رواية تالا المراد الفصل الأول 1 - بقلم عائشة الكيلاني

تالا اسمعني أنا والله. تالا بانهيار:ـ اسمع إيه وزفت إيه هااا عايزني أسمع إيه إنك... وقفت وراه، ساندت إيديها على كتفه:ـ لا يا روحي، هو مش خانك، لإن ببساطة كده هو لا حبك ولا هيحبك أصلاً. هيحب فيكي إيه؟ هو كان واخدك كوبري عشان يحقق أهدافه، لكن في الحقيقة إنتي مش فارقة معاه. تالا دموعها بتنزل على وشها في صمت:ـ ههههه، كوبري يعني أنا بعد ده كله طلعت كوبري؟ سنين من عمري ضاعت بسببك، وتقول كوبري؟ طب ليه هاا؟

ليه تعلقني بيك طالما مش بتحبني؟ ليه دخلت حياتي؟ ليه اتجوزتني؟ ليه لعبت بيا؟ أنا ما أذيتكش في حاجة عشان تخوني؟ ههه، خونت... ني حتى قبل ما تتجوزني. جمال:ـ تالا أنا آسف، ما كانش قصدي. تالا مسحت دموعها وقالت بابتسامة:ـ عادي يا جمال، عادي... طلقني، كده كده مافيش حاجة بينا، إحنا لسه على البر. جمال بصدمة:ـ إنتي بتقولي إيه؟ إنتي واعية لكلامك؟ تالا بلاش تتهوري وتندمي في الآخر، الناس هتقول إيه؟

تالا:ـ تتحرق الناس، يتحرقوا. طلقني يا جمال حالا. ماجي:ـ أنا مش عارفة مستحمل واحدة نص عقل إزاي ده؟ أنت ربنا نجّاك منها. طلقها يا جمال، إنت مش شايف ولا إيه؟ شكل ولا أسلوب، ههه، حتى اللبس، في واحدة تخرج باللبس البيت؟ تالا جزت على سنانها بعصبية:ـ طلقني يا جمال بقولك. جمال:ـ إنتي طالق يا تالا، طالق. تالا بابتسامة:ـ شكراً، ربنا يوفقك. عن إذنك.

تالا مشيت من البيت اللي المفروض كان هيبقا بيتها. فضلت ماشية بشرود والدموع بتنزل على وشها. بعد وقت رجعت بيتها. الأم:ـ يعني إيه؟ تالا:ـ يعني أطلقت يا ماما، أطلقت. الأم:ـ الزاي؟ الزاي تطلقي؟ الناس هتقول إيه؟ إنتي فرحك بعد أسبوع، ليه يا تالا؟ أكيد طفشتيه من عاميلك، ما له حق. تالا قامت بصت لها بصدمة وغضب:ـ أنا سيبالك البيت عشان ترتاحي. الأم:ـ رايحة فين؟

تالا:ـ غايرة، في ستين داهية، غايرة. المكان اللي جيت منه عشان متشليش هم الناس لما يسألوا ليه؟ قولي كان عندي بت وماتت. تالا قامت مشيت راحت للسكن اللي كانت عايشة فيه. قعدت تعيط بانهيار وهي جواها بركان من الوجع، مش عارفة تعمل إيه ولا تحكي لمين. وحيدة، لا قادرة تحكي اللي جواها ولا قادرة تكتم وجعها. فاقت من ذكرياتها على صوت الفون. تالا:ـ نعم. فرح:ـ هو ده اللي مش هتأخر؟ ما يلا يا بنتي المعازيم قربت تيجي، هتسبني لوحدي؟ يلا.

تالا بنوم:ـ تمام، هفوق وهكلمك. قفلت معاها ورجعت نامت. بعدين صحيت نطت من على السرير:ـ يلهوي، ده فرح البنت النهاردة صحيح. لازم أجهز نفسي. اوفف، على النسيان ده. تالا قامت جهزت ونزلت راحت لصاحبتها. "بليل في القاعة" تالا:ـ ده إيه اللي جاب هنا؟ جمال:ـ إزيك يا تالا؟ ماجي حضنت دراع جمال:ـ إزيك يا روحي، أخبارك إيه؟ بتعملي إيه هنا؟ تالا:ـ فرح صاحبتي وأختي. ماجي:ـ عقبالك يا روحي، بس متنسيش تعزميني.

تالا ببرود:ـ طبعاً، ودي تجيء برضه قريب جداً. هعزمكم على فرحي، ما أنا هتجوز قريب جداً، بعد أسبوعين بالظبط، بيحبني جداً. جمال بصدمة:ـ ده اللي هو إزاي؟ إمتى؟ ومين ده؟ تالا:ـ ممم، مع إن مش مفروض أدخل، بس هقول لك. قريب جداً هبقى زوجته. ماجي بصدمة:ـ وات؟ أكيد بتهزري. تالا:ـ وهزر ليه؟ أنا أعرفك عشان أهزر معاكي. تقدم منهم شاب، تالا

مسكت إيده وقالت بابتسامة:ـ أقدم لكم حبيبي وشريك حياتي المستقبلي، مراد الهواري، خطيبي، وإن شاء الله هنتجوز بعد أسبوعين. مراد بص ليها بصدمة و...