رواية طفلة عامر الفصل التاسع 9 - بقلم مريم محمد

كانت بتجري في الشارع وهي بتبكي. في الوقت ده، خبطت في شخص. بدر: طيف، في إيه؟ انتي كويسة؟ طيف ببكاء: ابعد عني، ابعد عني. بدر مسك طيف وفضل يهز فيها. بدر: في إيه؟ ردي عليا. في الوقت ده، طيف فقدت الوعي. بدر: طيفففففف. وشالها بسرعة وفضل يجري بيها لحد القصر. في القصر، طلعت الدكتورة من غرفة طيف. الدكتورة: متقلقوش، مفيش حاجة. هو بس فيه حاجة مزعلاها مش أكتر. بدر: شكراً يا دكتورة. ودخل عند طيف وكانت بتبكي. بدر: طيف، انتي كويسة؟

طيف ببكاء: اممم، آه. بدر: احكيلي حصل إيه. طيف وحكت لبدر كل حاجة. بدر: قصدك إن عامر بيحبك؟ طيف: آه. بدر: ولما كنتي بتجري، كنتي رايحة فين؟ طيف: معرفش، كنت مصدومة لدرجة مش عارفة رايحة فين. بدر: بس هو ممكن ييجي ياخدك، لأن هو ليه الحق فيكي وممكن يدخلك مني. لازم نفكر في حل مناسب. طيف: وانت ذنبك إيه؟ انت مالكش ذنب تفكر في حاجة مش تخصك. بدر: لا تخصيني يا طيف، لأني بحبك من أول مرة شوفتك. طيف: بتحبني؟

بدر: حبيتك من أول مرة شوفتك، لما فضلت تندهي على جدي. طيف بخجل: تمام، شكراً. بدر بضحك: وأنا أفهم إيه من "شكراً" دي؟ طيف: افهم زي ما تفهم. بدر بتوسل: طيف، عايز أسمعها. طيف: لا، مش هقدر. بس انت أكيد عارف مشاعري كويس. بدر بجدية: طب ندخل في المهم، لازم بكرة نكتب الكتاب عشان هو ميقدرش ياخدك لما تكوني مراتي. طيف: لا. بدر: إزاي لا؟ طيف: أتجوّز من وراه؟ بدر: أحسن ما هو ياخدك ويأذيكي. طيف: مهما حصل، عمو ميقدرش يأذيني مهما حصل.

بدر: اللي انتي شايفاه يا طيف. طيف: طب ممكن طلب؟ بدر: آه طبعاً، اتفضلي. طيف: تشوفلي شقة بعيد عن هنا عشان عامر لو جه ممكن ياخدني. بدر بيأس: تمام، بكرة إن شاء الله الشقة تكون عندك. طيف: لا لا، أنا هبدأ ألم هدومي عقبال ما انت تكون شفت الشقة. انهارده عشان أكيد عامر هاييجي انهارده أو بكرة. فعلاً، بعد تلات ساعات بدر جاب شقة، وطيف راحت ومعاها هدومها. طيف بصدمة: إيه ده! أنا كنت فاكرة الشقة فاضية.

بدر: أكيد مش هجيبلك شقة مش فيها عفش. طيف: مش عارفة أشكرك إزاي على كل اللي عملته معايا انت وشهد وجدو. بدر: ولا أي حاجة، أهم حاجة إنك كويسة. همشي أنا دلوقتي. راح بدر على القصر، واتفاجئ بعامر هناك. عامر: طيف فين؟ بدر: معرفش. عامر بتوسل: أكيد انت عارف، وكلكم عارفين مكانها. ونبي قولي مكانها. بدر: أنا قولت مش عارفين مكانها، ولو نعرف مش هنقولك.

عامر بضعف: والله أنا مش كنت جاي آخدها، أنا كنت جاي أديها حاجة وماشي. مفيش حد بيأذي بنته. بدر بسخرية: بنته؟ عامر: آه بنتي. أنا حسيت بالندم اتجاه أغلى اتنين عندي، بسبب حب التملك اللي أنا عايش فيه. بدر حس إن هو صادق. بدر: ورقة إيه؟ عامر: ورقة وووو...