رواية سمراء احتلت قلبي الفصل الثالث 3 - بقلم نورهان نشأت

سيف: بصي بقا إياكي ثم إياكي إن حد يعرف إننا اتجوزنا لأن أنا متجوزك غصب فاهمه. وأكمل بسخرية: لأن أنا أصلا عمري ما كنت هتوقع إني أتجوزك إنتي. منة: يا أخي إنتا إيه مبتحسش؟ إنتا إيه مش بشر زينا؟ لوني ده اللي مش عاجبك ده مش بإيدي. إنتا مريض والله مريض. سيف قرب منها ومسكها من شعرها. سيف: إنتي فاهمه أنا قولت إيه ولا أفهمك بطريقتي؟ منة بدموع: حرام عليك سبني حرام عليك. زقها ع الأرض. سيف: أظن كلامي مفهوم. وسابها ودخل الأوضة. منة ببكاء: يا رب والنبي يا رب أنا مليش غيرك دلوقتي خليك معايا. ودخلت تنام في الأوضة التانية. صباح اليوم التالي. بتقوم عشان تنزل الشغل. سيف: علي فين يا حلوه؟ منة: هيكون على فين يعني؟ سيف: آه شكلي نسيت أقولك مهو مفيش نزول من البيت ده إلا بمزاجي أنا. وقرب منها: فاهمه ولا؟ منة: فاهمه. سيف: يلا ادخلي جوا. وفجأة الباب بيخبط، يفتحوا ويلاقوا أهلهم. سيف: معلش هاخد منة ثواني نجيب حاجة تشربوها. سيف بنظرة حادة: تعالي. منة: إيه. سيف: مثلي قدامهم إننا كويسين تمام. منة بهدوء: تمام. خرجوا وقدموا ليهم مشروبات. وسيف حط إيده على كتفها وهي كانت مكسوفة جدا. الأم والأب: هنستأذن احنا بقا إنتو عرسان ولازم تاخدوا راحتكم عشان نفرح بيكم كده. طبعا منة واقفة مكسوفة. سيف: إن شاء الله. والأهل مشيوا. سيف: منة: نعم.