رواية سلفتي الملعونه الفصل الثاني 2 - بقلم هويدا زغلول

سماح: مالك يا أحمد؟ أحمد: اسمعي يا ... سماح: خدامتك سماح، هههههههههههه. أحمد: ابعدي عني وعن عيالي أحسن لك. سماح: وهو أنا كنت قربت؟ منا بعيد أهو أوريكِ القرب بيكون إزاي يا أحمد. أحمد: هو انتي إيه وعايزة منا إيه؟ سماح: هعوز منك إيه يا أحمد؟ عايزك تحبني مثلاً، عشان أنا روحي فيك، عايزك تحس بيا مثلاً. معقول أكون أنا الإنسانة الوحيدة اللي حبيتك، معقول أكون حلم حياتي إنك تكون في حضني يوم مثلاً. لا لا خالص، منا بعيد عنك أهو.

أحمد: هو انتي بتقولي إيه؟ سماح: بقولك أنا بعيدة عنك وعن حياتك. أحمد: وشهد اللي عايزة تجوزيها أخوكي؟ سماح: هي اللي جت وعيطت ليه علشان يتجوزها. أحمد: وانتي ملاك بريء صح؟ سماح: مش بقولك إن انت ظلمني، والله ما حد حبك قدي. أنا اتجوزت أخوك علشان طول عمري كنت بتمنى إن اتجوزك انت. أحمد: آه. ونزل للأرض جاب الروب وحطه عليها. سحرك وسحر جمالك مش هياثروا فيا. وسابها ومشي. شيماء: عملت إيه؟ أحمد: لمي هدومك. شيماء: هنروح فين؟

أحمد: هنسيب البيت ده ودلوقتي. شيماء: هو فيه إيه اللي حصل؟ أحمد: شيماء، البيت اتدمر خالص. شيماء: طيب هنروح فين؟ أحمد: هنروح في أي داهية، البيت ده مبقاش ليه أمان. شيماء: طيب انت عملت إيه مع أخوك؟ أحمد: مش موجود تحت، يلا بقي. ونزل وكانت سماح عامله تبص عليهم وهما نازلين. سماح: الوحيد اللي مش عارفة أعمل معاه حاجة. واتصلت بالدجال اللي بتتعامل معاه. سماح: الو، أيوه. أحمد ساب البيت. الدجال: وإيه المشكلة؟

سماح: هشربه إزاي دلوقتي؟ ده الوحيد اللي عايزاه يكون خاتم في صباعي. الدجال: أقدر أعمل كده وهو مش موجود في البيت. سماح: إزاي؟ الدجال: بس ده ليه حساب خاص أوي. سماح: هعملك اللي انت عايزه. الدجال: لا، أنا مليش إلا في الفلوس وبس. سماح: هاديك اللي انت عايزه. وجه يحيي، هقفل دلوقتي، يحيي جه. يحيي: بتكلمي مين؟ سماح: مش وقته، اقعد عايزة أتكلم معاك. يحيي: خير، فيه إيه؟ سماح: أخوك ساب البيت. يحيي: وانتي عرفتي منين؟

سماح: آه، أصل فيه حاجة موجودة في الوش اسمها عيون. إه، معلش، هتعرفها منين؟ ما هي مش عندك. يحيي: بتتكلمي كده ليه؟ سماح: أصل هقولك إيه يعني. يحيي: عرفتي منين إنهم سابوا البيت؟ مش يمكن خرجوا؟ سماح: واخدين هدومهم معاهم. يحيي: أحسن، خليهم يمشوا. سماح: أقولك البيت ده فيه آثار ومش هيجي أبداً بدم أخوك. يحيي: طيب والعمل؟ سماح: أخوك لازم يرجع البيت. يحيي: وهو أنا أعملها إزاي دي؟ سماح: هو أي! انت حمار مش بتعرف تعمل أي حاجة؟

لازم أقولك على كل حاجة. يحيي: اهدي والنبي، أوعي تزعلي. سماح: أنا كل حاجة بعملها. يحيي: حاضر، هعملك اللي انتي عايزاه والله، بس أهدي. سماح: مش أمك كتبت ليك نصيبك في البيت ده؟ يحيي: أيوه. سماح: أنا هحل الموضوع، بس تكتب ليا نصيبك ونصيب أمك، مفهوم؟ يحيي: بكرة هعملك كده. سماح: ماشي، أنا خارجة دلوقتي. يحيي: طيب رايحة فين بس؟ سماح: وده من إمتى يا يحيى إن شاء الله؟ يحيي: خلاص، ماشي، اخرجي. سماح: مش هتأخر. وخرجت وراحت للدجال.

الدجال: معقول جبت فلوس بسرعة قوي كده؟ سماح: أسبوع بس والفلوس تبقى عندك. الدجال: مش فاهم، جايه ليه طيب دلوقتي؟ سماح: ارجوك اعمل اللي اتفقنا عليه، وفلوس هتكون عندك. الدجال: لا، حضرتك أشوف الفلوس بعيني. سماح: أنا قلت لك حاجة، يكتب لي البيت وأنا هبيعه. الدجال: مش شغلتي. سماح: انت عارف إن البيت تحته آثار، أنا مش عايزها. الدجال: عايزة إيه يا سماح؟ سماح: عايزة أحمد. الدجال: الموضوع دخل في مشاعره كده، هتخرب.

سماح: قلت لك أنا مش عايزة حاجة من الدنيا دي غير أن أحمد يحبني وبس. الدجال: وكده كل حاجة هتروح يا سماح. سماح: قلت لك مش عايزة زفت حاجة. الدجال: طيب، هو جوزك. سماح: عادي يعني، زي ما قتلت أمه، هقتله. وبعدين يحيي دلوقتي ميقدرش يقولي على حاجة، لا. يحيي عبيط. سماح: يحيي، هو انت جيت هنا إزاي؟ يحيي: خوفت عليكي، مشيت وراكي، ولما جيتي هنا خوفت أكتر، دخلت. الدجال: هو ده جوزك! مش قولتك هنروح في داهية.

سماح: قولتك هو زي الخاتم في صباعي. يحيي: عشان عبيطة، أنا فعلاً شربت مرة من القرف بتاعك، بس بعد كده لا، لما شوفتك بتشربي لأمي كنت بعمل كل حاجة معاكي حب. سماح: حب إيه؟ انت عمرك ما حبتني. يحيي: عشان عبيطة، أنا فعلاً حبيتك وعرفت إن انتي السبب في موت أمي، وسكت. بس ليه كل ده؟ الدجال: عشان الآثار، بيتكم فيه آثار كتيرة. سماح: اسكت انت، أنا عمري ما حبيتك يا يحيى. يحيي: ليه، عملت ليكي إيه؟ سماح: عشان بحب أخوك. الدجال: اخرسي.

سماح: لا مش هخرس، وهتجوز أخوك يا يحيي، لأن مش شايفاك راجل. يحيي مسك السيخ اللي كان موجود وقتل بيه سماح.