رواية شرطي خطف قلبي الفصل الخامس 5 - بقلم اسراء

سحر: اشربي الشاي ده وارجعي نامي. جميلة: شكرًا، وآسفة علشان إمبارح وكده. سحر: لا عادي، بس إنتي ليه زعلانة كده كل يوم؟ جميلة: علشان أنا مبمشيش، وكمان مبروحش مدرسة زي الناس. سحر: ده اللي مزعلك؟ بسيطة، أنا هذاكرلك كل يوم. جميلة: بجد؟ سحر: طبعًا بجد. جميلة قربت منها وحضنتها. جميلة: مش عارفة أقولك إيه بجد، شكرًا لكِ. سحر: يلا بقى، أنا أخلص شغل وارجعلك. جميلة: تمام يا أحلى سحر. سحر: بس بس يا بت. عند فاطمة:

فاطمة: يا ماما، ليل وحشني، ما نروح ليهم؟ داليا: حاضر يا ماما، بكرة نروح. فاطمة: هييي، أخيرًا هشوفه، إنتِ عارفة يا ماما إحنا مشوفناش عمتي وليل من سنتين. داليا: طب اسكتي بقى. عند ليل: ليل رجع من الشغل. سحر صعدت فوق. سحر بتخبط على الباب. سحر: أستاذ ليل. ليل: نعم. سحر: هو أنا ممكن أطلب منك طلب؟ ليل: طبعًا اتفضلي. سحر: أنا عايزة آخد جميلة على الملاهي. ليل: أنا معنديش مشكلة طبعًا لو هي عايزة. سحر: آه هي هتروح. ليل: متأكدة؟

لأنها مش بتخرج. سحر: آه والله. ليل: تمام، أنا هاخدكم. سحر: تمام. سحر نزلت تحت على غرفة جميلة. سحر: إحنا خارجين يا بت. جميلة: فين؟ مش كنتِ من شوية بتقولي عايزاني أذاكر صح؟ سحر: آه، بعد ما نرجع. جميلة: بس هنروح فين؟ سحر: لما نروح تعرفي. ليل وجميلة وسحر خرجوا. جميلة: آه، قولتيلي، بس ليل ليه جه معانا؟ سحر: انسي، تعالي نشتري غزل بنات. جميلة بابتسامة: يلا. ليل كان واقف بيبص عليهم ومبسوط إنه أخته قدرت تخرج.