رواية سمينة ولكن الفصل السادس عشر 16 - بقلم بسملة سمير

هدي بزعيق وعصبية: بق أنا معتبر ابنك ابني وفِ الآخر يعمل علاقة مع بنتي ويستغفلني وبعد الثقة دي منه لله ربنا ياخده يارب ضيعلي بنتي. مديحة بردح: نعم نعم يختي لا بقولك إيه مش عشان مربتيش بنتك وحد ضحك على بنتك تلبسيها فِ ابني. هدي بعصبية: وأنا هلبسها لأبنك ليه؟ مديحة: وأنا إيش عرفني يختي، شوفي مين اللي ضحك على بنتك بعيد عن ابني، مش ناقصة هي قرفة. هدي بدموع: هو انتِ اللي بتقوليه ده من قلبك؟

مديحة: أيوا من قلبي، ويلا بق شوفي رايحة فين. هدي بإنكسار: منك لله، دي زي بنتك حتى لو مش بتعتبريها بنتك أنا أختك. مديحة وهي بتدخل أوضتها وبتقفل الباب في وشها وبتقول: والله الواحد مش ناقص وجع دماغ، انتي اللي معرفتيش تربي بنتِك مش ذنبنا بق. هدي قامت وخرجت من العمارة بانكسار وروحت بيتها وهي بقت مش عارفة تعمل إيه. *** القسم محمود بغضب: يعني إيه متعرفش ي فارس؟ الكل اعترف عليك وأولهم أحمد صاحبك. فارس بخوف: محصلش.

محمود بغضب: شكلك مش هينفع معاك الذوق، بلاش تخليني أقلب عليك. سكت فارس دقايق. ليقول محمود بغضب: أنا صبري له حدود، أتكلم ي فارس عشان ظافر أنا ماسكه عنك بالعافية. فارس بخوف واستسلام: ي بيه أحمد اللي خطط لكل حاجة واستخدمني بس عشان أنا كنت مغلول من حلا مراتي ولأن كمان مطلعتش منها بقرشين. محمود بابتسامة: أيوا، أنا عايز أعرف بق إيه اللي حصل بق بالتفصيل. *** عند ظافر وهو بيتكلم فِ التلفون ظافر بهدوء: تعاليلى ي حلا قسم الـ...

بسرعة. حلا بقلق: أجي ليه؟ هو فِ حاجة؟ ظافر: لا متقلقيش مفيس حاجة بس عايز بس أعمل حاجة ومتتأخريش بسرعة. حلا: حاضر حاضر مش هتأخر. خالد جه عليه وقاله: بردو هتعمل اللي فِ دماغك؟ ظافر: أيوا وبردو هخيريها مش هغصب عليها فِ حاجة. دخل ظافر الأوضة ع محمود وقاله: هااا قال حاجة؟ محمود: خلاص كده قال كل حاجة ويعتبر الموضوع خلص. ظافر بغضب: مش عاوزاه يخرج منها ي محمود. محمود بابتسامة: متقلقش، تعرف عني كده.

ظافر بابتسامة: وأبو كده كمان. محمود: طب يلا ولا إيه؟ ظافر: لا استنى كده عشان مستني حد. محمود: مستني مين؟ ظافر: هتعرف دلوقتي. بعد نص ساعة وصلت حلا القسم وشافت خالد واقف بعيد راحتله وكلمته. حلا وهي بتاخد نفسها: أستاذ خالد هو فين ظافر؟ خالد: تعالي جوا. حلا لظافر: أتأخرت. ظافر بابتسامة: لا. قال ظافر لمحمود وخالد إنهم يسبوهم شوية وخرجوا فعلاً من الأوضة وفضل فيها ظافر وحلا، وحلا اتوترت جداً وبقت مش عارفة ظافر بيفكر إزاي.

ظافر بهدوء: عايزة تطلقي ي حلا ولا لا؟ حلا بسرعة: طبعاً عايزة أطلق بس إزاي وهو مش عايز يطلقني. ظافر: أنا هطلق. حلا بفرحة: بجد ي ظافر؟ ظافر بحب: طبعاً ي قلب ظافر. اتكسفت حلا وسكتت ومردتش عليه وبعدها وقف ظافر ومسك إيديها ودخل بيها الأوضة اللي قاعد فيها فارس ودخل وراه خالد ومحمود. ظافر لفارس: يلا ي شاطر اعمل اللي قولتهولك عليه. فارس وهو بيحاول يغير رأي حلا: حلا حبيبتي انتِ عايزة تطلقي مني مش أنا فارس حبيبك؟

حلا بكره: انتَ مش حبيبي ويلا حالاً طلقني وبالتلاتة كمان. فارس: انتِ طالق بالتلاتة ي حلا. بعدها خرج ظافر وحلا من الأوضة وخرج بيها وهو خارج نده عليه خالد. خالد: انت رايح فين؟ ظافر وهو خارج ع برة: رايح مشوار مش هتأخر. ظافر ركب حلا العربية وهي مستغربة جداً. حلا بإستغراب: إحنا رايحين ع فين؟ ظافر بابتسامة: هتعرفي دلوقتي. وصلوا لمطعم جميل جداً وهادي. حلا بفرحة: الله ده جميل أووي ي ظافر. ظافر بابتسامة: عايزة تاكلي إيه؟

حلا بابتسامة: أي حاجة. وبعدها كملت بإستغراب: انتَ عرفت إزاي إني جعانة؟ ظافر بضحك: قلبي. اتكسفت ومعلقتش وكملوا كلام لغاية لما الأكل جه. طلب ظافر أكل ليه وليها زي بعض واتعشوا وروحوا عشان الوقت اتأخر وهما واقفين قدام الباب. ظافر بحب: عايزة مني حاجة؟ حلا بابتسامة: عايزة سلامتك. مشي ظافر خطوتين ولسه هيفتح الباب ناظت عليه حلا وقالتله: شكراً ع كل حاجة عملتها معايا.

ظافر بحب: أنا معملتش حاجة. قالها وفتح الباب ودخل الشقة واستناها لغاية لما دخلت الشقة وقفل الباب. *** عند هدي وهي سامعة صويت روميساء بعد ما شفتها مش ساكتة راحت دخلت الأوضة وفتحتها ولسه هتتكلم لقت بنتها بتزقها وعايزة تبعدها عنها عشان تخرج. روميساء بزعيق: ابعدي عني أنا عايزة أخرج. هدي بغضب: مش هتخرجي انتِ فاهمة؟ روميساء وهي بتحاول تبعدها من طريقها ومن غير قصد راحت موقعاها من ع السلم.

روميساء مبقتش مصدقة اللي شيفاه نزلت عشان تشوفها لقتها غرقتانة فِ دمها. روميساء وإيديها عمالة ترتعش وعياط: ا... أنا قتلت ماما وفضلت تكلم هدي وتقولها قومييي عشان خاطري قومي متسبنيش لوحدي أنا مكنتش أقصد أقتلك والله.