رواية طفلة احتلت كياني الفصل التاسع 9 - بقلم منة حماده

وفجأة بسمع صوت رصاص ورجالة ملاك كلهم بيموتوا. بتلاقي واحد حاطط مسدس على راس نور. ملاك: كتر خيرك والله، كنت لسه هموته. بس أنا وأنت واحد. عن إذنكم أنا بقى. ولسه بتلف بتلاقي واحد حاطط مسدس في وشها. ملاك: أي ده بس يعمهم، ده أنا وأنت هدفنا واحد يا جدع. نور: اهو هتموتي معايا. ملاك: وحياة أبوك أنت وهو، سيبوني أموته. الشاب: اسكتي بقى لحد ما المعلم يجي، صدعتيني. ملاك بتعمل نفسها أغمي عليها. نور بيتخض: ملاك! ملاكي! مالك؟

في إيه؟ الشاب: اجري هات مياه، مستني إيه؟ شاب تاني: الباشا قال البنت ما يحصلهاش حاجة. هات مياه بسرعة. وفي لحظة ملاك بترفع المسدس وبتضربه في قلبه. ونور بيضرب التاني. ولسه هيهربوا بيظهر واحد قدامهم. مجهول: لا برافو. مجهول: برافو يا ملاك، طلعتي ذكية. من تلات سنين كنتي قطة مغمضة. نور وملاك بصدمة: أدهم! أدهم: متتصدموش كده. لسه المفاجأة الحقيقية. أدهم: اربطهم وخذهم على المصنع المهجور. آه والبضاعة دي تلزمني. نور: أدهم!

أنت بتعمل إيه؟ أدهم: هتعرف دلوقتي. ملاك: هو ده أخوك وحبيبك؟ البس بقى. دي مشاكل عيلة مع بعض. أنا مالي. ده أنا حتى كنت بقول عليك جنتل وابن ناس. أدهم: خدهم. عند سليمان. أسيل: متقلقش يا انكل. سليمان: مقلقش إزاي بس، اتأخر أوي. وبعد وقت في المصنع. أدهم: ها، تحبوا أبدأ بمين فيكم؟ نور: سيبها تمشي يا أدهم. أدهم: إيه؟ نسيت؟ مش دي اللي أهلها قتلوا أمك؟

طب سيبك من ده كله. أنا هقولك الحقيقة قبل ما تموت. أنت هتسامحها، لكن هي هتكرهك. وأنا وهي هنتجوز. نور بيتعصب: متجبش سيرتها، فاهم؟ أدهم: طب أنا هقول الحقيقة وهي تشوف بقى مين حبيبها. عارف مين قتل أمك؟ مش أبو ملاك. أدهم بضحكة شر: أنا وعمك اللي هو أبويا. عارف قتلناها ليه؟ عشان عرفت إن بابا بيسرق أبوك في الشركة. نور بدموع: بس بس، إزاي؟ إحنا شوفنا أبو ملاك وهو بيقتلها. أدهم بيضحك: ده فيديو مفبرك. إيه دخل عليك؟

أما أنت بقى يا ملاك، هو قتل جدك وستك ومامتك وعمتك. قتلهم في حادثة. واتحرمتي من عيلتك بسببه. ملاك الدموع بتنزل من عينيها. أدهم: أنا بقول كفاية حزن. مقدرش أستحمل دموعك يا ملاك. طب تعرفي أنا اللي ضربتك بنار عشان متتجوزيهوش، بس مكنتش أعرف إنك حلوة كده. وفجأة بتحصل حاجة الكل بيتصدم منها.