتقولي ايه؟ لو كنت مكانك يا رعد كنت طلعتها من البيت. شمس: زي ما انتي عاوزة. شمس قامت من مكانها وطلعت أوضتها وعملت اتصال. نزلت وقعدت معاهم. باب بيتهم خبط، فتحته وأخدت الفلوس وعطته منها ودخلت ومعاها البيتزا. رعد: هتاكلي ايه؟ شمس: هاكل بيتزا. ويلا تصبحوا على خير.

شمس طلعت. ناهد بصت على الساعة، لقيتها واحدة ونص. هما اتغدوا. وبالمسا سعيد وحياة رجعوا. شمس نزلت وقعدت في الصالون وهي تاكل. شمس: حماتي، عجبك الفيلم؟ حياة: أيوه. شمس: وانتي يا سعيد السيوفي، عجبك الفيلم؟ سعيد: قولي عمي ولا بابا، مش سعيد السيوفي دي. أنا عمك يا بنت. شمس: دلوقتي عرفت. أنا عاوزة نام. شمس قامت وكانت حتطلع أوضتها تاني. جنة قامت من الكنبة وقفت جنب رعد. جنة: دي مش بتعمل حاجة، أومال وزنها كده ليه؟

شمس: يوة يا بنت الناس، اتكلمي عني وأنا قدامك، مش لما أطلع يطلع عندك لسان. جنة: تصبحي على خير. شمس: تلاقي الخير. راحت شمس دخلت أوضتها وغيرت هدومها، لبست بيجامة وقعدت على السرير. رعد طلع ولقاها قاعدة وهي بالتيليفون. قعد جنبها. رعد: بتعملي ايه؟ شمس: بتفرج على مباراة. رعد: عاوز تيليفونك. شمس: خد. شمس ودته التيليفون وهو اخده منها وراح لمركز مكالماتها ولقى أسماء غريبة. رعد: مين دي اللي اسمها حياة البقر؟

شمس: والله دي حاجة بسيطة قوي يا رعد. حياة البقر دي أمك. رعد: أمي؟ طيب وده رقم مين حزين السيوفي؟ شمس: أبوك. رعد: الله، دول أسماء من المريخ وأنا مش عارف. والرقم ده؟ شمس: ده رقمك راس البصل. رعد: ده انتي عاوزة تجيبي نهايتك على إيدك. شمس: قولي، هي مش عاجباكي؟ هغيرها. رعد: قومي من السرير يا زفتة. شمس: من عيني. شمس قامت واخدت البطانية ونامت. ورعد نام كمان. تاني يوم صحيت شمس على كوباية ماية انكبّت على وشها.

رعد: مش عاوزة تقومي. شمس: انت يا زفت؟ رعد: ازاي يعني في ست تقول عن جوزها زفت؟ شمس: ابعد من قدامي. الساعة كام دلوقتي؟ رعد: الساعة طناش. شمس: يوه، ده انت فيّقتني من نومتي. شمس كانت حترجع تنام بس رعد مسكها من إيدها وفضل يبص ليها وهي كمان تبص ليه لحد ما قاطعتهم جنة وهي داخلة عليهم. جنة بغضب: بتعملوا ايه؟ شمس: إيه قلة الأدب دي؟