رواية سرقت قلبي رنا وجاسر الفصل الأول 1 - بقلم الكاتبة مريم السيد

يلا يبت اجهزي علشان العريس زمانو جاي. ابوس ايديك ياطنط انا مش عايزه اتجوزه. هتتجوزي غصب عنك، هو أنا هدفع أصرف عليكي لحد إمتى؟ استوب، اعرفكم بنفسي، أنا رنا عندي ١٨ سنة، بابا وماما ماتوا وسابوني عند عمي، محجبة، عيني رصاصي، شعري بني وغجري، بيضا وقصيرة، مرات عمي رافضة إني أكمل تعليم بعد الثانوي مع إن مجموعي كان حلو.

الي بتكلمني دي مرات عمي سعاد، مش بتحبني أو بمعنى أصح مش بحبها، عشان كانت بتغير من ماما عشان بابا كان بيحب ماما أوي. عمي أحمد طيب أوي بس ملوش كلمة، طنط سعاد هي اللي بتقول يعمل إيه وميملش، أي حاجة مش بيقدر يقولها لأ. بنت عمي مها أقرب واحدة ليا، البيست بتاعتي، عندها ١٩ سنة، حققت حلمها ودخلت إعلام في سنة أولى، بحكيلها كل حاجة، غير أمها خالص، عينها بني غامق، قمحاوية، مش قصيرة ولا طويلة، محجبة.

جاسر المفروض جوزي أو اللي هيبقى جوزي، عنده ٢٥ سنة، عصبي جداً بس طيب مع اللي بيحبهم، عينه بني فاتح، عنده عضلات في كل حتة في جسمه، من الآخر كده مز، حاجة كده من أوروبا، عنده شركة أدوية ورثها من باباه. مروان صاحب جاسر وأكتر من أخوه، عنده ٢٥ سنة، قمحاوي، فرفوش عكس جاسر. علي صاحبهم، عنده ٢٥ سنة، بيحب ميرا أخت جاسر، وشغال ظابط. ميرا أخت جاسر، عندها ٢٠ سنة وبتحب علي، تانية هندسة.

رنا: خلاص هنزل اشتغل بس بالله عليكي بلاش أتجوزه، أنا عمري ما شفته حتة. سعاد: تخلصي، دا هيعيشك في نعيم وهيخلينا نعيش معاه، أما انتي وش فقر بصحيح. رنا بصوت عالي: انتي عايزه تبعيني علشان الفلوس؟ انتي حسبي الله ونعم الوكيل فيكي. قلم نزل على وش رنا. سعاد: انتي بتحاسبيني عليا؟ طب أهو، ونزلت فيها ضرب. رنا من كتر الضرب أغمي عليها. مها: خلاص ياماما هتموت في إيديكي، حرام عليكي، هي عملتلك إيه؟

سعاد: انتي تسكتي خالص، مش عارفة بتحمليها ليه. مها: مش اهتمت لكلام مامتها وجريت على رنا تفوقها. رنا ردي عليا. سعاد: سبتها وخرجت، إن شاء الله تموت. رنا فاقت. أه. مها: انتي كويسة؟ حاسة بحاجة؟ رنا بعياط: جسمي بيوجعني، هي ليه بتعمل معايا كده؟ أنا عمري ما عملت فيها حاجة وحشة. مها: معلش، انتي عارفة إنها بنتي، بتعاملني أسوأ معاملة، يلا قومي خدي شاور علشان تجهزي. رنا: أنا مش عايزة.

مها: هنعمل إيه، مش بإيدينا حاجة، انتي عارفة بابا مش بيقدر يقول لماما لأ. رنا: خلاص يا حبيبتي، هقوم أجهز. مها بحزن: وأنا أقوم أطلعلك لبس. بعد ساعتين. عمها دخل عليها وقالها: يلا يا حبيبتي، المأذون برا. طلعت وعينها دموعها مغرقة وشها، أول ما طلعت. جاسر قال:.........