رواية تالا المراد الفصل الثالث 3 - بقلم عائشة الكيلاني

مراد اتجه لماجي وجمال. تالا مسكت إيده: خلاص موافقة، بس ارجوك متكشفش سري. مراد لف ليها وابتسم ببرود: تمام، أنا كنت عارف إنك مش هتخاطري بشكلك قدامهم، زي ما قولت هنتجوز بعد أسبوع. تالا هزت راسها بيأس وسبته. بالليل في السكن. تالا في أوضتها نايمة على السرير وبتنزل دموعها من عيونها. تالا: مش ذنبي، مش ذنبي إني اتولدت كده، أنا مش مجنونة، أنا مش وحشة، أنا مش مجنونة، مش مجنونة. الو يا ماما.

الأم: في عريس متقدم ليكي وإحنا موافقين، شكله كويس وابن ناس، يعني مش هينادي لك أي حد. المهم تعالي بكرة عشان جاي هو وأهله، وحسك عينك تقولي له إنك مطلقة، إحنا مش ناقصين. تالا غمضت عيونها بزهق: تمام يا ماما، باي. قفلت مع مامتها ونامت. تاني يوم. كان مراد وأهله في بيت أهل تالا. تالا: أووف، هو لازم أنا يعني. الشغالة: للأسف يا توتو، المهم خدي بالك لا الصينية تقع منك. تالا خدت منها الصينية بملل: ربنا يستر.

تالا خدت الصينية وخرجت، دخلت الصالون قدمت للجميع العصير. اتجهت لمراد، كانت هتقع. مراد مسكها وهنا تتبادل النظرات. مراد سحب إيديه بهدوء: احم، اتفضلي اقعدي آنسة تالا. مامتها ابتسمت بسخرية. قروا الفاتحة وحددوا معاد الفرح، لبسوا الدبل. عد الأسبوع. واقفة بالفستان الأبيض والدموع في عيونها: أنا مش مطمنة، حاسة إن الفرح مش هيتم. فرح لفتها ليها مسحت دموعها: إيه النكد ده، تالا اهدى شوية ممكن. (مسكت إيديها)

مراد مش زي جمال المهزأة، بعدين في عروسة قمر تعيط يوم فرحها كده، يلا بقا اتأخرتي. تالا: يلا. بعد شوية. تم عقد قران مراد وتالا في قاعة أكبر فنادق في مصر. مراد واقف بيبص على تالا اللي دخلت القاعة مع أبوها. اتقدم منهم سلم على باباها وقبل جبينها. تالا مش مصدقة اللي بيحصل في حياتها، كأنها في عالم تاني. مسك إيديها ووقفوا على الستيدج. اشتغلت الموسيقى. حط إيده على خصرها، حطت إيديها على كتفه وبدأوا رقص.

مراد بهمس جانب أذنها: افردي وشك لحسن الناس تفتكر إنك مغصوبة. تالا رفعت عينها ولصت له بضيقة: أووف، تمام. بعد وقت خلص الفرح. في الجناح. تالا بتوتر: في موضوع كنت مخبياه عنك. مراد ببرود: بعدين يا تالا نتكلم بعدين. تالا مسكت إيده بغضب وعصبية: لا هنتكلم دلوقتي، لازم تعرف عشان متقولش إني كدبت عليك. مراد ربع إيديه: والله، مممم، طب سمعك. تالا

بتفرك في إيديها بتوتر: أنا وجمال مكنش فيه حب بينا، أقصد مكنش حب وبس، أنا وجمال كان مكتوب كتابنا بس انفصلنا قبل الفرح بأسبوع، يعني مطلقة، وخبّيت عليك عشان... جوزتي التانية متبوظش بسببي. مراد بص ليها و...