رواية سمائي الزرقاء الفصل الرابع 4 - بقلم الكاتبة الصاعدة

أسد بتافف: يوووووه مش وقته خالص. أجاب على الاتصال بعصبية وصوت عالٍ: هو أنا مش قلتلك ما تتصليش بيا تاني، ولا انتي ما بتفهميش. مها بحزن: آسفة، بس كنت عايزة أطمئن عليك. أسد بصراخ: ليكي عين يا مها تكلميني ها؟ مها بحزن: والله يا أسد كنت غبية ولسه على قد نياتي. عدى 20 سنة وبعدين أنا كنت عايزة أعتذر عشان أيامي بقت معدودة. أسد بعدم اهتمام: اخلصي عايزة إيه يا مها. مها ببكاء: خلي بالك من ابني. أسد باستغراب: ابنك؟

مها برجاء: يونس، ولا نسيتها؟ أسد: وازاي أنسى؟ مش ده ابن صاحبي، هنساه إزاي بردو. مها بحزن: وصيتي ابني يا أسد، خلي بالك منه أرجوك. أسد بضيق: وأنا مالي بيه يا ستي، انتي هتقرفينا ليهم. مها: مش عشاني، عشان صاحبك. وسلام يا أسد. أسد وهو يلقي الهاتف: اااه يا مها، ليييييه تعملي كدا؟ انتي كنتي أكتر حد بثق فيه، لييييه. أخرج هاتف آخر من مكتبه ثم قام بالاتصال على شخص ما. أسد بهدوء: ازيك يا أسر.

أسر بمرح: أهلاً أهلاً، أخيراً افتكرتني وقلت لما أكلم أسر أشوفها. أسد بضيق: مش وقت رخامتك، اسمعني. ثم حكى له أسد كل شيء. أسر بصدمة: مها! إيه اللي يخليها تقول كدا؟ ألا لو كانت بتتكلم بجد يا أسد. أسد بحيرة: مانا بكلمك عشان تروح ليها، أنا مش قادر أبص حتى في وشها. أسر بحزن: ماشي يا أسد، بكرة هروح أشوفها. سلام. أسد: تمام. سلام. وأغلق الهاتف ثم جلس على مكتبه يتذكر ما حدث منذ عشرين عاماً. فلاش باااك. بعد أن خرج أسد من القصر.

أخرج هاتفه بعصبية: مين بنت 🐕 دي؟ ثم قام بإرسال رسالة: (مين) أتاه الرد سريعاً: (أنا مها يا أسد، ازاي مش فكرني) أسد بتذكر: (ممكن أقابلك) مها: (أكيد في شقة... أسد: (تمام) ثم ذهب أسد إليها وهو يتوعد لها. وصل أسد إلى العنوان ثم قادم يدق الباب. فتحت له مها وهي ترتدي ملابس تكشف أكثر مما تغطي. ألقت مها نفسها داخل أحضان أسد. أبعدها أسد بغضب: انتي مجنونة؟ ازاي تلمسيني كدا؟ مها باستغراب: مالك يا أسد؟ انت ازاي تقول كدا؟

أسد: ده كان زمان، وإنما دلوقتي غير، فاهمة؟ وبعدين انتي واحدة متجوزة ازاي تعملي كدا؟ ازاي؟ انتي عارفة ممكن يحصل إيه. مها: بس كريم مات. (ملحوظة: الاثنان كانا يتحدثان داخل المنزل) أسد بصدمة: إيه؟ كريم؟ مها بحقد: يستاهل. أسد بغضب: انت اتجننتي يا مها؟ انتي اتجننتي. وكاد أن يذهب ولكن أوقف. وكانت تستدرجه إليها. أبعدها أسد بغضب. مها بتمثيل: آسفة، خلاص مش هلمسك. هروح أعملك حاجة تشربها. أسد بقرف: أنا ماشية.

ولكن صادف خروج يونس من غرفته. يونس وهو يركض إلى أسد بسرعة: عمو أسدددد حبيبييييي. أسد بابتسامة: يونس وحشتني. (ملحوظة كمان 😂: يونس كان عنده 13 سنة) أتت مها بقهوة ثم أعطتها لأسد. تردد أسد من أن يشربها ولكن شربها. وياحسرة عليهم. مها ليونس: يونس حبيبي ادخل أوضتك يلا. يونس بتذمر: بس يا ماما. مها بأمر: ادخللل. شعر أسد بالدوار. تقربت منه مها قليلاً. أبعدها أسد بقوة فوقعت على الأرض. بدأ كل شيء يدور أمام أسد ولم يشعر بمن حوله.

استغلت مها ذلك. فرأى أسد مها. أسد بحب: سما، صدقيني عمري ما أخونك. نظرت له مها بحقد. ولكن كان الشيطان كفيلاً بالباقي. في الصباح استيقظ أسد ووجد بجانبه مها. أسد بصراخ: قومي ياز*با*لة! إيه اللي حصل. مها بدلع: في إيه بس يا بيبي. أبعدها أسد ثم ذهب سريعاً خارج المنزل. جلس أسد في سيارته وهو يلعن نفسه كثيراً. فكان في موجة غضب لم يعهدها من قبل. فهل هكذا قد خان سما؟ مجرد التفكير كان يقوده للجنون.

أخرج هاتفه ثم قام بالاتصال على أسر. أسد بغضب: ربع ساعة وهكون عندك. أسر: انت اتجننت؟ تيجي فين؟ أسد بضيق: يا أسر، أنا محتاجك دلوقتي. أسر بهدوء: خلاص يا صاحبي، تعالى. أنا مستنيك. انطلق أسد بسيارته إلى فيلا أسر ودخلها. أسر باستغراب وهو يجلس بجانب أسد في الحديقة: أسد. أسد: الحكاية ياسيدي. حكى له أسد كل شيء. أسر بصدمة: يالهوي! ازاي مها تعمل كدا؟ هي اتجننت؟ وبعدين كريم مات؟ ازاي؟ أنا مش فاهم حاجة.

أسد: أنا جاي ليك عشان تندب جنبي، أنا عايز أحل المشكلة دي. أسر: طيب هنعمل إيه؟ أسد بعيون لا توحي بالخير: هقولك أنا. أسر بصدمة: طيب ويونس، ممكن يأثر على حياتها؟ أسد: دراسة يونس ومصاريفه عليا، وسيبك من الباقي بقا وخلاص الموضوع. أسر: تمام. قام أسر بسحب كل أموال مها من البنوك وتوزيعها على دور الأيتام وجعلها تنتقل في منزل فقير جداً في حي فقير. فعاشت مها أسوأ أيام حياتها وأيضاً عانى يونس معها كثيراً.

كان أسد يتابع كل أخبار سما من أسر. عندما علم أنها أمسكت جميع شركاتها وتديرها بمهارة كبيرة، سعد جداً على قوة زوجته. بعد شهر. ذهب أسد إلى سما في مكتبها والباقي تعرفوووه. مسح أسد وجهه وقام من مكانه ليذهب إلى قصره. في جامعة ملاك. ملاك وهي تتشاجر مع أحد الطلاب الذين تعرضوا لها. ملاك بصوت عالٍ: انت اتجننت؟ ازاي تكلمني كدا؟ أنا هوديك في داهية وهطردك من الجامعة دي. الشاب باعتذار: آسف، كان ممكن ترفضيني بطريقة أحسن من دي.

ملاك: وكمان جاي تصحح طريقتي. تجمعت الطلاب حولهم وتم استدعاء ملاك وذلك الشاب إلى مكتب العميد. العميد: ممكن أعرف إيه اللي حصل. ملاك بتمثيل: والله ياعمو سامي ما عملت حاجة، أنا كنت ماشية في أمان الله والواد ده اتعرضلي. الشاب بتبرير: والله. قاطعه العميد: انت تخرص خالص. ثم أعطاه جواب إنذار. الشاب: ده ظلم. ثم خرج من المكتب وهو يتوعد لملاك كثيراً. ملاك: شكراً ياعمو سامي. العميد: العفو. ممكن طلب يا آنسة ملاك؟ ملاك: اتفضل.

العميد: ممكن تكلمي أسد بيه في الموضوع اللي قلتلك عليه. ملاك: بابا عندك، اتفضل كلمه. ثم خرجت من المكتب. العميد: بنت قليلة الأدب بجد. ملاك وهي تذهب تخرج بسيارتها لتقف أمام النيل وظلت تتأمله. بعض الشباب من خلفها: الجميلة واقفة لوحدها. ملاك بخوف ولكن خبأته: وانت مالك؟ ويلا هوّينا يا بابا منك ليه. أمسكها أحد الشباب: بقا حد يسيب النعمة ويمشي بردوا. ملاك: أنا ماشية وسايباهالكم الكورنيش كله، اشبعوا بيه.

تركوها الشباب تركب سيارتها واخذوا سيارتهم وانطلقوا ورائها. أوقفوها الشباب في إحدى الأركان. نزلت ملاك من سيارتها بعصبية: إيه ياناس ياحيوا*نة؟ إيه قلة الذوق دي؟ ولكن صدمت عندما وجدت أربعة شباب ينزلون من تلك السيارة وكان منهم ذلك الشاب من الجامعة. ملاك بصدمة وخوف: انتوا عارفين لو حد حاول يقرب مني هعمل فيه إيه يا كلا*ب. ولكن أمسكها أحد الشباب من يداها تحت مقاومتها وقاموا بتكتيفها جيداً. ملاك بصراخ: انتوا مفكرينها سايبة؟

أنا هوريكم. الشاب بضحك (عمرو) : انتي اللي مفكراني هعدي الفضيحة بتاعة النهاردة بالساهل كدا. ثم أمسكها من شعرها بقوة وملاك تصرخ ولكن لم يسمعها أحد. في الطريق الخلفي كان يمشي وهو يتحدث في الهاتف: أيوا ياماما هجيب الدوا من الصيدلية وأجي اهو، سلام. ثم أغلق الهاتف ولكن أوقفه صراخ شعر أنه يعرفه. ذهب سريعاً وجد أربعة شباب يقومون بالاعتداء على فتاة. يونس بصدمة وصراخ: ابعدوا عنها.

وقام بإمساك أحد الشباب وأعطاه لكمة قوية أطاحت به أرضاً. ترك شابان ملاك والتي كانت مغلقة عينيها وتبكي بشدة وذهبا لضرب يونس. ولكن كان يونس أقوى منهم وسدد لهم لكمات دموية فوقع الأربعة على الأرض يتلون من الألم. أمسك يونس ملاك ثم نظر لها بصدمة: ملااك؟ ملاك فتحت عينيها بصدمة وبكاء: يونس. حااااسب. ولكن عمرو طعن يونس بالس*كينة في ظهره و.