رواية شمس الزين الفصل العاشر 10 - بقلم حنين علي

شمس: ممكن نقعد في البلكونة شوية. زين: مش قادر. شمس: تمام. شمس طلعت من الأوضة، عملت شاي بالنعناع ومسكت كتاب أقرأ فيه وطلعت في البلكونة. زين مد إيده بطرحتها. شمس: إيه! زين: مش قولتلك قبل كده متخرجيش بره من غير طرحتك. شمس: ما أخدتش بالي، وبعدين مافيش حد أصلًا. زين قعد قصادها وفضل سرحان. شمس: زين. زين: امم. شمس: انت هتفضل زعلان كده؟ زين: بس أنا مش زعلان.

شمس: امال مش مديني وش ليه من ساعة ما الشاب ده وقف معايا وطلب مني الكشكول. زين: عشان كان المفروض تعمليلي احترام ومتقفيش في أي مكان فيه شباب. شمس: مقصدتش والله، وبعدين أنا ما أدتلوش الكشكول ودبست ملك معاه. شمس: أووف، طيب أنا آسفة. زين: تمام. شمس: أعملك شاي بالنعناع. زين: ماشي. شمس دخلت تعمل الشاي، وزين أخد الكتاب اللي كانت بتقرأ فيه يقرأه. كان

مكتوب اقتباس لمحمود درويش: "كَلِمَاتُك.. تُرسِلُني إلَى هُنَاك حَيثُ لا هُنَاك إلّا أنا.. وكَلِمَاتُكَ.. وعَيْنَاكَ.." زين قرأه وبص في الفراغ وسرح في شمس وتفاصيلها، وإنه وقع في حبها بس مش معترف لنفسه. شمس: زيين. زين: إيه. شمس: سرحت في إيه كده؟ زين: لا ولا حاجة. شمس: طيب اتفضل الشاي. زين: تسلم إيدك. شمس: الله يسلمك من كل سوء. قعدوا يشربوا الشاي. شمس: أشغل أغنية. زين: لأم كلثوم؟ شمس: آه. زين: تمام. شمس شغلت أغنية للست.

شمس: زين قوم. زين: ليه! شمس: قوم بس. زين: قومت أهو. شمس سحبت زين من إيده والأغنية شغالة، وبدأوا يرقصوا سلو. "أمل حياتي، يا غالي، مينتهيش يا أغنية حلوة سمعها قلبي ولا تتنسيش خد عمري كله، بس النهارده خليني أعيش خليني جنبك، خليني في حضن قلبك، خليني وسيبني أحلم، سيبني ياريت زماني ما يصحنيش ياريت ياريت ما يصحنيش" شمس: تعرف! زين: امم. شمس: من زمان أوي نفسي أعمل كده. زين: كده إزاي؟

شمس: يعني أرقص مع شخصي المفضل بالليل كده ع البحر مع أغنية للست، بس عادي عملناها في الشقة هنا. زين: طيب ادخلي اجهزي بسرعة. شمس: إيه! زين: هننزل نتمشى ع البحر. شمس بفرحة: بجد! زين: جد الجد والله. شمس: هلبس في ثانية. شمس لبست دريس أزرق شكله حلو أوي وبسيط، وزين كان لابس طقم كلاسيك حلو أوي. شمس: خلصت. زين: تمام يلا. زين أخد شمس في العربية ووصلوا عند البحر ونزلوا يتمشوا، مكنش فيه حد عشان الوقت كان متأخر. زين: شغلي.

شمس: أشغل إيه؟ زين: أغنية، الأغنية اللي بتحبيها للست. شمس شغلت أغنية للست. زين سحب إيديها ورقصوا سلو ع البحر. شمس: ممكن حد يشوفنا. زين: مافيش حد غيرنا. شمس: تمام. زين: شمس. شمس بصتله: اممم. زين: أنا قولتلك قبل كده إن عيونك حلوة.

على صوت الست وهي بتقول: "يا حبيبي.. الليل وسماه.. ونجومه وقمره.. قمره وسهره.. وانت وأنا.. يا حبيبي أنا.. يا حياتي أنا.. كلنا كلنا.. في الحب سوا.. والهوى آه منه الهوى.. سهران الهوى.. يسقينا الهنا.. ويقول بالهنا.. يا حبيبي.. يالا نعيش في عيون الليل.. ونقول للشمس.. تعالى تعالى.. بعد سنة.. مش قبل سنة.. دي ليلة حب حلوة.. بألف ليلة وليلة.. بكل العمر.. هو العمر إيه غير ليلة زي الليلة." زين حضن شمس وهمس في ودنها بحبك.

شمس: إيه ده؟ هرموناتي عاملة شغل عالي، معقول بقيت بتخيل كده؟ زين: في حاجة؟ شمس: لا بكلم نفسي. زين: طيب نروح عشان تعرفي تصحي بدري للكلية. شمس: خلينا قاعدين شوية ع البحر. زين: تمام. قعدوا ع البحر وكل واحد فيهم سرحان. زين: بحبك. شمس بصيتله: بتقول حاجة؟ زين: لا. شمس: أووف لا ده كده كتير. زين: هو إيه اللي كتير! شمس: لا لا مفيش، بقيت بسرح كتير يعني. زين: أها، بس أنا قولتها، انتِ ما كنتيش بتتخيلي أو بتسحري. شمس: احلف.

زين: والله. شمس: إيه! زين: بحبك.