رواية شمس الصقر الفصل الرابع 4 - بقلم كاتبة عشق

صقر با*س راس شمس وطلع من أوضتها على أوضة الدكتورة جيهان. كانت قاعدة على المكتب لحد ما دخل عندها صقر، وهي كانت خايفة. صقر: أنا هاخد مراتي دلوقتي. الدكتورة جيهان: بس هي لازمها راحة تامة يا صقر بيه. صقر: أنا قلت كلامي، فهمتي. صقر طلع ودخل عند شمس، وهي فاقت. قرب منها وحملها، وهي مكنتش قادرة تتكلم. طلعها العربية، وشهاب مسك إيد سهى وراح على العربية التانية. وصل صقر ونزل شمس ودخلها البيت، وخلاها تقعد على الكنبة.

صقر: انتي كويسة يا شمس؟ شمس بقت تبص على صقر وقامت من مكانها، وكانت حتطلع فوق، بس صقر مسك إيدها. صقر: عايزة تروحي فين يا شمس الصقر؟ شمس: أنا عايزة أتطلق، مش أنت بتحب شروق ووعدتها إنها حتكون ملكك وبس؟ صقر: ده كان زمان يا شمس، وأنتي دلوقتي مراتي ومش هسمح لأي حد ياخدك مني. شمس: لأ يا صقر، أنا عارفة كويس إنك مش بتحبني، ابعد عني.

شهاب: اسمعني كويس يا مرات أخويا، صقر كان بيحب شروق من زمان وكان عايز يتجوزها، بس هي راحت من هنا عشان تكمل دراستها، وأنتي يا شمس هي البنت اللي بيحبها صقر. شمس: كفاية بقى، أنا كرهتك يا صقر. صقر: اسمعني يا شمس، أنا... وقبل ما يكمل كلامه صقر، شمس طلعت أوضتها فوق وقفلّت الباب وهي بتعيط. دخل عندها صقر ولقاها عاملة نفسها نايمة. قعد صقر جنبها وحط إيده على راسها. صقر: أنا بحبك يا شمس، وشروق كانت واحدة بحبها وهي أخت سهى.

شمس لفت عند صقر، وكانت عيونها مليانة دموع. شمس: لو كنت بتحبني بجد، ابعد عني واتجوز شروق. صقر: مستحيل أتجوز شروق يا شمس الصقر. شمس: بس أنت بتعمل كده ليه؟ صقر: انتي عارفة عامر الكلب الزبالة الحيوان ده مين؟ شمس استخبت في صقر، وهو مرر إيده على راسها. شمس: لأ، انت عارف هو مين؟ صقر: أيوه، هو أبوكي يا شمس. شمس بصدمة: إزاي يعني، هو بابا؟ وكل كان يقول إنه بابا مات. صقر: عشان هو سابك وراح. شمس: وانت مش هتسبني زيه صح؟

صقر: أيوه مش هسيبك، بس انتي عايزة مني أسيبك؟ شمس: لأ يا صقر. وحطت إيدها حوالين رقبته وتعلقت فيه. صقر قرب منها ودفن راسه في رقبتها لمدة قصيرة، وقطع كل ده تليفون صقر لما رن. صقر: مش وقتك. صقر باعد عن شمس وأخد التليفون ورد. صقر: أيوه يا أحمد، انت لقيت عامر الحيوان ده فين؟ أحمد: أيوه يا صقر بيه. صقر: ابعتلي مكانه وأنا هروح عنده حالا. أحمد: أمرك. صقر فصل التيليفون، وشمس كانت قاعدة على السرير. صقر حط إيده على كتفها.

شمس: انت رايح فين يا صقر؟ صقر: أنا رايح عند عامر السافل الحيوان. شمس: خدني معاك يا صقر، أرجوك. صقر: بس ده خطر عليكي يا شمس. شمس: أنا عايزة أعرف بابا فين وأشوف وشه، عايزة أقوله انت سبتني ليه وأمي كانت حامل بيا. صقر: بس هو قادر يأذيكي يا شمس، عشان هو معندوش قلب. الراجل اللي بيسيب مراته وبنتها في الشارع مش راجل. شمس: أرجوك يا صقر. صقر: طيب يا شمس، امشي قدامي.