رواية صقر و روح الفصل الثالث 3 - بقلم نجلاء عبد الظاهر

صقر: سوزي بتعملي إيه؟ سوزي: جاي أبارك لجوزي ولا إيه يا صقر. صقر: آه طبعًا، الله يبارك فيكي. سوزي: أطلع أبارك لضرتي؟ صقر: لا والله، مش بحب حد يشوف مراتي، استني لما تنزل. سوزي: ماشي يا صقر. سوزي دخلت عند أم صقر. سوزي بتكبر: أزيك يا حماتي. الحاجة وفاء بعدم رضا: أزيك يا مرات ابني، عاملة إيه. سوزي بتكبر: الحمد لله. عند روح فوق.

صحت ملقتش حد، فرحت. دخلت أخدت شاور ولبست دريس أبيض وفي ورد صغير وكوتشي أبيض، وسابت شعرها، وكانت جميلة جدًا. نزلت روح تحت، لقيت الحاجة وفاء باست إيديها. روح بابتسامة: صباح الخير. الحاجة وفاء بحب: صباح النور يا بنتي، إيه الحلاوة دي. روح بخجل: أنتِ أحلى يا ماما. الحاجة وفاء: تعالي سلمي يا بنتي. روح: مين. الحاجة وفاء: مرات صقر. روح بحزن: آه طبعًا. دخلت سوزي، قعدت على الموبايل. روح بابتسامة: أهلاً.

رفعت سوزي عينها عليها واتفاجأت بشكلها، فهي جميلة جدًا. سوزي بتكبر: أنتِ مين. روح: أنا روح. الحاجة وفاء بتسرع: مرات صقر. سوزي بصدمة: صقر دي مراتُه. الحاجة وفاء بخبث: أيوه مراتُه، ومالك متفاجئ كده. سوزي بتكبر: واستغرب ليه، أومال فين صقر حبيبي. الحاجة وفاء بصوت واطي: حبك برص يا عقربة. روح سمعتها ضحكت. صقر: بتضحكي ليه. روح: لا مفيش حاجة. سوزي بمياعة: صقر حبيبي. صقر: نعمة.

سوزي بدلع وهي تمسك إيده: شوف يا حبيبي، طقم الماظ دي حلو. صقر وهو ينظر إلى هاتفها: آه. سوزي بدلع: وعايزها، كل أصحابي في النادي كانوا هيموتوا عليها، هتجبهالي يا حبيبي. صقر: ماشي هجبهالك. روح وهي بتكلم الحاجة صفاء. روح بصدمة: هو هيجبهولها صح يا ماما. الحاجة وفاء بضحك: عادي يا حبيبتي، أنتِ كمان لو عايزة قوليلي. روح وهي تشاور على نفسها: أنا لا لا لا، مش بحب الحاجات دي، وبعدين هو هيجيب تمنه منين.

الحاجة وفاء بضحك: شكلك لسه متعرفيش جوزك يا بنتي. صقر: بتكلموا في إيه يا ماما. الحاجة وفاء: مفيش حاجة يا حبيبي، خد مراتك يلة عشان نفطر. صقر أخد سوزي وساب روح. روح بدموع على حالها، ذهبت إلى السفرة، وجدت أن سوزي تجلس على مقعدها. سوزي بتكبر: كان مكاني قبلك، شوفيلك كرسي اقعدي عليه. الحج حمدان: تعالي يا بنتي جمبي أهنه. روح بابتسامة: حاضر يا بابا. جلست روح في وش صقر وبدأت تأكل فطورها. فتح الباب على شخص.

روح أول ما شفته جريت عليه وحضنته.