رواية سرقت قلبي رنا وجاسر الفصل الثامن عشر 18 - بقلم الكاتبة مريم السيد

قامت رنا من النوم لقيت نفسها في حضن جاسر. رنا في نفسها: يا نهار أسود أنا إيه اللي جابني هنا؟ جاسر: جابك فين؟ رنا بصدمة: أنت سامع أنا بقول إيه؟ جاسر: أيوه، أنتِ بتفكري بصوت. رنا أدركت أنها لسه في حضنه. رنا: طب ممكن توسع لو سمحت. جاسر: تؤ تؤ، أنا عاجبني كده. رنا: هو إيه اللي عاجبني كده؟ جاسر: مش ينفع ليه؟ أنتِ مش مراتي. رنا: مراتك على الورق بس. جاسر: ممكن أخليه حقيقة دلوقتي. رنا: أنت قليل الأدب!

وزعقته وطلعت جريت على الحمام. جاسر ضحك بصوت عالي. جاسر: مسيرك تقعي تحت إيدي. عند مروان بيجهز شنطته، دخلت مامته. مروة: إيه ده يا حبيبي، أنت مسافر دلوقتي؟ مروان: أه يا أمي، مش أنا قولتلك هامشي بكرة. مروة: كانت فكرة بكرة الصبح. مروان: لا، لازم أكون في المطار كمان ساعة. مروة: خلي بالك من نفسك يا حبيبي. مروان: حاضر، وأنتِ كمان خلي بالك من نفسك. وخدي العلاج في وقته، أرجوكي. وأهم حاجة تاكلي كويس عشان العلاج.

مروة: متقلقش، هعمل كل حاجة. مروان: وإن شاء الله أنا هكلمك كل شوية. هكلمك بالعلاج. مروة: ركز في شغلك يا حبيبي ومش تشغل بالك بيا. مروان: هو أنا عندي أغلى منك يا قمر أنت. مروة: ماشي يا بكاش، هروح أصلي عقبال ما تخلص. مروان: ادعيلي. مروة: بدعيلك من غير حاجة. عند مها تليفونها بيرن. مها: ألو. رنا: إيه، خلصتي؟ مها: أه، ومستنيكم. رنا: إحنا جايين أهو، خدي بالك لحد يشوفك. مها: كلهم نايمين، بس خايفة أوي لحد يصحى.

رنا: إن شاء الله خير، محدش هيصحى، يلا سلام. مها: سلام. جاسر خارج من الحمام بعد ما أخد شور. رنا: إيه قلة الأدب دي، إزاي تخرج من الحمام من غير ما تلبس تيشرت؟ جاسر قرب منها أوي: قلتلك ميت مرة، أنتِ مراتي، أعمل اللي أنا عاوزه. رنا: ابعد شوية لو سمحت. جاسر قرب أكتر لحد ما كان مفيش فاصل بينهم. جاسر: مش هبعد، قولي هتعملي إيه؟ رنا بدموع: ابعد بقى. جاسر لما شاف دموعها، بعد بسرعة من غير كلام وراح يلبس.