رواية سرقت قلبي رنا وجاسر الفصل الثالث عشر 13 - بقلم الكاتبة مريم السيد

جاسر: خلي مروان يجي. السكرتيرة: حاضر. السكرتيرة راحت لمروان. السكرتيرة: جاسر بيه عايزك. مروان: روحي وأنا جاي وراكي. مروان راح لجاسر. مروان: نعم. جاسر: جهز نفسك عشان هنسافر لندن. مروان: ليه؟ جاسر: عشان في اجتماع مع مستر جاك. مروان: أنا مش بطيق الراجل ده. جاسر: إحنا مش رايحين نحبه، إحنا رايحين لشغل. مروان: هتاخد رنا معاك؟ جاسر: متجبش اسمها على لسانك أحسن. مروان: الله، إحنا بنغير؟ جاسر بتوتر: إيه الهبل ده، بغير إيه؟ الموضوع إنها مراتي ومبحبش حد يجيب سيرتها. عند ميرا. ميرا: الو. علي: إنتي فين؟ ميرا: في المول مع سارة ومنه. علي: لما تخلصي كلميني عشان عايزك. ميرا: في حاجة؟ إنت قلقتني. علي: لا مفيش حاجة، متخافيش، بس عايزك، وحشتيني. ميرا: وإنت كمان وحشتني. علي: طب يلا خلصي بسرعة وكلميني. ميرا: حاضر. عند رنا بتكلم مها. رنا: بطلي هبل، إيه اللي إنتي بتقوليه ده؟ مها: أمال عايزاني أعمل إيه؟ رنا: اعملي أي حاجة، إنتي عايزة تسيبي البيت وتهربي؟ هتروحي فين؟ إنتي تعرفي حد في أي بلد؟ مها: لا، بس أكيد هلقي حد يساعدني. رنا: مها، أوعي تعملي كده، أنا مليش غيرك.