رواية صقر و روح الفصل الثاني عشر 12 - بقلم نجلاء عبد الظاهر

جهز صقر ولبس بدلته السوداء مع شعره الحذاب ورش من برفانه الرائع مع ساعة سوداء. وروح لبست أيضاً تنورة نبيتي وبلوزة بيضاء مع حزام أسود وكوتشي أبيض ورفعت شعرها كحكة وأنزلّت بعض الخصلات منها. خرجت روح وانبهرت بجمال صقر. صقر: حلو أنا صح؟ روح بخجل: يلا بينا. صقر بضحك: يلا. نزلوا تحت وجدوا سوزي حاطة رجل على رجل وبتشرب قهوة. سوزي وهي تنظر على روح بنظرة غيظ: رايح فين يا حبيبي؟ صقر: الشركة. سوزي وهي

تنظر إلى روح من تحت لفوق: مع الفلاحة دي؟ صقر بغضب: سوزي احترمي نفسك، أنا بحذرك المرة الجاية مش هرحمك، انتي فاهمة؟ وأمسك يد روح وخرج من القصر. سوزي بغيظ: ماشي يا صقر، والله لأوريك أنت والفلاحة دي. عند صقر: صقر: متزعليش. روح بابتسامة: مش زعلانة. صقر ابتسم إلى روح ثم ركب السيارة. صقر: الحرس معاكي على طول. روح: حاضر. صقر: لما تخلصي رني عليا أبعتلك السواق. روح بابتسامة: ماشي. وصلوا الكلية مع كثير من الحرس.

صقر: مع السلامة، هتوحشيني. روح بخجل: وأنت كمان. نظر صقر إلى خيالها وهي تبعد بابتسامة، مش عارف هقضي يومي إزاي من غيرك، ثم انطلق بسيارته إلى شركته. ودخل صقر بهيبته المعتادة ثم دخل إلى مكتبه. ودخل عليه صديقه مراد. مراد: إيه كل ده، شكل العروسة الجديدة حلوة؟ صقر بغضب: متجبش سيرتها على لسانك يا مراد. مراد بضحك: خلاص، أنا خارج. بدأ صقر يندمج في الملفات ولكن كل ما يشغل تفكيره هو معشوقته الصغيرة.

عند روح دخلت الكلية وكانت كل من حولها حراس، وكانت جميلة. إحدى الفتيات: متعرفوش مين دي يا بنات؟ أخرى: دي شكلها جديدة، أول مرة أشوفها بس عجبتني أوي. إحدى الفتيات: بس كل ده حرس، باين عليها مهمة. أخرى: مهمة إزاي يعني؟ ظلوا يتحدثون عنها كثيراً. ثم ذهبت روح إلى المدرج ولكن أوقفها الدكتور. الدكتور: لو سمحتي، مش هينفع حرس في المدرج. أحد الحراس: مينفعش ليه؟ الدكتور: خد إذن العميد أولاً.

أحد الحرس: روح هانم، هشوف الموضوع دا بسرعة. روح: ماشي. دخلت روح المدرج وجلست ولكن جلس بجانبها شاب يدعى أحمد وهو ابن رجل أعمال وبيسقط كل سنة. أحمد: إزيك يا عسل؟ روح خافت ولم ترد عليه. أحمد: تاخدي كام؟ روح بتوتر: لو سمحت ابعد عني. أحمد: هديكي اللي عاوزاه. روح بصوت عالي: أنت قليل الأدب. الدكتور: في إيه يا آنسة؟ روح بدموع: الأستاذ بيضايقني. أحمد: كدابة. الدكتور: على مكتب العميد، انتوا الاتنين. في مكتب العميد.

الدكتور: حصل إيه يا أحمد؟ أحمد: البت دي كانت عايزة تديني رقمها. روح بدموع: والله ما حصل، أنت كداب ومش محترم. ضربها أحمد على وجهها، سقطت روح على الأرض. ثم ينفتح الباب ويدخل شخص فينصدم أحمد والعميد.