رواية سرقت قلبي رنا وجاسر الفصل السابع والعشرون 27 - بقلم الكاتبة مريم السيد

جاسر: أنا هروح أطمن على ميرا. مروان: وأنا هاجي معاك. علي: وأنا كمان. جاسر: خليك أنت لسه تعبان. علي: لا أنا زهقت وكمان فقت من الصبح. جاسر: ماشي تعال. في غرفة ميرا، كانت حضنه رنا وعماله تعيط. رنا: هو إحنا قولنا إيه، حرام عليكي نفسك. ميرا: أنا خذلت جاسر وكسرتُه. أنا بقيت مش عارفة أرفع عيني في وشّه من كتر ما حاسة إني وحشة في نظره. بس واللهي ما بإيدي، أنا قاومت يا رنا بس مش قادرة. واللهي ما أقدر أعمل أكتر من كده.

جاسر: وإنتي في عيني حاجة كبيرة أوي. أنا عارف إنك قاومتي. إنتي بنتي قبل ما تكوني أختي. أوعي في يوم تفكري إنك تنزلي راسك في الأرض. إنتي هتفضلي طول عمرك راسك مرفوعة. إنتي مش بإيدك اللي حصلك دا. إنتي فاهمة؟ إنتي أحسن واحدة في الدنيا. ربنا لما بيحب حد بيبتليه عشان يعرف قوة تحملك. ميرا: إنت أحسن أخ في الدنيا. أنا بحبك أوي. علي: احم، ألف سلامة عليكي يا ميرا. ميرا بتوتر: الله يسلمك.

علي: جاسر مسك اللي عمل كده وأنا هجيب لك حقك منه. ميرا: بجد يا جاسر مسكتهم؟ جاسر: أيوه، وزي ما علي قالك. مروان لحد أن علي عايز يتكلم مع ميرا. مروان: جاسر، أنا عايزك إنت ورنا دقيقة. جاسر: قول. مروان: لا، برا. جاسر: ماشي، يلا يا رنا. رنا: ماشي. بعد ما خرجوا. ميرا: ألف سلامة عليك يا علي. علي: الله يسلمك، وحشتيني أوي. ميرا: لو سمحت، ما ينفعش الكلام ده. علي: هو إيه اللي ما ينفعش؟ إنتي هبلة؟

ميرا: إنت شايف إنك ينفع تكمل معايا بعد ما أهم حاجة راحت مني؟ علي: أه ينفع عشان بحبك. ينفع؟ أنا عمري ما هحب حد غيرك. ميرا: وإنت إيه اللي يجبرك تتجوز واحدة معيوبة؟ علي: إيه الهبل اللي إنتي بتقوليه ده؟ إياك أسمعك بتقولي الكلام ده تاني، إنتي فاهمة؟ ميرا: لا مش فاهمة. هي دي الحقيقة يا علي. أنا مش هينفعك. علي: مفيش حد هينفعني غيرك، سواء برضاكي أو غصب عنك.

ميرا حضنتُه: أنا تعبانة أوي يا علي. أنا حاسة إني بموت. نفسي أصرخ بس مش قادرة. حاسة إني مخنوقة. علي: بعد الشر عليكي يا قلبي. وبعدين أنا جنبك وهطلب إيدك من جاسر عشان أفضل جنبك على طول. ميرا: بحبك. علي: وأنا بعشقك. عند مروان وجاسر. جاسر: يا بني أخلص، عايز تقول إيه؟ مروان: منا هقول أهو. رنا بضحك: إنت بقالك ساعة بتقول هقول أهو. جاسر بغضب: بطلي ضحك. وإنت كمان اخلص. مروان: خلاص يا عم. بصراحة، أنا بحب مها وعايز أتجوزها.

جاسر: يعني إنت موقفني كل دا عشان كده؟ ما كلنا عارفين، إيه الجديد يعني؟ مروان: أنا عايزك تيجي معايا أتقدملها. رنا: احلف كده إنك هتتجوز مها. مروان: في إيه يا بنتي؟ أه هتجوزها. رنا: معلش، إن مها هتتجوز مش أكتر. مروان: هروح بقا أنا أجهز عشان جاسوري يجي نتقدم لمها سوا. جاسر: إيه جاسوري دي؟ يلا ما تتعدل. مروان مشي. جاسر فضل يقرب من رنا وهي تبعد. رنا: في إيه يا جاسر؟ بتقرب ليه؟ جاسر: عمالة تضحكي مع مروان.

رنا خبطت في الحيطة. أنا وإلاخير ما كان قصدي. جاسر قرب منها أوي. جاسر: لا واللهي، هو أنا مش قولتلك إنك مش تضحكي مع راجل غيري؟ ولا إنتي مش بتسمعي الكلام؟ رنا: جاسر، ابعد. إحنا في المستشفى. جاسر: على أساس إني بقرب وإحنا في البيت. رنا اتكسفت: ابعد بقا. جاسر: توتو عايز بوسة. رنا: جاسر. جاسر: قلب جاسر. بس بردو مش هبعد غير ما آخد بوسة. رنا باستُه من خده. جاسر: توتو، وشاور على فمه. رنا: لا طبعًا. جاسر: خلاص، مش هسيبك.

رنا زقته ولسه هتجري، مسكها من إيديها. وفضل يبوس فيها. رنا: عيب كده، ابعد. جاسر: خلاص هبعد أهو، بس لما أمسكك مش هسيبك. ها. وراح غمزلها. .................... عند مها وأحمد. مها: بابا، هتفضل زعلان مني كتير؟ أحمد: ....... مها: عشان خاطري، رد. يرضيك أتجوّز واحد متجوز تلات مرات ومخلف تمن عيال، وأكبر ولد عنده أصغر مني بسنة واحدة؟ أحمد: مكنش ينفع تسيبي البيت وتفضحيني بالشكل ده.

مها: خلاص، آسفة. إنت بقالك شهرين مش بتكلمني. سامح بقا. أحمد: إياك تعملي حركة زي دي تاني. مها: ماشي يا عسل. إنت بابا، هو إنت طلقت ماما ليه؟ أحمد: بسبب عملتها. تعرفي، كانت مصممة لما ترجع تجوزك بكر. عشان كده طلقتها. مها: هو إنت بتحب ماما؟ أحمد: أمك ما تعرفش يعني إيه حب. أنا عمري ما حبيتها. بس كانت مستحملاها عشانك. بس إنتي خلاص كبرتي. مها: ربنا يخليك ليا. أحمد: صحيح، هو إنتي تعرفي حد اسمه مروان؟ مها: أه، صحاب جاسر.

أحمد: اتقدملك؟ مها: بجد يا بابا؟ قصدي، اشمعنا؟ أحمد بضحك: بتحبيه؟ مها بكسوف: بصراحة، أه. أحمد: والله كبرتي يا مها وبقيت بتحبي.